羊爸爸的个人专页

最近同朋友嚟到AIRSIDE覓食，揀咗呢間主打吉烈牛嘅日本餐廳，環境偏日系簡約，又唔會擠迫，成個用餐氣氛都幾chill～🥩 四品牛魔御膳（Signature 必試！）作為餐廳嘅招牌，嚟到點都要試！一次過食到 四個部位嘅牛：穀飼西冷、翼板、醬咪薄牛、菲力牛，CP值超高～而且包白飯、椰菜同湯，食肉之餘又唔會太有罪惡感😋
上菜時店員仲會俾個小煎pan 🔥，可以 自己控制熟度。外層麵包糠香脆但唔厚重，輕輕煎到啱啱半熟、外脆內嫩，肉汁鎖得幾好，配埋沾醬同蛋汁，牛味即刻再提升一級🤤 四款牛之中，我嘅最愛係菲力牛，厚切但一啖咬落去超嫩滑，又帶返陣濃牛香，啱晒鍾意Juicy口感嘅人
翼板牛油香重、西冷肉味濃，而醬咪薄牛微甜嘅口味又幾特別，四款味道都唔同～🍲 熟成厚切豚肉鍋膳鍋膳同樣驚喜！豚肉厚切但唔鞋口，脂香同肉味平衡得幾好🐷 配上濃稠嘅滑蛋汁🤎 夾埋白飯真係停唔到口～ 🍚🔥🍮 沖繩黑糖雞蛋布丁
布丁超滑！蛋香濃郁，加上黑糖微甜，甜度剛剛好～🍓 草莓小豆雪糕三文治
外皮炸到脆卜卜、配上冰涼雪糕，熱冷口感對比好多層次，好邪惡但好好味！
🥤 果物冰茶 清爽解膩，仲有好多果肉添
🥥 椰子抹茶紅豆冰抹茶香＋椰子清香，意外好夾🥬 值得一提嘅係佢哋可以 免費任添椰菜，炸物餐廳最怕膩，但有椰菜配返就啱啱好，健康又平衡～📍 京都勝牛 九龍城啟德協調道2號AIRSIDE B1樓B129號舖…查看更多

呢間藏身喺土瓜灣嘅 café，平日夜晚都幾滿座，氣氛chill又有啲法式感，啱哂同朋友慢慢傾計💬☕️🍷 紅酒慢煮牛面頰肉配薯蓉一上枱就好香！牛面頰肉用紅酒慢煮到極腍，用叉輕輕一撳就散開，肉味濃郁又唔乾。紅酒汁味道濃郁又唔膩～配上牛油香滑嘅薯蓉，啖啖柔滑，真系完美match💯 ❤️🍝 羊肉醬炒貓耳朵意粉貓耳朵煙韌彈牙，掛汁力超強💪 羊肉醬濃厚，加埋 Ricotta cheese creamy 得嚟又有層次～最正系帶返少少羊羶香，超滿足！🐑❤️ 中意食羊嘅朋友一定要試！🥤 番石榴香橙冰茶 帶少少果香酸甜味，飲落清爽解膩，配主菜啱啱好🍊。🥤 桂花黃瓜檸檬水 清新花香味滲出，黃瓜香氣淡淡的，味道自然唔造作，飲完有種被refresh嘅感覺🌿✨ 🍰 重頭戲一定系甜品！ Tiramisu梳乎里班戟 鬆軟香滑，甜度啱啱好！班戟厚厚一層，質地鬆軟綿密，熱辣辣上枱仲有微微蛋香～面頭有lady finger可以跟據自己喜好加rum油。再加上可可粉苦中帶甜，味道平衡得好靚。切開一啖，入口即化，好治癒～每一啖都系幸福感爆燈💕🍍 鳳梨可樂達芭菲杯 法式千層酥脆香、燒RUM菠蘿香甜帶酒香~ 雲呢拿雪糕、紅茶啫喱同脆脆，層次感滿滿~ 一杯完美收尾👏整體嚟講，主菜水準高、甜品更系亮點😋 價錢合理、環境舒服、飲品清新，無論系約會定閨蜜聚會都好啱～💫✨ 呢期仲有午市優惠～❣️ 點 main course 會送熱黑咖啡 / Earl Grey Tea❣️ 可加購 是日餐湯 / 甜品 ❣️ Lunch set 印花卡儲滿六個印花 即隔日可享免費 Lunch Set 一份及附送黑咖啡📍 HeySoNuts 土瓜灣北帝街147號地下3號鋪…查看更多

旺角白布街向來系美食集中地，今次就同朋友嚟咗呢間日式餐廳。餐廳環境靜靜地，樓上仲有榻榻米座位，坐低已經好有置身日本嘅感覺 🇯🇵我哋試咗春夏限定嘅二人前：🥗 番茄雜菜沙律 番茄鮮甜，配爽脆蔬菜，開胃之選～
🍳 前菜 玉子燒 + 牛蒡玉子燒軟滑帶甜，牛蒡口感清爽
🦪 日本厚岸生蠔 生蠔大只肥美，鮮味滿分。加上幾粒柚子啫喱點綴，清新不膩！
🍣 三文魚子吞拿魚蓉迷你杯 咸香魚子配嫩滑吞拿蓉，一啖滿足兩種層次感！
🐟 刺身四品（油甘魚、三文魚、吞拿魚等）新鮮厚切，魚脂香滑
🔥 串燒五品盛雞翼香脆多汁，雞軟骨雞肉串配月見汁香滑惹味！翠玉瓜清甜爽口，粟米香甜到停唔到口～
🍜 海膽櫻花蝦素面 海膽 creamy，櫻花蝦帶微咸海香，口感細滑清爽
🍇 甜品 巨峰提子啫喱 冰涼香甜，完美收尾～🥢 份量唔算多，但對兩個女仔嚟講啱啱好～ 食物精緻、環境舒服，系放鬆傾計同打卡嘅好地方📸💬📍月爐．端燒 旺角白布街2-24號藝興大廈地下9號鋪…查看更多

放工想食個療癒又有誠意嘅晚餐？K11呢間主打「慢煮熟成牛」嘅美日式餐廳你一定要bookmark📍！平日晚市依然人頭湧湧，熱門程度可想而知～餐廳走日式美學風格，木系裝潢簡約又有質感🪵。最鐘意呢度可以自選主食配醬汁，customize到自己最愛嘅組合！🍝 慢煮熟成牛配拉絲芝士蕃茄意粉再加埋濃郁嘅日本蘭王生蛋黃🥚配芥末籽肉汁。牛肉粉嫩軟腍、輕輕一咬即溶化，每啖都有肉香。芝士真系拉到好長好長，每啖都系濃郁芝味，配埋蕃茄意粉酸甜平衡，層次好豐富！蛋黃一戳破流出嚟嗰刻已經口水流🤤🥩 A4+日本和牛丼飯🍚 鋪滿整碗牛肉，配上用蒜香醬油炒過嘅泰國絲苗米🍚再加返日本蘭王蛋、脆蒜片，賣相已經滿分💯！牛肉份量超足，每塊都系滿滿和牛香味。蛋黃汁包住每粒飯粒，口感creamy又香滑。脆香蒜片提鮮一流，紅酒照燒汁帶微甜，口感香濃得嚟層次分明～ 🎯🍗 日式炸雞配辣沙律醬本來以為雞胸會好柴，點知超級juicy！外皮炸得金黃香脆，肉質嫩滑多汁。配埋微辣沙律醬，清爽解膩，當配菜perfect👌📌整體嚟講食材高質，自選組合彈性大，價錢合理，CP值超高！鐘意熟成牛又想食得有風格，呢度系心水推介💖！📍牛丼新造 (尖沙咀)尖沙咀河內道18號K11購物藝術館2樓201B號鋪…查看更多

今日帶埋朋友隻狗仔去食飯，去咗荔枝角的泰國菜小店，價錢合理，食物質素唔錯，仲要可以帶狗狗，以後真係可以嚟多幾次！如果天氣唔係太熱，仲可以坐室外。今晚食咗個海南雞飯，味道唔錯，油飯幾香。海南雞肉質嫩滑，如果雞皮爽脆啲就正啦！小食拼盤都好食，最鍾意蝦餅同埋豬頸肉👍👍👍 伴碟有個秘製醬汁，惹味得來唔會好辣。之後食咗碗牛丸牛河，呢個係必食推介，湯底味道濃郁，牛丸爽口彈牙又濃味，再加埋幾條炸豬皮，好味道。甜品梗係食芒果糯米飯啦，芒果糯米飯加咗斑斕同埋蝶豆花，顏色靚，真係好睇又好食。…查看更多

今次嚟到尖沙咀呢間主打牛舌嘅餐廳，真系牛魔王天堂！百幾蚊就食到牛舌尖，CP值真係唔錯👏👩🏻‍🍳 我哋揀咗兩款唔同嘅食法：🔸 鐵板牛舌芯配洋蔥汁
出餐前店員仲會貼心遞上圍裙，怕整污糟衫嘅朋友唔使擔心～牛舌芯口感超特別，軟腍之余帶少少煙靭，咬落好滿足😋 配埋煮到甜甜嘅洋蔥汁，好香好夾，完全唔會膩。🔸 美國牛小排 + 牛舌尖咖喱
呢個就比較重口味～牛小排肉味香濃，煎得啱啱好，鎖緊肉汁。牛舌尖份量唔少，滲滿咖喱汁，質感煙韌得嚟又夠香🍛🍟 跟餐仲有驚喜：海苔薯條！外脆內軟，加上海苔粉一齊食超香口，系配角但非常出色
🥣 牛肉燉湯幾有誠意，入面真系食到牛肉，但湯底完全唔油膩，飲落清甜舒服✨ 整體嚟講，環境輕鬆舒服，價錢親民，牛舌做法選擇多。鐘意牛嘅朋友一定要試～…查看更多

放工後想快快輕鬆醫肚？呢間佐敦茶餐廳絕對係平民之選！小菜晚餐$68起，仲包飯、湯同飲品，性價比真係超高💯，完全啱晒打工仔放工快閃食個飽。🍗 招牌脆皮雞 上枱已經聞到香氣，細心咁切開兩邊，一搣就見到雞油爆出嚟～皮脆肉嫩，肉汁鎖得實實哋，好juicy又唔會乾，配白飯一流！🦑 黃金鮮魷 外層炸到金黃酥脆，咬落去「卜卜脆」，鮮魷本身彈牙鮮味，鹹香中帶少少甜，越食越上癮！🥔🥩 黑椒薯仔牛柳粒 香氣濃郁，牛柳粒炒得啱啱熟，肉質軟腍帶嚼勁；配上薯仔同黑椒醬，辣香開胃，炒得鑊氣十足！整體嚟講，環境雖然簡單，但出品實而不華，價錢親民份量足。放工搵個地方食快飯，呢度絕對係高CP值之選🙌✨…查看更多

最近去咗上海婆婆食飯，真係幾抵食喎！小籠包好多汁，餡嘅味道都好鮮味，新鮮蒸熱熱辣辣好好食，一人兩粒無難道 🙂‍↕️小籠包好多汁，餡嘅味道都好好，一人兩粒無難度🙂‍↕️又係鹹蛋黃嘅粉絲，叫咗兩個黃金菜式！黃金炒飯同黃金蝦都好食，黃金落得好重手，個炒飯都有啲漏！黃金蝦絕對係必食推介，鹹蛋味濃郁，蝦肉口感爽脆👍👍花膠砂鍋雲吞雞份量十足，勁足料，有花膠有菜有雲吞有雞，個湯又好飲，大家都鐘意！最後食咗個煎餃，大大隻好飽滿，多汁好食。最後食埋碗冰粉，好飽好滿足🤭…查看更多

上星期天氣極熱，放工想搵個地方chill下，終於嚟咗尖沙咀呢間新開嘅串燒分店試！尖沙咀新店推出咗好多新款特色菜式，而且價錢親民，串燒最平每串$10起，抵食到癲🔥 今次我哋坐咗bar枱，望住師傅現場即燒，睇住串燒滋滋聲＋香味四散，已經令人食慾大開🤤！天氣咁熱，梗系要即刻叫返杯cocktail先～🍹 我哋叫咗檸檬荔枝whisky同青檸菠蘿gin 。大大粒荔枝超juicy，清甜又解渴，一流！✨ 新菜方面推介：
🍞 焦糖菠蘿鵝肝醬多士 — 菠蘿嘅甜味中和咗鵝肝醬嘅油膩感，入口層次勁豐富。 
🦀 蟹粉日式豆腐 — 蟹粉勁足料，冇偷工減料，配埋嫩滑豆腐勁鮮美。 
🌿 莞茜雞絲手抓餅 — 芫荽控必試！微辣香口，雞絲多汁，越食越上癮！ 串燒方面都好有誠意：
🍢 黑松露雞肝 —雞肝細緻香滑，黑松露香氣爆燈，真系見到粒粒黑松露架！
🍢 汁燒雞隔膜 — 少見部位，燒得剛好。爽口得嚟唔靭，啱曬口感控。 🍢 鹽燒雞腿肉 — 外皮香口，雞肉嫩滑多汁～
🍢 鹽燒鮮雞皮 — 燒到超爽脆，加埋辣粉好正！
🍢 日式淮山 — 外層脆卜卜，內裡綿滑，點埋蛋黃醬真系停唔到口！
🍆 蒜蓉菜脯燒茄子 — 蒜味勁香，好送酒！
🥢 免治雞肉棒 — 咬落juicy，配埋月見汁味道一流！ 最後一定要試埋【港式蜜糖多士夾雪糕】🍞🍦，外脆內軟配上雪糕，神級甜品！平日夜晚都座無虛席，要食記得訂位喇！🔥📍 人生有限杯.串燒店 (尖沙咀)尖沙咀赫德道4號Hotel Hart 3樓#人生有限杯 #串燒 #高質 #尖沙咀 #尖沙咀美食 #香港美食 #foodiehk…查看更多

今日放工想搵間坐得舒服又靜靜哋嘅餐廳同老best 傾下心事，就揀咗旺角呢間cafe 💖
🍄 黑松露帶子鮮菌燴意大利飯每啖都食到大大粒帶子，肉質彈牙。黑松露香味超濃郁，配埋滿滿蘑菇同芝士味，香噴噴好邪惡🤤！意大利飯都煮到啱啱好，creamy得嚟唔會漏。🍝 煙三文魚忌廉蕃茄醬扁意粉意粉掛汁力十足，蕃茄醬酸酸甜甜好開胃，仲食到煙三文魚嘅鹹香，成碟味道層次好豐富～🍤 天婦羅魷魚外層唔厚，炸得酥脆。海苔味豐富，咬落去好香口🤤🐔 蜜糖芥末單骨雞翼非常驚喜！外脆內嫩，完全唔油膩，配埋個醬食到停唔到口！🍫 特濃朱古力奶昔朱古力味好厚，甜度啱啱好～ ☕️ 小天使花茶入面有薰衣草、紅玫瑰、茉莉花同檸檬草，香氣天然，飲落去超放鬆，仲有助舒緩頭痛、改善失眠，真係放工療癒必備🌙✨旺角咁方便，平日同朋友想嘆返個小放空位，好推介嚟呢度歎返餐～💛📍第三站 (旺角)旺角洗衣街39號金雞廣場25樓08-09室…查看更多

最近天氣超熱🔥，想放狗最好選擇就係去有冷氣嘅南豐紗廠﹗今日揀咗1樓呢間 cafe 食lunch~地方寬敞，枱與枱之間有足夠距離，狗狗見到面都冇咁易鬧交～🍝 軟殼蟹 XO 醬天使面🦀軟殼蟹炸得香脆又唔油膩，厚肉實淨！XO 醬超足料，啖啖都食到蝦米同乾瑤柱，唔系得個名～天使面掛汁力高，香辣惹味～推介！🧇 ALL DAY BREAKFAST 🍳份量豐富～ 炒蛋滑溜溜，牛油味濃得嚟唔膩。薯餅系用薯絲炸成，鬆軟好味。窩夫配埋楓糖漿甜甜地，甜咸夾得啱啱好，配埋煙三文魚、香腸、沙律，好滿足！另外餐廳亦有提供寵物專屬餐單🐶💕 狗狗都一齊開心食飯，唔使再淨系做陪食專員啦～飲品方面我試咗兩款：
🍓 士多啤梨鮮奶咖啡帶莓果香甜，顏值高又好飲
🍵 抹茶鮮奶咖啡 茶味濃郁，唔會太甜，口感順滑，抹茶控必試！🎉 小貼士：餐廳 6月生日夜晚有優惠！
🎂 生日當日3人同行 = 壽星免費（以最平套餐計）
🎁 2人同行都有85折優惠
記得要出示身份證同埋每人嗌1個套餐先得呀～優惠唔可以同時使用，餐廳保留最後決定權！📍 The uniek (荃灣)荃灣白田壩街45號南豐紗廠1樓111號鋪📸 #南豐紗廠 #寵物友善餐廳 #狗狗cafe #TheUniek荃灣
☕️ #hkfoodie #cafehk #cafehoppinghk #狗狗餐 #Chillcafe推薦…查看更多

今晚食咗一間門口非常低調嘅詣店，平時喺omakase群組都唔多人討論，不過質素確係唔錯！$1980的晚餐非常豐富，首先登場的前菜有三款：赤貝配醋啫喱味道酸甜開胃；沖繩水雲加鰻魚賣相可愛，味道亦係酸甜為主；靜江水果蕃茄就甜到十足好好食。下一道前菜係時令嘅螢光魷魚配春天嘅日本野菜~ 味道都係偏向清新開胃。日本時令生蠔大大隻，配上酸汁同埋紫蘇花，鮮甜好味！第一個刺身係漬櫻花葉包裹伊佐木，伊佐木口感肥美，味道清清地。之後兩款刺身一齊上，九州大尾魷魚同象拔蚌，兩者嘅食材都好新鮮，我哋尤其鍾意象拔蚌嘅口感😋接着嘅卷物充滿驚喜！深海池魚捲住芽蔥、漬蘿蔔同白昆布，深海池魚油香十足，配搭其他食材成個口感同味道都好豐富👍👍👍之後有剝皮魚配剝皮魚肝製成嘅醬汁。鰤魚亦係重中之重，火炙之後油香突出，好好味。第一次食燒目光魚，馬上愛上了！目光魚肉質好幼嫩，醬油醃製後燒起上嚟好好食，我覺得係呢度其中一個招牌菜！跟住到吉列鮟鱇魚肝～ 壽司環節同樣精彩👍金目鯛  - 脂肪豐富，師傅都幾厚切，好好食活北寄貝 - 輕輕火炙後鮮味澎湃小肌 - 魚味好濃郁，呢個季節一定要食大拖羅 - 充滿油脂，邪惡好滿足赤身醬油漬 - 呢個食到濃郁嘅魚味，亦係好好食北海道根室海膽 - 味道非常鮮甜，最想追加呢件😹火炙海鰻 - 完美結束壽司嘅環節甜品係香脆蛋白餅，加埋士多啤梨、栗子雪糕、自家製柑桔啫喱，幾樣嘢都係味道清新👍如果下次再要招呼朋友，呢度絕對係可以encore嘅地方！…查看更多

成日都係去九龍城食泰國嘢，今日試吓轉場去啟德，去SOGO樓上食新泰。今晚食咗好多嘢！蒜蓉越南牛油雞翼非常推介，新鮮熱辣辣，香脆好味。香蘭葉包雞都唔錯，香蘭葉包住嫩滑雞肉，雞肉充滿香料嘅味道，好食又唔會太重口味。燒豬頸肉都正，大大碟！越式蟹肉炒粉絲好足料，好多蔬菜同扎肉，味道清清地。食泰國嘢一定要食咖喱啦，紅咖喱雞味道濃郁、唔係好辣，個咖喱汁好好味，配香脆嘅蒜蓉包冇得頂！三個人食咗兩份蒜蓉包先夠🤣飛天通菜簡單但又幾好食，通菜炒到脆卜卜，搭配蒜蓉同麵醬，好味又健康。最後一人一杯芒果沙冰～*…查看更多

去咗一間好正嘅泰式餐廳，試咗幾道菜，真係好味！泰式雞翼外脆內嫩，醃得啱啱好，配埋泰式醬汁，酸酸甜甜嘅味道，食落去真係好開胃！炸蝦餅金黃酥脆，蝦味超濃，每一口都好鮮，真係唔可以錯過。燒豬頸肉真係好正好正好正，外面焦香，裡面柔嫩，配埋特製醬汁，味道香濃，食完真係想再嚟一份!!海南雞肉質滑嫩，搭配香噴噴嘅油飯，雞肉嘅鮮味加上油飯嘅香味，真係食得好滿足。生牛河嘅米粉滑滑，搭配牛肉同埋蔬菜，湯底感受到泰式嘅獨特香氣。作為甜品，芒果糯米飯真係好味！香甜嘅芒果加上柔軟嘅糯米，口感超級好，真係完美結尾！如果你想搵個地方聚餐，呢度絕對值得一試！…查看更多

好耐冇食燒肉，原來Aeon開咗間咁特別嘅燒肉店，用火車送餐，好方便！呢度主要食套餐，幾抵食！今晚叫咗兩個套餐，再加一啲食物：韓牛極上套餐+雞爽肉套餐。 雞爽肉套餐真心抵食，雞爽肉真係好爽口，唔係周圍有得食！配埋各款醬汁，簡直係一流，紫菜飯都要追加一碗！如果想食靚牛肉，就要揀韓牛極上套餐，有三款肉，份量十足。韓牛整體都好質，平時啲燒肉舖頭賣得好貴，呢度價錢比較抵食，非常推介😋😋然之後我哋仲追加咗海鮮，燒海鮮味道都唔錯。食到最後仲點咗日本紅豆味鯛魚燒，煙煙韌韌咁，又唔會太甜，每人兩條啱啱好。…查看更多