VENUSKWOK's Profile

朝早食早餐，只有一個夥計那位短髮的夥計非常之沒有禮貌。店內亦不是太多客人，當時叫了一個魚柳餐，一個蕃茄牛肉餐，見到圖片有粟米，上菜嘅時候那個魚柳餐啲魚柳炸都好濃又細塊，冇咗粟米換來兩片蕃茄，同個職員講，佢好晦氣咁話圖片只供參考⋯⋯其實如果你一早同我講冇粟米嘅話我根本唔會叫嗰個餐，同對住人亦唔需要咁晦氣……我整份餐索價$40喺深水埗區中等價錢但係收到的食物很凋零，我另外加咗錢飲一杯加咗$12飲一杯碟豆花鮮奶極度難飲，冇味道只有色素…Read More

如果有我睇我食評都知我係一個超級麵包精香港嘅麵包店我試咗八九成，近日發現有間新開麵包店個位置非常之隱蔽，抱住一試嘅心態入去幫襯點知非常有驚喜，我第一次去試係芋頭麻薯包個芋頭餡唔係太甜加埋麻薯勁正，佢定價亦都比平時台式麵包店便宜，如是者我一個星期裏邊幫襯左三日🤣第二次係試抹茶忌廉包佢個抹茶味好濃而又唔甜，除咗日本之外，香港食過最好食嘅，感覺知有啲似當年啱啱開嘅幸福烘焙，之後我下次就買咗一個叫做芝麻吐司我食到裏面有好多芝麻餡係無添加嗰隻，啲芝麻起晒沙有少少似麻蓉湯圓啲餡。食咗幾次之後對佢啲包有信心，之後我就幫佢哋訂咗卷蛋，個賣相真係一百分，味道都唔錯包裝亦都好靚。如果個餡有埋麻薯仲好。同埋我特意要求佢哋幫我做一個低糖版老闆亦好好人一口答應，睇得出佢哋用心做麵包，希望同我一樣喜歡小店，厭倦咗出品一式一樣大財團嘅麵包嘅朋友有新嘅選擇😊:重申我不是打手，只是一個超級麵包精😚…Read More

中午3:00經過因為做緊優惠所以話賣晒店員游說叫我16:55出爐提早15分鐘過嚟排隊，咁我諗住冇嘢做咪排隊囉你知唔知你經過左15分鐘其實都唔係太多人排隊，點知最後足足等咗半個鐘，先買到件蛋糕，如果好食等半個鐘都好正常但係個問題係你喺排隊嘅地方係好臭好臭連格住口罩都聞到，店家每人派一個籌碼，咁我提議不如我俾咗錢先晏啲先嚟攞都唔可以，排隊嘅顧客一路排隊一路聽到佢哋話店員態度好惡劣⋯⋯有啲顧客我話想買三國問佢可唔可以俾咗錢先轉頭先買都唔得，我諗其實大家疫情下唔想咁近排隊度寧願唔食個蛋糕，最大問題係收到個蛋糕之後係好快就萎縮，而味道方面亦都唔係特別好味....…Read More

今日難得朝早經開灣仔即刻諗起要又去朝聖，之前一個星期去一次，今日買返我平時最鍾意食嗰個無花果合桃麵包，麵包一如以往咁好味，酸種味道啱啱好，員工服務態度非常好，但係今日發現合桃比以往少咗好多，希望老闆加價加番啲合桃入去…Read More

有經過附近忍唔住去買特價麵包🤣買咗一個合桃蛋糕一條丹麥條再加一個肉鬆卷都係$15咋⋯⋯非常之足料，喺度迷思緊老闆究竟有冇錢賺？？入返正題先，條丹麥條太好味因為個邊邊係脆嘅，所以忍唔住食晒唔記得咗影相，另外推介就係合桃蛋糕，我好鍾意食蛋糕、但怕甜呢個一d都唔甜仲要係好足料唔會好似啲空氣蛋糕咁樣，肉鬆卷有少少濃味左啲啲但係個仔仔鐘意，另外仲買咗條瑞士卷，佢個瑞士卷啲忌廉同出邊嘅唔一樣比較清淡食落去就知道係唔係啲平價嘅忌廉，超級推介，下次嚟到一定要食合桃蛋糕同埋丹麥條：…Read More

呢位老闆令到我忍唔住寫第一篇食評，我係一個麵包控，基本上咁香港九成嘅麵包店我都試過，出名嘅有bake House, 四季,帝苑酒店，享樂烘陪，品穀，甚至乎西貢嘅蘑菇屋都係我最愛，話說我近期搬咗去附近，咁就了解吓附近嘅麵包店是我成個紅磡區竟然比我尋寶搵到一間性價比高質素又好好嘅隱世麵包店，佢有個成¼磅嘅芝士蛋糕竟然只係買$28,平時喺paperstone 度買個包都唔止，仲要一問之下原來個老闆之前喺四季餅店入面做，簡直性價比爆哂燈，平時成日放工去幫襯麵包仲要買二送一，麵包店有好特色嘅麵包卷蛋糕，伯爵茶合桃，紅豆麻薯，抹茶紅豆圍返起都係$5個，肉鬆吐司又係我最愛超足料係，豬肉鬆多到滿瀉,試勻晒啲麵包之後有一日忍唔住見到個老闆膽粗粗問佢可唔可以幫我整啲低糖嘅瑞士卷，點知佢一口答應，老實講賣相唔係一百分，但係味道同誠意係110分佢嘅綠茶同埋紅豆配搭得啱啱好，係我食過最好味嘅綠茶卷…Read More