thestanley19591's Profile

煲仔飯，煲仔菜聽得多同食得多。今日同朋友去深水埗黃金廣場買電腦配件後，就打算係附近食晚飯，由於下午食得比較豐富，所以想簡單食粉麵就算。行到這間舖外，見到這裡介紹他獨特嘅所謂嘅村村住家窩麵煲，所以就去光顧一下。叫了一個叫做村村住家窩麵，裏面有洋蔥，青椒，海帶，這是窩麵嘅基本配料，另外自選就有好多選擇，我就叫咗個牛腩蘿蔔。那個盛器好似一個沙窩，非常特別，真係好似係屋企食飯咁隨便。個湯底濃而不咸，一啲都唔覺有味精，牛腩好淋滑，再加杯豆漿都係幾拾蚊咋，抵食！另外朋友叫咗個麻辣雞絲手拉撈麵，我取了一些來試味，發覺手拉麵好有𡁻口，雞絲嫩滑，青瓜絲嘅清新中和麵中嘅麻辣味！朋友另外加多一碟香酥雞翼，味道不錯，不過有啲炸過火，乾咗啲。兩個人食得飽飽都係一百蚊，好抵食。最後值得一贊係果度啲伙記，非常好禮貎。…Read More

好多年無去南丫島了，見近日秋高氣爽，結伴去南丫島行山，因為這段山路不難行而且風景優美，這裏不但吸引香港人假日去消閑，也吸引好多外國人定居於這小島。由於沒有食晏，到達後第一件事梗係醫肚啦，於是就去最近碼頭呢間民豐海鮮酒家，其實呢度主打海鮮餐，但得兩個人，所以就沒有點海鮮。點咗乾炒牛河、燒乳鴿同椒絲腐乳唐生菜。一眼望落去，就覺得乾牛河唔夠色，又唔夠乾，油份好重，味道更加麻麻。這隻乳鴿，好似乳鴿乾咁，原全冇汁，得個咸字。三樣嘢，呢碟腐乳唐生菜係最似樣嘅，腐乳味濃，菜新鮮，係最好食嘅一道菜。呢度嘅價錢一啲都唔扺食，這樣簡單嘅菜，都要成300蚊！…Read More

好朋友為我慶祝生日，他選了這間泰國菜菜館，據他說也是同事推薦他選這一間。大家都係第一次來，所以都要揾咗一陣先揾到，這店是位於大廈嘅4樓，所以不容易從街上可以看到。菜式全都是朋友所選，第一道是蒜香炒蜆，平常好少食蜆，怕會有沙，不過這裡嘅蜆就非常乾淨，而且蒜香味適中，唔會蓋過蜆嘅鲜味，蒜汁原全滲透每一隻蜆內。食蜆之餘，我哋仲用蒜汁嚟送泰式薄餅，一啲都冇浪費整碟餸！再嚟一碟串燒雞肉，雖然已經凍咗，但係一啲都唔乾硬，雞肉依然有汁，不錯。這個青咖哩牛腩，係我第一次食，我之前食都會選雞肉，不過這個牛腩都唔錯，咖哩香，牛腩滑。另外一碟係炸蝦餅，呢道係我至愛嘅泰菜，不過呢度做嘅蝦餅就麻麻地啦，裏面好乾，好似翻炸，所以沒有清碟，係全晚唯一冇清碟嘅菜。最後係冬蔭公湯，好奈冇飲過咁正嘅冬蔭公，酸辣適中，其他配料好新鮮，我連飲兩碗。綜合嚟講，呢間餐廳嘅環境唔錯；地方大，分室內及室外兩部份，客人可選擇係室外或室內用餐，坐得又舒服，香港好難有這樣嘅餐廳。…Read More

平時午餐，都會選食中餐，不過如果係落雨天，我會選擇公司樓下呢間韓國餐廳。因落雨，不想濕身。我通常都選食拌飯類，因為價錢平，有肉有菜，份量又多，另外又有一杯飲品，通常我都選熱飲。今日選咗牛肉拌飯，我發覺今日嘅食物好新鮮，因為有時啲食物係預先煮定，又凍又硬，可能今日好生意，之前嘅賣曬，所以即刻要煮，所以好新鮮！另外自助泡菜，任食。如果鍾意食泡菜，一定好抵！…Read More

荃灣這個舊區，有好多食肆，酒樓又特別多，自己住同工作都係荃灣，所以經常出外食飯。最近突然鍾意飲茶，飲到上咗引。上個月轉咗去中染大廈健身，發覺健身室下面就係酒樓，上個禮拜就去試吓這間酒樓，去到發覺好多人等位，原來可以選搭抬同唔搭抬，由於肚餓，希望快啲有位，所以選咗搭抬；當初以為搭枱只係兩組人共用一張抬，點知原來係4組人一張，超誇張！這個大蝦燒賣，賣相麻麻，好似溶緊嘅雪糕，不過味不錯。另外叫咗個套餐，楊州炒飯加豉汁油墨菜，非常大碟，楊州炒飯同我以前食過不一樣，冇义燒粒，但有粟米粒同杞子，配搭都幾特別，米粒不硬不軟，又不油膩，味道不錯。至於油墨菜，非常大碟，豉味濃郁，不消一會，我整碟食曬，非常滿足！最後甜品係黑色流沙包，非常特別嘅賣相，我相信個包係加咗墨魚汁，所以非常黑。個包好鬆軟，奶黃甘香並流動，好滋味！最令我迷罔係唔知包面那一道金光是何物。這間酒樓嘅出品不錯，可借係坐得比較迫。…Read More

現在百物騰貴，小市民都想慳得就慳。我平時食晏都會搵平價抵食嘅嘢醫肚。這間小店我經常幫襯，因為抵食而且好味道。舗頭叫煱貼大王，當然有煱貼啦！煱貼即煎即賣，所以外皮香脆，餡料多汁，佩上少許浙醋，很有風味這裏嘅豆漿，有熱有凍，任君選擇。好有豆香，我就喜歡飲熱嘅，因為唔傷胃。最後當然係主食啦，我就喜歡食雲吞麵啦，大大碗，滿滿的。湯底清而不濃，沒有味精，現在出面食肆好少唔用味精，所以我差不多一星期幫襯一次。還有最重要係這裹的套餐非常抵食，以上套餐只係35蚊咋，邊度搵吖？…Read More

昔日頗具名氣嘅鴻星海鮮酒家，自從幾年前從中國染廠大廈地舖搬到荃灣廣場後，都沒有去幫襯過。今天適逢國慶日放假，於是就與朋友去回味昔日嘅那些特色及傳統點心及小炒。到達後，附近其他食肆都人山人海，但鴻星就不太多人，不需等位已經能夠安排入坐。因為得兩個人，所以只係點咗兩個咸點，兩個甜點及一碟乾炒牛河。雞扎份量超小，味道一般，很失望！蜆蚧鯪魚球，球體細小，炸得過火，一啲鮮嫩感都沒有。乾炒牛河，牛肉乾硬，河粉一點醬油味都冇，鑊氣更加欠奉啦！芒果布甸，一啲芒果香味都冇！最後係桂花杞子糕，桂花味一啲都唔出，只係口感還可以！終合而言，這一餐令我好失望！…Read More

兒時隨父親去茶樓飲茶，是一件賞心樂事，因那年代生活艱難，飲一餐茶已花去父親的半日工資；所以去飲茶次數，屈指可數。故此茶樓的情況到今天還深深印在腦海中。前兩天弟弟剛從台灣回港探親，而荃灣又剛開了間蓮香棧，從名字可以得知係蓮香樓嘅分店。其內部裝修秉承蓮香樓嘅風格，令人有時光倒流嘅感覺。而且茶具餐枱同我細個嗰時一模一樣，女樓面幫我地沖茶嗰時叫我地唔好飲第一趟茶，咁樣明顯同以前舊式茶樓飲茶嘅風格一模一樣，而點心方面，都好似以往以點心車叫賣。叫咗幾樣比較普通嘅點心，因爲我想比較一下其味道同依家其他現代酒樓嘅出品。食後，雖然沒有帶給我驚喜，但味道卻勾起我兒時嘅回憶。…Read More

我很少會飲下午茶，因平日工作繁忙，那會有閑情去飲呢？今日放假，突然心血來潮想去參觀李鄭屋古墓，這是我很久都想去嘅地方，但始終無時間。今日起身晏，又沒有胃口，參觀完古蹟後，有啲肚餓，午飯時間又過咗，於是就在長沙灣區找嘢食，但係好多茶餐廳都係供應炸雞翼，薯條之類嘅食物，小弟一向不喜歡這類食物；在趦躕在小街中，看到一間西式小店，叫FiftyFifty. 清雅嘅裝修吸引了我。這小店竟然有提供下午茶，正合我的胃口。下午茶選舉也多，價格也不太貴！點咗個香辣銀魚柳醬汁雜菌意大利麵，加多5蚊仲可以要多一餐湯，真化算！這個意大利麵好有水準，麵條有𡁻口，唔會好似一般茶餐廳果啲咁啉。香草雜菌頗多，好滿足！咁有水準嘅下午茶，只係41蚊咋，而且坐得好舒服添！…Read More

記得拾多年前去越南旅遊，到達的第一餐，導遊帶咗我哋去食當地的特色越南生熟牛肉湯河，點知一食，永誌不忘。之後嘅行程都四處尋找這種美味，可式都找不到。係香港，這拾多年，我試好多所謂越南菜館，沒有一個令我滿意的。其實要知道那些所謂越南餐館是否正宗，一定要越佢哋嘅生牛肉河粉，特別係佢哋嘅湯底！最近遇然機會係荃灣一個不起眼嘅地方，海霸街發現一間越南小館，那時已過午飯繁忙時間，但依然有很多人在外等位，好奇心驅使下，便跟其他人一樣去等位，目的係嚐一嚐那碗牛肉湯河啦。有位後，點個椰青、一碗火車頭牛肉湯河，並以優惠價加多一小碟去骨鳳爪，因為只需$15。不需等太久，所以食物到齊，第一口當然試牛肉河嘅湯底啦，一入口，其味道勾起我拾多年前係越南食過那同一種味道；太驚喜，我終於找到了失去的回憶！另外椰青非常清甜，鳯爪也很有水準，不消10分鐘，已吃清所有東西。很快我又會再次幫襯這小店，因我已鍾佢嘅出品。…Read More

第一次食烤魚係深圳，那間烤魚令我一試難忘。食之前以為係好似泰國咁用炭嚟燒烤，所以沒有期望，因為我一向不喜歡這樣去煮魚，但原來係四川烤魚，以麻辣方式去烹調；魚預先炸熟然後以金屬盤盛上，以半湯形式並一路加熱去食嘅。那次食後雖然很回味，但等位就等咗個多小時。心想如果香港有得食就好了，朋友係食家，所以就請教他；他終於介紹咗呢間烤魚工房畀我。這間小店裝潢頗新穎，不像一般的小店，牆壁上張貼很多色彩繽紛的海報，令人眼前一亮。店內主打一定係烤魚，點菜是以自我落單方式，好方便。有三種時令魚可選擇，我們選了海鱸魚，另外輔菜也可選擇，視乎各人喜好，辣度也可以選擇！另外我們還點了兩款小食，串燒牛脷同口水雞。都是四川特有小食。當烤魚端上，發覺同深圳那間差不多，麻辣香味四溢，令人垂涎！魚底還有很多配菜，有金菰、蓮藕同海帶，那些配菜吸收咗魚肉嘅精華，超入味。食完濃味嘅烤魚，最後嚟一杯凍青檸梳打，好滿足。…Read More

突然間好想食久遺了嘅燒鵝，雖然好多地方都有賣燒鵝，但水準就不敢恭維了。而且我們只有兩個人又好難食得完半隻。正在思索中，在街上收到一張傳單，介紹荃灣半島漁港有燒鵝食，而且可以叫4份一隻，價錢只係一蚊咋，咁抵，係邊度揾吖，所以就即刻去揾食啦！叫咗三個餸，首先當然係燒鵝啦，以小玻璃盤盛上，下面以小臘燭去保溫，令鵝肉微暖，令鵝肉更香口。第二道是啫啫通菜煲，通菜只用通菜身，去除所有葉，加上香濃蝦醬，勁野味！最後一道菜係黃金鮮魷，做法同黃金蝦原出一徹，先特鮮魷上粉炸香，再以咸蛋黃返炒，咸香味道令人食個不停！…Read More

平常出街食飯，唔係酒樓就係茶餐廳，有點膩。所以成日都渴望食私房菜。幾日前朋友相約去食飯，佢話食私房菜，又知道佢係識食嘅人，所以充滿期待啦。該餐廳係旺角砵蘭街215號6樓。室內裝修一般，似一般茶餐廳。朋友以事先訂位，所以不用等位就可入坐。清蒸瀨尿蝦，相當肥美，肉質爽口彈牙並充滿蝦膏，所以不需太多調味，已齒頰留香。蒜蓉蒸聖子，非一般只用蒜蓉，並加切碎嘅土魷。令聖子嘅鮮味顯得更鮮。焯大虎蝦，超大嘅虎蝦用嚟白焯，肉質超爽彈牙，第一次食咁大隻白焯虎蝦，以往都係用嚟做茄汁大蝦或者豉油王大蝦。另味花調醉蟹係今晚嘅主角，超入味，以往食過唔係太濃酒味就係無酒味，今次這道花調醉蟹酒味就恰到好處，蟹肉味同酒味平分春色，最重要係隻蟹好肥美。咕嚕肉，好平常的一道菜，不過呢度嘅就好新鮮，何解咁講，因為那炸肉係新鮮即炸非一般炸定再翻炸，所以好脆口。甜酸汁亦好適中，好食。蜜汁雞中翼。超大嘅雞中翼，外脆肉嫩，咁大嘅雞中翼，真係好少見。蜆肉泡飯。好另類嘅泡飯，鮮味嘅蜆肉湯，加上白飯及米通，口感好多重，正！最後來個魚湯浸時蔬，可以清清口腔，又可以增加食物纖維，好健康喎！。…Read More

以前飲茶，都會即時諗起朝早去茶樓食一盅兩件。不過上星期五晚上，朋友約了我去飲茶，我以為佢講笑，夜晚邊度會有茶飮㗎。原來旺角朗豪坊有間餐廳叫做「飲茶」，顧名思義，這間餐廳真係有茶飲喎，不過唔係傳統嘅點心，係點心加fusion 菜。 菜名叫炸BB鴿，即是紅燒乳鴿；皮脆肉嫩，保留好多肉汁，兩個人分享，剛剛好。此菜叫龍鬚芥蘭，只選用芥蘭莖部，開邊，然後以刀切齒狀花，頗像龍鬚。味道清爽可口。櫻花蝦炒飯。當這炒飯送上枱時，濃厚嘅櫻花蝦乾已撲鼻而至，令人垂涎。飯粒粒粒可見，粒粒彈牙，飯中所用嘅鮮蝦，還保留鮮蝦香味同口感，唔似一般酒樓酒食肆以食粉醃制過嘅蝦仁，只有彈牙，但係冇蝦味，最驚喜嘅係一啲都唔油膩。好可愛哦！其實係鳳梨酥，不過名字叫「鴿吞鳳梨」，外皮做成鴿子樣，外酥內香甜，食後齒頰流看。這個是呷醋木耳，木耳以中日配料調味，鎮江醋加日本芥辣（wasabi) 調配，很特別，微酸微辣，加上爽脆嘅木耳，令人食過不停。…Read More