IaMaNPY's Profile

星期五放工貪方面黎VCity覓食見呢間無人排隊唔洗等位就試下入去見到都有8成枱滿左問左姐姐就話9點last order肚餓得制未齊人就落左份酸菜魚先👉酸菜魚啲魚好夠滑嫩 肉質唔鞋夠爽可惜個湯調味唔夠酸 微辣底下仲有啲幼薯粉 一般仲見OpenRice有人嗌 額外嗌左份👉外婆炒飯 好食 7/10 但無特別出眾話一定要嗌黎食👉牛肉包 5/10 食過清真牛肉館返唔到轉頭 包皮唔夠脆香 淨油 啲肉就唔差 但都唔出眾👉蘭州牛肉麵 幾夠臊味 唔差👉紅糖糍粑 很喜愛 熱辣辣 夠軟熟甜味👉芝麻糊芋圓 可以不必嗌 甜到漏 是超市即溶芝麻糊果種 芋圓都小小煙韌嘅 真係不必嗌整體而言 野食質素ok 咁樣野最後埋單都成$700兩個人 係嗌多左野食嘅 嗌到3-4人份量咁 同埋都食淨2/3碟飯 同1/5份酸菜魚 同 甜品其他掛住食無影到相🤣🤣原來茶位都計錢…Read More

行完街好肚餓 3點3黎到厚福街搵食見到佢有午市同下午茶都幾抵食坐低嗌左碗 黑蒜湯雞米線 加 豬軟骨我會話 黑蒜湯底本身都幾濃味 好味敗筆加左$12叫了豬軟骨無估到佢竟然係五香肉丁味嘅豬軟骨。。。仲以為係似雲桂香果隻佢呢個豬軟骨 係連骨都淋嘅 質感ok但個味道係甜甜酸酸咁。。。仲要個汁油淋淋 撈埋落湯 每飲一啖都好油咁同我碗湯唔多夾 食果時後悔 早知叫佢另上講返雞件 係滑嫩嘅 連雞皮雞翼尖雞毛兜米線係大碗嘅 本身好肚餓 食左一半飽左服務好嘅 雖然落單都只係企係收銀大嗌問我佢自動幫我轉左下午茶麵價同野飲午市價埋單$67加左餸包野飲 okla 因為個豬軟骨 下次未必敢試新餸😂😂醫肚ok 可能其他湯底更好食 都好多人嗌椰子雞湯 同 藥膳雞湯有諗過嗌酸菜魚湯 但90幾蚊又貴左啲總結 不過不失啦 …Read More

老細請食飯 包起左兩圍嗌左每人一個無限時套餐包前菜 雞煲 酸菜魚 人均數量刺身拼盤再每枱自選兩個湯底打邊爐我地之中有大部分人唔食辣問左侍應其他主菜都比較辣/麻所以嗌左以下主菜同湯底雞煲 嗌左小辣對我食開辣嘅人黎講唔太辣雞件嫩滑 醬味都夠濃酸菜魚 都係小辣 主要酸味為主魚肉都嫩滑 滿意 底部有寬粉鍋底嗌左 花膠美人鍋 同 菠蘿沙爹湯前者夠清 煮牛好夠牛味 後者夠濃煮海鮮一流啲牛夠肥美 牛脂均勻海鮮 鮑魚沙白 生蠔海蝦 都好新鮮仲要份量夠 人均咁上唔洗爭刺身食完一次海鮮 打邊爐再上一次食到好飽飽 好惹味任食關係 同事們都狂點狂拎野食出面嘅麻辣牛丸 比起 麻辣湯底更辣鴨血都幾爽滑野飲方面 出面有一渣渣咁樣拎有蜜紅茶 水果茶 竹蓆茅根 酸梅湯因為食到好漏 我狂飲水果茶解渴解油另外都有枝裝茶 水 同罐裝汽水 飲品都好豐富任君選擇唯一停手食完野冷氣較凍 想飲暖/熱野反而出面得常溫野飲提供服務黎講都滿意嘅人均$400幾蚊食呢餐 我覺得好合格 材料好新鮮 主菜都惹味 會推介親朋好友 唔會突登黎食 但如果有人提議再食會同意join…Read More

食過好多次生日蛋糕&堂食食過好多唔同味今次因為屋企人生日未試過買左招牌草莓西瓜蛋糕最大size！十個人食，都唔太夠喉但其實都偏貴已經趁母親節優惠買！埋單都要500幾蚊有會員就有更多優惠平時堂食食佢細件就價錢還好最中意菠蘿芝士味大家必試草莓西瓜都好甜無麩質蛋糕底第一次食果時好奇怪但越食越ok呢間野間唔中就會出新味有新鮮感由一開始無乜人識就食食到而且開左勁多分店會繼續支持…Read More

屋企人生日🎂我地一行十人 有人食素特登搵左間有肉又有素食嘅餐廳本身貪佢有窗邊靚景 book枱時詢問後得知如要指定位置就要消費人均$500我地因為太忙 都算遲 前一日先book最後因為平日關係 幸運地安排了窗邊位置位置舒適 環境衛生 而且唔算多人我地嗌左個<片皮鴨深海大龍躉宴>套餐＄2388再額外加幾個菜套餐都豐富，包括：⭐️花膠海味羹⭐️足料惹味，無跟醋要嗌人俾⭐️京式片皮鴨⭐️鴨皮薄脆油香鴨肉厚實薄皮都夠十人每人2-3件食有附准鹽醬汁，出色⭐️醬皇碧綠炒花姿蚌片⭐️醬汁好惹味，蚌片鮮味出⭐️鴛鴦戲水大蝦球⭐️因為唔夠分，我淨食左黃金蝦球，都香口蛋黃味重，如果可以有多幾舊試埋另一味道就好⭐️花開富貴生菜包⭐️夾埋食係幾好味道，不過其實入面似上海炒年糕嘅味道，如果有得揀，唔會特別嗌呢道菜⭐️濃湯野菌鮮百合浸翡翠⭐️上湯係飲得出雞白湯味，屋企人表示中意食，清淡者會好⭐️蔥花豉油雞⭐️出色，雞肉嫩滑，豉油味特別皮脆而薄炸子雞再點醬，一流，小油⭐️港式招牌炒絲苗⭐️素食者用，無特別⭐️鴛鴦甜美點⭐️紅棗糕及芝麻卷唔夠分所以淨試左芝麻卷 好食 唔會超級甜 有層次⭐️紅棗雲耳蒸龍躉頭腩⭐️魚肉滑嫩，半肥瘦，帶骨，都好食套餐以外加左：⭐️西芹百合木耳炒淮山⭐️主要留俾食素者食，未知評價⭐️蛋白海皇炒飯⭐️本人覺不俗，瑤柱蛋白蝦肉蝦米叉燒，家人卻感一般，較乾身⭐️竹笙羅漢上素⭐️本身想要南乳粗齋煲，唯侍應答售罄，提議轉呢道菜。會話無特別，可以唔洗點，無特別好食，材料無特別。⭐️清酒凍鮑魚⭐️(送)出色，清甜彈牙，連殼人均一隻整體菜式味道：8/10👎🏻唯本身入席未齊人，落單時叫樓面慢點上菜，結果一窩蜂上晒5-6個，不斷趕客似的，才剛上嘅菜，食都未食，個啊姐竟然邊上菜邊指住中間道片皮鴨收唔收得，令人費解。👎🏻我地反問：叫左慢上，為何一次過上晒咁多菜？佢答道：你地後生，唔怕啦。然後繼續上其餘嘅菜式。👎🏻可能因為平日較少客，得半個場客，有一兩個啊姐都好常行埋黎關心我地嘅進食進度，不斷幫我地清碟同換細碟，奇怪係當我地有人正夾緊果碟菜，佢竟然行埋黎問不如換個細碟俾我地，我地答到：其實我地已經夾緊食緊，差兩舊便清碟，唔需要換。結果佢等我地夾完就繼續即刻上另一道菜。👎🏻我地問過佢地餐廳收幾點，佢地告知11點零，其實我地8點入座，食都係食個半鐘兩個鐘，實係佢放工前走到，唔明係度急啲乜野。👎🏻啲樓面本身說話態度經已像平價茶樓般，叫佢幫手影相亦感覺到佢不情願，影完更自稱「已經影相好靚」，令客人感覺不良好。整體而言，呢度野食同個景係不俗，但服務真係如其他食評般，小差，呢個價錢，開於isquare，咁嘅服務質素，有啲唔相秤。…Read More

家姐生日🎂本身買左酒店蛋糕但因為食美心旗下團嘅中餐晚宴 - 潮庭只可以美心西餅集團嘅蛋糕先可以免切餅費其他蛋糕切餅費一律hkd $150每個🤕梗係唔好蝕俾佢🤥於是順路突登黎呢間尖沙咀分店買蛋糕10個人食 買個一鎊一嘅蛋糕食完飯咁飽每人一Kai岩岩好！雖然好耐無食美心蛋糕 一直對佢無乜好感但佢啲忌廉又幾好食喎衰鬼🤣調味調得幾好 咸咸地 食落唔會太漏士多啤梨就無話特別鮮甜 都pass la 記住要用app用優惠卷買 會再抵啲！對尖沙咀店唯一唔滿意係 我排緊隊付款時後面一如既往有大陸人打尖雖然感受到店員兩邊都唔想得罪我地但佢都係照收大陸人錢先可能覺得我唔出聲就無野？So called文明社會 唉店員應該要出聲示意唔可以打尖的希望日後服務質素有改善啦…Read More

情人節想食大餐慶祝諗左好耐食乜見其他餐廳都好貴咁岩見到KKday文華快船廊有做緊66折優惠人均都只係600幾 仲平過出面食二人套餐於是決定試下佢我地食第二輪8點30未夠鐘8點15去到 樓下已經好多人坐係大堂/排緊隊等上去個個一開波都衝去影相🤣🤣海鮮有蠔蝦蟹鮑魚螺青口 都好新鮮魚生都勁多種類同refill都得好快熟食有羊鞍 牛扒 燒雞 澱粉類太飽都無點食湯有中湯西湯都好好飲 好夠響螺味甜品勁多選擇 又有雪糕堅係飽 但一開頭見唔到有龍蝦臨食到尾 見到有 即刻衝去拎黎食大滿足 服務幾好 侍應都常清碟包每位一杯餐飲驚喜是有送cupcake及一枝花今年男朋友送禮物無買花所以收到果下都好warm 貼心 滿意👍臨近新年 酒店樓下都佈置左好多靚裝飾食完野都有周圍拎住枝花影相今個情人節很滿足…Read More

星期三收左工，同男朋友係銅鑼灣行完街街，黎左試呢間有名氣嘅Eggslut一聽個店名諗住佢都係賣蛋啫，一定係取其名博關注，點知食落就知點解個名要咁解了🤯我地嗌左Cheeseburger (single) $92 同sausage egg cheese sandwich $78 (額外加pickle$10 )各一個飽底係幾鬆軟，幾特別有小小酥皮感覺，一拎起手都有好多汁漏緊出黎，一咬落口，不得了，啲蛋漿噴射式咁擠出黎，食到成件衫都係蛋漿，小呢啡cheeseburger味道正常，無特別；係sausage 果塊肉好特別，竟然是綠色的，味道都正常。果然呢間漢堡店賣嘅係蛋，而且個蛋真係slut黎不嬲中意食黑松露嘅我倆自然嗌埋了TRUFFLE HASHBROWN $33一拎餐就聞到好香黑松露味，食落就咸過&細個mgay薯餅，不過我都幾中意嘅，可以一試。店員收錢時向我們推介了HOUSE-MADE BUTTERMILK BISCUIT $40就試埋啦！好香好軟熟，個牛油是好濃郁又甜蜜，反而個biscuit底是咸咸地，食落甜咸夾雜，特別，我自己幾中意，男朋友就一般，所以因人而異la~值得一讚係間店每隔幾個位都有提供紙巾，可能都預左客人會食蛋食到好狼狽～另外拎得餐果時店員都有行過黎好有禮貌咁講拎得平日嘅關係，間舖得2-3枱客，地方都坐得舒服總結：可以一試，但請為蛋而來，飽嘅話five guys/ Burger King或會更優勝😋😋…Read More