yuyudaily's Profile

叫了雞粥，但來的是雞件、粉麵湯底加白飯，有心的加了葱，但這個粥的呈現方式太離譜。口感上非常差，就是泡久了的泡飯，毫無口感可言。味道上就是粉麵的湯底，正常人是不會喝的，因為味精很重。而且這個叫粥的東西，裏面的飯完全吸收晒湯面的雞油…唯一的優點應該就是量很多，但垃圾再多也只是垃圾。雞也是唯一合乎標準的，是真的香滑，或者你哋下次可以試吓香滑雞粥走粥，只吃香滑雞更好👍🏻呢個粥值得一個差評，咁既表現我唔會再幫襯😃…Read More

睇ig發現到呢間韓國食店，睇餐牌唔算太多野食，叫咗炸雞同水冷麵都唔伏。雖然我拎左外賣之後成個鐘先食，但炸雞岀奇地仲係非常脆，炸皮好薄，就算食原味都唔會好dry。蜜糖芥末味唔係坊間既咁甜，芥末味偏重。唯一缺點係下次可能會叫多啲汁😂水冷麵可以加錢有牛肉/豬肉，但今次無加，先試下佢個麵。麵質夠韌，仲有半隻蛋。不過可能擺得太耐先食，搞到太多水😮‍💨個人覺得好扺食，值得一試。試問香港地仲有邊到食到$42一個水冷麵👀？以呢個價錢係水準之上👍🏻同埋老闆好有禮貌，絕對會回頭再試其他食物😊…Read More

身為一個為食既人，當然成日留意住啲優惠，呢間酒店搞左呢個抹茶主題既下午茶自助餐好耐，終於就去左食。 係食之前個一晚上左openrice睇下啲留言，大家都覺得麻麻地，我都無抱有期望咁去食。唔知係咪因為無期望呢，我覺得又唔係咁差喎，加上呢個價錢，撇除地理位置，確係唔錯！野食款式雖然唔多，但頭盤到甜品咩都有晒，仲有橙汁任飲，靜係食呢啲都食到飽了！當日我坐好近拎野食既地方，一去到就首先拎重點既抹茶甜品，仲有朱古力同抹茶噴泉！味道都唔錯，個人推薦芝士撻同抹茶cupcake 之後先去拎啲熱盤去到隔黎就見到有沙律bar，仲有啲三文治，不過我就無食啦！再行過啲就有啲點心同粥，粥可以自已落炸兩同葱花！然後仲有啲炒飯同炒面，朋友飯左炒飯都覺得都ok！我就食隔黎既炸物，排骨好正呀，唔可以錯過最後就食左呢個甜品！可以自己設計擺盤講真，我都係食到呢度先記起自己係食緊抹茶主題既自助餐！雖然呢個係一個抹茶主題既自助餐，但希望瘋狂食抹茶既人就可能會失望，大概只有甜品係抹茶，餐廳聲稱既抺茶味炸排骨同炸雞其實都無咩抹茶味不過以普通下午茶黎講就完全ok啦！首先環境氣氛幾好，當日食既時候都8成滿座，但所有侍應既服務都好好，成日會黎收碟，而且都係好聲好氣。雖然野食種類就比較少，但野食唔會擺到凍晒，一無晒就會即刻fill，好欣賞！兩個人埋單都只係一個170蚊左右，雖然餐廳係係東涌，我入去要成個鐘有多，不過其實呢間餐廳成日搞呢啲平價主題午餐或者下午茶自助餐，下次有啱食既，我都會繼續入去食，當係放假去下郊遊都好呀！…Read More

係東大街都知食粥係無得揀既，今日經過有間新開既粥舖，天氣咁熱本來都唔係幾想試，但係見賣相幾好，店員又熱情就買個外賣試下啦！ 買左個鮑魚雞粥同泡菜牛柳粥，老闆強烈推薦我試個煎餃同煎蝦餅，話即叫即煎，蝦餅又有啲墨魚滑同粟米咁樣，就同屋企人買多兩個小食，等左差唔多十分鐘先搞掂，原來啲粥係生滾粥，都值得既。 （有隻鲍魚喔）重點黎啦！🍴 我就食鮑魚雞粥，個粥食落口好濃既菇味，基本上成個粥底都係，十分喜歡！如果唔鐘意菇味可能就要試其他粥，入面仲有幾舊冬菇同兩三舊雞肉，都算幾足料！🐓🐓 屋企人就食泡菜牛柳粥，貪得意試下因為係辣粥黎，試左幾啖有驚喜！有啲泡菜碎係入面，真係好辣好惹味，估唔到辣味既粥又幾夾，但真係好辣，而且屋企人話有好多舊牛，啲牛柳粒都係辣味架🐃 啲小食都真係幾唔錯，拎到翻屋企啲餃仲係脆既，加埋啲黑醋做調味，外脆内軟大大隻。個蝦餅有好多粟米粒又好甜😍都食到啲蝦肉係入面，雖然唔係舊舊有，都ok啦，果然無介紹錯😂 小總結: 其實佢地堂食得一張枱，賣既粥款式都偏少，得個10款粥，但都係比較新潮，雖然份量唔係好多但食落好足料，食完唔會好頸渴，小食仲有啲特別啲既蓮藕餅芋頭餅，最緊要係價錢公道！ 下次會再去試埋其他粥，提提你地有得打電話去叫定先，咁就唔洗好似我咁熱住等幾個字🤦🏼‍♀…Read More