stanleywlh's Profile

中午去到金鐘，諗住試一試力寶軒飲茶食飯，聽人講得多，今次都係第一次，入到去服務員態度很好，很快要找到一個舒適的位置坐低，諗住簡單嗌幾個點心，點知點心好有特色，例如帶子海皇餃，面頭有帶子，入面有鮮蝦，外皮綠色，感覺已經很清新，食落很鮮味。上海小籠包也是滿滿的湯汁，鮮嫩的豬肉，極鮮甜。我鍾意食炸嘢，就買咗炸奶皇包和煙鴨胸鹹水角，果然冇失望，奶皇包外脆內軟，仲要流心，不過記得攤凍少少先食，一啖咬落去其味冇比。另外鹹水角也很驚喜，外皮唔會好厚，非常多餡料，滿滿的一口就是滿足。另外點了一個小食手撕雞配海蜇，又好香嘅麻油味，海蜇爽脆而且細長，唔會碎碎的。好似食冷麵一樣的感覺。再加咗一個煎蠔餅，超多蠔仔🦪，有蛋的脆邊也有蠔仔的軟心。非常配合，一啖一口，非常可口。以為簡單的一個午餐，原來都可以有意外的驚喜，下次真係想再試吓其他點心。…Read More

去到大圍圍方商場，泊低架車之後，搵咗間食海南雞飯出名嘅餐廳食個靚晚餐，兩個人入到去見到隔籬枱個個都食海南雞飯，即刻都點返一set，果然冇失望，冇骨海南雞，香軟嫩滑，肉質鮮美，非常可口，記得要點薑蓉，大大提升雞味，配一碗油飯非常夾，另外朋友點了一個串燒拼盤，有雞肉串，牛肉串和羊肉串。串燒味道啱啱好，而且肉質鮮味，加少少醬汁確實好有風味。另外再加了一個星洲海鮮炒貴刁，好大大隻蝦，爽口彈牙，後來發現有一隻勁大的帶子，抵讚抵讚。嗌咗杯斑斕咖啡直頭好似去咗東南亞，十分滿足。…Read More

同朋友揸車去到荃灣廣場搵食，泊低架車喺B1就有一間好有特色嘅餐廳吸引咗我哋，餐廳佈置好有個性，見到一個啤酒雞套餐勁吸引，首先會有龍蝦湯🥣飲，裏面勁多龍蝦仔，啖啖肉之後上沙律，點了煙三文魚🐟沙律及🐙墨魚仔沙律，估唔到有好多墨魚仔😋主菜當然係啤酒雞🐔，超嫩滑好入味，隻雞燒完冇諗到雞胸都唔柴皮，有驚喜還有點了安格斯🐮牛扒五成熟，鮮嫩勁有牛肉味另一亮點係龍蝦闊條麵，有半隻龍蝦🦞，而且闊條麵彈牙爽口再加了一個小食，係大蜆肉由於套餐有飲品跟，點了一個竹炭☕️拿鐵，我自己就好鍾意，唔太甜，好出色。我和朋友都十分滿意😋，所以特意分享。多多支持，香港經濟。…Read More

油麻地地鐵站附近打咗個好特色嘅火鍋，佢嘅椰子雞煲，用原個椰子加椰青做湯底，配合一個銅製大煲，極之香濃😋😋服務員細心介紹掌握時間的重要，結果原來啲雞非常之滑，全靠有一個沙漏計時，而且第一次見到火鍋餐廳用自家製熱辣辣豉油，獨特配方超級好味。飲完椰子雞湯先至再打火鍋，服務員會再幫手加入豬骨雞湯底，打邊爐先正式開始。點了一個蝦滑和墨魚滑，非常爽口彈牙，有濃郁蝦味。再有一碟手打丸，粒粒有特色大細適中，一啖一粒，肉汁滿滿。當然唔少得靚牛肉輕輕灼一下已經好滑。啲牛肉真係好新鮮值得一試。我自己鍾意食花甲，所以都點了一盤花甲，灼到花甲一開口就即刻要食，超級鮮甜。再加上一碟手包鮮蝦雲吞，粒粒都有大蝦。雲吞唔會太鬆散煙靭有咬口。最後當然要食菜和金菇啦。真是滿足的晚餐😋😋…Read More

新強記雞粥位置就在大圍地鐵站旁邊，在E出口行3分鐘就到👍點咗隻金牌燒乳鴿，皮脆肉嫩，而且相當厚肉，非常香口，有着沙田乳鴿的傳統味道😋另外再嗌咗個龍蝦伊麵，龍蝦啖啖肉，而且好新鮮，絕對對得住這個價錢，伊麵底爽口，相當入味😊😊這個海鮮孖寶F餐還有一個肉鬆炒四季豆和古法鹽焗雞，食雞有雞味，而且一啲都唔韌。三五知己良朋共聚的確一流。服務員態度都很好，而且上菜速度快，服務員安排我們坐在場邊位置，靜靜地非常舒適。整體服務良好，食物質素有保證，而且價錢合理，的確值得再試。…Read More

去到牛頭角地鐵站附近聽朋友介紹有一間無限時火鍋，就去試一試，入到去勁可愛，原來全間餐廳都用狗仔做主題，老闆好有心為動物籌款，即刻要大大支持。火鍋食物用料吸引，首先有小食，然後有勁新鮮刺身，大大隻蝦，已經夠開心，跟住上雞煲，然後再上海鮮火鍋有大蟶子、花甲、虎蝦、龍躉片、鱔片和脆肉鯇。然後就上勁靚牛，不同部位。而且牛肩胛仲無限加，最值得推介係蝦滑有原隻蝦大大啖夠爽脆。飲品有鴻福堂支裝涼茶，可樂雪碧和道地茶，價錢合理地點又近地鐵站，三五知己食嘢吹水，又不限時，的確係超正選擇。😊😊😊…Read More

林村原來呢埋左一間靚景餐廳，環境一流，天氣涼涼哋記得坐外面，餐廳又可以免費泊車，又有獨立屋VIP房，不過記得預訂。☎️另外預訂記得叫埋🐂燒原隻荷蘭牛仔膝，外脆內軟，仲可以配三隻唔同醬汁，芥辣汁最出色，👍唔貴六百零蚊，幾個朋友食份量啱啱好。另外要食凱撒沙律和水牛芝士沙律清新開胃，食慾大增。另外香燒大比目魚配香草牛油汁，非常大份，魚肉香滑，外皮脆脆地， 好似食魚扒一樣。西班牙乳豬配薯角很有特色。還有火焰雪山和疏乎厘做甜品一個完美的晚餐從此練成。食完晚飯唔好即刻走，記得喺庭院打卡。🏞️…Read More

同朋友商量好想食海鮮，就搵到呢間喺尖沙咀食蒸海鮮。初時擔心價錢好貴，但原來非常抵食，點了一個套餐，有阿根廷紅蝦，鮑魚，扇貝，龍蝦，琵琶龍蝦，愛情蟹，奄仔蟹，蟶子皇和少少蔬菜。首先食阿根廷紅蝦，蝦頭勁多膏，鮮甜肉爽，食完大蝦，服務員隨即幫忙蒸另一種海鮮，招呼非常到位，一邊解釋食材來源，又再解釋蒸煮時間，增進不少知識。另外奄仔蟹亦非常之實肉，絕對新鮮。食到最後仲有一個鮮味粥底，之前蒸海鮮的精華家俊粥底，鮮味無比。份量非常足夠，一定食得飽。環境舒適，坐得好闊落，值得一試再試。現場見到好多一家大細一齊食，氣氛好好。…Read More

去到尖沙咀搵到一間燒烤放題叫做燒魂，初時以為跟韓國燒烤差不多的，但原來別有風味，值得推介有燒大腸，香嫩滑肥美，又有燒牛舌，薄薄一片快熟爽脆，還有柚子味的牛柳粒，肥瘦適中，燒起嚟牛油很香。燒烤每位燒烤有三款醬汁可以選擇，個人認為三款都好味。另外刺身也很新鮮，有基本的三文魚、吞拿魚和八爪魚，還有大大隻甜蝦。記得食埋天婦羅炸蝦，又香又脆又大隻。有一個蠔仔粥非常鮮味，每一匙羹都有很多蠔仔。👍👍👍還有上菜非常快，唔會嘥時間要等好耐，收碟亦都好快，職員態度也很有禮貌。🙇🏻‍♀️…Read More

元朗西菁街有一間看似不起眼，但卻很美味的日本拉麵店，有沾麵和湯麵兩款選擇，款式不太多，但做得很專業👍👍👍👍座位不多，但不是等太耐就可以入座。點了辛之拉麵配熱沾麵，麵質爽口彈牙，湯底芳香濃郁😄😄由於是沾麵，所以可以額外加湯，不算太辣， 十分香口，就算唔太食得辣，都真的可以不妨一試😋😋😋😋😋除此之外，再加上一支靜岡蜜瓜梳打，蜜瓜味清甜可口，不像藥水的味道👍👍👍其實還有很多飲品選擇，下次再嚟希望試吓蘋果汁店員服務態度有禮貌，確實是一次很好的美食體驗。…Read More

👍👍在長沙灣約了朋友食飯，選擇了食這間泰國菜，進店後發現有意外驚喜，竟然有泰式pizza又有焗薯，後來決定試試：紅咖喱煙三文魚燴飯，黃咖喱軟殼蟹配蒜蓉包，牛柳粒意粉🍝味道相當驚喜，咖喱不太辣，而且很香濃美味，店舖不算太大，但坐得很舒服，職員服務亦很好，飲品可配不同的特飲特別介紹：蝶豆花鮮奶，實在太好飲，一嚟到就嘗試飲，忘記了影相😅😅😅杯飲品是藍色底，配白色泡泡，味道一流，不太甜。真係好想再去多次，仲有好多食物未試過，相信一定會再有驚喜👍👍…Read More

抵食放題極尚大喜屋，刺身超新鮮，天婦羅炸蝦夠鬆脆，羊架夠鮮嫩，仲有乳鴿和花膠上菜快，另外，飲品很多選擇，啤酒汽水仲有日本清酒，清酒🍶有冷有熱，雪糕選擇也很多，兩個鐘頭時間足夠樣樣都食，職員服務態度很好，經常收碟，大家值得一試😁😁😁…Read More

呢間new coffee已經幫襯過好幾次，不過今次特別好想幫佢寫食評，因為咖啡師真係好好！點咗杯焦糖咖啡，服務員小心翼翼地將咖啡捧過來，佢放低杯咖啡後溫柔地講，今次拉花落左多啲奶，所以杯咖啡好滿，小心啲飲😄即刻覺得好貼心，同埋咖啡師沖咖啡真係好足料，因為我係好鍾意飲奶泡的！🤭🤭🤭🤭😋😋😋😋😋😋順帶一提，洗手間好乾淨，裝修以白色為主，有家的感覺！乾淨嘅洗手間讓人對食物嘅品質更有信心，起碼廚師對手都好乾淨😄😄😄…Read More

朋友一星期前約咗在Skype 21 happyhour，點知當日得14度，我哋仲專登book咗坐戶外，真係凍到震，凍到暈……不過見到出邊夜景咁靚，又真係好抵，我哋6:00左右去，剛剛影到日落的晚霞。真係好靚！ ！由於太凍，點咗個小食串燒，味道不錯！值得一提，服務員態度真係好好，其實佢哋企喺出邊做嘢，同我哋一樣咁凍，但依然保持笑容，又樂意幫忙影相，真係好專業！…Read More

朋友介紹呢間酒樓點心好食，於是一齊去試吓，由於已經預先訂枱，唔使等位。原來入邊仲有卡位，坐得好闊落，可以最多坐六個人，不過由於我哋得五個人，就坐圓枱。意外的是叉燒包好好食，個包好軟熟，感覺新鮮，裏面嘅肥豬肉剛剛好，咬落去脆脆地好好食😋 值得一提的是，服務員態度非常好，服務周到，換水，碗筷子，上菜等等都好快手！…Read More