ChuMan3020的個人專頁

見到呢個已經超想食，20款唔同口味嘅燒賣共治一爐。呢個畫面實在相當吸引！旺角區果然卧虎藏龍，燒賣都可以咁多款式，果然創意十足！小孩先做選擇，所以我全都要！⚠️注意係豬肉燒賣唔係魚肉⚠️燒賣共和國 - 二十款口味各一粒實物同廣告顏色上有少少出入，明白圖片只供參考🤣就算對住餐牌，單憑肉眼係唔會分到咩味。不過隨機食更刺激！個人認為（苦瓜、粟米）口味清新好食。重口味組合（麻辣、腐乳、豆豉鯪魚）加入燒賣又幾夾。最神奇係蘋果芝士，睇落九唔搭八，但出其好地夾。朱古力燒賣味道複雜。可能我唔識欣賞創意滿分係值得一試嘅！🤣期待有新奇好味嘅口味誕生💪…查看更多

早前去荃灣行街順便去呢間台蔡滷肉飯潮聖一下。聞說係台灣人開嘅小店。下午6點左右到，門口已經有人龍，不過唔長嘅，等兩三張枱就入得，等位時已經諗好食咩，所以一坐落就馬上掃code落單。鹽酥雞滷肉飯套餐肉鬆起司蛋餅紅燒牛肉麵熱辣辣鹽酥雞，薄薄一層脆衣，雞肉嫩滑又保留肉汁。好食！不過上面嘅九層塔就過左氣唔脆了。肉鬆起司蛋餅同樣上枱新鮮熱辣，夾起重有拉芝效果，酥脆好食！牛肉麵湯底偏清淡，牛肉肉質軟熟，可惜比較細塊，珍珠烏龍奶茶 (後）仙草茉香奶茶 (前)烏龍珍珠略為普通，茉莉仙草比較出色，仙草比市面的煙韌。🙈值得推薦嘅係鹽酥雞同肉鬆起司蛋餅，整體都唔錯，價錢亦合理小店加油💪…查看更多

大圍的確係多野食嘅一區，琴晚同朋友去左呢間初心晚餐，之前路過呢間店買過件裝伯爵茶巴斯克蛋糕外賣回家。屋企人都讚口不絕，茶味香濃之餘又唔會太甜。所以對呢間店嘅正餐都有d期望。餐牌選擇唔多。叫左兩個意粉，跟埋餐湯同飲品。餐湯有南瓜湯同蘑菇湯。兩款都保留材料嘅原味，南瓜湯好似食緊南瓜咁，不過幼滑嘅。蘑菇湯同標係保留原味，同埋有少少蘑碎o趙下。係唔錯嘅！*注意唔係忌廉湯黎。飲慣金寶湯就未必喜歡。*白汁海鮮意粉賣相同香味都唔錯，海鮮有蝦、青口同假帶子，驟眼望以為係粒蘿蔔，用切落去個質地又唔似係蘿蔔，反而有啲似魚蛋，原來係一粒假帶子😅。意粉唔會太淋、掛汁，整體係唔錯嘅，不過因為粒假帶子扣咗少少分。個人比較喜歡食真帶子🥹蜜糖芥末雞意粉呢款醬汁比較突出，蜜糖芥茉確係刺激味蕾，不過配意粉又出奇地夾，雞肉入味，重好淋，不過成碟底都係油，略嫌油膩。朱古力有棉花糖同曲奇伴碟，朱古力奶味偏重，不過都好飲嘅，食完飯唔食甜品好似淨d野咁，叫左個伯爵茶梳乎厘，好香，不過一篤開裡面得個窿😓。。好似酥皮湯個面咁得一層。。裡面充滿空氣。。好失望因為抱住期望堂食，結果完全失望。。埋單三百幾，同區有更好選擇。試一次就夠不過件裝蛋糕係唔錯。。值得回購…查看更多

成日食拉麵，沾汁麵比較少食。今次同男友晚餐揀左呢間多賀野，出名食沾麵嘅連鎖店。叫左黑松露沾麵，極上蟹皇沾麵同日式炸豆腐。先黎個炸豆腐，外脆內滑，面頭有少少辣味明太子，味道豐富。越食越開胃！沾麵份量唔細。個汁重有蠟燭熱住。。松露好香好濃豬骨湯味。個汁味道唔錯，不過油脂極豐富。食兩啖已經有d膩。配料方面菇天婦羅同半隻溏心蛋，雖然唔知係咩菇。不過好好食。脆得黎又鮮味而另一款蟹皇沾麵。魚湯算濃郁。不過好普通。。雖然有鮮味，味道同麵X武藏嘅魚湯有d似。。只係多左d蟹肉同蟹糕。。🤦🏽‍♀️配料炸軟殻蟹炸得非常出式，鬆脆好食，又唔會太乾。炸物非常出色，成餐最滿意。沾麵大大份，麵質彈牙掛汁。係唔錯嘅。個湯汁味道就比較遜色。。不過用蠟燭熱住係細心嘅價錢唔平，偶然一試就夠了🙈…查看更多

銅鑼灣呢間好似係前半島廚師開既麵包小店，名物係麻糬波波。。抱住期望去就失望啦。。睇食評有讚有彈。。我見到半島兩隻字都有少少期望。。終於跳出新界去港島試一試。去到排隊人數唔算好多。不過間野係馬路邊，所以條隊橫跨對面馬路，排第一果個話自己排左半個鐘，我企左一陣有人派飛。之後等足半個鐘有得買。每人限買6個。每半個鐘出爐係吸引既！企係門口都聞到烘焙岩出爐既氣味，真係等到餓！買左原味，菠蘿x2，焙茶，抹茶，朱古力。。原來口味係指麻糬上面層好似菠蘿包既薄薄脆皮。個面唔同色唔同味，原味係普通麻糬，表面咩都無。 肚餓到一個點忍唔企埋一角快快影相馬上試食！！食左食焙茶味。好香。即食暖暖地。個面淡淡焙茶味重少少鬆脆。菠蘿唔係菠蘿味，係佢個面食菠蘿包皮。好普通！麻糬煙韌有咬口，不過就扁過塊曲奇。。唔同平時食開出爐漲卜卜軟糯Q彈。 淨番四個拎返屋企食，原味係右邊第一塊。就係普通麻糬。叻外有菠蘿皮果幾個已經唔脆。。重點係新鮮出爐已經係咁扁。。味道同賣相都普通。單純賣名氣，價錢略貴既麻糬！試過就算唔會再買*如果喜歡排隊可以一試🤣…查看更多

踏入10月先黎兩個颱風，重要打得成掛8號。。原本book左食蒸海鮮就咁比圓規破壞左🥺實在太想食蒸海鮮。。醬油蝦。。唯有忍一下改期！改左星期六6:00，當日準時去到，人唔算多兩三枱客。任飲任食120分鐘，我地揀左有醬油蝦果款高麗塔餐🤣每人有兩隻醬油蝦，加$15可以轉半隻醬油蟹，轉左一份。醬油蝦少少辣鮮味爽口。蟹比較辣，不過都好味🤤蒸海鮮每人一份，有龍蝦、鮑魚、龍躉指天翅、帶子。店員指示：鍋一滾到出煙按計時器等9分鐘就食得！全部都鮮味十足。尤其是龍蝦肉質彈牙juicy龍躉指天翅都係第一次食，魚肉厚身結實，好味！之後住食海鮮有蝦、蜆同蠔。小食當中有款叫銀紙燒，個名幾特別，係錫紙包住蜆、蝦，粉絲。上枱果陣店員會淋d酒落錫紙度再點火。呢下就明白燒錢紙係咩來🤣裡面個湯同粉絲好味丫！炸物普普通通。款式選擇算多，除左吉列重有天婦羅，問店員拎沙律醬或天婦羅汁果陣店員話賣晒😅其實我以爲佢比漏左。。韓式豬肉雞肉味道普通，串燒花枝丸就好好食串燒非常出色。當中帶子煙肉露筍卷，帶子鮮味，露筍爽脆加埋百搭既煙肉！三款食材超夾。。因為食左唔記景相，之後再落單就等到埋單，追左兩次都無黎到。。只係食左一轉太可惜，其他串燒都唔錯既另外呢個煙肉薯蓉焗蠔熱度十足，百搭煙 肉配上牛油味薯蓉包住隻蠔。好邪惡。。好好味😋甜品得一款椰青味大菜糕。一人一杯。味道清新，甜而不膩。任食兩小時時間係充裕既，早段客少上菜快，之後爆場再落單d野追極都唔黎。。埋單加埋一重要每人$4XX。。實在唔平。。海鮮尚算新鮮。。試過就算了…查看更多

星期日放假同男友行下饒宗文化館，吸收一下文藝氣息！文化館地方唔算好大，不過環境優美，係近年文青打咭熱點，又係歷史建築，值得一去丫😚空肚參觀完既我地。增長左文藝氣色。。順便係文化館內既餐廳醫肚仔，好肚餓🙈聞說廳餐食法國菜，好期待外牆紅磚散發出典雅、懷舊裡面佈置充滿時尚歐陸風格，坐位闊落坐得舒服。我地點左兩個午餐頭盤有粟米湯同沙律意大利蕃茄包配黑水欖牛油✨粟米超濃郁，食到啖啖粟米蓉。沙律汁有少檸檬調味，清新開胃烤皇帝蝦配香草忌廉汁燴意粉皇帝蝦香氣撲鼻，蝦肉彈牙。有種食乾煎大蝦既感覺。要連蝦殻既汁都吮埋🤤意粉唔會太淋，唔錯！香煎東星斑配油浸車厘茄，露筍，蕃茄忌廉汁原來重有兩隻牛油煎蝦碌。餐牌上無寫所以有少少驚喜🙈東星斑外皮香脆，配蕃茄忌廉汁特出魚肉鮮味。自家制朱古力雪糕午餐可加配甜品，揀左呢款朱古力味自家製雪糕為午劃上完美句號✨雪糕濃郁軟滑，底下重有d脆脆。口感豐富講真呢個價錢係出面食一個All day breakfast 差唔多，而且質量比預期好，環境舒服其他午餐都幾多同吸引🤤…查看更多

喜歡韓式炸雞既話，呢間位於銅鑼灣既小店算抵食，而且高質。好在用OpenRice app訂枱，book左6:15，上到去餐廳已經坐左8 成。認真人山人海🤣未計小食，任食炸雞既口味都有8款。。重有焗雞。。真係全部都係雞第一轉點左6款炸雞。當中黃金咸蛋最出色。蛋黃咸香野味。其次係濃蒜炸雞，檸檬柚子，大阪燒。醬汁同炸雞好夾！炸雞香脆嫩滑。雞皮部分極脆。。好邪惡🤤 無朋啖啖肉可以盡情大啖咬！小食方面牛油炒什菌，味道唔錯。份量適中酸蘿蔔用黎中和一下油膩之餘。酸酸甜甜令人越食越可胃。準備round 2🤣Pizza 普普通通。。焗雞熱度十足，當中韓風紫菜焗雞比較好食。不過。。都係炸雞吸引d🤣追加左飲品買一送一，大杯抵飲枱面有齊手套同紙巾好貼心🤤可以一次過食咁多款炸雞實在超滿足！價錢合理值得一試。食到超飽！…查看更多

大圍呢間船麵裝修型格十足，行過路過都忍唔住望多眼。疫情次下好耐都無外出晚餐。今日同男朋出外撐枱腳，今餐就食泰國野啦聞說呢度既招牌係豬/牛肉船麵，不過見到餐牌有個粉紅船麵。。為左滿足好奇心就叫左。。原來係湯底加左南乳。顏色幾特別。。不過南乳太濃，好鹹蓋過湯底鮮味，有d失色。魚蛋爽口彈牙好好味。加返少少分！雞棗外型同扎肉相似。外層炸得香脆，裡面軟熟有肉汁。出奇地juice 真係估你唔到叫左青檸梳打同泰式綠奶茶梳打味道正常，泰式綠奶茶少甜就有驚喜因為唔想飲太甜叫左少甜。飲落甜度岩岩好。茶味之中有班蘭香味。好夾好清新。好飲呢餐最滿意係飲綠奶茶💕小食同中都唔錯，價錢合理。可以一試！下次要試一試佢地既招牌係豬/牛肉船麵先🤣…查看更多

話說心血來潮想食個港式蛋撻，一個人走去長沙灣青山道。呢條街其實有兩間歷史悠久又超多人氣既茶餐廳。就係‘金園茶餐廳’同‘新華茶餐廳’，中午12:00沿路行過去兩間都多人等。🙈睇落新華門口少D人。所以去左新華。一坐落就心急叫左個蛋撻先，再加個常餐。超有效率，一下子黎齊晒🤣沙爹牛麵，味道普通唔算好美味，牛肉碎濕濕同偏乾。火腿奄列味道正常。無期望所以無失望，只係唔想空肚食甜野，重點都係想食個蛋撻。蛋撻明明同常餐一齊上枱，留到最後先食，重保持到熱度。蛋撻酥皮鬆脆，蛋軟滑有蛋香，甜而不膩。100分美味，滋味大滿足。果然無失望今時今日重有幾多間茶餐廳有出爐蛋撻，真材實料重要有水準，呢種味道只有舊式茶餐廳先食得到。用餐期間，見到師傅捧著出爐蛋撻出黎最少兩次。果然新鮮。…查看更多

🤤鍾意食豆腐既沙田友有福啦～河畔有間賣自家製豆乳、豆腐花既小店。紅豆豆乳、仙草豆乳，重有芋圓豆花。。口味走台式路線，係台風丫！避免人多聚集，外賣返屋企慢慢嘆～☺️買左三色芋圓$28同手工芋泥豆乳$25三色芋圓配料可自選三款。我揀左紅豆、仙草、豆花。店員會問要唔要加糖加花奶。。🤔小孩子先要選擇。我全都要！🙈都係少甜唔該。。想讚一下外賣甜品盒擰開蓋重有個蓋防漏。好細心芋圓煙韌，難得食到三色（南瓜、芋頭、紫薯）味道分明。豆腐花滑溜。豆味濃d就更好好滑！豆漿可以走糖好健康。我揀左少糖，豆味比豆腐花濃，加左芋泥本身微甜，飲落口感好似紅豆冰。健康版既。唔錯！係唔錯既，對於為食又想健康既我好滿足丫😚…查看更多

工廈搵食就係處處驚喜，忽然想飲啖茶食一盅兩件又得！火炭區有間新開左一陣既點心堂，點心係唔錯既！蝦餃皇皮薄大粒，蝦肉鮮味爽口。別有洞天腸（上）🤣見個名幾得意就點左。腸粉都幾滑，餡好似係炸魚，鬆脆！西紅柿春卷（下）春卷裡面有蕃茄感覺清新，重點係啖啖蝦肉，足料好味！薑蔥牛柏葉味道唔錯，不過再爽口d 就更好🙈平時食既馬拉糕通常都食到雲厘嗱味。呢度馬拉糕的確有d唔同，放落枱已經聞到陣陣黑糖香味，熱辣辣，軟熟好味！點心有心思。大大份。價錢合理。可以再食🤤希望保持到水準，小店加油丫！💪…查看更多

話說上年尾同男朋友去仙后餐廳食午餐慶祝聖誕。。🎅🏾因為晚市無堂食。。男友正日又要返工。。🤣所以過埋boxing day 先撐枱腳~ 餐廳好靚，食物都高質。絕對值得一試！睇下報紙就知午餐有咩食😚我地點左兩個午餐、一個薯條加一個甜品～✨先黎餐包同湯，餐湯係南瓜湯。暖暖麵飽香脆有麥香，🎃南瓜湯看似濃湯。。調味較淡，飲到南瓜原味。✨跟住係意粉，個名大概係。。魷魚辣肉腸意粉配微辣蕃茄醬，材料新鮮，蕃茄味道特出，少少辣。非常開胃。意粉彈牙，係我喜歡既質地🤤✨再黎薯條配松露醬，幼薯條香氣十足，鬆脆得黎有薯仔味。點埋個松露醬，食到唔停到口✨輕煎三文魚。醃青瓜及對蒔蘿。檸檬蜜糖醋汁三文魚肉質結實、鮮味。加埋上面有既脆麵一齊食。口感豐富。醬汁味道清新，同三文魚好夾。 最後另一主角當甜品✨傳統焦糖燉蛋配馬德蓮蛋糕出場～焦糖面脆卜卜，燉蛋綿滑，香濃雲厘拿味來自燉蛋裡面既雲厘拿籽，好好味餐飲可以揀咖啡或者花茶。食飽去埋洗手間參觀下，餐廳走廊同洗手見都係打咭位，咭好錯過🤣…查看更多

星期一同朋友去左泰夯蝦食晚飯，真係有驚無險🙈話說我用OpenRice book左枱。我以為book左7:15。點知book左5:15，見到缺席題示先知book錯時間😭。。大獲啦！好彩打電話去餐廳可以改時間同用得番OpenRice 訂枱優惠送大閘蟹🤣入座後店員會講解下點夾d蝦同介紹自助區。限時兩小時既🦐🦐🦐夾蝦放題開始！🌊坐位一邊有條河，裡面好多游水蝦，夾個陣會跳黎跳去，水花四濺🤣非常生猛！夾起既蝦放入冰筒浸暈佢就燒得。自助區有帶子、螺、蠔、蜆。。好多海鮮🤤燒到蝦殻轉色，聞到香味就開動啦！新鮮蝦肉果然爽口彈牙，好食！帶子、蜆都幾新鮮，送左份和牛，雖然份量唔多一人一塊，不過質素唔錯。輕輕燒一下就ok, 肉味濃、有肉汁、肉質軟熟唔油膩除左海鮮重有d串燒、肉類可以BBQ熟食唔係好多。另外有少量炸物，自助區船麵配料十足！自己整，放多幾粒蝦丸係底🙈飲品有罐裝汽水、茶、重有呢隻梳打水食到中段，大閘蟹黎啦。細細隻都有d肉食，有D蟹膏。尚算新鮮好味，唔錯食飽食埋甜品波波雪糕。口味超多丫，有荔枝、芒果、抹茶、榴槤。。真係花多眼亂🤣旁邊重有啫喱杯。兩小時玩下食下都係第一次。食蝦食到飽都係第一 次🤣🦐。…查看更多

呢間米芝連拉麵店新開張有時限買一送一優惠，放工同朋友黎試下。賣點係湯頭用大蜆、豚骨同魚介熬製，鮮而不膩～好吸引🤤我地叫左貝汁鹽味拉麵同貝汁醬油拉麵、加左隻溏心蛋。✨貝汁鹽味拉麵當然要飲啖湯先，湯底鮮甜，松露醬同牛肝菌油令湯底更鮮，味度有層次，濃而不膩。配料有叉燒同三層肉各一塊。兩款肉質都軟熟。麵質爽滑。唔錯！✨貝汁醬油拉麵貝汁醬油湯底同鹽味差唔多，味道比較濃。追加既溏心蛋一樣有驚喜，蛋味十足重食到醬油鮮味平時正價未必捨得食。。不過半價就加配料食豪DD🙈。果係係米芝連丫！真心覺得湯底同溏心蛋超正🤤I will be back🤣…查看更多