我好欣賞佢係鬧市都有露天位食嘢
真係打卡一流
一入嚟未睇menu已經有餐前麵包食 麵包夠鬆軟，正！
Weekend都提供Lunch Menu
前菜分別叫咗Cauliflower Soup同Chicken Stuffed Bell Pepper! 湯有淡淡嘅菜花味，但意外地整得好滑！而雞釀燈籠椒都有意外嘅驚喜配上佢嘅Anchovy sauce好好味
主菜方面分別叫咗三文魚同牛扒！牛扒五成熟啱啱好！ 塊扒非常厚，加上鎖實肉汁，肉質又鮮嫩，真係好正三文魚其實係全熟㗎！但好滑，唔會覺得難。我好鍾意佢配薯蓉嘅配搭！
最後用10蚊加咗甜品 開心果味，食落好滑好fresh!臨走前先見到12pm-8pm有chill time 368蚊有2枝酒
唯有下次約多d人一齊嚟chill吓…Read More
有Lunch Menu㗎，我哋叫咗美國黑牛安格斯同海膽彩虹魚籽飯嚟到呢度一定要食吉列牛燒㗎，招牌菜黎㗎嘛！吉列好脆，本身牛肉品質高，食落juicy 鮮嫩！正！自己燒完再食勁滿足啊成個set仲包左面試湯，飯，沙律！ 飯用珍珠米，好香好好食，沙律嘅菜都好新鮮。海膽彩虹魚籽飯都超級好食呀，海膽非常新鮮冇腥味，仲可以試到唔同嘅魚籽！第一次係呢間食魚生，真係好新鮮好好食！呢度做lunch仲有好多唔同款式嘅餐，睇來我之後都要嚟再試吓唔同野
…Read More
湯都幾大碗，飲得出係老火湯唔係味精湯飯都好多，男仔一定夠食！雞翼都好好食啊 又大隻又多肉，仲好鮮嫩！咁大個外賣仲咁豐富，食完有力打牌啦！ 下次會試埋佢個海南雞，其實門面睇落唔錯，係咁啱今日想食豬頸肉。唯一無奈係無堂食，但如果拎返屋企/公司食就好抵食，大件夾抵食！…Read More
一黎就有不同醬料揀
叫了椰子雞煲，鮮甜好味道，非常足料 (真係半隻雞！) 雞都好正，啖啖肉又新鮮！叫咗細碟安格斯牛仲有手打墨丸 (原味加芝士) 好好食啊！牛好嫩滑！ 手打墨丸幾有咬口，我最愛有芝士係入面，熱辣辣嘅拉絲啊係~蔬菜拼盤都幾多種類，同埋幾靚啲菜，又新鮮 呢度仲有好多其他款丸選擇牛丸都好掂！飲品我地叫咗乳酸，我覺得巨峰乳酸真心幾正，下次再黎會encore總括黎講呢餐都好滿足…Read More
佢地話想食日本野 但生冷野又好似唔啱佢地 咁就不如試下日式燒物啦
天口咁熱 一坐底就梗係嗌野飲啦 我叫咗一杯sake-based嘅pineapple lover 酒味不是太重加埋勁多新鮮菠蘿粒 非常易入口同清新
屋企人話飲汽水就得 我幫佢地叫咗ginger ale平時出面都比較少見嘛 估唔到佢唔係罐上而係整到mocktail咁 幾有心思
嘢食頭炮就係軟殼蟹卷 佢個皮唔太厚亦冇炸到大陣油抑味 蟹肉亦好豐富 屋企人都大讚 蟹味噌甲羅燒亦有水準 蟹膏有濃郁香味 上面灑ge蔥花為佢帶返口感唔會太杰 如果撈飯食就更佳啦
天婦羅盛合有蝦、矮瓜、蕃薯各兩件 蝦大大隻俾到我地驚喜呢
當然唔少得佢地主打嘅A4和牛啦 我地叫咗和牛燒同和火壽喜燒 
由於和牛燒係逐gram計佢地會係整之前show俾你睇舊肉有幾重 冇花冇假之餘又幾得意終於整好喇 200g真係好矜貴 medium rare啱啱好入口即溶 配埋酸酸地嘅日本蒜片一齊食好過癮
至於和牛壽喜燒係我地面前燒 野菜墊住底等佢快d淋時牛又唔會過熟 到咁上下時候店員就黎幫我地反牛 過多一陣就幾食得架啦鍋內仲有烏冬吸收埋個湯 埋尾食一流…Read More
一入去就覺得好大驚喜O_O個場超級大, 大家可以放心舒展咁坐. 仲有一片地方係可以除鞋上去坐係地下,充滿日本Feel. 牆上貼滿世界各地嘅Postcard, 影文青相一流呀!事不宜遲, 即刻試下野食先. 我叫左龍蝦肉蕃茄醬意粉同埋一杯”曖昧”, 先講下意粉如何~蕃茄醬落得絕對唔手軟, 包保條條意粉都沾到. 酸酸甜甜但唔會太heavy (thumb up呢個時候不得不提個龍蝦肉. 肉質鮮甜, 爽口彈牙, 重點係舊舊都超大件, 抵讚~而杯”曖昧”其實就係草莓藍莓乳酪冰, 甜度唔高, 冇溝太多水而keep住smoothie軟軟綿綿嘅質感, 係一杯真材實料的Smoothie (nice之後梗係叫個心太軟好濃嘅朱古力味啊 流心真係爽到爆！士多啤梨雪糕都好食，唔會太甜太流…Read More
今日過黎深水埗買電話卡，見到附近有間點心就入咗黎食都幾多人食，所以都要等5分鐘先入得其實見咁多街坊食都知質素唔差㗎啦
點知咁好味都幾餓，所以叫咗幾款嘢食，蝦多士鋪滿芝麻，格外香口，蝦都好足料 仲有個酸辣汁比你沾，好正炸雲吞我由細到大都鍾意食 新鮮炸好，炸得多脆，又唔多油，抵贊！主食叫咗珍寶開邊蝦蒸飯，好好食啊！ 蒜蓉味好香，蝦又多肉又鮮甜，啲飯仲索咗啲鮮味 下次一定會再叫 ! 49蚊咋！甜品叫咗脆皮馬拉糕同桂花糕脆皮馬拉糕第一次食幾好味 個皮脆感覺好新鮮，有啲似新鮮出爐嘅紙包蛋糕桂花糕都唔錯，唔會太甜，帶點清香2個人食咁多都係$135 真係大件夾抵食…Read More
未算好平，但我覺得合理又好味黎到已經比多款前菜比我地 每款都可以再添，蘿蔔酸酸地好開胃 (不過好彩佢唔係黃色個種因為我唔太食...)叫了豬肉套餐同牛肉套餐都唔少肉，啱曬各位食肉獸 豬頸肉好爽口好正 牛肉都幾好，唔會有根好難咬，肉味都幾重，燒完都仲有肉汁會有生菜附送比大家夾菜！ 咁樣食無咁流 同埋食多啲菜都需要嘅！爐邊蛋都唔錯，配埋泡菜一流仲有飲品同飯跟 好正啊！…Read More
正當我地睇menu睇下眼花瞭亂時 就發現左佢地有二人餐 $568有咁多野食又唔算貴 一於試下！芒果沙律大大份 菜又夠fresh 加埋芒果同埋乳酸味沙律汁真係好開胃 鍾意食牛油果ge女朋友就覺得如果落多啲就會更creamy更正 炸物拼盤有三款野食 啱曬心多多乜都想試ge我地 個人推介呢個單骨雞翼 雖然半隻咁上但係咬落去都幾厚肉 唔會得皮同骨 配上餐酒個感覺又幾新鮮喎 重點黎啦 芝士燒原隻龍蝦 龍蝦肉質實淨唔在講啦 最令我地驚喜ge係佢加左海膽落去燒 食落去真係有一股沖繩風味湧上黎 正呀！ 佢地仲好細心咁幫我地開埋成鉗 啖啖肉好滿足食埋個魚之後好似仲有少少未夠喉 始終冇澱粉質落肚都係爭咁啲 好彩佢個二人餐臨尾仲有野菜湯烏冬 有娃娃菜同埋不同種類ge菇 都幾足料架 味道都幾好個湯唔會太濃 食完唔會有味精涸喉感 不錯不錯～…Read More
侍應同我地推介二人套餐$248有小食、拼盤、兩個小菜同埋甜品，睇落都幾抵食但阿媽一向都麻麻地綠豆甜品，我地最後都係決定散叫黎到打冷舖必點當然係鹵水拼盤啦我們兩個人點咗細size 見到佢上咗原隻鵝髀個陣真係開心到彈起鹵水鵝肥瘦適中 唔鞋之餘又唔會成日肥膏配菜方面 鹵水蛋同豬腩片吸曬啲鹵水汁都好好味最抵讚係佢墊底嘅豆腐同芽菜唔多 舊舊都係肉我地仲叫咗韮菜豬紅 $58蚊好抵食豬紅好實淨 唔會一夾就散 食得出係真材實料配埋少少辣嘅湯底同韮菜配飯食真係一流之後就係我地期待而久嘅椒鹽九肚魚雖然等咗15－20分鐘先上 但一咬落去熱辣辣食到即叫即整嘅滋味就即刻gur返曬九肚魚肉質鮮嫰 椒鹽亦炸得十分香口 雖然炸粉略嫌偏厚 但$88咁大碟都非常滿足小菜可以加$20轉餐，有白飯、油菜、飲品。阿媽話佢唔飲野，所以我地加咗一個餐再嗌多個白飯($10)。油菜整得唔錯 仍然都係翠綠色唔會淥到老曬白飯就非常之咁大碗 可以平口一碗開兩碗 如果兩個女仔黎食叫一個餐絕對夠曬…Read More
咁唯一跟機啦呢間小店都幾多人，逼就幾逼㗎啦
不過唔緊要啦，照食可也。我地叫咗個小食，係炸魷魚鬚係新鮮炸㗎，炸粉唔太厚，又夠脆好好味啊我主菜叫咗焗豬扒飯，另一種男人的浪漫💕豬扒鮮嫩多汁，蕃茄汁同芝士份量啱啱好最正係配上太陽蛋，加埋啲蛋漿一流啊！個份量亦都夠大，我踢完波食都會飽肚係高質的焗豬啊雖然係逼啲，但兄弟又真係無介紹錯 如果唔係又點會有咁多人黎下次黎一定要試避風塘豬扒飯！…Read More
見係cwb近近地，緊係要打打佢唔想揀辣湯底遮曬啲鮮味，所以揀胡椒豬肚湯底，貪佢有少少辣又可以帶出海鮮嘅鮮味。主菜海鮮係好多好多嘅貝類最愛鮑魚同帶子！隻隻肥美又鮮甜，真係好正最開係淥完都唔會縮水！我地仲叫了好多餃子
隻隻皮薄餡靚即炸魚皮都好好味唔淥脆bokbok都好好味啊我地緊係要食啲蔬菜，係蕃茄啊勁juicy好味道果然無介紹錯，因為配菜係任叫，食到飽曬好幸福啊…Read More
地方寬落，燈光較暗，幾似去咗日本食飯，一入到去都有幾張枱食緊，但氣味不大有啲似韓式燒烤，有不同醬料叫了燒雜菜，有個兜仔，盛住香草牛油 叫我地放入去燒！食落好香，矮瓜，南瓜因爲有香草牛油，所以都會煮得淋叫了個貴價和牛肉眼勁靚啊個牛，脂肪均勻，無根，入口即溶正到流我仲叫了綠茶可樂，不嬲都想試試佢，搵極都搵唔到，無諗過呢度有！哈哈，其實唔難飲，但又唔似綠茶又唔似可樂最抵係新開有八五折…Read More
