yoki930's Profile

最近禮拜六改左去中環學空手道🥋，學完就係Lunch time，為食嘅我當然帶住一家大細，周圍去飲飲食食，小魔怪最愛食拉麵，中上環咁多正拉麵，間間都有特色，今次就去米芝蓮推介沾麵店試試，去到當然係要排下隊，為食好嘢小魔怪都冇出聲一齊排，仲可以見住師傅整麵餅，更加想食，座位算多，好快就有位。🍜周月沾麵 (100g)  - $111周月沾麵係招牌，當然要試下，佢有100g/200g/300g麵可以選擇，100g食完會有點空虛，建議女士可以食200g;湯底就分淡/濃湯，湯底有炸香咗嘅豬腩肉又加埋醋，入口不會覺得油膩，自家製麵掛湯一流，果然係唔錯。🍜燒黑豚沾麵 (300g) - $139燒黑豚沾麵就係周月沾麵上加多左3塊燒黑豚，一樣都係有100g/200g/300g麵及淡/濃湯可以選擇，我先生見一樣價錢就食最大份嘅麵😆。🍜周月拉麵  - $111小魔怪永恆不變的食拉麵，周月拉麵只有淡/濃湯可以選擇，小魔怪都係濃湯人，湯底係豬骨濃湯，拉麵比沾麵幼，但掛湯都唔錯，但會比較飽肚。🍗周月炸雞 (5件) - $60炸雞都唔錯，大大件又炸得香脆。誠意推介。📍 麵鮮醬油房周月 (歌賦街)中環歌賦街5號地舖#麵鮮醬油房周月#歌賦街 #中環美食 #上環美食 #周月沾麵 #燒黑豚沾麵 #燒黑豚沾麵 #周月炸雞#香港美食 #美食日記相機食先 #吃貨日常 #香港 #香港美食 #為食師奶#shugetsu #centralfood #central #sheungwan #sheungwanfood#ramen #tsukemen #friedchicken#hkfood #hkfoodie #hkfoodlover #hkfoodstagram #hkfoodblog #hkfoodporn #852food #hkfoodguide #hkfoodstagram #hkeat #eat #hongkong #foodblog #foodphotography #ufoodphoto…Read More

跑完星期六嘅大小魔怪行程，我哋通常都係尖沙咀食完晚飯先返屋企。大小魔怪話去食鼎泰豐奶皇包同小籠包，可惜今日全部包類都售罄，大小魔怪食完幾籠小籠包話未飽，出門口就即刻話要去食甜品，完全唔理爸爸有幾肉痛。去到K11平時大排長龍嘅日式班戟店，好彩即刻有位，大小魔怪食Pancake又真係開心嘅，見到menu樣樣都想食，大小魔怪每人都食咗2樣嘢去證明自己有幾肚餓。🍓🥞Berry Cheesecake Souffle ($98)梳乎厘班戟配埋藍莓醬加上藍莓士多啤梨，係我最愛嘅組合，甜甜酸酸就最好食。梳乎厘班戟空氣感唔錯，排隊真係有理由架。🍫🥞Caramel Chocolate Souffle ($108)小魔怪老實唔客氣，見到Caramel就一定會叫，加埋見到朱古力雪糕，佢完全停唔到口。🍫🥞Chocolate Dorayaki ($98)小魔怪食完Caramel Chocolate Souffle仲即刻追加Chocolate Dorayaki去證明自己有幾肚餓，因為Chocolate Dorayaki有佢最愛嘅脆焦糖香蕉。🍫🥞Tiramisu Pancake ($98)爸爸鍾情Tiramisu，Pancake蛋香唔錯，中間有cream cheese都好滑溜。🥞Original Souffle ($88)大魔怪唔食生果，大多數都只係叫原味，梳乎厘班戟蛋香好重，cream發到好幼，配上糖漿，好食。🍓🍮Milk Pudding Strawberry Yogurt Latte ($48)大魔怪嘅樽裝飲品有兩層，白色那層是牛奶布甸，飲的時候要大力少少，士多啤梨味道淡淡地唔太酸，粉紅色好靚。…Read More

🥯我覺得招牌法式焦糖奶油酥最好食，焦糖本身好夾酥皮，可以拆成一層層咁食，而每一口都有不會過厚嘅焦糖，真係好難整到👍🥯鬆餅入口牛油香好重，個餅係比較硬身，中間軟糯感比較弱，但鬆餅我知，火候控制係好難🤯我收貨。🥐原味牛角包酥脆度高，牛油味香但唔油膩，果然係排隊名店出品❤️🥐杏仁牛角包粒粒杏仁都係焗到香噴噴，雖然個人覺得甜咗少少， 個牛角包底焗燶咗少少。                           …Read More

同朋友慢遊九龍城, 打算夜晚輕食, 戒澱粉質冇咁肥, 但九龍城8點幾周圍的Coffee Shop都閂曬, 見小店仍然營業, 仲好夜先收工, 同朋友立即入內試試。見到餐牌大大隻炸雞脾, 皮脆肉嫩咁, 就算減肥都想一試, 再問下店員, 係生炸雞脾好好食, 咁就即刻落單試下。上菜時真係好香脆, 一切開就有肉汁流出嚟, 店員仲拎左台灣阿宗辣椒醬俾我哋試, 少少辣同雞脾真係好夾, 而且冇脂肪痴住皮, 減少咗咁罪惡感。朋友見到台式小食, 立即叫左大腸包小腸, 明明話唔食澱粉質....但因為好食, 一上枱就清咗。下次再試多幾樣小食, 感受下家鄉嘅味道。…Read More

近排九龍城多咗cafe，依間裝修好特別，走日式襌味，暗暗地坐得好舒服，一入到去就見到咖啡師用手沖緊咖啡☕️！！！睇Menu見到主打手沖咖啡，有成6款咁多，咖啡師會介紹每款咖啡特色，同埋適合凍飲或者熱飲，好細心。因為我飲過其他舖頭嘅手沖咖啡偏苦，所以先走去飲latte，依間cafe竟然冇咗個苦味，令到咖啡嘅酸味突出咗，好好飲。另外Tiramisu都好好味，連我平時怕可可粉嘅仔仔都唔停口咁食，我想分一啖都冇呀，搞到我再叫多個。下次等接小朋友放學時，有好地方去啦！…Read More

深水埗多左好多小店，依間走懷舊路線，有少見嘅鐵閘係門口，比一般咖啡店裝修更用心，打卡都幾靚。咖啡種類都好多，選擇困難下飲左杯Dirty同sea salt caramel latte，香味獨特，賣相唔錯，值得一試。食物屬於簡單西餐，意粉同三文治，我哋試咗all day breakfast同蒜香菠菜意粉，估唔到all day竟然有半個牛油果😍雖然份量不多，但女仔一定夠飽。走嘅時候見到蛋糕櫃，啲蛋糕都好靚，留返下次試一試。…Read More

每次行過都人少少，午餐$98有湯/沙律、主菜、甜品同茶，不加一，打算一試。叫了個洋蔥湯，正常，不是非常突出，主菜是鮮蝦露笋意粉，冇味的白色醬汁，未熱好的雪蝦，蝦是大隻的，不過不算新鮮，意粉正常，很難捱的一餐。甜品是朱古力摩士，正常。咖啡，難飲。…Read More

昌發是朋友介紹食豬手麵的好地方，泰式煮法真係好有新鮮感，地方細細，牆壁上全部都是食物圖片（菜單？），大家就可以看圖點食物，當然有餐牌，不過彩虹粉、遊船河，你要估都唔易。當然今次試就係豬手麵，豬手都煮得很軟，而且冇臭味，非常配合湯底，很美味。在店的門口有張枱仔賣泰式甜品，連芒果椰汁糯米飯都有，而且只係$35，比堂食平多！芒果是泰國芒果，很甜又多汁，椰汁配白糯米最正！…Read More

平時行開Sogo去買牛角包，見隔離開左間新店，放滿Hello Kitty圖案的蛋糕，不過公仔好難吸引到我買，放係雪櫃中間，有條勁多Cream的蛋卷吸引左，叫做堂島卷。比起平時見到的蛋卷，價錢貴好多，不過日本直送，就加左分，買左半條原味回家。嘩，一食就知係好野，Cream夠幼滑，一入口就融化了，蛋糕又軟又有蛋香，$80/半條，好食到唔夠分。…Read More

係慈雲山好運街市入口新開了一間企理的小食店，平時行過都不會進入，但係見到巨型雞蛋仔公仔就想搵日入去試下。今朝想食簡單早餐，就走去碰下運氣（晨早8點半），好彩去到見到開緊舖，就叫左個腸粉燒賣豆漿。味道不錯，麻醬有細細粒的花生，腸粉幾滑，燒賣都不會散開。下次再試下招牌九仔粉！…Read More