bbblovesfood's Profile

齊柏林熱狗，相信大家都唔會陌生，而上個月終於進駐大埔，以後除左Bulldog Hotdog之外又有好食熱狗啦！今日全民感謝日，一於同大家試試呢間大獲好評嘅熱狗店。 餐牌好簡單，6款熱狗可以單點或跟餐配 2個小食/ 1個小食+1罐汽水，另外仲有唔同小食可以加配。 今次揀咗火炙芝士辣肉醬熱狗 (HKD$42)再跟餐配左薯條同牛油粟米 (+HKD$12)，今日滿50蚊可以減5蚊。由於所有野食都係即叫即整，所以都要等一段時間，好彩無變隻冰狗俾我🤪疫情期間冇得堂食，雖然由外賣到拎返屋企都成十幾廿分鐘，但係都仲熱辣辣。熱狗包又大個又鬆軟, 烘過脆脆地，荷蘭腸再加辣肉醬，生洋蔥同黃芥末，表面再加用火熗灼過既邪惡芝士，睇落好吸引🤤芝士辣肉醬味道好配合，個味豐富得來又有口感，配搭幾好，不過唔知係咪凍左少少拉絲效果無咁明顯，但係整體仲係好好食🤤 配餐薯條都好食，特別係個醬甜甜辣辣叫人停唔到口。店員仲好細心分開上唔會整到薯條淋曬😊下次要試埋其他熱狗先！ 提提大家熱狗製作需時，外賣可以預早打去落單先，咁就可以唔駛等咁耐。 - 齊柏林熱狗 📍大埔超級城b區 地下134號鋪(永明眼鏡隔離)…Read More

離開咗香港一段時間，一直好想試網紅嘅黑糖珍珠鮮奶。今日經過尖沙咀，竟然見到鹿角巷唔使點排隊，當然即刻去買啦！叫咗杯鹿角巷最出名嘅黑糖鹿丸鮮奶($28)。珍珠好有黑糖味好Q彈有咬口，唔會好梗或者好淋。🍘👧🏾覺得奶味好濃，唔知係唔係戒咗奶一段時間嘅關係。整體來講係一杯高質嘅黑糖珍珠鮮奶！…Read More

有一段時間無番黎香港，雞蛋仔係其中一樣好掛住嘅小食！行過旺角，試左個新派雞蛋仔 - 紫菜肉鬆口味($25)。原本冇乜期望，點知食落又唔錯喎！外皮卜卜脆又有紫菜，入邊粒粒都有好多肉鬆，好紮實。等我下次經過試埋其他口味先！…Read More

黑糖珍珠奶茶依排係香港愈開愈多，唔少台灣代表好似老虎堂，珍煮丹同幸福堂都相繼進軍香港，平時條人龍真係閒閒地都要排成粒鐘！不過今日happy Friday，有同事去開銅鑼灣lunch完見到老虎堂竟然得十個人排緊，即刻去排埋一份，仲買埋外賣翻黎比我地一齊飲！🐯黑糖波霸厚鮮奶 ($30) 可能拎到翻公司都要差唔多成個鐘，黑糖珍珠已經開始變一舊舊，冇左黑糖掛杯，本身仲諗住可以影下相呃like嫁嘛😫搖勻飲落去，珍珠會比平時既Q啲同多左陣黑糖甜味，滿足😋另外鮮奶同黑糖都好夾，唔會過份地得個死甜，仲keep到奶香！不過由於送到翻公司都成粒鐘，攪到啲冰溶得七七八八沖淡左少少好可惜。下次都係自己去排再即場飲影翻張相打卡呃下like先✌🏾話是話，🍘👦🏻期待左好耐既珍煮丹今日都係銅鑼灣開左啦🤤唔知會唔會又有多條長長既人龍要排成粒鐘呢？🤔…Read More

星期六都要番工咁鬼灰，梗係嘆番個早餐先至開工啦！去左旺記外賣，叫左個旺記烘麥包三文治四重奏($32)，餡料揀左午餐肉x雞蛋x架央x生菜。-三文治餡料好豐富，食落啖啖都有餡。午餐肉係厚切有口感，加埋蛋汁同生菜，好juicy。架央唔係好搶味，有少少甜同埋令到麵包較濕潤。🍘👧🏾Jam最驚好乾嘅麵包嫁啦，所以lee個岩哂口味！三文治分量都幾多，食完都真係唔使食lunch。-提提大家三文治製作需時，堂食就要耐心等候，外賣就可以預早打去落單先，咁就可以唔駛等咁耐。…Read More

Instagrammable Dessert - Popcorn Mountain - Vanilla Ice Cream covered with Corn Flavor Popcorn and sprinkled with Himalayan Pink Salt on top -自從Cobo House無左Janice Wong 2amessertbar就無黎過lu。今次有朋友生日就黎一試Korean fusion cuisine嘅Cobo House！-因為佢地有個好值得影相呃like嘅甜品 - Popcorn Mountain! 當做生日蛋糕送畀個frd就最岩啦，仲氹得佢好開心添。甜品黎到之後，廚師會係餐枱上面即刻加上喜馬拉雅粉紅岩鹽。甜品有雪糕嘅甜味同埋爆谷岩鹽嘅鹹味，一鹹一甜好過癮！…Read More

由於跑馬地冇地鐵站，可以係銅鑼灣轉電車小巴或者行過去，雖然行要起碼20分鐘，但見時間尚早，我地最後都決定慢慢行過去啦。-行左半個鐘到，終於見到終點，好彩入去同店員示意兩位後就直接帶位唔使等，入面環境望落幾高級，再加上悠閒既音樂，完全唔同平時啲拉麵店好急促既節奏，店員都幾有禮貌，一坐低就問我地要凍茶定熱茶。-睇左陣餐牌，本身諗住叫限定既金目鯛拉麵試下，點知賣曬😭最後叫左雞白湯拉麵，雞沾麵，同煙燻糖芯蛋。-拉麵一黎，最吸睛既就係碗上面即炸既牛蒡，就咁食口感香脆，浸湯就煙韌香甜。而個湯就用左cappuccino打法起泡，口感綿滑夠特別！飲落每一啖雖然好濃好有雞味，但係係完全冇拉麵既油膩感 ，讚！而麵雖然冇得揀硬度，但都幾有咬口同掛湯，同炸牛蒡夾埋一齊食更加係驚豔。叉燒方面每碗有豬同雞各一塊，食落比平時既更淋身，🍘👧🏾Jam仲好鐘意塊豚肉叉燒添！-而沾麵麵既分量睇落比湯麵仲多，沾汁亦都夠濃，飲落好似飲緊忌廉雞湯咁，但係雞肉叉燒就變左切粒，食落冇拉麵果塊咁嫰滑。-燻蛋就有少少失望啦，雖然做到糖芯效果，亦都有少少煙燻味，但係就熟左啲減左分。-食完之後見冇咁熱，我地就去左搭叮叮翻中環再搭船慢慢回味一下頭先碗雞濃湯，下次要去試埋限完既金目鯛拉麵！-…Read More

宜家想搵一間好食又抵食嘅甜品真係唔容易... 咁岩行過鴻福堂，心思思就買左佢嘅楊枝甘露($28)做今晚嘅甜品。-首先佢係夠凍嘅，而且又夠甜，仲有啲芒果西米咁咬下。係屋企開住冷氣，鍾意幾時攞出黎食就攞出黎，都咪話唔爽呀！…Read More

咁岩公司活動，可以放半晝。又咁岩見到唔係好多人排隊，所以就係炎熱嘅夏天之下，排左半個鐘一試 - 台灣過江龍迷客夏。可惜鎮店之寶已經售罄，唯有試下佢嘅牧場鮮奶茶系列啦，最後揀左珍珠茉香綠茶拿鐵($28)。-排隊過程中都見到店主嘅用心，除左會試茶底嘅味道之外，仲會監督店員沖飲品時候嘅份量。不過🍘👧🏾Jam個人就覺得可以甜多少少再凍少少，而且茉香綠茶味太重遮蓋左佢嘅特色牧場牛奶。珍珠就唔錯嘅，唔似膠係有口感嘅。如果下次都係見到咁長龍，就未必會再排啦！-…Read More

約左幾個朋友仔係isquare睇戲，其中一個提議食丸亀製麵，貪佢唔係貴又幾好食，而且個位置正正係戲院入口下面果層，食到最後一刻入場都得。仲有呀，憑戲飛有得送鱈魚排($15)!-我叫左個和風蜆肉烏冬(中$42)， 以份量同賣相黎講係絕對對得住個價錢嘅。味道就不過不失，蜆肉有少少沙，烏冬正常無酸味，合格。免費嘅鱈魚排就簡直超晒班，新鮮熱辣炸出嚟，出面脆卜卜入面滑脫脫，唔錯唔錯！下次再黎isquare都一定會幫襯！-…Read More

真係唔好講笑，散水餅食得多，平又有貴又有。估唔到東海堂呢個3.6牛乳布丁杯($24)咁出色！好滑好香好有奶味，同milk top有得'輝'！食完都幾飽下，頂到成個下晝。-P.S.背景有🍘👧🏾Jam最愛嘅男神😍…Read More

琴日食完朱古力薯片做宵夜，心思思又想食啲又鹹又甜嘅嘢。於是忍唔住放工去咗東大街嘅低調高手大街小食，買返個黃金格仔餅($28)！-由於🍘👧🏾Jam 唔食花生醬嘅關係，呢個格仔餅就啱晒佢啦。熱辣辣脆卜卜嘅格仔餅入面夾住主角鹹蛋黃，煉奶同埋砂糖，簡直係perfect match！不枉我哋特登搭車去到筲箕灣，下次一定要試埋佢個黃金雞蛋仔！…Read More

無錯就係Royce朱古力薯片！真係一個好邪惡嘅宵夜呀！-朱古力薯片lee個組合雖然比較特別，但係薯片嘅鹹味同埋朱古力嘅甜味又出奇地夾！又甜又鹹咁好味，真係一塊塊咁好快食哂一盒，你都咪話真係好邪惡呀！…Read More

琴日見咁好天就去左踩單車啦，由大埔踩左去上水。慢慢踩欣賞沿途風景，踩下踩下踩左成三個幾鐘。踩得咁辛苦，梗係要食番多啲野補數啦！-於是我地去左河上鄉羅太豆花，黎個$13豆花豆漿放題！$13黎講就真係好抵啦，食番一碗豆花同飲番一碗豆漿都已經圍番本啦！由於太努力踩單車關係，🍘👦🏻Almond同🍘👧🏾Jam總共食左3碗豆花，同埋飲左5碗豆漿，都唔係太過份姐😅。-要留意番啦，由上水火車站去豆品廠都唔容易，要做少少功課。另外畀左錢之後，姐姐就會畀碗豆花你。豆花就只有熱，可另外加糖水同黃糖。根住點食都係用番一開始個碗仔，仲可以自己自由斟凍嘅無糖豆漿添。如果想有少少甜味，可以加豆花糖水，咁就唔會咁寡啦。…Read More

餃子控終於可以係五一勞動節唔使排隊之下食到美味餃子店！由於我地買左飛七點睇Avengers，所以就有時間六點食個early dinner。原本都諗住要排一陣隊嫁啦，點知好好彩又唔使喎。-一如既往，下晝黎就無哂白菜餃 😢。所以我地叫左一碟煎韭菜餃($38/7隻)，一碗湯雲耳椰菜肉餃拼韭菜餃 ($46/10隻)。-粒粒餃子都大大粒，好多餡好足料，煎餃湯餃各有特色。煎餃煎得好香口好脆口，仲要好多汁好juicy添。湯餃湯底係野葛菜煲生魚豬骨湯，好有家的味道，啱晒鍾意飲湯嘅朋友仔。而特別餡料雲耳椰菜肉餃，亦都好爽口好有口感。當然唔少得嘅係佢地獨有嘅自家製辣菜甫，配埋餃子食簡直係錦上添花，冇得彈！…Read More