kwann108's Profile

放假經過元朗同朋友約埋黎試吓呢間日系裝修嘅餐廳嚟嘅時候係假期7:00pm左右可以直接入去唔使等位舖頭整體唔大 不過都坐得舒服 整體以一個日式淺木裝修為主 菜單價錢適中 值得一試～我哋總共叫咗兩個主食一個甜品 覺得最值得encore嘅係明太子蟹肉扁意大利麵 蟹肉同明太子份量都唔少整體份量都ok 可以同朋友一齊share 推薦可以叫嚟試吓～嘢飲就叫咗草莓乳酸梳打 飲落比較偏甜 可以試一試其他嘢飲～最後重點就係甜品 叫做Oreo疏乎厘 總共有三層 甜度適中 同埋好鬆軟 下次會再嚟試吓其他味…Read More

Bluhouse係一間價錢中等既意大利菜餐廳 ～今次約埋朋友黎食生日飯☺️ 提提大家想黎之前最好booking定位先～我地叫咗Divaola Pizza、Rigatoni Carbonara同Tiramisu，兩個女仔既lunch黎講算岩岩好～比較係食佢既環境多啲😬裡面既風格好適合影相叫咗餐點之後會先附上餐包，可以點橄欖油同黑醋食～先講下Divaola Pizza ($110)，Pizza底餅鬆軟彈牙，唔算好厚，配上蕃茄醬，辣肉腸同芝士等等。整體算ok 但偏鹹小小～另外叫左Rigatoni Carbonara ($238)，呢個係意大利經典菜式～Rigatoni通心粉煮得偏硬了小小😬，個人比較中意軟小小，配上濃郁嘅蛋黃醬同煙肉粒，味道濃厚香濃。最後，Tiramisu ($108)係個完美嘅結尾，店員幫手寫左生日牌☺️。佢嘅質感好綿密，入口即化。咖啡同朱古力嘅層次感同甜度剛剛好，唔會太甜👍🏻。環境風格好適合影相打卡總括而言，Bluhouse係一間值得推薦嘅意大利菜餐廳。如果你鍾意意大利菜，可以嚟Bluhouse試下！…Read More

之前已經試過幾次呢間一人燒肉店 今次嚟到都係食返牛小扒加牛胸腹100g $78✨.午餐想平平哋食餐燒肉 呢間係幾好嘅選擇 兩點幾嚟到嘅時候唔使等位 套餐價錢算幾抵 相信女仔食100g套餐已經夠晒飽～雖然肉唔算多 但係套餐再包埋湯,飯同沙律一定夠飽👍🏻今次仲試吓佢個香蕉蘋果荔枝芒果果汁 不過不失 下次可以試埋其他嘢飲.餐廳裏面嘅環境都幾舒適 唔會好大油煙 食完出嚟唔會一浸味 亦好貼心地提供左一個置物籃喺櫈下面可以放晒啲隨身物品落去 總括嚟講 可以一試…Read More

元朗開業多年嘅一人前拉麵✨.朋友話呢間係佢係元朗最愛嘅拉麵 今次帶埋我一齊去試下 去嘅時候係平日嘅7:00左右 岩岩好有位可以直入 不過裏面已經差唔多full哂 見到出面都keep住有人等緊位 因為店舖唔算大 唔想等位就要早少少過嚟喇～今次叫左 熱燗拉麵($88)試一試 價錢同出面一般拉麵差唔多湯中有一團辣肉球 湯底微辣 食完會有少少口渴既湯底 如果唔食得辣都有其他唔辣嘅湯底可以揀 碗邊掛上兩塊叉燒 肥瘦適中 麵既份量亦適中 對我黎講岩岩好 😋 .總括黎講 有機會經過又唔使排隊嘅話 都可以一試☺️…Read More

之前成日飲呢間手作功夫茶嘅38奶霸 好好飲 今次想試吓其他唔同款嘅嘢飲 就揀咗芝士奶蓋芒果🥭🥭 $35不過味道同想像中有啲出入 本身以為係芒果果肉嘅沙冰加奶蓋 試咗之後發現唔太有真嘅芒果味🤥但個奶蓋味道係ok的 總結 推薦飲返奶茶～…Read More

#hapi 西餐廳位於上環近西營盤嘅位置除咗去呢間餐廳食嘢之外 經過其他街道都好多打卡位頭盤叫左手切牛肉他他作為開胃菜 非常推薦菜式以牛里脊肉、酸青瓜、脆片製作而成～呢道菜以嫩滑的牛肉粒粒為主 配上自家製醬好開胃。 主菜叫左烤牛排(横膈膜中心肉)配阿根廷青醬牛排叫左medium 經過烤制後，外層烤得恰到好處，內部的肉質則非常嫩滑多汁。配上他們特製的阿根廷青醬，青醬的味道非常清新，由新鮮的香草葉和橄欖油製成，與牛排的肉汁完美融合配菜附有大蒜迷迭香薯仔同西蘭花苗～另外主菜仲有叫咗鑊仔焗4式芝士肉密長通粉 連個鑊仔上好岩打卡…Read More

放lunch經過麻糬王次次見到好多人排隊 咁岩有時間終於買到了！位置係灣仔道110號 舖頭唔大但係算易搵的今次買左抹茶同朱古力味 因為本身唔食抹茶 買黎就比左屋企人食了 兩款味都係一樣價錢 (35$/5個).自己試食咗朱古力味 味道唔會太甜 岩岩好 入邊仲要有啲朱古力粒粒 增加口感 內裏唔係一啲得空氣嘅麻糬 而係煙煙韌韌的 個人覺得如果唔係新鮮出爐即食嘅話可以拎返屋企再用焗爐叮熱食好食好多 食唔哂都可以放落雪櫃再翻熱各位可以試下…Read More

第一次到美麗華分店既牛角，裝修比之前去過既分店靚加上環境開揚無咁逼，店内唔會充滿油煙，走個陣唔會成身臭 不過小缺點係冇人收碟.今次簡左c set 假日早割 $408 限時130分鐘 時間岩岩好夠食～牛肉質素唔錯 有美國同澳洲和牛簡 另外都包3款海鮮.食到超級飽 仲有自助區有好多選擇飲品 飯 沙律 泡菜 甜品 雪榚都可以係自助區自取 最估唔到既係竟然有關東煮蘿蔔煮到好軟同好甜 可以解下油膩 推薦大家試下～雪糕有牛奶雪糕同士多啤梨雪糕簡 個人覺得扭紋兩溝好食啲…Read More

Thailand Wok- 元朗一間新既泰國餐廳。點咗一杯泰國奶茶，味道ok，唔算太甜。芒果糯米飯有陣淡淡既青檸味，芒果算甜同多汁，配合米飯幾好。餐點嘅主食係曼谷鮮蝦炒金邊粉。蝦都算新鮮，有好好嘅咬口。金邊粉質感ok，主要係茄汁既味，再帶小小辣味～總括來說，覺得如果住附近既話可以一試 Thailand Wok。價錢都合理。不過需留意如坐室外會提供外賣盒及外賣餐具。如果想去呢到打卡就可能會坐室內比較好，會有碗碟。…Read More

📍位於香港尖沙咀的十和田總本店,是一間以日式料理為主,偏中價位的餐廳。餐廳的整體設計以淺木色調為主軸,以俐落大方的格局布置,營造出一種雅緻舒適的就餐感覺。當日我地兩人用餐, 點左三件海膽軍艦及兩個壽司拼盤,兩個人可以食到勁飽！刺身10分新鮮，質素令人滿意。海膽軍艦以鮮甜的海膽,搭配上米飯及紫菜,勁滿足😍😍喺出面食海膽,最怕會唔新鮮,但呢間冇令我失望～壽司拼盤則有呑拿魚壽司和呑拿魚紫菜捲,而吞拿魚壽司分左有兩個唔同部位,魚生10分新鮮,口感入口即溶。總體而言,十和田總本店以其精致及新鮮嘅食材,成為一個適合享受高質素日式料理的去處。…Read More

一開始叫咗個鰻魚飯 ($138) 口感非常奇怪 唔似平時鰻魚既口感 有機會未熟透 同侍應反映 換左個比目魚餐 幾乎無味 只有好單一鹽既鹹味 同一個餐既湯就鹹到嘔返出嚟 仲有個燒肉餐就正正常常食得落口另外叫左魚生($88)有三文魚 甜蝦 八爪魚魚生唔新鮮 無魚味 侍應態度好比茶餐廳一樣 甚至比茶餐廳更差 要個客自己接個餐再放落張枱到？！食食下格離仲大叫有蟲 衛生環境令人擔憂 大伏！！埋單仲要$500 完全唔值未試過食間餐廳食到咁嬲唔建議大家去食…Read More