jessicaccaca's Profile

好耐之前已經去過尖沙咀食呢間餐廳嗰陣都覺得環境唔錯，食物都幾好今次就試吓灣仔呢一間去到發現環境仲靚 間餐廳有三層 座位仲好闊落啲侍應哥哥姐姐都係泰國人 勁親切 會推介食物但唔hard Sell👍🏻次次食泰國菜都好掙扎，叫唔叫生菜包因為我好鍾意食生菜包但係好多餐廳啲菜都好核突最憎見到燶邊生菜但係呢一間啲生菜勁靚，勁新鮮啲肉碎夠酸味唔會太辣仲食到啲lemongrass仲要勁大碟！除咗叫生菜包，仲叫咗個香葉烤雞唔知有冇人同我一樣都好鍾意食香葉包雞但都係嗰句唔係間間好食出面好多餐廳都整到啲雞肉好嚡我食過人生最好味嘅香葉包雞係喺泰國曼谷一間商場入面 真係世一呢度嘅香葉包雞，雖然唔及我之前喺泰國食嘅嗰個，但係佢都做到雞肉仲係Juicy👍🏻👍🏻我哋仲叫咗個主食 — 泰式乾炒河勁！大！ 碟！ 先98蚊！其實真係幾抵啲雞肉仲要勁大嚿不過就冇香葉包雞嗰個咁滑咁Juicy叫做抵食夾大件兩個人食真係唔好嗌兩份主食會飽到出唔到門口😹😹我哋另外仲叫咗個芒果糯米飯食親泰國嘢必食呢度嘅芒果糯米飯有白糯米同紫糯米最鍾意有兩溝，啲芒果都幾甜！讚！喺港島區食泰國菜咁抵食環境舒服，食物質素唔錯，服務又幾好覺得冇得輸可以再嚟食過😋…Read More

呢排想食日本嘢咁啱出開銅鑼灣喺OpenRice見到呢一間0負評小店即刻去試試佢我哋叫咗個刺身盛 勁足料呢個價錢可以試到好多款唔同嘅刺身我覺得很可以！師傅有介紹由白身魚開始食即係食咗油甘魚同埋深海池魚先咬落去嘅時候feel到啲魚係好新鮮帆立貝同蝦都好甜好好味而食海膽最驚佢苦 但呢度啲海膽唔苦 好香濃creamy！果然食刺身都係要正正經經去返啲日本餐廳食平時食放題嗰啲真係搞唔掂我地想食魚師傅就推介左我地食汁煮蜜金鯛魚頭果然冇推介錯雖然係魚頭，但都好多肉好滑我極度欣賞佢個蘿蔔超入味，好好食平時叫魚頭都未必必有咁多配菜呢個抵讚另外仲叫咗2個串燒同燒明太子飯團一個係豬腩肉，一個係牛小排牛小排燒到好靚入面仲有少少紅紅地 肉質嫩滑唔韌豬腩肉都好香❤️如果鍾意食飯焦燒飯團會好啱食師傅燒到表面好脆！加埋明太子鹹香 一流！我哋喺餐廳食嗰陣都見到有兩台熟客都係等師傅推介食啲乜嘢感覺都幾溫馨 係小店嘅人情味🩷總括嚟講呢間餐廳唔算平但食物質素有保證開喺銅鑼灣呢啲地段呢個價錢算係好合理…Read More

自從喺英國食過好好味嘅印度菜之後就對印度菜改咗觀間唔中都會想食吓印度菜今次就去咗圓方呢度食之前都唔係好覺呢間餐廳應該係新開間餐廳有兩層下面嗰層就比較熱建議上上層舒服好多我覺得菜式選擇唔算太多但係一般嘅印度菜都有頭盤揀咗Grilled Octopus 同chicken wings八爪魚夾埋秋葵一齊燒好香八爪魚一啲都唔韌雞翼我覺得就似buffalo wings甜辣甜辣不過佢好貼心，做咗單骨！值得一讚然後食印度菜點可以少左naan 呢度有好多款可以揀第二度好少見有truffle naan 所以我地叫左份另外再叫左個garlic coriander naan我覺得truffle個個有啲驚喜本身仲驚會同Chicken tikka masala 唔夾但佢個Truffle味香得來唔會太搶fo 反而係令成件事提升左個Chicken tikka masala 都好味雞肉分量都好夠 味道唔會太辣同naan一齊食真係perfect!最後嚟多個甜品Kulfi 其實係印度一啲街頭小食 係雪糕黎唔使去印度而家仲可以坐得舒舒服服咁食 😚佢同平時啲雪糕有少少唔同佢係實啲黏啲食得出開心果味 但同時奶味都好重 幾特別！…Read More

同朋友去左打邊邊！竟然任食邊爐有咁多野食，一開始有雞煲，又可以叫刺身、海鮮、和牛、天婦羅等等， 勁花多眼亂！見到佢嘅D4和牛餐做緊半價優惠，另外仲有龍蝦！一開始會上一個雞煲，有得㨂辣度，勁多芫荽洋蔥呢啲配料好香，啲雞都算多，我地兩個人食一煲，留返個胃食其他正野和牛好有份量好多選擇，食澤正正常常，同平時食開嘅黑毛和牛雖然冇得比較，但任食黎講都合理，油脂差啲但肉味都濃，有口感！火鍋嘅海鮮選擇都好多，有鮑魚、扇貝、蜆、蟶子、大蝦等等， 有好多選擇，海鮮望落都幾乾淨，而且幾新鮮👍🏻😋刺身都係有好多選擇，有珍寶帶子、甜蝦、希靈魚等等高質刺身，食落好新鮮同埋鮮甜！出面自助吧有好多菜同配料，岩哂我勁鐘意食菜嘅人，皇帝菜唔係間間都有，呢個抵讚！…Read More

一入門口就覺得呢度勁啱一班女仔friend嚟食飯😙勁大個噴水池可以瘋狂打卡🤣英式田園風勁正😍今次叫咗個二人火焰牛扒餐❤️‍🔥凱撒沙律勁大碟又新鮮😍啲菜夠晒爽脆，仲勁多芝士然後餐湯方面我哋嗌咗一個蘑菇湯一個龍蝦湯個包有烘過～熱辣辣，夾埋啲湯岩哂！卡邦尼意粉都好大碟超多醬而且佢啲肉唔係好薄嘅煙肉豬面頰肉係厚身啲，有咬口啲～豬肉味香濃！食卡邦尼意粉好怕食到啲好乾好硬嘅煙肉呢個就唔會有呢個煩惱最後壓軸出場嘅係個火焰牛扒😍牛扒上枱之後侍應會喺我哋面前點着啲酒，然後淋落牛扒度效果一流🤩我哋加咗錢要12安士嘅牛扒🤤我哋太大食 8安士唔夠兩個人食😆牛扒唔硬夠Juicy 加埋蒜頭一齊食勁正但係略嫌熟咗少少，如果再生啲應該會仲正！…Read More

食得多外賣都悶所以就同男朋友一齊落去樓下搵嘢食見好耐冇打邊爐就入咗呢一間食我哋揀咗Lv 3 阿古豚梅肉 $258可以揀兩個湯底我哋揀咗博多豚骨濃湯同埋麻辣鴨血湯豚骨濃湯用嚟烚菜一流唔會油膩麻辣湯底同牛肉豬肉勁夾 夠晒香一坐低已經俾定阿古豚梅肉同埋牛肩胛我哋出面自助吧有唔同嘅蔬菜丸類可以選擇仲有一個小型沙律吧同埋壽司丸類入面我最推介係墨汁墨魚丸同埋潮汕牛丸，仲有胡椒豬肉丸墨汁墨魚丸，真係成粒黑媽媽咁，但係好鮮味潮汕牛丸好香牛味仲勁彈牙胡椒豬肉丸勁重胡椒味，令我諗起胡椒豬肚湯肉嘅話一定要食星級牛肌腹！比起牛肩胛好味阿古豚梅肉都好夠肉味！啲蔬菜望落都洗得幾乾淨，都幾新鮮選擇唔算好多，但係夠食出面仲有得飲品雪糕自助都有好幾款雪糕配料，啱晒小朋友除咗自助吧，其實仲可以手機app落單一啲小食但我哋當日就冇乜點叫我同男朋友食量都算大250幾蚊一位任食邊爐對我哋嚟講都算幾抵仲要啲牛肉豚肉都幾高質！…Read More

收左工之後 想同同事簡單食啲野先返屋企同埋今日又想食啲清淡啲嘅嘢所以就入去食個清湯米😝我就叫咗個豬骨雞湯米線揀咗木耳雞肉同埋蝦平時食譚仔米線，就算叫清湯食完都會好口渴但呢間我感覺食完好舒服啱晒想食得清啲嘅朋友仔雞肉嘅份量都比譚仔多同埋啲蝦好彈牙啲蝦嘅size比我想像中大隻👍🏻想食得健康啲，所以加咗個菜份量有啲少，但係啲菜都算翠綠新鮮我同事就叫咗個小窩米線揀咗餃子魚豆腐同炸醬炸醬比起譚仔多 味道上就有啲唔同佢唔似譚仔嗰種酸甜口味同同事一齊食飯，點都要叫啲小食share下先開心所以我哋叫咗個昭通醬雞翼第一次食呢種醬味道酸酸甜甜都幾開胃Overall嚟講間餐廳都唔錯坐位都幾舒服仲有把風扇仔😆如果夏天嘅話應該好有用…Read More

又同男朋友捐窿捐罅去搵好嘢食😚今次去到銅鑼灣呢一間餐廳一入餐廳就覺得風格好型吧枱嗰邊有一幅酒牆 勁有feel可能因為平日去唔算好多人唔會太嘈好適合去食吓嘢傾吓偈一坐低我哋就叫咗兩杯Cocktail🍸🍹男朋友個杯係Genmaicha係用玄米茶同埋Gin 整我本身都幾鍾意用茶做材料嘅Cocktail呢杯Cocktail都調得幾好飲 Gin 唔會蓋過咗玄米茶香 飲起上嚟唔會太強烈酒味🫶🏻我個杯係Salt babe杯邊嘅鹽同lime味配搭得好好唔會太酸 會想一啖接一啖咁飲 好friendly to 唔太飲得酒嘅女仔😽然後就係頭盤⭐️Hyogo oyster ceviche⭐️Oyster份量好足 味道酸酸甜甜好開胃 仲帶啲紫蘇香味⭐️Ikura Arancini ⭐️係一個炸物黎 入面有龍蝦湯risotto 同mozzarella cheese 好香龍蝦味 同埋都幾特別未試過炸物入面係risotto然後就係main dishes⭐️Drunken crab pasta⭐️蟹肉份量好足🥰啖啖蟹肉😋佢意粉係用墨汁整嘅唔會食到個口黑媽媽，但係又食到嗰種海鮮咸香味👍🏻⭐️Crispy short rib⭐️薯蓉都幾好味幾滑身 但唔會好膩👍🏻牛肉係慢煮 但冇我想像中咁腍😌勝在厚切大大件 牛肉味都好香😝…Read More

由第一次食，食到今年已經係第六年個湯依然係好好飲🥹啲餃子依然係好好味🥹喺呢度食餃子，我一定會嗌湯餃😎個九鼎狀元湯真係冇得輸飲足咁多年都仲係咁好味，勁真材實料😌個湯你飲得出佢冇乜落鹽如果重口味嘅人，可以自己落少少但係我覺得唔落鹽都已經好好飲，更加飲得出食材嘅味道😋😋😋今次叫咗兩款餃子 豪一豪佢一款係龍鳳松茸餃一款入面已經有兩個口味入面有黑松露同埋白松露黑松露味超香兩個口味入面我比較鍾意黑松露！第二款係芫荽豬肉餃作為芫荽愛好者食餃子點可以冇芫荽？真係勁好食 芫荽味唔會過多啱啱好配埋個菜脯辣椒醬真係冇得輸🥹就算叫普通菜心上面都會有松茸同埋杞子啲杞子都幾甜 松茸嘅份量唔係好多 但都有松茸嘅香味 不過淨係食菜心嘅話就冇杞子同埋松茸味一定要夾住一齊食 如果可以入味啲就更好最後仲有一杯檸檬薏米水食到勁飽😂😂😂食到超級滿足…Read More

琴晚去左food court 食個薯仔排骨湯🫠叫咗少飯又冇少到🤷🏻‍♀️🤷🏻‍♀️🤷🏻‍♀️雖然食個陣覺得味道正常Food court可以有幾好食所以都冇乜要求但個food court勁大油煙然後食完返去之後肚痛兼反胃勁想嘔🤮🤮🤮🤮🤮🤮今日起身即刻肚屙🤢依然想嘔但嘔唔出🤢以後唔會再去😵‍💫😵‍💫😵‍💫一定勁污糟…Read More

打波前係附近搵野食見間鋪細細間但都唔少人就入左去試下入到去見到個quote 好正令我諗係Friends 入面嘅Joey🤣見間鋪叫薄餅怪獸無理由唔食薄餅所以叫左個細嘅Mexican Chillies佢係厚批黎，兩個人食啱啱好其實我個人黎講鐘意厚批多啲餅底岩岩好熱辣辣 完全冇燶🤩仲要好多料不過本身以為佢好辣，點知又唔算可能因為我揀咗蕃茄汁底冇揀到辣嘅醬所以所有辣嘅來源都係來自嗰啲辣椒然後我哋嗌咗兩件烤雞我朋友揀咗檸檬烤雞 我揀咗麻辣雞肉好滑 個麻辣醬汁好夠辣！正！然後我哋再叫咗豬手拼香草腸仲要有勁多薯條食到超飽一睇啲薯條嘅顏色就知道唔係用啲萬年油去炸好味！！食咗咁多嘢先$300 唔使好抵以後打波前有多個選擇㨂🥳🥳…Read More

以前去過油麻地個間！估唔到宜家銅鑼灣開左新鋪☺️啲野食都仲係咁高性價比😉我地叫左set~餐湯同沙律 我地㨂左湯今日個湯係煙肉忌廉湯 配蒜蓉包上枱時個湯同個包都好夠熱呢個有啲驚喜通常啲面包都係微溫 甚至係凍呢個夠熱 抵讚👍🏻面包點湯好好味😋我地main course 分別叫左法式香煎紅鯛魚 同煙三文魚明太子意粉紅鯛魚幾好味 夠大份 夠嫩滑 冇骨但唔覺得係法式🤣因為好重孜然味魚下面有薯蓉有蔬菜正常發揮～煙三文魚明太子意粉都一樣好大份🤣👍🏻👍🏻👍🏻口感都幾得意一開始以為明太子會係同啲醬撈埋但其實個醬汁係忌廉汁黎明太子係切到一粒粒同啲煙三文魚好似樣😆最後上埋飲品朱古力同青檸梳打💕埋單每人都係二百幾👍🏻 dinner黎講都算平🫢…Read More

又想食omakase luuuuu🥰今次去左尖沙咀鮨石試試師傅手勢第一道頭盤有三樣食物要順次序食第一個係醬油漬吞拿魚完全無筋 好軟熟 魚鮮味好足🥰然後係水雲係海藻嘅一種 師傅切到超幼 好似頭髮咁幼刀功好厲害👍🏻食落脆脆地 酸酸地 好開胃最後係靜岡果茄 同普通蕃茄好唔同一食落去係酸酸地，然後食到最後係會回甜好特別！開左胃之後師傅上咗鹿兒島間八魚嘅油脂好香🥹魚肉軟糯 好正！接着係北海道白象拔蚌可以配芥末或者鹽去食旁邊仲有橘子沾一沾橘子先食會帶有橘子嘅香味好清新😚師傅跟住serve 左八爪魚腳同吸盤個人嚟講鍾意吸盤多啲咬落去比較爽口八爪魚腳幾厚身，但係略嫌有啲韌鮟鱇魚肝配上醃製左嘅奈良西瓜一食落去果下，完全唔知道嗰個係西瓜🤣🤣就算我知道咗佢係西瓜，我都唔覺得佢係西瓜😂😂😂係好神奇嘅口感，第一次試咁樣嘅西瓜夾埋鮟鱇魚肝一齊食會令到個鮟鱇魚肝冇咁膩好食好多跟住就係天婦羅有北海道目光魚、青椒仔、本菇梭子魚有燒過表面好香卷左黎食啖啖肉😚😚青森縣大王芋比起山藥更好食唔會喉嚨痕🤪食壽司前上左個帆立貝清湯 個湯超鮮甜 個帆立貝嘅鮮已經入哂個湯度個湯比起粒帆立貝更加好味👍🏻👍🏻壽司有石垣鯛、池魚、黑鯥、鰤魚、關鯖魚、中拖羅最好食係最後個生死戀 紫菜包住赤身刺身同埋燒過嘅拖羅個拖羅係近鮫位，油香十足夾埋一齊食，真係正到喊🥹🥹食完壽司之後就上咗個魚湯暖返個胃好舒服☺️☺️最後點少得甜品個開心果雪糕加埋朱古力脆脆簡直係完美嘅句號😍…Read More

一諗唔到食咩就係要食泰國菜🥳以前去泰國旅行嗰陣見過有得一路邊爐一路BBQ估唔到香港而家都有得咁食法🤣🤣呢個小火山BBQ set有豬有牛仲有少量內臟啲肉唔鞋都幾腍身！除咗烤肉仲可以打邊爐咁食邊爐嗰度有兩個湯一個係椰汁雞湯，一個係牛骨湯椰汁雞湯同平時喺泰國餐廳可以點嚟飲嗰個湯一樣！好香椰子味我食嗰陣鍾意燒完之後再淥一淥咁就冇咁熱氣，又有少少椰子香😜😜呢個雖然唔知道係咩醬但係酸酸辣辣幾惹味烤肉點呢個醬勁有泰式風味另外仲叫咗蝦片超級脆，勁好食🥹淨係食肉又點得呢？所以嗌咗個大蝦青木瓜沙律😍份量都幾多青木瓜沙律酸酸辣辣😚😚超級開胃可以減輕食燒肉嘅油膩感😌不過都幾辣如果鍾意食辣嘅朋友應該幾鍾意😆我哋叫咗一杯泰奶一杯奶綠泰國奶茶都係偏甜少少鐘意甜嘅就岩哂啦😋😋…Read More

岩岩去完清邁食左好多日泰菜係時候食返餐omakase歎下今日㨂左$1980 嘅set 頭盤係，蟹肉蒸蛋 有人幫自己拆哂蟹肉真係好幸福啖啖肉💕舊蘿白仲好入味鴨胸好味同平時嘅鴨胸差好遠，肉質好軟熟好重鴨肉味鰻魚同公魚都唔錯木魚花下有希靈魚子，超爽口黑豆好甜好好味🥰海膽同蝦兩樣我的最愛嘅刺身放埋一齊點可以唔心心眼海膽同蝦都好新鮮好甜滿足度一百分💯呢個造型都咪話唔吸精由白身魚開始就食先配搭住上刺身前師傅親手鮮磨wasabi味道一流跟住再黎就係赤貝赤貝好爽口好鮮甜金目鯛上面有自家製7味調料 好特別仲有鯡魚加埋蔥一齊食更加食到佢嘅鮮係拆哂肉嘅蟹啊💕仲有蟹膏蟹籽係底😋新鮮係北海道黎嘅香箱蟹真係季節限定遲多少少都未必食到Omakase最重要就係不時不食咁先對得住個價錢然後有兩道魚一個係鰆魚 配搭住椰菜花同皇帝菜嘅菜汁個椰菜花汁食落同忌廉白汁嘅味好似魚嘅肉質勁彈牙！好味！另一個係金鯛立鱗燒配上紫菜整嘅汁令成個鮮味帶上更高一個層次菇應該係有烤過好香，帶少少鹹香，好味！壽司有鹽漬池魚、松皮鰈魚、醬油漬赤身 （帶有柚子香） 、中拖羅，中拖羅超級好食，無渣無筋帶油香又唔膩🥹🥹 無得輸然後再黎巨型帶子手卷同埋海膽壽司個海膽壽司分別用左新鮮同昆布漬海膽好甜好鮮好creamy 江戶前玉子燒一望到佢覺得佢成嚿蛋糕咁食落都覺得好似一嚿蛋糕😂好有趣麵豉魚湯🥰🥰每次去親omakase 都必定有一碗熱湯而當你食完咁多刺身壽司生冷嘢之後有一碗暖笠笠嘅熱湯真係會覺得好舒服同埋飲過omakase嘅麵豉魚湯之後就返唔到轉頭因為個湯唔會死鹹，係有淡淡嘅麵豉味再加魚嘅鮮味，成件事好舒服最後點少得甜品有時令嘅靜岡士多啤梨仲有自家製sake啫喱配香印提子同埋用豆腐同埋糯米整成嘅小丸子配上抹茶紅豆🥰🥰個甜品超級好食，係一個超完美嘅句號☺️…Read More