SamLam8886's Profile

呢間泰菜取代舊𠴱間泰菜小店仲打通2間鋪增加面積令可選擇嘅菜色亦比上一間小店多不過價錢相對貴咗但只要試過就知係物有所值，調景嶺一直都係美食沙漠作為老街坊每次落街食飯都會好迷惘，因為彩明商場係屬於領展旗下，基本上只要一提領展商場腦海就會浮現一系列連鎖快餐店所以食物質素係非常參差不齊而且價格亦唔會親民，今次呢間新開泰菜令我有多一個選擇同場米線鋪都唔錯，我推薦大家食炒粉炒麵因為師傅係幾有心去炒而唔係撈埋一齊就算。…Read More

小弟乃十幾年老街坊間中都會幫襯呢個茶餐廳，雖然呢間餐廳既食物質素、服務態度都係遠遠低於彩明商場其他餐廳但勝在安靜同一定有位坐，當然成間餐廳最嘈就係果位經理，因為呢位經理用口教餐廳員工做嘢把聲非常嘈吵又似唐僧念經一樣唔識停。食物質素就一時一樣有時就入得口有時就好難食，最令我印象深刻既係食干炒牛河拎辣椒醬第三包要額外俾錢，我食咗咁多年茶餐廳真係第一次見識到拎辣椒醬要另外收錢，我非常懷疑呢間餐廳將來可能連餐具、醋、糖...都要額外收錢，喺呢個疫症危機每一間餐廳都諗方法吸引顧客但呢一間反其道而行之，我希望呢個餐廳老闆要諗諗呢位經理係唔係倒米，黎緊半年我都唔會再次光顧呢個餐廳希望各位街坊都避免貼錢買難受!…Read More

話說有一天和住小西灣的朋友飯聚言談間談及這間專賣手工製作的餃子小店，其實本人家附近的街市也有同類型的疑似連鎖店餃子店，但味道稱不上特別出色唯一賣點就是新鮮，不過我朋友他極力推薦在半推半就之下就結伴到小西灣尋找這個隱世的小店，小店位置座落小西灣街市的一個小角落人流稀疏，我們一邊看餐牌一邊問老闆有什麼推介，最後買了韭菜餃和雲吞。由於時間尚早老闆建談大家天南地北無所不談，當然言論少不免問及反送中運動有沒有對生意有所影響，老闆講多多少少都有影響運動令街坊消費意欲不高，不過老闆沒責怪示威者同時也同情他們，老闆最氣憤的還是很多商場因應社會環境主動減租援助商場，但領展商場一蚊不減所以老闆講暑假前應該結業做不下去，由於老闆有良知所以我再買多幾盒水餃。現在回正題韭菜餃非常出色餃皮不像其他店舖一夾即散非常煙韌餡料雪藏後還能保持新鮮的味道，餃子可以弄成湯餃也可以用煎去烹調，配上小店自家製的陳醋令餃子的味道再上一層樓，當然雲吞同樣出色因為老闆以前是點心師傅有十幾年功力，他用茶樓處理蝦的方法去弄雲吞的蝦，所以蝦肉口感非常好亦因為醃肉經驗豐富餡料味道「無得彈」。老闆講到遠在太古城、筲箕灣的街坊也刻意到小西灣幫襯，所以小西灣的街坊你們不會錯過這種CP高的小店吧？…Read More

話說本人乃燒味愛好者多年前嘅太興燒味能令我眼前一亮食指大開，但自從一年多前在觀塘太興分店中伏後就列入黑名單。今日忽然心血來潮想食燒味所以再俾多次機會太興就去咗屋企樓下間太興食下午茶叉油雞飯，飯同燒味只係微暖而叉燒就鞋過皮鞋油雞就好似香口膠，一碟六十幾蚊嘅燒味飯仲衰過街市一盒三十幾蚊嘅燒味仲要份量少，今日嘅太興燒味貴夾難食與其比咁多錢賣廣告不如諗辦法改善一下食物質素，唯一亮點係杯奶茶仲係我幾年前所飲嘅味道。…Read More

話說彩明商場大裝修全商場餐廳只剩下板前同譚仔，之後大家樂從新開張而呢間茶餘飯后緊接其後，等左一個月人流無咁多同朋友一齊去食晚餐，相對之前幾間結業嘅餐廳呢間貴得多以公屋商場茶記黎講價錢亦相對較貴，但食物味道只係比翠河好小小而價錢就貴多多，所以今次係我同朋友第一次黎食亦都會係最後一次，期望呢間餐廳快結業比其他有心經營嘅人接手。…Read More

搬入黎調景嶺住都有十年時間但我光顧呢間大快活嘅次數只有3次，第一次食係3年前選擇嘅食物係一個好簡單嘅四寶飯除左個飯微暖外其他全部都係凍自此大快活入左我黑名單，3年後因爲彩明商場裝修喺無選擇下第二次食大快活嘅菠蘿咕嚕肉飯，咕嚕肉合格正常味道但個飯又乾又硬微暖最後我將飯面全部挖走食中間好少少果D，但真係好難食口感差無米香我非常好奇到底大快活用乜嘢米先煮到咁難食嘅飯？第三次朋友要黎食無辦法試左賣恆晒廣告嘅咖哩腩，李錦記個咖哩都好味過佢一個簡單菜色都可以咁劣到底大快活點解可以做到咁大？唯一可取嘅係晚餐待應會將食物送埋上台仲會跟埋一杯暖水。…Read More

大大話話幫襯左幾年呢間米線鋪稱得上調景嶺嘅清泉，因為附近選擇少劣食多更顯得呢間鋪cp值高，但不幸地可能openrice多讚導致人流增加餐廳不勝負荷又或者換左師傅，所以近個幾月不論湯底或米線質素都直線下降，以前湯底令人回味宜家只係一碗有味嘅水連麻辣油都變得單調，米線以前軟硬適中宜家軟到爛。 希望店方可以關注一下問題，要做好一個招牌要幾年時間但做衰個朵只係一個月。真心唔希望一間好食嘅食店淪為劣食始終調景嶺選擇唔多。…Read More

以前波仔仲喺彩明商場時經常入貨之後非常可惜地結業收場，今次喺地鐵站再重開就第一時間買幾盒飯同糖水，飯餸味道唔掂糖水直頭甜都唔甜下紅豆沙又無左果皮之後我再無幫襯過…Read More

小弟住調景嶺十幾年從事飲食業亦都十幾年所以我對食物味道有一定要求。調景嶺呢個地方可稱得上係美食沙漠但因為人多餐廳少狗屎垃圾嘅餐廳都可以大排長龍。作為行內人我覺得呢間餐廳嘅師傅係有能力，但可能因為人手問題往往喺繁忙時段食物質素時高時低不過已經比旁邊果間餐廳好幾廿倍。個人推薦晚市牛肉類食物師傅醃牛肉有一手加上係預先醃好比較易保持水準。P.s希望呢間餐廳老闆醒少少樓面加返人手每次見爆場時都係得1、2個阿姐落單建立餐廳聲譽要好長時間但破壞只需要一刻。…Read More