青草茶's Profile

相對於太子果間，呢度裝修同環境好好多，不過可能因為地理問題，呢間酒家無咩人，唔似其他分店咁要等位。雖然openrice好多喊臉，但其實都唔係咁差，ｄ鳳城招牌菜整得同其他分店都差唔多，最後送個芝麻糊都好好味！而且因為呢度真係好少客，ｄServices 都幾好，呢度以酒樓黎講傾野真係一流！…Read More

　　一睇個名就知呢度食燒烤野，雖然呢度好偏僻，但真係值得去，每樣燒烤菜色都好香好夠燒烤味。最鍾意既就係燒鱔，個皮燒得好香好脆，ｄ肉又夠厚，所以食得好滿足，唯一美中不足就係有ｄ細骨，食既時候要好小心。另外燒牛肋骨又係好正！香得黎之餘牛肉又唔會韌，仲要好多汁好有牛肉味！　　唯一失色既就係個焗蟹飯，雖然焗得好香，但個炒飯因為再經過焗爐後變得好乾、有ｄ硬，而且咁大盤炒飯只係得一隻好細既蟹，唔係太夠分。其餘菜色都不俗，絕對值得再去！…Read More

呢度buffet 出名係唔係多種類，只係環境比較好，唔會好似爭食咁。雖然話唔算好多種類，但基本上既野都有，ｄ蟹腳好大隻好多肉，生蠔都好鮮甜，不過魚生只得兩款，壽司都只係得幾款。　　全場最鍾意既就係芝士薯仔，師傅會先將薯仔煮好，再熔一層好厚既芝士o係上面，ｄ芝士好香好濃味，加埋個淡味既薯仔一 齊食就o岩o岩好。甜品方面都唔少，不過我只係食左雪糕，所以唔知其他好唔好味。…Read More

等登過路環《安德魯花園咖啡》目的當然係為左葡撻。上次去澳門食過《瑪嘉烈蛋撻店》覺得幾好味，但因為睇openrice 見到佢近來既服務態度好差，所以就揀左另一間，睇ｄ食評都話呢度好正，所以專程咁遠過黎。　　店舖好細得幾張檯，到達時已經坐滿客，等左20分鐘先有位。入到去見到水吧已經放左ｄ葡撻，好似唔係新鮮出爐咁。我地每人叫左一個，見佢上菜前要將ｄ葡撻放入焗爐番熱！Oh No！咁出名咁多客既店舖，應該ｄ流量好高，好快就有一轉新鮮出爐架？點解ｄ葡撻要番焗先可以上菜架？orz　　到品嚐時間，個葡撻係好香好味，不過始終都係番焗，好似冇瑪嘉烈新鮮出爐咁好味。至於其他食品都唔係咁好，我叫果杯Mocha 冇朱古力味只係有少少咖啡味，好似3合1咖啡咁，唉～～總之對呢間店舖好失望，唔知附近果間《安德魯餅店》會唔會好ｄ？…Read More

對葡國菜無咩概念，只係知最出名係馬介休、乳豬、非洲雞之類。今次叫左六樣野: 炸馬介休球，賣相好靚 咖喱炒蟹，OK辣，不過佢炸ｄ蟹太耐喇，乾晒～～ 炒雜菜，OK 燒羊扒，燒得幾香，幾好味 燒乳豬，好乾，冇咩肉食 焗鴨飯，得ｄ鴨絲，冇咩特別整體黎講味道可以叫OK啦，不過不失咁，又冇咩邊樣係好值得回味，又係一間「一試無妨」既餐廳。…Read More

環境方面因為呢度唔似小肥羊咁多人，所以冇咁嘈雜。其實打邊爐度度都差唔多，湯底既蒜頭辣椒味好濃，已經蓋過晒其他味道，所以其實去小肥羊或呢度都係一樣。除左普通火鍋配料外，仲叫左幾款小食：麻辣皮蛋：幾香幾好味。烤羊串：比較失望，冇燒烤味冇羊味，只係灑左一ｄ調味料o係面，得個鹹味。羊肉鍋貼：不過不失，雖然餡料唔算豐富，但外皮煎得幾香。…Read More

小籠包 - 雖然係好多汁幾好味，但就覺得冇咩特別，可以話係保持水準。鎮江排骨 - 酸酸甜甜的，我覺得ｄ肉質硬左ｄ，但同事就話好正。黃金炒飯 - 好香蛋味，最重要係ｄ飯炒到一粒粒，好爽口！炒年糕 - ｄ年糕好煙韌，幾好咬口，雖然都係油膩，但唔算係勁多油果種。水煮牛肉拉麵 - 呢個超人氣推介！個湯好濃好有牛肉味，辣度夠得黎又唔會辣到食唔到。最重要係一般水煮牛肉會有一大層油o係面，但呢個唔需要咁多油都可以做到咁既辣度，正！…Read More

　　1. 蝦多士 - 蝦肉打得好有彈性，底層多士炸到好香，賣相又靚，推介之一！　　2. 乳豬生腸拼盤 - 乳豬皮幾脆幾香口，生腸好爽口，不過唔多夠味。　　3. 肉鬆生菜包 - ｄ生菜超級新鮮爽口！加埋ｄ肉鬆真係絕配！好多年都冇食過咁好味既生菜包！　　4. 八寶鴨(已預訂) - 雖然係經典菜，但ｄ鴨肉已經炆到好腍，冇咩鴨肉既質感。鴨內ｄ配料似係食緊鹹肉粽咁，唔太欣賞。　　5. 焗蓮蓉西米布甸(已預訂) - 非常香，味道唔算太甜，加上有蓮蓉令個布甸有少許煙韌性，冇諗過中式布甸竟然可以做到咁好味！　　另外仲有三款小菜：黑椒焗牛柳，炒鱔球，上湯豆苗，不過冇咩特別，唔特別評論。　　總結呢度都值得去，不過要俾ｄ耐性book位後再等位，上菜都幾快手，值得一讚！…Read More

今日終於都試左, 到達時已經有七成人入座。可能管理層都有睇過openrice 知衰，侍應都頗有禮貌，都會主動加茶、清理檯面。至於食物方面，見到ｄ餐唔o岩食，所以散叫左四個菜：　　「雞絲粉皮」：好香花生醬味，但ｄ粉皮太厚太碎，又冇麻油香味，搞到好似食腸粉咁。　　「蟹粉小籠包」：做得招牌菜味道算唔錯，不過ｄ蟹粉太油喇，包內ｄ汁有一半都係油....　　「糖醋雞球」：個糖醋汁其實同咕嚕汁一樣，ｄ雞球造得幾好，幾厚肉。雖然雞球係炸，不過裡面ｄ肉汁仍可保存。　　「上海排骨拉麵」：雖然麵質幾好，不過份量太少，幾啖就食完。塊排骨炸到好乾好硬，又冇味。　　另外見仲叫左三個甜品：　　「南瓜煎軟餅」：完全食唔到南瓜味，個饀仲要係豆沙，咁即係同豆沙鍋餅冇分別。　　「桂花酒釀丸子」：ｄ丸子煙煙韌韌咁，幾好咬，可以一試。　　「什果杏汁豆腐」：呢個完全唔掂！根本就唔係豆腐黎既，口感同大菜糕一樣！味道又冇，ｄ汁都係冇杏仁味，再加上罐頭地門什果，呢個甜品完全唔掂！　　整體黎講呢間餐廳只可列入「一次就夠」系列，份量少，唔抵食，每人平均消費$180。餐廳的賣點是新派上海菜，不過見菜單上的也是一般上海餐廳可食到的菜色。以同等價錢到坊間也可找到比它更美味更「抵食」的上海食肆。總結餐廳可取之處，只是環境及服務較坊間的上海餐廳好。…Read More

　　叫左一份「咖喱吉列豬扒定食」同「燒羊架定食」，基本上賣相真係好普通，唔覺係中高檔餐廳造出來既菜，而味道方面更加失望.....吉列豬扒完全冇味，個規湯略鹹，隻規仲要有沙添！至於個羊架都只係一般，肉仲有ｄ韌。除左味道外，最失望既都係個份量，真係太少喇！根本一ｄ飽既感覺都冇....　　一份set dinner 要$155，以呢個價錢而家周圍都可以搵到比佢味道好、份量多既日本菜，所以點解佢晚飯時間既入坐率都只係得70%。…Read More

呢間餐廳裝修有ｄ舊，多數都係木製／竹製檯凳。食物方面，因為唔想諗所以叫左個套餐，有前菜、冬陰公、兩個咖喱菜配薄餅及白飯，仲有甜品。　　麻辣鳳爪鴨腎：辣油配合鴨腎味道唔錯，不過可惜唔夠入味。　　蝦肉冬陰公：套餐中最出色，雖然唔似泰式果種冬陰公，但個味幾濃，酸酸地而個辣度又適中，辣得黎又唔會蓋過個湯本身既味。　　印度咖喱魚：表面上雖然好似好濃，但其實食唔到咩咖喱味。　　黑椒青蔥蝦：雖然話係黑椒，但其實係用咖喱煮，個汁幾香椰汁味，送飯一流。　　印度薄餅：唔係好正宗，唔似傳統果種有咁多層同咁鬆化。　　合時甜品：其實只係西米露，味道不過不失啦。　　整體黎講食物味道都ok，一試無妨，可能今次叫套餐關係，食物質素唔高。…Read More

感覺有ｄ新鮮，ｄ餸既外觀都幾靚既，味道ok 啦，佢扮既所有野都唔係太似，都食到有ｄ麵筋味。價錢方面就偏貴，一個餸菜都平均要$60以上而且份量少，如果叫餐會抵ｄ，幾個餸有湯有甜品平均每人都係大約$80。整體黎講呢間餐廳係一試無妨。…Read More

　　夜晚去左九龍城辣蟹食飯，環境好似酒樓咁，星期六晚既九龍城餐廳竟然唔駛等位！仲有好多檯剩，最初都有ｄ擔心，不過都唔理喇。黎得呢度當然要試下避風塘辣蟹啦！一睇個menu時佢話$220起一隻，唔知佢有幾大隻，諗住叫兩隻啦，再叫其他野。後尾發現原來有套餐叫喎，我地五個人叫左個六人餐，有湯，辣蟹、蒜泥蒸蝦、豉汁蒸倉魚、芝麻雞、冬菇蚌燴白菜仔、薑蛋白炒飯，味道都錯呀！　　我地問個侍應隻蟹有幾大，佢話中蟹一斤倒，如果五人食就最好加$150要隻大蟹(兩斤)，再問下散叫果ｄ$220既蟹原來得10兩倒！咁我地就要左隻大蟹，仲叫左中辣添！我覺得呢個辣度幾好喎，辣得黎又唔會蓋過ｄ蟹味，不過唔食得辣既人仲有小辣／微辣／唔辣揀既。隻蟹炒得幾好呀！好入味，ｄ蟹殼因為炸過黎，有ｄ部份脆到可以直接食埋。而最開心當然係食隻蟹鉗啦！咁大個仔都未食過咁大隻鉗，有半隻手掌咁大，咬落去啖啖蟹肉，好滿足呀！埋單每人兩百蚊倒，可以接受…Read More

食完之後真係只可以講句：「一次就夠喇！」我都唔明點解會有咁多人排隊，ｄ食物根本就冇咩特別，佢話得自己係專門食壽司既店舖，應該有ｄ特別既款式架？點知咪又係果ｄ.....ｄ種類仲少過元綠同元氣！　　味道方面亦唔覺有咩特別，仲衰既係應熱既唔熱，應凍既唔凍，點解ｄ炸雞同軟殼蟹卷中間ｄ炸物係凍既？而ｄ三文魚壽司係暖既？咁都未算係最差，自稱壽司專門店既壽司裡面舊飯竟然一夾就散既！完全係冇握實咁！而ｄ飯粒都比一般既日本米長身，有ｄ懷疑佢唔知係咪用台灣米整既......　　食左既壽司包括三文魚、火炙三文魚、炸雞卷、海膽、芝士海鮮、芝士蝦、炸紫菜沙律卷.....等等十二碟，當中味道好ｄ既只有海膽壽司。唯一可以講既佢既店舖裝修同個茶杯比較靚，所以吸引左咁多人排隊......…Read More

ｄ野幾好味喎！佢出名既特長壽司其實只係塊魚長ｄ，不過可以當係一壽司+ 一魚生咁，價錢又唔係好貴。另外其他食物都好好，包括：1) 黃金焗蠔(ｄ芝士幾有咬口)2) 炸芝士露筍卷(卷內好似冇ｄ沙律醬，加埋ｄ露筍口感好好)3) 蟹籽軟殼蟹卷(ｄ軟殼蟹好有蟹味)4) 奄列包魚生飯(賣相靚，ｄ飯包住ｄ魚生又多又大舊，味道又好！強烈推介！)5) 炸蝦天婦羅(食唔出有咩味，可以不試～～)…Read More