積飛亞's Profile

假日 $280 一位若全包的話其實唔錯，因為又唔使自己預備任何野，去到即燒嘅話都無乜好彈但係首先去到飲品唔係無限，每人只限一罐 (小仲要係維他細size)講真呢個假位寧願去打邊爐好過另外炭都唔係無限我地十幾人2個爐佢陣係俾得2包碳網架果D又要另外再俾錢紙碟又係薄e e 果陣，裝幾隻雞翼已經被啲油浸淋晒基本上諗住好方便咁燒結果要咩無咩餐具果啲都好鬼孤寒燒野食用嘅蜜糖要你拎返原本個 cheap cheap 膠具去裝大老，成 set 野痴立立好心就重新俾一 set 新一件膠都唔使你 5毫子 la ......唯一抵讚係佢都係用錫紙dull 裝娃娃菜俾你燒同埋雞翼叫做多口味但整體黎講呢個價位可能去打邊爐開心啲我地人多 total 課左 over 3千講真自己去沙灘果啲公共爐，買齊所有工具連食物$1500都有找人少少去呢啲地方算係咁人多真係唔建議…Read More

本身唔係大尾督居民，今去朋友屋企新屋入伙閒聚，朋友話樓下有 Pizza 好方便，可以邊玩card game 邊等，所以大家叫左一大一細試試。我地揀左羊肉(Halal food)、雞馬蘇里拉芝士、同埋磨菇碎牛肉，意大利辣肉場(牛肉)，另外再加辣(青辣椒)個 Pizza 餅底無得輸，係Maru級數！個底係乾身得黎個粉團係好濕潤 in in 韌韌，但係又唔會好難先扯得開新鮮熱辣辣非常好食，個料嘅濕度同埋個餅底嘅 in 韌感非常夾，唔會有「啲料好少」嘅感覺唯一可惜係個青辣椒加左好似無加，喜歡食辣嘅朋友仔好失望但整體 encore-able！…Read More

一向喜歡食奧莎就算呢幾年加價加得有啲過份，但係佢啲包都係我喜歡的口感無乜油，獨立紙dull抵底，咬落去乾淨又唔算太空氣首推奶皇包同埋綠茶紅豆卷(瑞士卷 style)疫情前買開都好聲好氣，會主動問你使唔使切瑞士卷有時啲包餅買晒，都會同你吹下水，叫你第二日幾點黎再買過甚至可以留餅第日黎拎但係家陣態度好差，一句忙，叫你自己返去切 (2點幾3點pm, 明明鋪頭果陣都無乜人)以前我會經常買綠茶卷返 office 請同事食，因為佢做到個蛋卷濕潤 (好多小店瑞士卷都好 dry 好難食)而且個 cream 食得出係有溝新鮮忌廉，香滑，紅豆應都煮得好好但係今日行過再去買綠茶紅豆卷成個 formula 唔多同左now個卷蛋偏乾身(雖然未去到好乾，但已經唔係以前果隻濕潤感)紅豆好硬 (未煮淋)最唔開心係個 cream, 溝左普通瑞士卷果啲難食人造 cream如果係人造 cream, 其實唔使幫襯奧莎，出面好多小店都有類似嘅口味食奧莎，比貴少少，就係想食啲高質又健康嘅包、餅啊！真係頗為失忙.......…Read More

今次大概1點左右去幫襯成盒焗豬包實放係焗爐仔中保溫黎出黎仲係熱辣辣賣相及份量充滿驚喜未打開啲料好似就黎滿瀉咁打開後豬扒/蕃茄仔/菠蘿好足料而且扒豬扒好有誠意預先切好左件非常厚身份量足且唔靭唔鞋原以為放係焗爐keep住加熱會老晒可能佢旁邊仲有少少脂肪連住入口肥瘦適中，唔喜肥亦好方便咁cut走旁邊果少少肥，我大概每舊切左一塊尾指指甲大小的脂肪仔出黎 only，所以整體肉嘅部份極充，唔會出現骨多脂多肉少狀況蕃茄醬我覺得濃度黏度剛好飯底好似係有加蛋嘅炒底粒粒分明唔黏身正$37 一盒高質焗豬飯 + $5 一杯奶茶（較普通）唔知係咪心理因素平時食大xx 果啲焗豬食完仲有少少意猶未盡呢盒食完好飽😂 晚飯都唔使食遠少少特登行去買都覺得係值的非常支持…Read More

本身諗唔到上水仲有咩好食，見 openrice 最新餐廳有非常好comment，就諗住一試。本身想食焗豬，可惜賣晒。改試蕃茄牛米，不得了，痴線地好食。湯米分開裝，返到去試左淡湯，個湯係羅宋湯 level !!!!! 已經勁驚喜。仲要有4-5件大大舊牛（多肉無乜肥膏，不過作深色可能雪左好耐），今時今日25蚊食到咁嘅質素，真係要感動到喊出黎，簡直係我地呢啲窮鬼嘅恩物！！！食晒成個面連湯非常飽！如果可以齋買湯就好👍🏻方便返屋企再加工。會再幫襯試埋個焗飯！（唯一怪怪地係個贈送嘅配菜/ 醃菜，應該係醃蘿蔔？但係有陣臭膠味，但因為係分開裝，唔影響個米）…Read More

之前食過佢地嘅台式鹽酥雞(下午茶$28唔記得左影相)，外賣拎走返到屋企 (大概10分鐘路程)仍然仲好熱好脆！性格比高過附近商場的炸雞。今次夜晚9點半左右去 order 外賣，以為夜晚無乜人會好快，但都等左差唔多10分鐘。點左個韓式牛便當(晚巿，$46)及追加混醬炸雞($40)，性格比算好高(平過出面又貴又無乜特別嘅韓式炸雞好多 la )其實預左韓式炸然唔太啱自己口味，但拎到返去仲熱熱地，食落唔落，不過凍左D醬應該會漿埋一pat, 天氣轉涼後再試多次睇下個效果點先便當黎計足料，牛份量合理 (比想像中多)，配菜份量亦都充足，唯獨啲飯太濕。但整體唔錯，以同區外賣自取黎講，性格比高，溫道味道Keep到。(但外賣送上門會唔會凍晒就唔知啦)。之前食過下午茶台式便當，同樣吸引。下次試埋佢個「四川火辣辣干鍋」睇睇會唔會令人失望先！…Read More

點左一個抹茶紅豆梳乎厘，一個夏威夷果仁班戟。梳乎厘texture 好好，而且蛋味好濃，以梳乎厘計非常高質，但抹茶 cream 同紅豆奇怪地「溝唔埋」，友人都覺得紅豆還紅豆，抹茶cream 還抺茶cream，撈埋感覺唔太夾夏威夷 pancake 唔知係咪因為要濃濃地印個店 logo 出黎，食落有陣怪味，可能係「濃味」，咸咸地，唔似正常味，cream / 糖漿量爭少少，到後期有點dry。但 texture 唔錯，算鬆軟整體可一試，但性價比唔算高…Read More

因為飲食男女介紹所以先知有呢間餐廳。感覺有啲似私房茶，鋪面唔太大。已經預早幾日經openrice預訂，當日上奏打黎話無位，要改時間。總結當日用餐經驗，似乎熟客訂座會優先按排坐位，若真係想確保「有效訂座」，員工話打電話訂座會較用 Openrice訂座好。有好多特色菜(包括海鮮)需要預先，太失策無訂到，但好彩隔離台多左半份茶燻雞，先有得試試呢度特色菜。茶燻雞味道挺有趣，值試得一試。雖然係燻雞，但胸肉部份仍然挺滑，非常滋味。需要訂嘅菜式包括：炸子雞，鹽焗雞，茶燻雞，手斯雞，醉乳鴿，燒乳鴿，龍蝦、象拔蚌，聖子皇、羔蟹、紅蟹、花蛤皇等。強烈推薦豬肺湯，非常好飲。小食類嘅溏心皮蛋畯薑同埋泡椒鮮芛非常好食！值得一試。唯一問題係地方太細，基本上隔離枱豪言豪飲的話，就算圍內3-4個朋友坐得好 close 咁傾計，基本上都係聽唔到大家講咩。如果介意用餐環境，呢點要留意。…Read More

本身想食隔離間居酒屋，咁啱朋友行過見個呢間拉面店門口燈箱個menu 啲拉面相片好似唔錯，咁就走左入去，唉，超級大伏。食完先知原來間鋪係藝人開，同朋友傾開計先知朋友識果個藝人，我同朋友講真心可以叫佢執左佢，早執早啲止蝕離場。邊有可能食日本拉面食到有五香肉丁嘅味道（見圖）！！！！仲要個湯頭死咸/油。玉子無味，叉燒超薄又無味道/口感。唯一嘅安慰，就係啲面無乜鹼水味同埋炸得唔錯嘅牛肉薯餅..........…Read More

一條友最鐘意去細鋪食雲吞面家陣太多細面鋪都唔係香港人開大陸味同香港/廣州味道爭好遠呢間一見個招牌同門面手寫菜單就知應該係好野或差極有個譜小弟最愛雲吞面多青見有魚肉就叫左個雙拼基本呢兩樣都掂嘅話呢間鋪頭水準叫做食得過單拼28雙拼36雙拼雲吞同魚球各3粒雲吞係我喜歡嘅比例有啲人鐘意肥肉蝦肉各半但我鐘意佢大大粒滿滿蝦肉皮唔厚，埋口位無一舊粉糰漿住鯪魚肉唔錯有彈性最怕成淋pat pat 魚肉食雲吞面我必飲湯第一淡ok ! 唔太咸，唔算太重師傅可惜面面係鹼水面放多一陣啲湯都唔飲得面ok, 食晒啲料再食面佢都未淋而且紅醋味道柔和同個面/湯好夾食落有少少回甘添下次經過深水埗會再幫襯（PS 蔥花都好味，夠嫩夠新鮮）…Read More

門口睇餐牌望到滑蛋炸豬扒飯所以一試點知$46 蚊嘅飯竟然係迷利 size(但佢餐牌無寫下午茶係會細 size)有種被騙嘅感覺門面叫乾淨，星期六下午茶時間都無乜人炸豬扒係炸完切薄片再翻炸所以無乜口感可言且作油滑蛋好老飯過熟（微爛）唯獨個洋葱汁底合理唔會有想再食嘅念頭不過佢個辣菜脯係挺好食不過間鋪頭名走日式內裏菜品不倫不類乜都有大家都可以想像到質素（我坐左入去睇菜版先知完來唔係賣日菜而係走港式，乜都有得賣）…Read More

上水水貨客多到食店都執得7788，難得夜晚仲有呢啲小店開。幫襯左好幾年，冬天宵夜黎個酸辣粉真係一流，果種明知係酸粉開出黎嘅酸味，真係好上癮最近辣味有啲浮動，BB辣同小辣一樣味，大辣只係面頭層油多左，實質唔覺辣左。所以想食辣嘅不妨放開一試叫到做辣🙈痈時同朋友會再叫少少串燒。燒蔬菜會安全啲，燒茄子一流！燒肉就小心少少，有時可能未完全熟透。同朋友係店門口開張枱仔食住串燒飲下啤酒，望住條街吹下風，都幾寫意…Read More

中秋節諗住食壽司，但滿晒無位，路經呢間餐廳挺特別（富新鮮感）的裝修同埋菜式特別，同朋友一試先講結論，性價比極高！一試難忘，必定會再幫襯正題，小弟鐘意濃味、新奇野，泰式食得多，最近海南雞同喇沙亦經常食，所以俾「娘惹」呢兩隻字吸引左，心郁郁想試試同其他香港星洲/馬拉野有咩分別肉骨茶同一般香港版/連鎖星洲餐廳嘅肉骨茶完全唔同味，無乜中藥菜味，反而似胡椒豬肚湯，唔識講正唔正宗，但口味上麻麻，且內臟味強，唔鐘意內臟腥臭但又想試嘅，可點金菇胡椒，佢啲胡椒味夠勁，可蓋過果陣內臟味「馬來西亞風光」就因為睇名完全唔知係乜，所以叫黎食😂不得了，食過最好味嘅炒通菜，底部超多蒜粒勁香口🙈亞參魚味濃，配秋葵一絕，會好想叫白飯最驚喜係撈米，好清新，青檸芽菜香茅豬豆腐卜魚片頭全部味道洽到好處好balance, 豆腐卜入面索滿湯汁（唔係就咁丟啲豆腐卜落去），擠埋個青檸汁，會有種食完想再食嘅感覺（佢隻芽菜好特別，唔似香港普通買到）PS . 個冷氣唔涼，好熱😨…Read More

「驀名而黎食芫茜餃」平時甚少入元朗入親元朗做完野就即走（畢竟太多人，大熱天時行大馬路好辛苦）見新假期定唔知飲食男女有佢地嘅報導特登行幾個街口黎試！雖然有啲失望（因為啲嫌啲茜味唔夠濃🙈）如果碗湯餃上面加大量生芫茜應該視覺同味覺都會充滿震撼😂（唔知第日會唔會有呢個選擇呢）但整體黎講抵食好食餃皮煙靭有咬口一碗8隻水餃（$36）份量剛剛好不過夏天去就好熱唔夠冷氣邊食邊出汗如果唔係因為太熱想拿拿聲走會想試埋其他小食…Read More

每次聚會，唔想放題/邊爐，我都會提議黎呢間。性價比超高，且酒類豐富 cocktail 調得又好。雖然係酒吧，但係環境舒服方便，非常適合聚會閒聊。且食物每次都能保持水準，已經食第五次，仍回味無窮！！！火腿併盤，每次黎呢間都係必叫嘅（邊飲酒邊食邊等朋友到齊）海鮮飯，黑松露薄餅，乳豬件必食！！本身唔太好pizza 同黑松露，但papagayo 嘅 pizza 非常薄皮，同黑松露配埋一齊個口感非常 match ，無果種好滯滯厚厚嘅感覺，同素食 fd 黎食佢地都到呢個黑松露pizza 讚不絕口。Beef Tar Tar 同 Churros 都值得一試。8個人酒水食物連加一平均每人$340（total 12 dishes, 每人一杯酒）…Read More