Cheon Song-Yi's Profile

呢度係屯門中央廣場地下，隔離有停車場，另外係入面食野可以睇到外面情況，所以泊架車係外面都睇到，十分方便揸車人仕。樓上係商廈，附近係住宅，星期六日無乜人流，但呢度大部分時間都八至九成滿座，好受街坊歡迎！今日專程去食早餐，地方唔大，不過裝修好企理，員工手腳快。看餐牌都是正常茶餐，亦有米線，選擇不少，價錢實惠。叫左個沙爹牛肉煎蛋通粉、沙爹牛肉煎蛋公仔麵同埋2杯熱檸水，$26 x 2，沙爹牛肉幾好食，煎蛋好香囗，檸檬有厚度，唔錯！…Read More

之前黎過The Live House 幾次，都係幾班無關連既朋友各自約係呢道gathering，呢道的確好適合聚會！呢晚約左男朋友撐枱腳，平時都係佢負責諗去邊度，但呢晚佢無主意，咁我就提議去食Live House，有佢最鐘意既牛扒，佢當然唔會say no，今次到我叻返次！呢晚係星期三夜晚7點左右，臨時臨急book 檯，安全起見，打個電話問下有冇位先！都算好彩，餐廳話剛剛有2位no show，有位比我地！其實呢道除左好多人係一大班朋友聚會之外，都有唔少人好似我地咁兩個人拍拖食飯，氣氛好啱飲返兩杯，暢談一番。係咁既氛圍下，我地叫左d 酒，男人鐘意飲生啤，我就鐘意飲cider，呢隻cider 出面未見過，幾好味！店員話呢隻係英國進口，仲要係organic 架！好健康！我地唔算太餓，所以只係叫左一款意粉、一款沙律同埋肉眼扒。先講男人既著眼點，美國肉眼扒，擺盤幾靚，我地叫左5成熟，出黎既效果都唔錯，應該有4－5成熟啦，食食下有店員過黎問我地啱唔啱食，呢種服務除左係高級餐廳或者酒店見過之外，無諗過係旺角都會見到，十分impressed！意粉都幾好食，之前食過幾款，當中我比較喜歡carbonara，個汁包住每一條意粉，好香濃，唔會好水咁，而且煙肉煎到好脆，洋蔥亦好香，廚師手勢好有水準！兩個人食份量都好夠，始終佢有芝士忌廉做汁，食得太多好易滯。沙律都幾大碟，可以幾個朋友share食，我地兩個人黎講就多左少少，不過蔬菜係健康既，食多d 都唔怕，另外沙律上面既蝦都好大隻好正！…Read More

呢日叫左個生牛河，湯底仍舊惹味，牛肉片無欺場，河粉爽滑，軟硬適中，好味！記得幾年前係$26碗，依家已經加到$36一碗，不過比起好多地方都算平！一碗生牛河好似好易整得好食，偏偏出面好多地方咁簡單都做唔到。連鎖越南餐廳愈開愈多，百幾蚊一碗都食過，但越南河始終都係小巴黎好食！…Read More

呢度繁忙時間好多人排隊，而且坐位好少，所以等位要等好耐。但屯門無其它地方有韓國菜食，所以偶爾想食就會非繁忙時段去，例如六點就去食晚飯。呢日叫左個牛肉餃子湯，牛肉餃子普通，蛋花湯幾好味。再黎一個紫菜飯卷，賣相普通，但味道唔錯！唔加配料都好食！味道清清地，卷入面既酸蘿蔔好醒胃，食完一舊想即刻再食多一舊！雖然食物選擇唔多，但想食既都有，基本既韓國菜式都有齊，而且味道都好地道，唔係偽韓式！不過食物份量真係太少，食唔飽！另外，以前點完餐，侍應會送上兩至三碟前菜；後來只送一碟；再後來要問先有，甚至問都無。仍然有免費前菜既時候，試過一個人去送一小碟，兩個人去又係送一小碟，我估佢係唔想浪費？咁應該問就有。於是有次兩個人去得一小碟，我就直接問佢要多碟，因為兩個人分開食都會比兩碟，我覺得呢個request 好fair，但竟然被拒絕，而且態度👎，真係好氣憤！證明佢地唔係怕浪費，而係純節省成本。係尖沙咀食過幾間差唔多定位、味道同埋價錢既餐廳，即使怕浪費而只送一小碟，客人主動問都會免費添加，尖沙咀街舖租金成本絕對比呢度貴幾倍。無論如何，依家已經無前菜送，要加錢先有。有食開既都知佢個前菜細細碟唔值咩錢，送係心意，係正宗韓國菜既一個形象，唔送亦唔緊要，唔好又送又唔捨得送咁核突就得。依家令人感覺佢地水準下降，手法愈來愈商業，真係好可惜！…Read More

呢度係家庭式經營，只得一個廚，串燒雞扒係即叫即燒，所以一般等候時間都比較長，要大概15分鐘，不過好味就無所謂，所以幾乎每次黎都係食招牌椒麻雞扒米線！米線質感好好，爽滑彈牙；湯底個樣好清，但味好香濃，唔知係點做既呢？雞扒燒得好好，外脆內嫩，囗感好正，水準好穩定，食咁多次，未失過手！我一向唔食雞皮，但佢燒到雞皮下既油脂都溶晒，雞皮好似紙咁薄，所以次次都忍唔住連雞皮都食埋！…Read More

今天特別早起來，空著肚子去做例行身體檢查，之後在附近尋尋覓覓，就是為了找到好吃的早餐！我對於早餐有很嚴格的要求，就是要新鮮！有營養！份量大！找到了這店，有兩三枱顧客，我們坐近門口，我先來一杯cappuccino ☕ ，邊喝邊享受著穿過玻璃招牌射進來的自然光。奶泡細滑，咖啡有淡淡花香，有甜朱古力味，也有堅果味。拉花不是平常看到的那些對稱圖形，是天鵝！十分驚喜！技巧滿分！👏接著重頭戲來了，我的全日早餐🍛！哇！看分量我已經很滿意，再看配料，有葷有素，有芝士，有雞粒薯粒，有生果，還有我最愛的茄汁豆！法包🍞烤的外脆內軟；炒蛋🍳蛋香特別濃郁；士多啤梨🍓新鮮醒胃；茄汁豆豆很綿軟，可惜就是量太少了。這一份早餐吃下來，實實在在的滿足啊！簡單健康的美味早餐，吃得人心情也愉快起來！…Read More

我幾乎每星期都去食一次，有時午餐時段去，有時下午茶時段去，有時晚餐時段去，唔同時段既唯一分別係：下午茶老闆落場休息，所以無拉麵供應，改用上海麵，送豆漿或薏米豆腐花。今次我地叫左清湯腩拉麵同埋蘭州餃子拉麵，牛腩瘦得黎唔韌，餃子係自家制，皮夠薄，咬落肉汁鮮甜，超好食！另外，食得辣既一定要加辣椒油，又係自家制，極香！老闆親自拉既麵，煙韌彈牙有口感。湯底好清甜，聞説係老闆娘每朝親自去買牛骨返黎熬制而成，飲落的確唔覺有味精，所以我次次都飲晒。…Read More

地方小小，選擇十分之多！表面上是一家台式餐廳，有台式飲品，有三杯雞；實際上是什麼都有，有米線，有炒飯，有燴意粉，有咖哩牛腩飯，有焗豬扒飯等等！當中最喜歡吃麻辣小鍋米線，超大碗，超惹味，因為湯底附上麻辣東菇肉碎加酸菜，這樣跟本配什麼料也好吃！這天點了一個肥牛白蘿蔔魚腐油麥菜小辣米線，食物份量多，真心讚！美中不足的是白蘿蔔不夠入味，另外要扣分的是這次魚腐很硬。…Read More

呢度係屯門中央廣場地下，樓上係商廈，附近係住宅，星期六日無乜人流，所以唔使等位。而且方便揸車人仕，隔離有停車場，外面泊街亦可，係入面食野可以睇住外面情況。以前間中去食晚飯小炒，好好食！可惜佢地唔再做晚市！依家星期六日偶爾會去食個早餐或下午茶，都係正常茶餐，無特別驚喜，不過選擇多，價錢平，幾抵食。呢日叫左個下午茶沙爹牛肉雞蛋通粉同埋熱檸水，只係$23！沙爹牛肉大大塊，檸檬有厚度，絕無欺場。…Read More

坤記舊舖變左藥房，以為無做😱，原來搬左去V City 對面。新舖企理d，人流依舊，繼續幫襯！呢到既炸腸真係好好味，腸粉同油炸鬼都係新鮮出爐！另加窩蛋碎牛粥同埋魚片粥，粥底好綿，大大碗，食到好飽！…Read More