凍凍的個人專頁

見口淡淡就入黎食下咖哩飯，其實係第二次入黎食，不過上次係夜晚，好多人呢今日午市暫時唔算多人，原本點左咖哩漢堡扒，點知一上枱係咖哩炸豬扒雖然有少少唔開心，不過都算，因為d 咖哩真係好好味本來怕炸豬扒會好油，但係一d都唔覺喎，全部扒食得晒對於我黎講要扣分既地方就係白飯，唉，又係爛飯，又影響我d 食慾餐飲叫了凍檸茶，都唔錯不過明明日本咖哩但全場侍應係菲律賓人，不過佢地都好有禮貌呢　總括黎講今餐如果個飯硬返些少，個set平返些少咁就好鬼值得食喇又或者我應該選咖哩豬肉／咖哩牛肉飯食，咁就又平又食倒咖哩了…查看更多

碗好細隻，粥較稀，但幾有味感覺同綿綿杰杰果種唔同，料幾多，我叫了豬潤肉丸粥，肉丸勁香豬肉味，好耐無試過了，豬潤亦唔錯，可惜粥少，我係早餐加午餐，都只係剛好，大碗的當然好的啦…查看更多

蝦片送既，又香又脆頭盤：細拼盤荷葉包雞：有點油，但幾香，雞比較乾蝦餅：蝦膠爽口，炸得剛好，不太乾，點酸醬好味春卷：香脆，不過無生菜包，也不錯青咖哩雞：有點棘，青青色咁，雞切絲，配紅棘椒，蕃茄仔，荷蘭豆，配飯好好味，兩個人食了兩碗飯埋單$178，比二百蚊，唔會找散大餅要你比貼士一張廿蚊，一個兩蚊，清清楚楚，軍真不貪…查看更多

碗野擺上枱時真係覺得好鬼細碗，個汁比我想像中好少少，其實幾有新鮮感，有d似食緊龍蝦伊麵既感覺，不過豬頸肉切得太過簿了，好似食普通豬肉片咁，失望呀另外叫了鮮油奶多，好味喎，又唔貴，其實個餐牌都係貴在加左”芝士”兩個字既產品o者，下次黎或者食其他野會覺得抵食d好在我杯凍奶茶又幾好飲喎　今日人少少坐得好舒服…查看更多

一向都好鍾意食哩度既午餐，有時放假也會來吃，因為人少，煙味會無咁多而家選擇多了，好似有成十款咁多，焗飯／焗麵／Pizza 等等．．而我選了最平的紅酒牛尾飯有成三大舊牛尾呢，好抵食　飲品選了凍檸茶，麻麻地今日個羅宋湯依然好好味，唔會太酸，而且什菜煲得好林，成碗飲晒食晒平日最鍾意就係佢d飯，軟硬適中，加埋d汁非常好味，可惜今次竟然係林晒，連埋d汁一齊食我真係覺得打冷震，好怕食軟飯，軟得黎帶濕明明d 牛尾同個汁都咁好味，點解要比d咁既飯我，希望下次無事啦…查看更多

本來入黎係食小菜套餐既，不過經過討論之後就改了打邊爐湯底係一半清湯一半芫茜皮蛋湯，不過好快就滾成同一湯底了只係叫了幾碟火煱料，不過由於唔係任食，所以每碟都夠份量既，茶餐廳火煱料當然唔可以要求人地有幾新鮮啦，預左架啦好在醬料有得任溝任混醬，成晚靠晒佢架喇雖然味道普通，但係服務／坐位都算合格的下次黎一定食小菜唔會再打邊爐…查看更多

第一次食任食以為會平好多，點知加埋加埋都同自已叫既差不多價錢，不過就當然係食多左款式啦不過最唔開心係個爐係放o係枱面上而唔係座左入枱中間，感覺即刻大打折扣但係服侍我地果幾枱既阿姐真係好有禮貌，又成日笑笑好　就算係門口果個接待員雖然唔係笑笑口但都比一般酒樓既接待員有禮貌蒙式豬串骨：送既每人一件，好心比多少少調味啦，好重雪藏豬肉味，唔好食，d肉死實實內蒙羔羊肉：送既一碟，無咩特別好味，一次過食幾塊都好似無野放過入口咁其他火鍋料跟本就唔係重點，我只係為個湯底黎之麻　不過佢d菜好正好靚永遠都係叫多多食唔晒　兩個人叫兩轉都食到嘔啦本來想唔要野飲，實在太貴了，但最後都叫左烏梅汁一渣，嘩 $32…查看更多

味道其實得一種味，就係蒜蓉了，總共叫了兩個餐：湯：　淡而無味飯：　嘩，好難食，咩米黎架芽菜／油麥菜：　雖然唔夠咸，但係反而幾好味，可以咸d就好了西冷牛扒：　好硬呢豬肉片：　幾好食喎，送倒飯呢我就覺得貴了少少，不過都會再食既，因為坐得幾舒服…查看更多

頭先陪媽睇眼科，因為要等攞眼藥水所以就入黎食了，以前探病都食過了，都係迫不得已至入黎食多數係四寶飯，但d飯好難食今次係食下午茶，由於肚餓就一人叫一碗米粉，媽食腿蛋米，我食餐蛋米，d米粉硬到死死下，湯係完全無味，充滿滾水味，唯有落多d醬料去辟味，凍奶茶又係得奶味d醫生做得咁辛苦，但係個飯堂咁難食，真係鄧佢地慘…查看更多

大快活既早餐我食最多，因為真係好吸引，但係覺得加價加到太貴了加碗粉就+$3／轉凍飲又+$3，食個早餐就等於食個飯盒，唉佢既早餐好多汁，黑椒汁，燒汁都好好味，至於吉豬／吉魚就少食，因為無汁麻炒滑蛋好香而佢既下午茶亦都比美心同大家樂出色，款式多得黎係好好味架喎．（但係午餐／晚餐黎講，大快活就差過佢地好多了）…查看更多

上次大吉就係阿媽叫我去，今次吉壽就係我帶阿媽去，哈，我地坐低果個位仲見倒大吉，坐位都唔算擠迫，可以放好多食物，始終係四人枱，我見倒果d二人枱就覺得佢地好牙煙了，又迫，d手袋又無地方放一如網友講，服務生又真係算幾好，唔會阿崩叫狗越叫越走，上菜又鬼死咁快，由於我遲左訂位，所以只有兩個小時時間食，未食之前都硬係覺得驚好急趕，原來都好夠時間食，我都放心返又開始講食物了凍食：三文魚好肥美，但係就唔夠鮮甜，好似無咩味道咁，我都唔明點解甜蝦好唔得，真係超唔得，令我失望呢，個蝦頭淋晒架，完全無味墨魚好好食呀，食左好多塊中華沙律好味道7up係我既，其他兩罐怪汽水係阿媽同男友既，佢地又係飲哩兩款熱食：炒和牛喎，緊係要食啦，好味呀 d牛肉粒好易咬牛油炒雜菇仲好味，不過哩款菜式真係好多地方都炒得好好食炒蜆就細粒到我都費時夾了炒雜菜唔夠耐，入唔晒味，好草青味幾款串燒我都覺得唔錯，尤其係任食就覺得好開心了炸蠔／炸蝦都好出色呢粥粉麵飯：冷烏冬唔夠凍喎，食落覺得好有危機哩度d壽司飯好得，我地三個都話好食叫了蟹肉羹比男友食，嘩，個賣相真係．．我接受唔倒，佢竟然飲晒仲話好好飲蟹粥好好味呀，可能有栗米既原因o卦，不過食第二碗就覺得差了很多，可能凍了豬骨湯拉麵就真係無味喇，咩湯底呀？淡成咁既，男友又話：我覺得幾好食喎，不過因為太飽至食唔落　我：咩都話好食架你？原來都成兩舊水一個人，又無甜品，黎緊都係去食返國際美食先…查看更多

佢既雪糕我覺得價錢貴，唔捨得食但佢既蛋榚我就食過幾款了藍莓芝士餅：極力推介，試過之後一想起芝士餅都只會去哩間買（我個人唔鍾意冒咁多風險，邊隻好食就食死果隻牌子）紐約芝士餅：無左d藍莓就真係少左d中和濃芝士既作用泡沫咖啡餅／士多啤梨雪山芝士餅／莫加軟朱古力餅：唔得，好似好糖既感覺，甜得太緊要唔鍾意芒果千層朱古力餅：好睇唔好食，切都難切因為佢張VIP咭太容易擁有，每次買滿300就有一張，真係好抵買，有85折，好多時身邊一有人生日就一定會去哩間買食下食下就食左咁多款了…查看更多

不嬲都有食開佢地出既豆花，我就多數食鮮奶豆花，好滑好香，男友就飲豆漿第一次o係哩度食大腸，其實都係駁一駁架咋，好多大腸都會有臭味架麻，咁我地就叫左碗豬紅大腸，本來無咩期望，但一入口：好食呀！！好入味又無臭味，正到痺！！一食完就叫多一碗爭大腸了，無得頂係環境惡劣左dd.....…查看更多

平時睇雜誌都知有哩間野，真正會黎係因為阿媽話有親戚食過話好味，所以推介我地黎食無諗過間野係咁細間，d枱亦都唔大張，都勉強夠放既，跟手又係攞出openrice張卷換酒飲我就唔想飲了，阿媽話：唔好飲咁我地就緊係飲返汽水啦，我當然係叫可樂啦，但只有百事，男友同阿媽叫既橙汁同提子汁汽水，個罐古古怪怪，真係唔知邊度出品，不過有得飲好過無得飲啦，好口喝架麻上枱速度都算快，唔覺有拖時間既chopstick至於刺身就唔知係唔係我地好彩，真係好鮮，我同阿媽都不其然狂叫黎食，從未食刺身食得咁多呢，當然包括我最愛既甜蝦剌身都係食唔停口，到而家都仲回味緊點解會咁好味　very GOOD呀至於一定會食既吉列蠔，嗯，一樣有水準呢唔知幾時開始，阿媽愛上了秋都魚，一食食了一條半其他食物都係一般般好正常，麵食就爭左D不過哩度最唔好既係服務，明明個場咁細，d侍應都好似當你透明咁，又係無個有笑容算，都會再黎既 唔算貴麻…查看更多

因為未夠鐘睇戲，咁就入黎食d野喇，因為今日無食午餐，所以好有食慾好耐無入過意粉屋食野lu．．．當然知道係好味架啦下午茶時間無咩人（因為都成五點了），所以我地兩個人坐倒四人枱，舒服心情好同男友各自都叫左個最貴既茶餐，因為又唔想食雞翼果d普通野麻．．．套餐又可以選不同既食物，都有幾款選擇唔知係我太耐無食過，定係我胃口好啦，點解d意粉比以前細碟左咁多架(1)　酥皮龍蝦湯：好飲過以前喎，以前好鬼咸架，不過今次個酥皮就差左ｄ，好麵粉，未焗得夠好(2)　煱芝士肉醬意大利粉（牛肉）：我覺得好味道，又唔太酸喎，不過男友成日唱反調話好酸，無佢辦法(3)　焗芝士火腿煙斗粉：好鍾意哩隻味，可以食好多都得(4)　入親意粉屋我都必定會選可樂，唔知點解，好鬼好飲，其他地方飲唔倒哩隻可樂味，極愛呀…查看更多