vaneichan's Profile

今日星期六嚟食，有定心理準備要排隊，中午1點到，我排第三個都等咗20分鐘已經唔算耐（如果入面食客食完唔吹水嘅話，應該唔洗等咁耐）。入去order完坐低等，即叫即整好快就有得食。我原本係為咗個鹹蛋黃薯條而嚟，但一個人食唔晒所以我叫咗Signature single combo with Caesar salad。先講salad, 煙肉碎、芝士碎都好多，仲要新鮮脆口麵包糠，雖然細細粒但食落口感剛剛好。Signature burger入便有煎蛋、煙肉、肉醬醬料完全唔會好漏，亦唔會太濃味，每一啖食落去係會好開胃，果然係signature，係會想繼續追食落去嘅，而且個burger size唔會太大個，所以食完感覺舒服，我揀咗凍茶，似係香片。下次再嚟就要食招牌鹹蛋黃薯條。…Read More

出街食飯如果商場有Muji Cafe，我一定會揀佢。好鐘意食日式三餸飯😂有好多個餸選擇，我揀咗2熱1冷盤1湯+ $coffee。 見佢每個餸都唔係易煮，好有家常菜感覺，我只識食唔識煮，對我嚟講係好健康嘅飯餸…Read More

同事帶路食lunch，原來呢間有lunch set，估唔到日式餐廳中午改路線做中餐，有港式炒飯、小菜客飯，我就揀咗咖哩汁雞肉飯。估唔到咁豐富，有沙律菜、麵豉湯、特式蒸蛋、餐飲仲有個迷你雪糕球，好滿足，超級抵食…Read More

雞肉有3串，都唔算細串，有酸辣醬，我揀咗沙嗲醬，串燒啖啖肉好正。深色係辣炒飯好香口😋入面有豆角、香葉、辣椒🌶️，飯微暖，我覺得已經夠辣（小辣租度）。仲有杯餐飲，👍凍檸茶唔洗加錢，仲想點…Read More

近排又俾公司調過嚟銅鑼灣，正吖，食lunch唔洗煩惱。今日好想食串燒，一心諗住去街尾嗰檔鬼佬嘢，點知路過見到呢間擺明串燒，唔洗諗即刻衝入去。個環境好正，好有歸屬感，佈置全場香港地feel，燈光暗暗地仲relax，另外都幾多人食lunch飯，我就劃咗4串燒同麥啤。落order即刻燒，係要等吓。牛舌好厚，燒得幾好。雞肉條都啖啖肉。之後嗰兩串冇映，太肚餓，牛叉燒都有咬口，腸就要啲牙力咬，鐘意有嚼口嘅人會好like。呢個lunch幾relax，下次試吓lunch飯，見個個都大大杯榨茶好正咁喎⋯⋯…Read More

見到即將出已經好興奮，第二日中午即刻去試。成碗綠色一攞埋枱嚇親左右嘅大叔C奶，做咩啫屋企平時都會滾吓湯㗎啦，應該唔陌生㗎⋯⋯唔理咁多，一飲啖湯真係好正呀個湯底，直頭係碗芫荽皮蛋滾湯一樣咁濃郁，仲要連餸料都係先用芫荽煮過，唔係揸流攤👍😋痴線㗎咁有誠意用埋芫荽扎肉，一路食諗緊個老闆係咪都好鐘意芫荽呢？！成碗嘢個整體都好有feel。仲有杯芫荽雪碧OMG勁清新，我覺得夾雪碧會fresh過可樂。多謝🙏好滿足😁…Read More

上次經過見到今日lunch嚟試吓，嘩lunch時間滿座，全店男客多就知一定冇得輸，呢個時間嚟真係超多客，幾個後生仔女店員忙到顛，收銀嗰個女仔好勁，收錢、派位、控制場面一腳踢，我一個人坐bar枱冇所謂，見好多人都好識做，食完即走。我上網睇定memu今日想食三寶，好彩叫多腩汁，我鐘意汁撈飯。咁大碗嚇親我，原來有三大舊蘿蔔墊底，蘿蔔都好入味，牛腩牛肚牛筋蘿蔔四樣都好好食，個清湯腩汁撈飯幾好。隔離好多人食咖哩腩，望落好濃味，唔知好冇食呢～…Read More

Weekend第一次用Deliveroo 買譚仔，因為menu係指定咗所以選擇有限，想叫2碗3餸但冇得揀，唯有叫2人套餐$143，有2碗2餸、1小食、2飲品。送貨都唔算太耐。但奇怪係個米線份量，堂食、外賣自取就食得多，經外賣app都係第一次，我哋一打開嗰2碗米線真係嚇到眼凸，好似將一碗正常倒開2碗咁喎😡😡😡但價錢又唔係平咗喎。個外賣膠碗已經唔大，湯+米線仲要得一半都冇(見圖) 睇吓雞翼個圖就知個碗有幾細。究竟係咩原因呢？經外賣app就會少一半？？？ 冇可能係一時錯手吖，包外賣個姐姐都應該會覺得奇怪🤔真係好離譜囉……攪到我屋企人認定咗外賣app係信唔過😭叫我以後唔好再用~…Read More

每個月有幾日都要俾公司調去銅鑼灣返工，指定動作去大渣哥叉電😁上次食黑牛麵冇映相，超濃沙嗲牛肉好滿足，仲食唔晒添！今次要揾外國勢力幫拖。叫咗個外國勢力雞。嘩塊丹麥多士不得了，直頭係牛角飽d friend鬆軟牛油香😋😋😋👍超大塊雞扒，我又係食唔晒，雞皮係炸到蘇脆，腸仔係細個食開嗰種，有兒時味道。總結，唔好睇少得幾樣野食，你一定食唔晒，份量十足😋最後，杯咖啡雖然冇乜特別，但我覺得隻杯應該有個名，型態似水，應該叫be water水杯😄😄…Read More

好好食😋好有街坊味道嘅小店。店內得2張枱所以要有耐性等位。我lunch一粒鐘老遠9衝出去都要撐，要企門口等咗2個字先有位。等嘅過程都有其他人外賣自取。我揀咗個超值套餐牛肉+芫茜腸粉、🥟韭菜豬肉湯餃6隻。個餃子湯冇乜味精連湯飲晒👍腸粉好滑，牛肉芫茜都好多。今日餓住嚟，套餐2樣份量女士啱啱好，食完暖笠笠😋。一路食一路聽住廣東歌，啱channel更開胃。建議大家食完就最好快d埋單，因為門口又有人等梗位啦😄#lunch老遠9衝出去都要撐#店內得2張枱要有耐性等位#不忘#撐手足#堅好食#冇味精…Read More

長亨大裝修後，原本喺街市內伯伯嗰檔幸運小食搬咗上商場地面7仔隔離勁方便。舖仔細細一眼望晒只可外賣，仲好啦，舖細租平d，自然食物價錢就可以平d。今日放假想食伯伯嘅粟米汁扒意，但去到見到唔少街坊陸續都買車仔麵(記得之前喺OpenRice 有人寫過食評車仔麵好得) 好就試吓食評話高質嘅牛腩啦。要車仔麵自己攞餐牌紅筆highlight落單，我要咗瑤柱牛腩根、蘿蔔、雞翼尖、米粉，等咗一陣間行完759再返嚟拎返屋企食。😄一開蓋牛腩汁香氣濃郁，我要米粉想掛湯d。個牛腩汁湯好濃，可能係有牛筋一齊煲所以有張力，唔會好似一般車仔麵湯咁淡似水。😋牛腩、牛筋都好入味，蘿蔔就炆得唔夠色仲係白色但冇渣嘅，雞翼尖肉質夠林但係滷水汁唔夠入味總算好食嘅。唯一比較差係個米粉成碗要用匙羹食，成碗米粉都係米粉碎，好似剪俾bb食咁☹️用筷子係完全夾唔起。另外，疫情下多咗人買外賣，我等嘅時候見到有一對年長夫婦自攜食物盒嚟買小食做餸，我覺得都幾好吖，大家多啲幫襯小店，幫襯伯伯，支持下街坊小食💪…Read More

剛剛新開張食過呢個咖哩飯，個汁太重椰奶，重到以為一時失手跌左成樽椰奶落去。點知今日再買嚟食都係咁，個汁只有椰奶又濃又傑，完全無晒咖哩同辣嘅重點味道，圖中見到嘅油只係油，唔係辣椒油OMG! 攪咩？！呢個唔應該叫咖哩汁，根本就係椰汁加咖哩色，請改名叫「黃色椰奶雞飯」好過啦！我本人係好鐘意食咖啡飯，所以去好多餐廳有得揀我都必食咖哩。大快活大廚真係覺得咁樣好食？仲有舊薯仔係酸嘅，成個飯根本食唔到 😠實在太差！…Read More