Joyfulduck's Profile

💬 呢間真心想試好耐，但之前喺朗屏嘅工廠區有啲隔攝，所以一路都未試，點知原來而家開咗喺舊b附近😳.今次試感覺上好新奇嘅 #豬柳蛋芝士雞蛋仔 ✨️ 其實味道係預料之中，呢個組合好難出事😂 新鮮出爐熱辣辣，雞蛋仔嘅口感唔錯，小脆，同埋好足料爆餡！.下次想試朱古力夾心、雙重開心果、pizza雞蛋仔，仲有抹茶紅豆夾餅！原味雞蛋仔都想試，因為今次啲餡本身有蛋，又有咸味，所以食唔到本身雞蛋仔個味🤣.價錢嚟講都唔平，呢底豬柳蛋雞蛋仔$42，其他大概都係$30-40左右，但間唔時食吓都ok嘅～.…Read More

💬 附近冇咩餐廳，見到呢間Google map評價唔錯就試吓。就係輕鐵站隔離，而且有大玻璃，望住出面都幾舒服 (雖然其實冇咩景😂).叫咗個lunch set #香煎盲鰽配蕃茄牛油飯 $128 .跟餐嘅蘑菇湯ok，嗰片麵包我想講好好食😳 出面係薄脆嘅口感，入面好鬆，同埋就咁食已經夠味，唔駛點湯。餐飲叫咗凍檸茶，個茶底幾好飲有陣香味～.主菜盲鰽煎得好脆，但啲肉都好滑好juicy，不過比較淡口，加多少少調味會更好。蕃茄牛油飯口粒粒分明，口感係我鍾意嘅偏硬身，不過蕃茄味都係有啲唔夠，可能呢間餐廳嘅嘢食都係稍為偏淡🤓…Read More

💬 Openrice評價相當一般，但去到見到都坐滿就安心啲喇🤭 間鋪幾大，但坐得好逼，不過就可以慢慢坐唔趕你走～.首先要推介海鮮咖哩大包！！咖哩唔係好重香料/ 咖哩嘅濃烈味道，而係相當易入口，亦都唔辣，不過重點係個包，想講個包真係真係真係好出色！！🥹 出面超脆，而入面係厚身又勁鬆軟，沾埋啲咖哩食好正😍.小食拼盤正路嘢，熱辣辣即炸，我覺得入面最好食係冬蔭功魚餅！然後蠔仔蛋係見好多枱叫而望落幾好食就試吓，都唔錯炸得好酥脆！ 串燒同菜就都正常啦～ .整體嚟講嘢食都ok，上面呢度再加嘢飲，人均$151，為咗個咖哩麵包會翻撻再嚟🤤.P.S. 九龍城有2間分店，睇清楚book邊間唔好去錯😂…Read More

#招牌砂鍋花膠竹笙雞米線 $72湯底ok，如果再少咸啲就更好啲雞全部冇骨好方便，同埋都幾滑雞嘅份量正常、2舊花膠仔、竹笙豆卜木耳菜再加埋米線都幾飽！.#砂鍋椰子花甲雞米線 $72好有椰子清甜味嘅湯底！花甲好多，不過就細隻啲.食過2次都覺得唔錯～ 但第1次去先等位廿分鐘坐低落單後再等咗半個鐘！等咁耐我都餓到有啲躁底🥲.第2次去唔駛等位落單後仲好快有得食～然後佢仲突然播歌食個米線聽咗3首張天賦😹.#happyfriday#longweekend ✧*｡٩(ˊᗜˋ*)و✧*｡…Read More

💬 講嘢食先～-超大塊牛小排要預約但好食，啲牛油味好香好正🥹 -我唔太食生嘢，所以好少食海膽，但海膽牛肉包埋一齊咁食就ok🤡 又幾好食-甲羅燒好濃蟹膏味！-隻蝦好大隻好爽好有蝦味好好食！-牛拼盤、豬頸肉、大京蔥、扇貝係正路嘢都唔錯-啲肉有得揀鹽燒定汁燒，鹽燒好食但我覺得可以少返啲鹽-香蔥玉子撈飯真係鋪滿蔥，不過佢冇醬汁，但配牛都ok-佢有個wasabi醬幾好食，唔係平時食壽司嗰隻，佢呢隻醬係淡淡wasabi味 + 有啲似蔥嘅wasabi根莖+調味.值得一提嘅係服務都幾好，有啲會幫你燒埋，例如牛小排、扇貝等等，仲會幫你剝埋蝦殻，好爽😎.甜品叫咗個唔知咩雪糕，但重點係佢食落去唔係雪糕嘅口感！佢雪到超冰，但食落係有啲似稀嘅麻糬咁，好新奇😂 其實佢都好食嘅，但唔係平時嘅雪糕🤣.食晒嘢佢仲會送杯yogurt同茶解膩，yogurt幾香奶味同好滑，之後再飲啖茶好舒暢～.想講其實呢度都唔算好多嘢，但可能啲肉太油，我真係好飽！.我掛住食連啲相都好求其影🤪 愈嚟愈懶.上面呢度+4杯酒，2個人食咗$1300左右～.#香港美食 #尖沙咀美食 #食好西 #相機食先 #日式燒肉…Read More

💬 呢間乳酪雪糕想試好耐，朋友成日話好食，特別係啲生果味，我揀咗好耐最後都係要 Chocolate Love $69😂.乳酪雪糕真係好香濃！本身都驚會好甜 (係，我係食甜品唔鍾意太甜嘅麻煩友🤣)，但佢又唔會太甜，特別係啲朱古力，甜度同雪糕好match，食完咁大杯都唔覺漏👍🏻 我個人係幾喜歡，不過朱古力味可能相對其他款就冇咁驚喜，下次再試吓其他～😍.佢啲蛋糕都好吸引，有幾款茶味🍵，而且最好嘅係佢有細size，如果幾個女仔食完飯再食蛋糕咁就啱晒每人幾啖，下次有機會再試吓！…Read More

💬 今日嚟試喺Airside新開嘅素食餐廳Tree House🌿 環境好舒服好闊落，大玻璃出面係公園好開揚，感覺好chill~ 門口有2部自助付款機點餐，不過較咗繁體都會有部分係得英文😂 .嘢食主要係沙律、捲餅、漢堡等等，今次就叫咗個森林漢堡$118，勁高身一啖唔會咬得晒嗰種🤣 個包幾好食，好香脆，塊漢堡扒係啲豆蓉整成，仲有素食芝士、生菜、洋蔥、酸瓜等等，味道其實唔錯，但食食吓有啲漏，同埋好飽我食唔晒🤣.素食嚟講佢都幾多選擇，不過性價比唔高，如果佢遲啲會出lunch set就好～…Read More

💬 叫咗6隻京蔥羊肉湯餃 $50 ，湯底係清甜嘅豬骨粟米湯，皮薄又滑，羊肉有騷味，京蔥好香，仲配搭咗啲蘿蔔、洋蔥，所以味道係偏甜，不過夾埋辣菜譜食就啱啱好。仲有涼拌萵筍絲 $26，帶點酸酸辣辣好開胃～ 咁樣嗌2樣其實我都好飽，啲餃子都幾大隻。略嫌貴咗少少，不過佢真係手工包餃，都可以接受。…Read More

💬 Airside weekend超多人，6點鐘啲餐廳已經好多人，咁啱呢間韓燒有位就試吓！.我哋3大2小食，叫咗個2人餐 $8xx + 冷麵 + 芝士炸雞，埋單大概$10xx。店員同我哋講啲份量都大嘅，但上菜時都有點嚇親😂 不過坐低慢慢燒又吹吓水咁，都ok嘅～.牛豬雞魚都幾好食，好香，而且好有肉嘅口感，同日燒嘅肉真係唔同，睇個人喜好鍾意邊種喇～ 炸雞外脆內嫰，不過稍為咸咗啲，但都好食嘅。食肉食到好漏嘅時候，食啲冷麵同前菜解膩一流👍🏻…Read More

💬 食過好多次都冇出post，呢間開到朝早5點，半夜想食宵夜嘅好選擇🤭牛腩河/麵 $36 ，牛腩都幾好食，有啲咬口，係湯底咸咗啲，但整體都ok，不過呢個價錢仲要咁多舊牛腩，性價比贏晒😌…Read More

💬 好老舊嘅一間鋪仔，本身冇乜為意，後尾發現次次經過都有人幫襯😳，所以就試吓。佢得生煎包、菜肉包同鍋貼賣，我買1隻生煎包 ($7/1 $20/3) 試吓。皮薄少少脆之餘，keep到包嘅口感，而唔係成個皮都係脆、乾嗰種(有冇人明我講咩😂）。肉餡雖然未去到一咬落去爆汁💦，但都好juicy，而且好軟嫰！簡單啲講唔係好震驚嗰種好食，但小店嚟講都幾唔錯👍🏻…Read More

💬 今日lunch time嚟試吓呢間日式燒肉，聲稱喺北海道開自家農場，專養「未來牛」嘅優質牛牛，但我冇留意叫咗美國牛肋肉同澳洲橫隔膜肉🤡😂😂😂.午市定食，我叫呢個$148 有前菜、沙律、湯、牛肋肉5片、橫隔膜肉3片同埋甜品雪米糍。.牛肋肉好彈好有咬口！😳 橫隔膜肉淋啲，但個口感都係好好，而且好有牛味🐮 啲牛其實ok，反而想評個飯😹 佢唔係嗰種粒粒分明嘅飯，而係偏濕，有少少一舊舊🥲 不過最後粒雪米糍都幾好食🤭 個糯米皮好煙韌，入面嘅雪糕好香奶味同好滑👍🏻.整體嚟講唔錯，lunch time唔駛等位(不過都坐滿8成左右)，重點係食完都仲有啲時間可以返公司瞓陣覺🤣 (平時帶飯日日都要瞓晏覺👉🏻👈🏻) 下次有機會再試吓未來牛😙.…Read More

💬 網上評價好高嘅日式燒肉，不負所望地好食！Openrice book位有7折，但價錢都唔平，2個人食埋單$1500左右，不過我哋嗌咗1個和牛拼盤、1個豬拼盤、白鱔、聖子、雞頸肉、蔬菜拼盤、沙律、酒同甜品，所以呢個價錢都可以接受～我哋平日夜晚去，成晚得幾枱客人，所以可以慢慢坐，而侍應都好好服務，又有禮貌，而且白鱔同聖子係會燒埋俾你，都幾好廢事自己燒得唔好嘥咗😂和牛建議係右至左咁食，由油脂最多嘅開始，到愈嚟愈有肉感同牛味🐮 豬肉就咁睇舊舊都勁肥，但食落去嗰種爆豬油香真係好好食🥹 …Read More

💬 餐廳係木系風格，有梳化位坐得舒服，好啱幾個朋友輕鬆傾吓偈～ .#海葡萄蘑菇柚子沙律 🥗 $88好耐冇食過海葡萄，不過得好少🥲 成個沙律味都係好fresh嘅，不過都幾多汁，要撈勻啲先食～.#炸薯角配黑松露醬 $78正路好食但冇乜特別😂.#sixcheesepizza 🍕 $168餅底薄嘅程度直頭係脆嘅！芝士味濃郁就唔駛講啦，鍾意食cheese嘅話推介🧀.#煎北海道帶子伏特加蕃茄奶油長通粉 $178帶子煎得啱啱好，鮮甜好食👍🏻 蕃茄醬個味道幾特別，香蕃茄味得來唔會太濃太酸，同埋好creamy。.#開心果蛋糕 大推！！❤️‍🔥 超濃開心果味，唔會太甜，又好鬆軟！好耐冇食過咁濃開心果味嘅嘢，真心有驚喜✨.#焦糖朱古力撻 (好似係😂) 其實呢個都好食嘅，焦糖味都香，係甜咗啲有少少漏。.和歌山縣柚子味 #手工啤酒好香柚子味，對我嚟講帶少許澀味，冇咁甜但都唔錯🍻.整體嚟講性價比唔錯，嘢食都冇伏，又可以坐好耐(我哋好似都坐咗2個幾鐘😂)，下次有機會再嚟試吓其他嘢食，同埋翻撻開心果蛋糕😍…Read More

💬 已經食過好幾次嘅餐廳，性價比高又幾好食嘅西餐😌 嗌咗個2人餐埋單～$820，餐湯/沙律、包、餐飲、前菜 煎帶子+煙三文魚酥皮餡餅、蟹肉Risotto、肉眼+龍蝦尾蟹肉risotto真心推‼️好多蟹肉碎好香，再加埋蝦頭膏好鮮好濃，平時食蝦唔會食蝦頭蝦膏，但呢個很可以！🤍龍蝦尾都好好食，切嗰時已經feel到嗰種爽口嘅質感，食落都好鮮甜，而且熟得啱啱好！差啲唔記得個南瓜蓉，佢係好滑好creamy嘅質地，鍾意南瓜嘅話可以一試！前菜同肉眼都正常水準，對得住個價錢，整體人頭費4百零蚊真係算係咁～…Read More