Mr Picky's Profile

平時星期六、日有時會喺意樂食早餐，味道算是ok。這星期日晚上想不出食乜，儘管試一試佢嘅晚餐。我哋叫咗個黑松露野菌田螺pizza，餅底夠脆，田螺數量不少，但黑松露味道不太濃。此外，墨魚汁海鮮意大利飯味道很好，海鮮配料豐富，墨魚汁比較”傑”身。而三重芝士鮮蝦蟹肉焗扁意粉芝士味夠重，味道不錯，蝦份量足夠，但反而不太覺得有蟹肉。喺坑口食肆太不濟，佢嘅味道及性價比算是ok，晚餐仲可以半價叫飲品，值得推介並可以再次光顧。…Read More

星期六嚟到銅鑼灣食甜品，去到希雲街呢間，嚟到先知下午3點才開舖，等咗十幾分鍾。我哋點咗柚子抹茶吉士班戟拿破崙，柚子同抹茶配上很清香。另外Macaron流心奶皇梳乎厘班戟，富有香濃蛋味，但食落時不太感到流心奶皇，配上的豆腐雪糕感覺清新。而我哋亦點咗個日本水蜜桃梳乎厘班戟，桃肉夾在班戟中真的不怎食出味道，但另外附上４至５片日本水蜜桃，價錢上算抵。整體上，梳乎厘班戟富有空氣感，味道清新，不算太甜太飽滯，性價比高，但安排座位及落單情況不順暢。…Read More

先前食過韓國炸雞，今次就試吓似乎係同一集團嘅韓燒，星期日晚飯時間因為尚早，所以不用排隊。本來想叫牛護心肉，但係早已售罄。於是叫咗特級霜降牛肉和韓式秘製烤牛肉。霜降牛肉較厚身，共有6件，味道不算突出，牛肉亦不算軟嫩，覺得不太值這個價錢。但韓式秘製烤牛肉是經醃製，味道不錯，肉切得極薄。佢哋送嘅爐邊蛋、泡菜、海帶、醃籮蔔等配菜係免費任叫。我哋亦叫咗個石鍋牛肉拌飯，味道不錯。整體上性價比不算高，但可接受。…Read More

原本訂咗位，點知都要等30分點。因為有朋友食素，所以特別揀Joomak，知道menu有比較多健康素食。今日有兩個壽星公，所以大家都不嗇惜地去叫菜。其中4°C 手拉冷麵雖然味道平平，但賣相贏晒，乾冰令冷麵煙霧彌漫，適宜映相呃nice！另外紫菜芝士溶岩包賣相亦同樣特出，整個烘焙方包挖空裝滿熔咗嘅芝士，配上串串炸物，但芝士䊢都幾快被方包，要點炸物就要快手。我哋亦叫咗混醬炸雞，因為有6種醬汁任點，我就覺得菠蘿椰香醬同黑糖梅子醬。素食中我咃點咗柚子蜜炸韓蔘、素芝士紫薯粟米同羽衣甘籃煎餅，都算幾特別。另外吉列韓式牛肋骨非常脆口，都幾好味。整體上味道OK，但菜式設計及賣相有心思，比較一般韓國菜突出。…Read More

這個星期日中午專程到新蒲崗去窩子食梳乎厘pancake，好彩因為早D去，所以唔駛等位。我哋叫咗個沙嗲豬頸肉配法包和海鮮大阪燒薄餅。豬頸肉本身已煮得好夠味，再配個沙嗲汁就更野味。另外大阪燒薄餅夠創意，將大阪燒同薄餅合二為一，口味更正！之後我哋再嘗試佢地出名嘅甜品 - 法式千層酥同梳乎厘pancake。個梳乎厘pancake真係可以媲美日本果D！小店唯一問題係座位少，所以等侯時間長。再者，廚房出菜時間比較耐，相信因為佢哋對食物嘅味道同賣相講究，依個亦係我欣賞佢哋嘅地方。…Read More

今日原本想喺炮台山搵地方食lunch，行行吓去到近天后，見到間日式餐廳推介佢哋嘅7小時慢煮豬軟骨都幾吸引，就儘管一試，叫咗個慢煮豬軟骨咖哩飯，切開條豬軟骨時，起初以為有D好似白色嘅肥膏，食落先知係經慢煮到好林身嘅骨膠原，豬軟骨好入味，而個日式咖哩汁亦好好味！另外我咃亦叫咗個黑椒燒汁牛肋丼，雖有少辣但牛肋肉亦不錯。…Read More

當日午飯時間見有位，而太太亦想食喇沙，就入去一試。我叫咗個黃㗎喱燒豬頸肉飯，個㗎喱汁味道都ok，但D豬頸肉就太咸，甚至蓋過㗎喱汁嘅味道。而太太一心想食喇沙，就叫咗個喇沙肥牛金邊粉，點知喇沙完全沒有椰香味，反而似㗎喱湯金邊粉，完全失望！餐廳雖然以海南雞為店名，以為海南雞係招牌菜式一定要試，但阿女食嘅海南雞飯，雞無乜味道，亦唔夠滑。唯一好處就係價錢唔貴，五十幾蚊個lunch，唔駛等位，但整體格局就似一間普通茶餐廳，以食怏餐為主。…Read More

之前曾經在剛開張時買過外賣炸雞，但是當時無論味道、外觀及包裝都不得要領，成佰蚊的炸雞只係用紙袋盛載，炸雞亦較濕同淋身，再者侍應亦沒有禮貌同黑面。本來決定唔再比機會ｅ間店，咁啱屋企人想食炸雞又唔想去咁遠，就儘管再一試。今次叫嘅嘢其中包括初雪炸雞及芝士炒年糕伴拉麵。初雪炸雞味道好正，雞肉亦不太乾。而芝士炒年糕伴拉麵嘅醬汁亦幾好，好似我曾經食過嘅韓國地道店舖嘅部隊鍋。而店舖侍應可能巳換人所以禮貌亦有所改善。…Read More

路過深水埗被店舖的名字及裝修吸引，見幾日式風格，就即管一試。店舖內座位差不多全是吧檯，面對住煮麵師父。選麵嘅menu有過膠，並用炭筆點選，可用手指刷掉，我比較欣賞其環保概念。拉麵可選擇的基本上只有配料，如加粟米、芝士與否，但可免費加大野菜、芽菜及蒜的份量。拉麵都頗大碗，但麵身較硬，叉燒都頗厚身但不夠入味。但拉麵中的溫泉蛋係用日本蛋，味道不錯。食物只是不過不失，但相對下，價錢接近成百蚊一碗似乎略貴。…Read More