Meowmeoow's Profile

平時好小食高級壽司😚難得同媽媽出尖沙咀行街就去左千兩~Lunch set人均消費都係~$100 但真係好豐富，一次過有五樣野食😛 牛肉鳥冬彈牙入味，鰻魚飯都唔錯，炸蝦都整得幾好🤣 另外佢壽司飯都算係新鮮，雖然一定冇日本個d咁fresh，不過係香港黎講都算係咁啦，係隻蝦有少少腥味 🙈Overall幾欣賞佢有熟食同壽司、壽司飯等選擇，就算唔中意食生冷野既朋友都可以一齊黎🙆‍♀…Read More

平時想飲焙茶最多去自己係屋企沖下hojicha lattle 但講到要食高質既焙茶就唔可以咁兒戲 去中村藤吉一定冇死💕 一入到鋪頭茶香味撲鼻而來 有一種好溫馨好似去左日本既feel🥺 我地三個人 分別嗌左三樣甜品: 綠茶蕨餅($88)、焙茶味生茶啫喱($88)、焙茶芭菲($98)1. 蕨餅附有兩個醬（綠茶&蜂蜜)，個人覺得蜂蜜甜左小小，蓋過左本身綠茶蕨餅既香味，dip小小就夠~綠茶醬就幾夾 加多小小都唔怕！ 2. 焙茶啫喱有兩球雪榚，應該同佢出面sell個隻雪榚筒有小小唔同，呢隻硬d不過好香焙茶味 一啖雪榚一啖jelly咁食就最岩啦😛3. 焙茶芭菲其實就係mix埋晒唔同既甜品，有雪榚、啫喱、小丸子、蛋榚、cream同紅豆，不過我本身唔中意食紅豆，佢夾左係中意整唔走😢 下次都係唔食芭菲lu.P.S 今次黎發現佢收每人$10茶錢lol 其實都幾貴 限時90分鐘又飲唔到好多…Read More

My favourite: 小鍋米線雞翼金菇少辣走芽菜!❤ 食過好多間米線 始終都係最中意雲桂香個湯底 酸酸地又有辣味 米線好彈牙索晒個湯既味~ 湯底有分酸辣同麻辣兩種 個人中意食酸辣多d （比較唔辣） 之前都有推介過俾唔食辣既朋友（少少辣）佢食晒成碗都唔覺辣🤣 所以中意食辣既朋友可以嗌中辣/more都ok😆 麻辣就小辣都好明顯feel到條脷好麻～環境黎講係迫左小小 如果撞正食飯時間就要同人搭枱 不過都未至於食得好唔自在既～btw學生去食好似仲有其他優惠!…Read More

前幾日行過路德圍 發現得番棟篤食係我中學回憶既小店😢（其他舊鋪全部轉晒做珍奶咁濟..）呢間食左都差唔多有十年 最中意都係叫燒賣少辣 佢地自家製個汁真係好好食🤤! 雖然而家加左價 但$10兩串都算係咁 熱辣辣又多汁 唔洗淨係點豉油咁悶～希望棟篤食唔會執笠啦! 大家得閒經開就幫襯下 阿姐好好笑容架!…Read More