foodiehkdiary's Profile

上一站去咗「低調高手大街小食」，今次就同大家試吓一間好出名嘅班戟店「I Love 戟」，佢哋有好多種款式嘅班㦸配搭，包括用雪糕配搭嘅「冷戟」，同埋用各種熱食配搭嘅「熱戟」，全部都各有特色。今次我哋就試咗王牌推薦「焦糖燉蛋雪糕班戟」🤩焦糖燉蛋雪糕班戟🧁 $35焦糖外皮食落鬆脆，焦糖味濃郁，後勁有少少苦澀。食完出邊嗰浸脆脆嘅焦糖外皮之後，入邊嘅燉蛋好嫩滑，甜甜地之餘蛋味濃郁。我哋揀咗海鹽味雪糕做配搭，味道唔錯👍🏻…Read More

呢一間雞蛋仔店唔單止有唔少明星走訪過，仲上埋電視添。我哋嗰日Weekday 大概2:00嚟到，keep住都有10幾個人排緊隊，短短開門兩個幾鐘已經買咗四、五十餅雞蛋仔。因為全部都即叫即製，我哋都等咗大約20分鐘。聽講呢度Weekend 要等成差唔多45分鐘🧐，想來試嘅朋友就盡量睇吓就唔就到Weekday嘅時間啦。蘋果雞蛋仔🍎今次我哋就試咗佢嘅蘋果雞蛋仔，入邊有蘋果粒同埋梅粉。雞蛋仔半空心嘅設計，外脆內軟👍🏻雖然冇平時雞蛋仔食落去咁有飽肚感，但咬落去有好鬆化嘅感覺，呢個亦都係佢哋做好鬆脆嘅原因。雞蛋仔加咗蘋果蓉同埋梅粉之後食落去感覺酸酸甜甜😝…Read More

今次同大家介紹呢間牛魔王必食之店。同一般嘅放題火鍋店唔同，呢間餐廳只有一個Set，$217+$13醬油費，一次過可以食晒和牛、prime牛板腱同埋安格斯牛肩胛😍餐廳座位唔多，我哋Weekday嚟食6:00打後booking 都已經full晒，大家黎試嘅話記得book定位🙈湯底🥘我哋揀咗潮汕牛骨湯底，可能因為湯底加咗粟米嘅關係，有少少清甜嘅感覺感覺，牛骨嘅味道唔太多。肉類🍖肉類嘅選擇絕對係一大賣點，呢度有得嗌澳洲M7和牛prime牛板腱安格斯牛肩胛一級肥牛封門柳澳洲和牛金錢展牛脷片鮮牛肉除咗肥牛同埋鮮牛肉之外，其他質素都幾好，M7和牛、prime牛板腱、安格斯牛肩胛油花都幾靚。值得提一提嘅係，店家一開始會一大碟牛肉咁樣上嚟，各種牛肉都有。如果唔想食咁多肥牛同埋鮮牛肉嘅可以事先同佢哋講定，咁就可以留返個位多啲食其他貴價等級🙈值得一讚嘅係當我哋加牛嘅時候，店家都大大碟咁樣上，一啲都唔吝嗇👍🏻👍🏻👍🏻咁就唔使嗌好多次啦配料🥗麵嘅選擇都幾多，有公仔麵、福字麵、烏冬等等。但係打邊爐嘅配料就比較少，而且個人覺得質素一般般。飲品🥤飲品方面選擇唔錯，除咗有汽水、韓式飲品選擇之外，亦有鴻福堂👍🏻咁樣即使食咗好多肉都可以清熱解毒、減低對腸胃嘅刺激。甜品🍦雪糕係任食而且仲有幾種口味可以選擇。…Read More

冬天凍冰冰，繼上一個post同大家介紹潮汕特色火鍋店，今次介紹呢間餐廳如果大家係大胃王🤤或者希望有個空間chill一chill同朋友傾住計咁打邊爐😎都絕對要嚟一試👍🏻 一個價錢就可以食足10個鐘 唔想食咁耐嘅 7:00之前走仲有八折添（我哋就食足七個鐘🫣）湯底🥘湯底方面有15種選擇，比較出名嘅係藥膳椰子雞湯同埋台灣養生醉雞湯。但係我哋今次就揀咗比較傳統嘅台灣古早牛肉湯底，湯底幾好飲牛肉味都唔錯👍🏻肉類🍖肉類方面我哋揀咗Set A，Prime Grade牛肩胛肉及西班牙無激素豬肉片。牛肩胛肉油花都幾靚，而且係薄切，食落去幾有牛味👍🏻配料🥗配料方便足足有60多種選擇，包括自家製肉餃，各種各類流心醬爆肉丸，台灣炸物，各式各樣嘅火鍋配料同埋蔬菜，選擇多到我哋七個鐘頭都食唔晒所有🤣飲品🥤飲品嘅質素同埋選擇絕對係亮點之一👍🏻唔單止有茶餐廳提供嘅港式檸茶奶茶、檸檬可樂七喜。仲有比較特別嘅台式飲品，例如水蜜桃紅茶、朱古力說香奶茶等等🤩甜品🍦甜品方面Movenpick雪糕一杯，都有幾隻口味可以揀。…Read More

近排天氣又凍返🥶唔知大家有冇都心郁郁想打邊爐呢🙆🏻‍♀️今次@foodiehkdiary將會帶大家一連3️⃣個post走訪三間各有特色嘅火鍋店。今次就先同大家試吓呢間主打潮汕口味嘅火鍋店。由於荷包原因今次淨係試咗佢哋最平嗰個Set A，任食兩個鐘，但係選擇都多到試都試唔晒😝快啲碌落去睇吓啦🫣湯底🥘揀咗餐廳主打嘅滷水鍋，湯底配料十足，包括滷水豆腐，京蔥，鴨血，辣椒。湯底拎上嚟嘅時候已經滿滿嘅滷水味，啱晒口味比較重嘅食客🤣肉類🍖肉類包咗美國安格斯牛肩胛，西班牙黑豚肉片同埋紐西蘭羊肉卷。牛肩胛油花分布均勻，肉味道濃郁，即使放咗落滷水湯底都食得出本身嘅牛味。黑豚肉片不過不失；羊肉卷羊味頗重。熟食🍲熟食區選擇都幾多，有滷水雞翼，牛肚，豬腩肉，螺肉等等。值得一題，佢哋ga胡椒豬肚湯足料十足，香味到位惹味十足，推薦大家一試👍🏻配料🥗配料方面都有十幾種選擇，包括魷魚、鮮雞肉、鮮牛肉、響鈴等等，而且味道都唔錯。飲品🥤飲品方面有各式各樣嘅汽水，啱晒一家大細嘅檸檬茶、菊花茶、烏龍茶，亦有幾款韓式飲品。甜品🍦雪糕方便有三種口味，雲呢拿、朱古力、香芋，亦有紅豆雪條選擇。…Read More

大埔最近開咗一間木系簡約風格嘅台灣餐廳「哥哥添飯・妹妹泡茶」，細聽之下先知道之前火炭同埋觀塘佢哋嘅台式便當同飲品已經好出名😍今次就同大家一齊試吓佢哋新開喺大埔嘅分店水準如何💕皇牌椒鹽雞腿排魯肉丼飯🍗椒鹽雞腿做到外脆內嫩，咬感鮮嫩多汁；滷肉飯油而不膩，值得一試👍🏻招牌牛腱肉牛筋麵🥘湯底正常牛肉味唔錯，略嫌牛腱肉牛筋麵比較有咬勁有少少韌。凍台式烏龍奶茶🧋驚喜之作😍烏龍茶茶味嘅香氣同奶茶嘅奶香碰撞出一種剛剛好嘅口味，甜度適中味道幽香，大力推薦👍🏻👍🏻凍檸檬蜜糖🍹檸檬蜜糖唔錯，檸檬吾澀，蜜糖啱啱好，酸度甜度適中。…Read More

聖誕節大出血，決定睇吓有冇D性價比高嘅餐廳適合兩口子消磨一下時間。今次就介紹呢一間位於尖沙咀Foodcourt ga 日本餐廳。板燒日本黑豚拼醬燒紐西蘭薄切肉眼扒丼飯🍗 $59黑豚同埋薄切肉眼扒上到嚟嘅時候都熱辣辣。雖然咬落去嘅感覺唔會特別鬆軟，但係呢個價錢絕對物有所值。板燒牛舌拼醬燒紐西蘭薄切肉眼扒丼飯🥩 $62牛舌比嘅份量一啲都唔少，而且唔太韌。雖然餐廳可以選擇飯量，但係唔多覺多飯同埋普通嘅分別。值得一提嘅係呢個Foodcourt 仲有好多價錢相若嘅餐廳選擇，而且光顧任何一間都可以用優惠價加購飲品同埋甜品。甜品芝士蛋糕🍰食落去都算Creamy。值得一讚嘅係呢個Foodcourt ga 職員會幫你落單同埋攞餐具，服務態度相當好；而且Foodcourt嘅座位都算寬躺。…Read More

今次同大家嚟到元朗試吓呢一間價錢親民嘅台灣餐廳💕呢度嘅滷肉飯好出名，所以我哋都嗌黎試下，味道實在有驚喜🤩午市套餐 $46（特飲+$7）小魯飯+炸台灣香腸+炸香芋海鮮餅+冬瓜茶滷肉飯幾好味，做到一種油而不膩嘅效果🫣炸台灣香腸同埋炸香芋海鮮餅想來嘅時候都熱辣辣，而且炸粉唔多，味道比想像中有驚喜。冬瓜茶甜度適中👍🏻紅燒牛湯湯麵+香酥花枝丸+炸香菇貢丸+抹香奶茶湯麵同埋丸都正正常常不過不失。原本以為紅燒牛肉湯會我有幾個牛肉，但係後尾發覺紅燒牛肉只係湯底🥲抹香奶茶幾好飲，冇咩茶粉，飲落去亦唔會過甜👍🏻…Read More

究竟IFC有冇價錢相對上平民少少嘅餐廳？行咗一陣，終於比我哋搵到呢間台灣菜 (KiKi麵店)🫡今次就同大家試吓呢間台灣過江龍kiki麵店💕胡麻棒棒雞拌小醋麵🐔 $118雞肉十分之鮮嫩，胡麻醬嘅份量剛剛好，調味之餘唔會掩蓋到雞肉本身嘅味道。川味牛肉麵🐃 （套餐配搭小食及kiki茶）$148牛展非常之爽口，一啲都唔韌。湯底本身都少少辣，唔太食得辣嘅朋友就要注意喇🫡古早冬瓜茶☕️甜度適中啱啱好，唔會太甜。…Read More

今次同大家分享呢一間位於銅鑼灣嘅一人烏冬SOLO UDON。餐廳嘅裝潢用色鮮明，一人座位設計的別具特色。令到喺銅鑼灣呢一個繁忙嘅都是都市入邊，亦都可以搵到一個好好放鬆享受獨處與美食嘅空間。雞白湯叉燒烏龍麵🐔 $88 （加大+$10）雞白湯烏冬雞味濃郁，叉燒肥瘦均勻，烏冬入口相對淋身。安格斯牛肉壽喜燒烏龍麵鍋 半熟蛋🥘 $138牛肉肉質鮮嫩，醬汁濃郁香醇，安格斯牛肉份量都唔少，大力推薦🤩火炙半熟安格斯牛肉🥩 $78感覺同壽喜燒ga安格斯牛肉差唔多，肉質入口即溶，同醬汁嘅衝撞都好合適，略嫌份量比較少。…Read More

聖誕節喺銅鑼灣行街，發覺咗呢間新開嘅泰國餐廳。未入到去已經俾佢裝潢吸引，一問之下知道係泰國人主理，今次就同大家一齊試吓呢間Peek-A-Chill。菠蘿海鮮炒飯🍍 $138炒飯份量十足，用料上無論海鮮淨係菠蘿都好新鮮。炒飯對比起港式炒飯相對黏身，配搭豬肉鬆入口口感十足。泰式無牙鳳爪🐔 $68份量以價錢來比較CP值爆燈。鳳爪相對上較辣，啱晒食得辣嘅朋友。沙嗲串🍖 半打$88無論雞、牛、豬都好嫩滑，即使點左沙嗲醬都唔太辣。啱晒又唔太食得辣又鍾意正宗泰國燒肉串嘅朋友。…Read More

日式麵店主要以拉麵居多，特色嘅烏冬店喺香港就比較罕見。呢一間喺屯門虹橋嘅小店以「鮮味」同「咖啡」做主題，加埋餐廳嘅日式裝潢，係一間非常值得一試嘅概念麵館。當日我哋就試咗下邊兩個烏冬湯底，主打嘅冷萃咖啡同埋昭和風硬布丁秘製當歸雞白魚介湯🐓 $95湯底魚介味吾太重，比較少海鮮嘅感覺。即使湯底加咗少量藥材，藥膳味都唔太重，雞嘅鮮味反而更濃郁。醬油豚背脂魚介湯🐟 $95口味比較重嘅朋友一定啱㗎。湯底醬油味比較重，豚背脂帶出嘅油味鎖住烏冬嘅溫度，而熱度亦唔會令到油脂太過油膩。套餐追加 $70冷萃咖啡☕️有別於一般以高溫熱水沖煮咖啡，冷萃咖啡將咖啡磨粉後，像是冷泡茶包一樣置於飲用水中，藉由低溫長時間的浸潤來萃取咖啡液。入口冇一般齋啡苦澀嘅味道，反而多一種清涼甘甜嘅感覺。昭和風硬布丁🍰雞蛋味十足，唔會太甜太滯，非常適合作為甜品收尾。…Read More