ida_lau1220's Profile

近排天氣凍咗，就諗起打邊爐，呢間火鍋店位於油麻地，交通方便，餐廳以港式養生火鍋為賣點，環境雅致，落地玻璃視野開陽，坐得好舒服，我哋喺OpenRice 訂左養生火鍋二人晚市套餐$678，呢個價錢就食到新鮮嘅海鮮拼盤同埋手切封門柳，CP值都唔錯👍🏻唐老鴨湯底燉老鴨湯底味道濃郁唔油膩，入面有素翅、紅棗、杞子、冬菇同蘿蔔，大大隻鴨髀煲到好腍，用料十足，健脾祛濕好養生呀👍🏻海鮮拼盤全部海鮮都好新鮮，尤其蝦同鮑魚夠大隻，彈牙又鮮甜 ❤️手切封門柳封門柳油花少但牛肉味濃郁，肉質嫩滑👍🏻三寶丸（蝦丸、花枝丸、牛丸)全部都係手打，爽口Q彈，尤其花枝丸好彈牙而且真係食到一粒粒花枝，好鮮味❤️韭菜餃拼蟹肉餃皮薄餡靚，每隻餃子都好飽滿好多餡，蟹肉餃出面少見值得試👍🏻響鈴都幾鬆化，只需要淥2秒就可以食得手打烏冬套餐可以揀出前一丁，不過更喜歡手打烏冬嗰種Q彈口感，打邊爐一流田園菜籃蔬菜新鮮仲有兩杯無酒精飲品可選擇，包括可樂/無糖可樂/忌廉/竹蔗茅根水椰汁雪燕糖水有好多雪燕好正，椰汁味濃郁，食完即刻滋潤又養顏，好滿足呀🥰美味指數🍽：9/10 環境指數📸：8.5/10整體表現💜：8.5/10CP值指數😎：9/10…Read More

餐廳環境舒適寬敞，平日去都有好多客人，食物多款式，仲有好多特色飲品添芝士明太子玉子燒 $98玉子燒份量十足，蛋保留蛋汁都幾滑溜，入面嘅芝士少少流心，上面超多木魚、明太子同埋魚子醬，口感非常豐富扒日本豚肉 220克•肉桂蘋果醬•烤南瓜• 法邊豆 $178豚肉非常厚身，唔算Juicy但係亦唔會韌，side dish超驚喜，豚肉配合蘋果肉一齊食，甜甜地增加層次SIX CHEESE PIZZA $128有六種唔同嘅芝士，芝士味都幾濃郁，好欣賞佢個餅底好脆，另外可以淋少少蜜糖喺上面，甜中帶芝士鹹香又有另一種風味Floating Fantasy $62三層layers好靚，底層係pineapple juice加乳酸梳打，中間係espresso，上面嘅奶蓋奶味濃郁好creamy好正，酸味同咖啡味好balance，好飲又精緻嘅特飲Matcha Lemonade $58抹茶加lemonade呢個配搭好特別，抹茶味濃郁，帶少少酸，都幾過癮Coffee Jelly Affogato $78咖啡香濃帶少少酸，入面嘅咖啡味啫喱好滑溜，咖啡混落雲呢拿雪糕到溶溶地口感更順滑美味指數🍽：8.5/10 環境指數📸：8.5/10整體表現💜：8.5/10CP值指數😎：8.5/10…Read More

如果想同我一齊感受吓充滿儀式感及仙氣嘅omakase，咁就一定要試吓呢間花晨月夕，餐廳環境以灰黑色為主，高雅型格。師傅用專業嘅巧手，細心製作每一款刺身壽司，用材新鮮上盛，每道菜都非常別緻及高質，尤其喜愛海膽嘅朋友絕對不能錯過❤️Omakase Moon $1580先付海之幸胡麻酢啫喱前菜賣相好吸引，入面嘅鮑魚嫩滑彈牙、日本海蜇爽脆、鮮甜嘅松葉蟹棒及沙白、日本地膚子好似魚子醬咁口感彈牙，整體口感豐富，配上口感滑嫩嘅胡麻酢啫喱，酸酸地，相當開胃❤️刺身五款真鯛魚薄切充滿玩味嘅環節，師傅用液態氮及食用番梘製造氣泡波波，一路望住佢由細變大然後爆開，真係超夢幻呀😍真鯛魚味濃郁又富油脂，肉質緊緻，入口爽彈，入面捲住嘅蝦蓉好嫩滑，上面加左竹炭海鹽同魚子醬，整體味道更突出❤️兵庫縣生蠔生蠔非常飽滿，帶少少海水味，肉質鮮甜肥美，口感清爽❤️海膽三文魚子杯用上北海道鹽水海膽，海膽味清甜，質地非常順滑，配合三文魚子一齊食，鹹鹹地，口感味道一流❤️黑鯥非常矜貴嘅食材，肉質肥美鮮甜，含豐富油脂，師傅會先將剌身連皮微灸以逼出油脂，令口感更滑嫩鮮甜，增加層次感👍🏻北海道毛蟹配海膽毛蟹非常鮮甜，蟹膏濃郁，加埋清甜Creamy嘅海膽一齊食，味道更加昇華，仲可以捲埋紫菜一齊食又係另一種風味❤️御科理A5十勝和牛燒和牛肉質嫩滑，油花分布平均，牛味重，配上海膽，同下面朔咗肉汁軟糯嘅道明寺，每一啖都極之享受❤️寿司十貫富士山白三文魚 - 魚肉呈粉紅色，食落爽口，魚味濃郁刺身級別銀鱈魚 - 肉質幼滑肥美，魚油豐富❤️右口魚 - 肉質滑溜清甜，上面係火炙過嘅魚邊，油份更多，入口濃郁甘香，有兩種唔同嘅口感伊佐木 - 口感柔軟，味道鮮甜帆立貝 - 超大隻，鮮甜爽口，師傅加咗啲青檸汁味道更加清新，好滿足❤️地蛤 - 蜆類嘅壽司，肉質爽口，貝味濃郁新鮮鯖魚 - 油脂豐富，肉質結實肥美❤️金木雕 - 肉質結實有彈性，經炙燒後焦香嘅味道，加上魚油嘅香氣，十分美味大拖羅 - 大大件，超級肥美，入口即溶，超正😋海膽手卷赤上馬糞海膽配上淡雪鹽，從未試過份量咁巨大嘅海膽壽司，超震撼，海膽味道非常濃郁好Creamy，每一啖都衝擊味蕾，師傅會喺你面前灑上金箔，極之奢華❤️吸物蜆湯 - 湯底好清甜，蜆肉大粒飽滿甜品最後以非常香甜多汁嘅靜岡赤肉蜜瓜及澳洲黑糖波子提子，完美結束我呢次omakase體驗❤️總括而言，呢個價錢可以食到咁多矜貴嘅食材，加上充滿驚喜嘅打卡位，視覺同味覺享受，真係物有所值，好適合喺度慶祝生日，我已經推薦俾身邊嘅朋友啦🥰美味指數🍽：9/10 環境指數📸：8.5/10整體表現💜：9/10CP值指數😎：9/10…Read More

晚餐想食得健康唔想咁heavy，就諗起石磨樂豆，第一次食係喺啟德零售館，當時叫咗三色芋圓豆腐花，味道唔錯，所以今次encore就嚟咗圍方分店😆招牌沙嗲牛肉吐司 $39必食推介，見到可以轉牛角包梗係要試吓啦，牛角包即叫即做，黎到嘅時候係熱辣辣，外脆內軟，仲有好香嘅牛油味，招牌沙嗲牛肉沙嗲味濃厚，牛肉好腍，每一啖都好享受❤️三色芋圓布甸 $32芋圓好Q Q，布甸充滿豆腐味，甜度適中，而且份量好多，抵食又飽肚👍🏻樽裝木瓜雪耳雪梨豆乳 500ml $36木瓜雪耳加雪梨口感清爽，鮮甜又滋潤，係一個好香濃嘅豆乳飲品👍🏻奶蓋芋泥小丸子（凍）500ml $39芋泥細膩軟綿，有淡淡嘅芋頭味，小丸子都幾煙靭，奶蓋香滑，整體味道層次豐富👍🏻欣賞品牌30年來都堅持每晚浸豆、每朝煮豆，對營養同味道都十分之講究，間中仲會推出季節/期間限定款，如鹹蛋黃碎蛋吐司/蝶豆花茉莉豆乳凍/川貝枇杷膏豆腐花，甜品控嘅朋友又想食得健康，石磨樂豆絕對係值得一試👍🏻…Read More

呢間人氣甜品畫碟餐廳，無論環境同食物質素都相當有水準，當日就見到好多客人都喺度慶祝生日，我地冇特別要求畫碟服務，但甜品擺盤亦都相當精緻❤️泰式柚子蟹肉沙律 $108有好多唔同種類嘅沙律菜，上面鋪左滿滿嘅蟹肉同蟹籽，柚子酸酸甜甜，口感豐富，沙律汁帶點辣，超開胃，值得推介👍🏻北海道帶子海膽醬意大利燉飯 $228盤邊嘅花瓣點綴得好靚，北海道帶子鮮甜嫩滑，加上魚子醬同埋三文魚子，味道同口感都增加左層次感，每一啖意大利飯都食到好Creamy好濃郁嘅海膽醬超正👍🏻牛面頰墨西哥芝士餡餅 $148牛面頰墨西哥芝士餡餅嘅外皮金黃酥脆，內餡有青椒紅椒洋蔥及又軟又香濃嘅芝士，牛面頰肉質軟嫩，真係超豐富，搭配旁邊嘅cream cheese及牛油果醬，尤其牛油果超甜超滑，點餡餅食真係好match好有驚喜❤️焦糖無花果伯爵奶蓋巴斯克芝士蛋糕 $98原本想食開心果味，可惜售罄，好鍾意蛋糕上面有玫瑰花、無花果乾及其他生果乾，口感豐富，芝士蛋糕幾軟滑，食到淡淡伯爵茶味，雖然冇畫卡通公仔，但擺盤亦都相當精美。總括而言，食物有水準，環境闊落坐得舒服，絕對係慶祝生日嘅好地方👍🏻 提提大家，畫碟服務要另加$35，記得book枱嘅時候同職員講聲呀🥰美味指數🍽：9/10 環境指數📸：8.5/10整體表現💜：8.5/10CP值指數😎：8.5/10…Read More

呢間位於尖沙咀嘅隱世居酒屋主打燒鳥，初頭以為淨係雞類會比較單調，但其實有好多雞嘅部位同內臟可以選擇，甚至乎一啲稀有嘅部位都有，真係非常講究，食材亦非常新鮮，加上師傅用心炮製，真係每一串都好有水準好回味呀👍🏻餐廳裝修日式木系feel，我哋被安排到坐Bar枱，可以睇住師傅燒串燒都係一種享受，仲有室外座位，啱晒一班朋友聚會，感覺都好chill👍🏻餐廳提供五款調味粉，包括七味粉、紅椒粉、咖喱粉、綠茶粉及茶山椒，可以配搭唔同嘅串燒，增添另一種風味。燒鱈魚乾 $48魚味夠鮮，燒得好脆好香口，點沙律醬無敵😋雞上髀肉 $38雞肉好嫩滑好juicy雞心 $38好鍾意食雞嘅內臟，雞心係我最愛之一，口感彈牙好味😋雞頸肉 $38燒得剛剛好，配合醬汁，好Juicy好味道❤️水牛芝士煙肉卷 $48水牛芝士芝士味好濃郁，入面有個菜葉，增加口感帶點香葉味，煙肉唔會燒到好乾，整體味道鹹鹹地好惹味👍🏻唐辛子 $38青辣椒微辣，燒到焦香亦保持水份，同木魚一齊食好夾糯米雞肉棒 $48糯米燒到脆卜卜，出邊嘅燒汁同埋紫菜係靈魂所在，入面嘅免治雞肉好juicy，食落有層次，好特別嘅串燒，有驚喜❤️福岡秋葵 $38呢個係我食過咁多次最好味嘅一次，口感唔會太滑潺潺，同埋佢嘅醬汁好入味雞皮 $38雞皮微微燒焦，脆口又帶點彈性，好味😋醬油飯團 $38呢個飯團超級推介，外面嘅米飯燒到脆卜卜，入面飯粒軟熟，熱辣辣，不得不讚佢嘅日式醬油，真係好好食❤️抹茶蕨餅 $38蕨餅好QQ， 抹茶粉香濃，最佳嘅甜品總括而言，係一間用心經營嘅隱世小店，用餐當日係平日，室內都坐滿客人，相信都儲落一班熟客，舖頭座位唔算多，建議大家去之前要book定位呀😊美味指數🍽：9/10 環境指數📸：8/10整體表現💜：8.5/10CP值指數😎：8.5/10…Read More

呢間餐廳環境幽靜坐得好舒服，啱晒同朋友gathering，餐廳裝修係我喜愛嘅粉紅色，牆上有好多得意好sweet嘅掛畫，有一種浪漫又relax嘅感覺，好啱打卡❤️餐牌主要係set dinner，選擇都唔少，一律$228，前菜可選餐湯或者沙律，包咖啡或茶，亦可以加$30有特色咖啡或者餐酒，最後仲有時日甜品🥰性價比都唔錯👍🏻我地叫左兩個set dinner, 分別選了是日餐湯同埋沙律，粟米湯唔算好濃郁，飲到啲粟米碎，上面啲麵包好脆👍🏻沙律落咗好多柚子沙律醬，每樣生果沙律菜都好鮮甜，桃駁李好食，好開胃❤️西班牙海鮮飯材料豐富，份量夠多，青口都算大隻，西班牙飯本身飯粒較硬身，粒粒分明，成碟飯色彩繽紛好靚呀👍🏻烤法國油封鴨腿配香橙八角鴨肉汁呢個油封鴨值得推介，我地影完一陣相都仲keep到皮脆，鴨腿肉質鮮嫩，啖啖肉，醃得好入味，好欣賞配菜有啤梨青提加上醬汁酸酸甜甜咁，同鴨腿好夾好味😋兩杯咖啡拉花都好靚，尤其Rose latte，天鵝心心拉得好細緻，味道方面我亦比較鍾意Rose latte，佢選用巴西豆，咖啡味比較濃烈同埋飲得出淡淡嘅玫瑰味，層次分明❤️另外一杯係Caramel latte，用哥倫比亞咖啡豆，可能烘焙較淺，味道較淡，不過唔會好甜。甜品方面，朱古力蛋糕texture夠濕潤，朱古力味濃郁，要一讚嘅就係佢生果伴碟全部都好新鮮好味👍🏻美味指數🍽：8/10 環境指數📸：8.5/10整體表現💜：8.5/10CP值指數😎：8/10…Read More

唔使北上就可以食到正宗嘅酸菜魚，呢間「太⼆老壇⼦酸菜⿂」喺內地人氣爆燈，12月終於正式進駐香港，一開就開4間分店，包括沙田、啟德、九龍塘及尖沙咀分店。今次我黎到沙田店，裝修⿊⽩灰為主，融入版畫元素好有特色，而且座位寬闊，坐得好舒服。老壇子魚酸菜魚1至2人份 $258另加脆豆腐 $20一碗白飯 $12有別於一般嘅酸菜魚餐廳，呢度主打「酸菜比魚好吃」，酸菜魚更得一款口味，堅持「酸菜⿂就⼀種味道，就⽤⼀種⿂、⼀種辣度，不加辣也不減辣」。雖然冇得揀辣嘅程度，但佢嘅辣度同麻度都好適中，冇諗過湯底係可以就咁飲都咁鮮甜而又帶少少麻辣，湯撈飯又或者酸菜魚同飯一齊食真係好好送飯👍🏻佢地自家研製嘅酸菜，⼝感爽脆，酸度適中，⼗分開胃。⽽⿂肉選⽤鱸⿂，⾁質緊實，鮮味嫩滑。脆豆腐口感似魚旦片，爽滑又彈牙，同酸菜魚好match👍🏻大滿貫小吃拼盤 $82有選擇困難嘅我，呢個「⼤滿貫⼩吃拼盤」就啱晒我，有川式經典小酥肉、炸雞翼、薯粒及蝦片，點上麻辣粉同蜜糖芥末醬更加惹味😋夫妻肺片 $58口感爽嫩，味道麻辣濃香，感覺辣嘅程度勁過酸菜魚少少，越食越麻辣😛蛋酥軟糍粑 $58加入蛋漿去炸嘅糍粑都係第一次食，確實多左蛋香味，糍粑外脆內軟，配黃豆粉同黑糖漿，煙韌香甜❤️好喜歡飲品區，可以自己沖泡陳皮洛神花茶 ，用返佢建議嘅份量就恰到好處，真係飲得到陳皮嘅甘香👍🏻每枱仲有一個求籤筒，我同朋友都有玩下求籤🤣不失一個娛樂👍🏻美味指數🍽：8.5/10 環境指數📸：8.5/10整體表現💜：8.5/10CP值指數😎：8.5/10…Read More

約咗朋友去大圍食飯，大家又唔係好肚餓，所以就揀咗呢間居酒屋，可以食吓小食傾吓偈。餐廳木系裝修，有好多日式嘅擺設，而且樓底高，空間感十足，當日都幾full，所以我哋被安排到吧枱坐，感覺更加地道。胡麻豆腐蕃茄沙律 $78沙律菜新鮮，蕃茄爽甜，配嫩滑嘅豆腐及胡麻醬好夾好fresh👍🏻三色腐皮海賊 $98生吞拿魚蓉、蟹膏蟹肉、角切三文魚粒食材新鮮豐富，配上甜甜嘅腐皮，三款口味味道都唔錯👍🏻豚肉韮菜卷 $42豚肉燒得香脆，韭菜燒得啱啱好唔會乾，兩樣夾埋口感十足👍🏻牛油果軟殼蟹手卷 $58軟殼蟹算大隻多肉，炸得酥脆，配牛油果蟹籽口感豐富👍🏻野菜天婦羅 $78番薯、菇、南瓜、青椒、茄子炸粉唔會好厚，好鬆脆，野菜亦保持Juicy👍🏻日式茶碗蒸 $28@蛋蒸得好滑，蛋味香濃👍🏻一路食嘅時候見到好多特別又精緻嘅菜式上菜比其他客人，所以我覺得可以再次到訪，試吓其他菜式啊❤️美味指數🍽：8.510 環境指數📸：8.5/10整體表現💜：8.5/10CP值指數😎：8.5/10…Read More

近期越多越多人食烤魚，口味都係以麻辣為主，所以一定要約啲食得辣嘅朋友，今次就去試下小魚兒🐟🐠呢間餐廳裝修有特色，用魚同霓虹燈做主題，主打烤魚同雞煲，仲有其他小食串燒都同樣出色❤️烤魚有四款種類，醬汁口味九款可供選擇，辣同埋麻嘅程度都可以自己選擇。我地揀左BB辣BB麻，但比想像中辣，不過食食下習慣左就冇咁辣😆江團魚 $348 （醬爆鳳梨香辣豆花+$18）魚嘅肉質肥美、油份重，含膠原蛋白，好養顏❤️ 啖啖肉唔算太多骨，連魚皮都煎得好煙韌好滑👍🏻配料豐富，有豆腐、萵筍、芽菜、洋蔥、木耳、寬粉，豆腐好滑嫩，寬麵好彈牙，吸埋湯精華好正呀👍🏻 仲有大量蔥、芫茜、蒜蓉，成個湯底更加惹味👍🏻 鳳梨酸甜又多汁可以中和返個辣味❤️黑牛柏葉 $98打邊爐最佳配搭，唔使淥太耐，口感爽脆，吸左啲湯精華好正👍🏻燒牛舌心串（孜然）$38肉質鮮嫩，口感爽彈又juicy，孜然粉好入味好香口👍🏻椒鹽豆腐 $68豆腐好嫩滑又夠豆味，炸漿唔厚，一啖一粒，惹味又唔油膩😋荔枝乳酸爆珠梳打 $38草莓乳酸爆珠梳打 $38酸酸甜甜嘅梳打飲品，可以解辣❤️餐廳食物有水準，呢個份量兩個人食得好飽好滿足❤️ 仲有而家透過社交平台進行網頁訂位，即可享有限時折扣優惠添美味指數🍽：9/10 環境指數📸：8.5/10整體表現💜：9/10CP值指數😎：8.5/10…Read More

天氣涼涼地自不然會諗起打邊爐，平時多數都係食港式、四川或者台式火鍋，重慶火鍋都係第一次，估唔到佢嘅食材夠晒特別、別有一番風味🤩一坐低職員就比一碗紅棗雪耳糖水客人潤一潤喉，味道又唔錯喎❤️ 唔算食得太辣嘅我唔夠膽挑戰麻辣九宮格，所以叫咗鴛鴦火鍋，普通麻辣 $76 +養生花膠雞鍋（加20/位），麻辣湯底麻味適中，辣味都頗勁，花膠雞湯真材實料，雞件嫩滑，花膠都幾大塊，仲有杞子，蟲草花，味道鮮甜，記得飲咗湯先好打邊爐呀😋醬料（$20/位），比起台式火鍋簡單好多，重點係香油，加蒜蓉少少醬油同蔥粒，可以減低辣度同埋提升食材香味👍🏻嫩牛肉(半份）$48必食推介，味道濃郁，好腍，滑捋捋 ，口感一流😍美國Prime牛小排(半份）$138雪花分佈平均，肉質鮮嫩👍🏻藤椒牛舌(一份) $108第一次食咁薄身嘅牛舌都覺得咁好味，口感特別爽彈，超愛😍安格斯牛板翼（半份）$98肉質嫩滑，有嚼勁👍🏻美國桶蠔（半份）$98必食推介，Size 巨大，淥完之後依然脹卜卜好飽滿，非常鮮甜，一啲都唔腥，啖啖肉好正😋珊瑚蚌（半份）$68好新鮮，口感爽脆又彈牙👍🏻小郡肝串串（一份）$48重口味之選，其實佢係醃咗嘅雞腎，肉質彈牙有口感，辣辣地好惹味😍鰻魚（白鱔）（半份）$58新鮮又肥美，口感爽彈👍🏻現炸豆皮（半份）$38淥完朔晒啲汁好惹味❤️餐廳7週年做緊添飲優惠（優惠期去到11月7日），凡惠顧一杯四大天王特飲或者Sapporo七寶札幌生啤，就可享無限添飲優惠👍🏻我哋每人叫咗一杯嘢飲，分別係水仙烏龍檸檬茶$48，洛神花鮮橙特飲$48，最後添飲衝上雲霄百香果雞尾酒（含酒精），只係每人$48就可以任飲大大杯嘅特飲，真係非常之抵😁最後餐廳送咗一碟莆田柚比客人享用，柚子多汁又清甜，食得咁豐富，可以解膩，幫助消化😁總括而言，所有食材都非常新鮮，海鮮類出色，菜式選擇亦多，火鍋湯底價錢超值，好鍾意菜式可以點半份，啱晒我呢啲鍾意試不同款式嘅人😆欣賞每碟菜式都有一個標籤提示淥幾耐，咁就確保喺最佳嘅時間享用👍🏻職員亦都好細心講解菜式同埋醬料嘅配搭。餐廳環境好寬敞，可以對住海景打邊爐嘆美食，真係好enjoy❤️呢個份量我哋兩個人食得好飽肚好滿足呀🥰美味指數🍽：9/10 環境指數📸：8.5/10整體表現💜：9/10CP值指數😎：8.5/10…Read More

打邊爐就打得多，未試過一路打邊爐一路可以嘆住冷氣感受露營嘅氣氛😆呢間以camping做主題嘅火鍋店位於朗豪坊對面商場，地點超方便，環境相當闊落，仲有好多打卡位，初頭以為camping櫈會坐得唔舒服，點知一坐低就有種好chill嘅感覺，真係夠晒特別❤️夭麻川芎藥膳魚頭湯底 $298火鍋未滾起已聞到陣陣藥膳味好香，見到咁大個魚頭真係好吸引，入面仲有豆腐、紅棗、紅蘿蔔、芹菜等等，湯底好清甜，魚頭啲肉好滑，我同朋友不禁飲咗兩大碗湯先開始打邊爐😆日本廣島蠔(4隻）$88好肥大飽滿，好新鮮，蠔味頗濃👍牛骨髓 $68牛骨髓本身冇乜味，不過打邊爐朔左啲湯汁，軟軟滑滑咁都幾滋味👍手切牛肉拼盤（大）$498牛魔王嘅我哋當然想試唔同款式部位嘅牛啦，而呢個拼盤就啱晒我哋啦😍拼盤有本地手切騙牯牛肉、日本和牛、手切安格斯牛小排、安格斯牛粒、穀飼牛舌片、牛展、花雕牛，共7款😍咁多款嘅肉質都好鮮嫩，牛味濃，最喜歡嘅一定係日本和牛，真係入口即溶，另外安格斯牛粒啖啖肉牛味超濃，牛展平時好少叫，肉質比較紮實，牛舌好爽脆，但個人喜歡厚切😬而花雕牛嘅酒味好重，都幾特別❤️總括而言，食物質素唔錯，牛肉有水準，真係一分錢一分貨😆下次可以試吓其他湯底，我覺得都好吸引，同埋好適合朋友聚會，可以慢慢坐慢慢傾👍美味指數🍽：8.5/10 環境指數📸：8.5/10整體表現💜：8.5/10CP值指數😎：8/10…Read More

想同朋友食下飯又可以飲吓嘢relax下，自不然都會諗起太子酒吧街。呢間餐廳多年前曾經到訪，食物依然保持水準，價錢合理之餘，份量仲唔細，我哋二人叫咗一個main course再加小食、沙律，放滿全枱，最好食到好飽好滿足呀😆❤️Blue Diamond $82Fresh Lychee, Lychee, Lime Juice, Vodka, Blue Curacao我發覺我Cocktail嘅喜好原來都係離不開荔枝味🤣不過每間餐廳都有佢嘅特色，呢杯藍色整得好靚好有層次感，味道都係酸酸甜甜，酒味唔算濃好易入口，上面粒荔枝好大粒好甜❤️Lychi Mojito $108Mint Leaves, Lime Juice, Syrup, Rum, Soda Water, Lychi朋友叫左呢杯mojito，其實都唔需要多介紹，好多人都飲過，不過呢杯見到佢咁多薄荷葉就知佢薄荷味比較重😆BLACK PINK炸雞 （4隻 ）$78值得一讚嘅就係我哋影咗一陣相佢仍然保持脆口，雞肉都好嫩滑，black pink粉紅色醬汁顏色好sharp，食落微酸但味道唔太出，不過同雞鎚一齊食都算幾夾👍香芒蟹肉沙律 $98色彩繽紛睇見都好開心好開胃，中間有好多香甜嘅芒果肉同埋都唔少嘅蟹肉，加埋沙律菜配黑醋汁，材料豐富，正呀❤️日式焗生蠔 $48 呢個價錢食到兩隻芝士焗生蠔，相當抵食👍鵝肝多士 （追加）$64 呢個鵝肝好厚身，好肥美，多士好脆，上面少少黑醋汁可以減少佢嘅油膩感，好食❤️黑松露炒野菌 （追加）$58上面鋪滿黑松露醬😍野菌同雜菜炒得剛剛好👍炭燒美國安格斯牛肩胛 （五成熟、燒汁 ）$168唔好睇佢賣相一般，其實佢肉質都好鮮嫩，牛味都幾出，仲有少少咬口，side dish有薯蓉配上羅宋湯味嘅雜菜，配搭夠晒特別又美味😋燒汁調校得幾好，不過我更鍾意原汁原味，點少少海鹽就已經帶出佢嘅牛味啦❤️美味指數🍽：8.5/10 環境指數📸：8/10整體表現💜：8.5/10CP值指數😎：8.5/10…Read More

觀塘多特色Cafe好多人都知，但冇諗過會有一間裝修咁有格調嘅法國餐廳😍位置喺觀塘同牛頭角中間嘅上樓餐廳，餐廳地方十分寬敞舒服，有個好chill嘅梳化位可以打卡，氣氛好寧靜，好適合情侶閨蜜約會同埋慶祝生日，餐廳仲設有私人大房，可以搞小型function或者一大班人gathering👍今次我哋叫咗兩個set dinner，包括頭盤、餐湯、主菜、甜品及餐茶，然後再叫兩杯Cocktail🍹🍸餐包 有兩款唔同嘅餐包，暖暖地好鬆軟。鯷魚車厘茄沙律 鯷魚味道鹹鹹地，唔會好腥，沙律菜好新鮮，配埋黑醋汁一齊食酸酸鹹鹹咁原來好match❤️同埋有銀白色嘅鯷魚點綴感覺更加精緻❤️蟹沙律酥皮撻 擺盤好別緻，酥皮又薄又脆，細細件但係蟹肉都唔少，開胃又好食❤️龍蝦湯（+$18 ）非常香濃，飲得出有龍蝦殼嘅味道，入面嘅龍蝦肉都好新鮮彈牙，好味❤️法式洋蔥湯 洋蔥湯有好多洋蔥，飲落好鮮甜，加上面頭有用芝士焗嘅麵包，芝士嘅鹹香令到成個湯更加濃郁❤️熟成21日阿根廷西冷配法式賓利士汁 $388西冷牛扒肉質鮮嫩，口感爽彈有嚼口，牛味濃，好鍾意佢外面燒得好香口，鹹鹹地好惹味😋Side dish係醃酸咗嘅青瓜同埋好爽脆嘅蘆筍，配搭新鮮❤️燒黄油春雞配羊肚菌黑松露汁 $328 雞髀位置好嫩滑，雞肉有少少鹹味唔會淡茂茂，薯蓉味道比較淡但質地滑順，配黑松露汁更好食。Flamingo $68（cranberry Jus, Orange jus, Gingle Ale）Le Monde Rainbow $78 (Gin, Blue Curacao, Orange jus, Cranberry jus)兩杯味道差不多，Flamingo似Fruit Punch酸酸甜甜幾好飲😆 Le Monde Rainbow就比較甜，酒味濃啲，打卡一流❤️Dessert of the day榛子蛋糕都幾重榛子味，唔會好甜，食落好鬆軟，側邊仲有榛子粒，口感會再豐富啲。仲有用焦糖香蕉做裝飾，食得又睇得👍另外伯爵茶曲奇餅都好鬆脆呀👍整體而言，食物質素有水準，環境舒服，以法國菜來講，價錢非常合理，不得不提兩位男職員服務態度好好，有時會講吓笑話同我哋打成一遍，呢一餐飯食得好開心啊❤️美味指數🍽：8.5/10 環境指數📸：8.5/10整體表現💜：8.5/10CP值指數😎：8.5/10…Read More

呢間豆漿大王位於新蒲崗工廠區，店舖位置有少少難搵，但仍有好多人都會為咗食粢飯而來，其中一個就係我啦😆粢飯 $18 （凍豆漿加$9）粢飯黎到係熱辣辣，米粒煙韌有咬口，入面有榨菜、肉鬆同油炸鬼，鹹香味十足，油炸鬼脆卜卜值得一讚，仲可以按口味追加，下次一定要試吓全加料，多啲餡料再豐富啲好味啲😆豆漿豆味濃郁，入口順滑👍酸辣淨水餃 $36自家製水餃用上韭菜豬肉作內餡，菜同肉嘅比例剛剛好，內裡保留肉汁夠Juicy，餃子皮厚度適中。酸辣湯個酸辣味唔錯，啲湯唔會稀溜溜， 配料仲要超多👍總括而言，CP值高，食物質素唔錯，難怪多年來人氣高企👍我見好多人都會外賣粢飯喺餐廳門口食😆美味指數🍽：8.5/10 環境指數📸：7/10整體表現💜：8.5/10CP值指數😎：9/10…Read More