Mr.YumYum的個人專頁

老壇酸菜魚（土豪份）真係超級大兜，有三條魚，另外我哋加咗土豆片寬粉，同埋加咗一份酸菜。加嗰份酸菜好大碟，佢會另外上俾你，識落好夠酸。酸菜魚方面，唔會話太辣太酸，食辣都係正常嘅味道。滕椒呠呠雞雖然唔知點解佢叫呠呠雞，佢入面其實冇雞肉，係好多串唔同嘅嘢食，擺落個涷汁浸住。個汁真係好香麻油味，甜甜地咁，反而又唔覺得辣。識落覺得好清涼，fresh嘅感覺。配一串串嘅嘢食，幾開胃，不過佢啲嘢食煮得有啲熟，啲牛展、牛柏葉、金錢肚嗰啲都有啲難咬。正經的雞被撕撕得好醉嘅手撕雞，味道都正常，落咗啲辣油麻油去溝，又唔會話太辣同埋太油。小油條 個油條有啲似西餐嘅麵包條，有啲硬冇乜油炸鬼嘅味道。浸咗好耐酸菜魚個湯，都整唔林佢，吸得唔多汁，可能叫番粗身個隻油氣會好啲。雨露均沾好脆口，但係我鍾意煙煙軔軔嘅感覺，但炸得太脆，有得有啲乾身，唔係幾岩食…查看更多

想試好耐，今日終於的起心肝去排隊，等咗大概半個鐘入到坐。叫咗兩個套餐再加一個小食。殿龍蝦湯泡飯同普通龍蝦湯泡飯唔同，佢依一個就有半隻龍蝦，其他嗰啲剩係得蝦頭。喺門口排隊嘅時候已經落定單，入到去好快就已經有嘢食。佢海鮮嘅份量真係好多，好多蜆。龍蝦湯飲落係好飲嘅，飲得出係熬製咗好耐嘅味道。唔係好味精，但係可能就會比較啱配米線或者面，配白飯有啲唔係幾夾，下次應該轉米線會好味啲，佢個湯都幾濃味下。花膠螺頭雞煲好足料同埋好好飲啊，雖然有少少鹹，但係配白飯就啱啱好。飲落都冇乜味精感，佢俾咗半隻雞，雞味好濃郁，而且雞肉用嚟煮完個湯都好滑。而且都有好幾片花膠下，好啱冬天食可以滋潤一下。值得提醒嘅係，因為真係好大份！我哋都真係食唔晒，想問佢拎外賣盒，點知原來佢冇做外賣，連外賣盒都冇提供。所以下次記得要留肚好肚餓先去食啦，因為佢份量真係超級大份性價比好高。南乳雞翼配薯角食到中段先記得影相，佢係有三隻雞翼，好香南乳味，不過有少少油啦，可能隔油格得唔夠。但都值得食嘅。…查看更多

Hara叫咗嘢食之後，佢會送個頭盤嘅沙律，個沙律好好味酸酸地好開胃。主要都係一啲帶子裙邊，同海蜇整嘅沙律，好爽口。佢有少少似西餐，食完一樣嘢就會上下一樣嘢食。我哋食完頭盤之後佢好快就上咗刺身俾我哋食。刺身拼盤（細）分別有帶子吞拿魚同埋油甘魚三款。侍應話要食嘅次序係食咗帶子先，吞拿魚，最後係油甘魚。我估係因為油甘魚嘅油脂味最重。帶子非常之爽甜大粒好好味，上面有啲三文魚子，夾埋一齊食，好香口，帶子嘅肉大夠得泥唔會好霉，好新鮮。吞拿魚雖然佢係赤身，但又估唔到食落口都幾肥美同香口。油甘魚都真係好好食好新鮮。本身已經好鍾意食依三款刺身，平時喺好多日本餐廳食，都冇佢咁厚切大片，而且佢係好新鮮冇雪藏味，食到魚香味。估唔到佢嘅刺身冇驚喜。Fuji Mountain 造型好靚好啱打卡，吉左個波之後會有啲氫氣走出嚟，成件事係好靚。日式麵豉燒茄子佢切得好得意，將啲茄子切到一格格咁樣。好似切芒果咁樣，茄子表面應該加咗糖去燒，所以食到有啲位係有啲脆卜卜，同平時係燒烤店食嘅燒茄子有啲唔同，佢個茄子又唔係好林好濕，仲可以切到一嚿嚿出嚟，又唔係話好硬，但係就同平時食嘅質地好唔同。值得一試。紐西蘭托托蜆我哋揀咗蒜蓉辣椒味，但係又唔會話好辣同埋好重蒜蓉味，冇冚左蜆嘅本身甜味。蜆好大粒好大隻，不少少汁撈上去，個配搭好夾，食到海鮮嘅鮮甜味。屠夫牛扒牛扒我哋明明帶咗三成熟，但係上到嚟嘅感覺似係得一成，食落口就好普通，有少少失望，因為佢個汁有啲奇怪，苦苦甜甜嘅感覺，同牛扒唔係幾夾，我哋試完之後，都冇再用佢個汁，問佢拎咗少少鹽自己沈上去。但佢本身牛肉又唔係好重牛味，比燶邊搶左味。而且真係好生下。佢淨係整咗周圍燶邊，但中間仲係好生，唔係粉紅色嗰啲，係紅色。可能下次去到要叫五成會好啲。…查看更多

原隻軟殼蟹羅勒青醬意大利飯軟殼蟹揸炸得好脆口，不過有少少油膩感青醬意大利飯就夠入味，味道都可以接受但係上碟嘅時候覺得唔係好夠熱焦糖鳳梨牛油果飯上碟嘅時候賣相，覺得有少少似茶記嘅叉燒蛋飯。燒菠蘿就好甜嘅，焦糖喺面係脆卜卜嘅感覺，好有咬口牛扒就有啲韌，牛油果真係正常，夠熟，但係同個飯唔係幾match啲飯就係白飯溝甜豉油。成碟來講賣相同味道都真係似茶餐廳質素柏士圖青醬合桃意粉配原個流心芝士蕃茄依個真係唔好食，首先個青醬意粉係冇味，唔明點解我哋有嗌青醬意大利飯，但嗰個就夠鹹味，反而意大利粉應該都係用同一隻醬，意大利粉係冇味，同好油。而合桃都相信睇相都睇到，得好少。而蕃茄方面，真係gimmick野，得個賣相，首先個蕃茄係唔熟㗎啦，青青地相信睇相都睇得出，不過可能係因為咁樣先可以釀到個芝士入去。但佢話流心芝士，雖然我哋唔記得咗影相，但係成舊芝士係凍既，同硬既，一個圓形白色無咪芝士，有啲似巨型嘅水牛芝士，不過我唔識分咩芝士啦，反正就係成舊芝士都冇味，亦都唔識得融，拎嚟撈意粉得好格格不入。同埋係一舊嘢咁樣撈意粉食好奇怪。雜莓忌廉芝士牛角包窩夫呢個係成餐飯入面最正常嘅一樣嘢，不過寫Happy birthday要加$15，同埋份量都真係好少每人一啖，未到就正正常常啦，唔係特別好食，同想像中嘅味道差不多，個牛角包窩夫都唔係好鬆脆嗰啲。但係個像同埋個忌廉芝士就夠甜，溝埋食落都OK。嗌咗四杯嘢飲牛油果甘藍蜂蜜牛乳沙冰依杯係好飲嘅，有蜂蜜味甜味，每樣嘢溝埋都好夾牛油果香蕉抹茶奶昔依個真係好難飲，首先飲落口嘅時候唔夠滑啦，而且啲抹茶粉未融晒，飲到粉，平時有香蕉嘅嘢飲應該會好出味。但係成杯淨係飲到抹茶味，牛油果味都係好淡，完全飲唔出有香蕉味，同行嘅三位朋友都覺得超難飲。因為佢加唔夠糖，成杯剩係得好苦澀嘅綠茶粉味，仲要飲到係有粉嘅感覺。一嚟冇整融啲粉，二嚟個食份比重好奇怪。榛子朱古力配懸浮棉花糖相信睇色都睇得出，朱古力好淡啦。而且佢個棉花糖應該攞手放落去，有明顯嘅指甲印。感覺唔係幾良好。咖啡加懸浮棉花糖朋友叫咗一杯熱咖啡，佢好鍾意獨角獸，見到Menu上個懸浮棉花糖係獨角獸，所以加錢想要。點知個侍應講，棉花糖係冇得揀，咁問佢有咩款啦，佢話佢都唔知，結果上到嚟嘅時候同頭先杯朱古力一樣都係啤啤熊。總括而言，其實我兩三年前都食過依一間舖頭，嗰陣覺得係普通未至於難食，而家今次食飯，覺得冇乜邊樣係好食，都唔緊要，仲要偏難食。而且是員工態度都唔係話特別好，應該都唔會再有下次。如果依個食物質素，講真寧願去食茶記。見到OpenRice上好多好評，真係好不解。…查看更多

喺樓下見到有人派優惠券，就上咗去食佢攞優惠券堂食就送兩件三文魚刺身今次叫咗四款嘢食彩虹卷 佢又唔同嘅刺身包住個卷飯有三文魚油甘魚吞拿魚但唔知係咪因為太薄嘅刺身關係 咁樣包住係食唔到魚嘅味道啲魚都有少少雪藏味 咁樣捲埋淨係食到啲飯味不過個顏色擺盆就相當之靚嘅海鮮盛盒串燒相信睇相都得出 燒到相當之乾身食落有啲鞋口 我覺得係有overcook牛油果吞拿魚丼佢依個份量都幾多 好多片牛油果 同有五片吞拿魚吞拿魚係赤身 不過不失啦 不過如果對吞拿魚有追求嘅就可能麻麻哋燒三文魚骨我覺得成餐最好食就係呢個啦因為將三文魚燒得好香口食落有魚油嘅香味 好好食呀依個落咗少少鹽吊味 味道啱啱好囉…查看更多

之前book咗Rosewood嘅staycation，佢就跟呃客嘅一餐晚餐，係three course dinner set上到去佢個環境真係好靚，見到好多人都係喺嗰度慶祝生日，或者係周年紀念，張枱係望住維港個景，真係好靚呀個景色。嘢食方便前菜我哋分別揀咗，三文魚魷魚刺身，同芥末豬肉餃子。個魷魚刺身幾好食喎，爽口得來又濕濕地佢處理得幾好。個芥末豬肉餃子就冇咩特別，同平時係居酒屋食嗰啲日式餃子差唔多，都係脆皮嘅。主食呢我就揀咗石燒和牛西冷，同三文魚加帶子石燒和牛西冷覺得依一個就普普通通，同平時居酒屋嗰啲差不多。牛肉嘅質素都唔算係特別靚，食唔出係和牛或者好貴嘅牛。三文魚加帶子呢個就真係超好食啦，首先三文魚同帶子都冇overcook，煮得好嫩滑，而且個汁都非常之特別，有啲似千島醬但係有酸酸地，配三文魚加帶子非常好食。而且佢出面係有黑色嘅炸漿包住三文魚同帶子，有啲似平時食吉列牛咁，但佢就煮得好趣，炸得來又冇令到啲三文魚或者帶子好油膩或者過熟。呢度菜仲要擺盤都好靚，好精緻咁。甜品叫咗個Tiramisu同埋雪芭個雪芭就好酸檸檬味，而Tiramisu就唔夠滑身啦。但係我哋嗰日食係夜晚七點幾，餐廳嘅環境真係非常之靚，望住個景啲嘢都特別好食啲！呢度係非常之值得嚟，但係就唔推薦過石燒牛啦，因為仲要自己整好麻煩，梗係人哋煮俾你食望吓警仲開心啦。…查看更多

九龍城泰國菜突然好想食泰國菜，就會想入九龍城食。之前食過依間，記得佢個生菜包好好食，所以又想返兜。今次叫咗幾樣嘢食。冬陰功炒飯呢個飯都幾特別嘅甜甜地辣辣地咁樣，聞落都有冬陰功味，但重口味嘅我，覺得可以再辣多少少，同埋個炒飯覺得唔夠乾身，有啲濕。不過朋友就幾鍾意食，睇吓你鍾意食乾身嘅炒飯定濕濕地啦。生菜包呢個生菜包真係好好食呀，啲豬肉碎又唔會好肥好油，而且佢落咗好多香料落去，好多香葉令到個生菜包更加惹味。同佢比一般街食到嘅生菜包辣少少，成個配搭好好食好重口味！真係一定要食一個生菜包。咖喱南瓜焗海鮮佢係重椰香味嘅咖喱，咖喱好滑身食得出好重椰奶味，點薄餅食都幾好味嘅。如果鍾意食南瓜嘅朋友，會覺得一個好味嘅，因為啲南瓜好林，可以不到南瓜蓉出嚟。泰式生蝦隻蝦好爽，而且佢有炸蝦頭，個炸得好酥脆。豬手依個豬手拎上嚟嘅時候，覺得佢好似好乾身，驚啲肉好鞋口，驚佢硬骨骨唔好食。但係食落又己有驚喜喎，首先啲豬皮好脆，咬落會有確確聲，幾香口嘅，而且佢又唔算好油膩，隔油得好好，遲啲肉質呢，亦都冇想像中咁鞋口，都幾林個喎，又唔可以話好滑嘅，但係有Juicy嘅感覺。不過依個建議要多啲人share，始終係豬手一兩個人食會有啲濟。另外仲叫咗個菜啦，都係啲正正常常炒通菜咁，冇乜嘢特別要推介，不過健康都係要嗌菜食好啲。…查看更多

午市去開天后就食依間豬軟骨飯，以前喺天后返工嘅時候成日食，印象中係大份夾抵食，仲要啲豬軟骨整得好入味。今次去到我叫左豬軟骨同牛肋條兩份。唔上到嚟嘅時候覺得豬軟骨份量好少比以前少咗好多，不過味道依然係好好食。啲軟骨煮到好張住過嘴，啖啖骨膠原嘅感覺。佢煮得好林好入味，輕輕用筷子夾一夾就可以分開成舊豬軟骨。好少舖頭可以做到咁樣。而醬汁方面，鹹度適中好啱送飯。不過，如果可以多番幾舊豬軟骨就更加好啦！但可能而家食材貴咗所以份量少咗都理解嘅。但相反黑椒牛肋條真係有啲失望啦。啲牛肋條炆得唔係好林，本身以為同豬軟骨差唔多，都係一夾就可以分開嗰啲，呢個牛肋條就要咬好多下，而且啲牛有臊味，黑椒嘅味道唔係好出，不過佢就份量比豬軟骨多，有好多舊牛，但係如果要再揀嘅話，揀返豬軟骨會好味好多。如果未食過依間，真係一定要試吓佢嘅豬軟骨，好好食！…查看更多

平時好鍾意周圍食buffet，聽人講呢一間buffet性價比好高。今次book咗五至七點，呢個時段比較平。因為我哋揀咗平日去食，所以其實都唔算好多人一去到我哋坐嘅位置好近生蠔位，我去咗拎生蠔每人限拎三隻，啲蠔都幾大隻嘅幾多肉有兩個師傅喺度開蠔，供應得好快，不過可能沖水衝得太犀利，洗走晒啲蠔本身味道，變得比較淡味冇咗嗰種海水味。不過其實都已經性價比好高㗎啦，我哋都食咗兩打每人。但老實講其他嘅海鮮麻麻哋，平時好鍾意食蟹腳，但係依間啲蟹腳有少少霉。啲螺同其他海鮮都比較雪藏味。另外我就攞咗佢嘅和牛壽喜燒同和牛燒肉。兩個都正正常常，不過就冇再encore。鵝肝我哋就拎咗好多次食， 佢都夠油香嘅，食落都好好味，再加啲蘋果醬隔離，配搭好唔錯。最後其他每一款嘢都有食嘅，但係其他記憶都唔深刻都正正常常啦冇乜特別好味同難食。心太軟我覺得幾好味，同埋有得寫紙仔比佢，寫字喺隻碟上面。最後埋單每人$385 ，呢個價錢我哋覺得非常之抵食。雖然唔係話好多選擇，但基本上自助餐有嘅嘢都有。平時buffet就鍾意食生蠔鵝肝蟹腳，呢個都幾滿足嘅。當然啦唔好期望超級好食，啲海鮮超級新鮮鮮甜，但係呢個價錢來講，已經做得超級出色，好過好多放題。…查看更多

Lunch同幾個朋友，喺中環搵咗依間嘢食。佢係新開咗冇幾耐嘅，喺蘭桂坊附近。主要係食西餐。佢嘅餐牌有豬牛雞鴨意粉選擇。我就點左個香煎海鱸魚做主菜，前菜就揀咗鯖魚沙律，甜品就揀咗雜莓咪可麗餅煙燻鯖魚柑橘沙律魚既份量都多既，有3舊鯖魚。但係今個沙律同鯖魚嘅配搭，我自己覺得唔係好襯。香煎海鱸魚主菜來講分量係比較少嘅，佢啲醬汁係有少少辣嘅仲有少少蕃茄嘅味道，應該係蕃茄醬溝Tabasco，在唧埋檸檬係魚肉上面，係冇咩腥味嘅，但係又唔算係好Fresh嘅感覺，個醬汁我覺得麻麻地，佢唔係酸酸甜甜，係鹹鹹辣辣嘅感覺。但條魚就煎得好滑嘅。草飼肉眼扒朋友嗌左肉眼扒五成熟，偷咗一啖嚟食。唔覺得有啲鞋口，同筋位都比較多要咬好耐。覺得依個好普通。烤西班牙到洛克豬扒我反而冇影到相，朋友嗌左依個俾咗一啖我食。呢個係三個主食入面最好食。呢排有啲甜甜地嘅味道，咬落好juicy 同好牛豬油味。可麗味呢個麻麻哋啦，冇咩期望。醬都係好少嘅，餅都係好林。免費來講，我哋都食唔晒。唔太好食。…查看更多

我哋一行四位朋友book左依間食晚飯人齊左就可以入座入到去佢比一般嘅大排檔餐廳光猛，枱都比較大張企理我哋叫咗四個小菜，佢啤酒又買三送一優惠，我哋嗌左四杯，同甜品叫咗楊枝甘露同埋黑金流沙包去之前睇食評見到有個黑豆腐，好似好吸引。但係去到個侍應話嗰啲係季節嘢食賣晒🥲 通菜都冇晒🥲魚香茄子煲佢入面有好多茄子，份量好多，同真係有魚肉。食嗰啲魚香茄子煲會有鹹魚味，成日都會比較鹹。依個就食唔出有鹹魚味，味道都唔會好鹹，送飯就啱啱好。冰鎮咕嚕肉我見到好多人都有叫依個，啱啱炸起真係好好食！冰鎮左之後啲醬汁係咕嚕肉表面凝固咗，令到咕嚕肉個皮好穌脆鬆化。不過佢嘅配菜菠蘿好少🥲但整體來講好好味西蘭花芥茉牛柳粒個賣相就好靚，但係食落又覺得一般，可能個芥末同牛柳粒個味道唔係好襯。但係個牛肉就幾好食，唔會overcook。西蘭花就冇咩特別啦我諗佢都係白烚嘅啫飛天芥蘭煲因為冇晒通菜所以就轉做芥蘭。我第一次食依個配搭，覺得啲芥蘭好難入味，好似得面頭個啲有味，其他似白烚加油，不過都幾健康甜品帶咗楊枝甘露同埋黑金流沙包，兩個都冇乜特別啦，同平時出面食嗰啲差唔多，只不過楊枝甘露叫做比出面平囉，過下口癮食甜品咁依家嘅我都可能會再去嘅，應該會同一班朋友gathering嘅時候會去，因為可以坐好耐傾好耐計都幾舒服。價錢都唔算貴最後埋單每人都係$200左右。…查看更多

我哋兩個人就嗌咗三款嘢食，兩款野飲我哋嗌左燉牛肋骨蛋包飯、韓式豬手沙律同一份炸雞（分別係甜辣味同柑橘味）飲品就揀咗朱古力同玫瑰鮮奶咖啡大概三點幾去到舖頭啦，星期六都唔使等位佢上菜速度非常之快，好快就想齊晒茶大概十幾分鐘左右味道方面燉牛肋骨蛋包飯 7/10牛肋條燉得好淋，非常之入味但個蛋包飯，雞蛋就冇咩味，啲飯就有啲咸同濕左少少，唔係太match不過百幾蚊泥講，份量係好大份抵食既韓式豬手沙律 5/10個豬手有啲乾，同冇咩味，都冇醬汁可以點。有啲似白烚⋯⋯我相信睇相都可以feel到冇咩顏色，同之前喺韓國食蜜糖烤豬手差好遠。跟住個沙律啲菜好酸，因為佢落咗好多醋，同埋有啲好多油，覺得感覺麻麻地自己唔係好鍾意。所以平時好鍾意食沙律既我哋都冇食晒。無骨炸雞7/10炸雞我哋叫咗兩個口味分別係金橘同甜辣。兩個味道都OK個皮都幾脆。同啲雞又唔算太乾同鞋口嘅。份量嚟講我覺得依個算係好多同埋都幾抵食！都幾多件計吓，我哋都食唔晒！佢另外仲有啲薯條同年糕配料，但因為薯條係底，俾啲醬汁浸到林晒同埋有啲油，麻麻哋。年糕炸咗就覺得有啲奇怪，炸完又唔係脆又冇味，唔吸引。配料可以唔食。熱朱古力味道唔太夠濃，唔係好creamy滑身既朱古力熱玫瑰鮮奶咖啡隻咖啡有少少苦，飲唔出有玫瑰味，似普通latte，唔算香建議揀番梳打汽水個啲，可能味道好啲總括嚟講，呢間野份量算大嘅，我哋食咗六百幾蚊，扣左coupon就$400左右，咁都算抵嘅最後都有食淨。如果平時行街行得攰想搵間餐廳坐低，都OK嘅選擇，但如果專登出嚟食就不了…查看更多