heiheiaaa918的個人專頁

一餐唔太傷荷包嘅法國餐，介紹返💁🏻‍♀️法式海膽炒蛋真係不得了，鮮甜嘅加拿大海膽配埋炒到好似食緊牛油咁嫩滑嘅蛋，完全係來自天堂嘅美味🤤 呢個海膽menu做到4月14號，想食就要趁早嗜生牛肉嘅小弟梗係要會一會佢地個牛肉韃靼，侍應會即場將啲牛同配料撈埋，再比食客試味，唔啱調到啱！味道走傳統路線，辣辣地又帶微酸，唔錯唔錯。另外當日仲試左個普羅旺斯客席主廚Matthieu Gasnier炮製嘅六道菜晚餐。菜色全部用上檸檬柑橘等嘅清新調味，食落充滿南法嘅地中海風情，係我嘅菜👌🏻 我嘅最愛係前菜之一嘅酸橘汁腌吞拿魚同埋甜品嘅法式檸檬撻Cafe de Paris is offering a menu of sea urchin from British Columbia 🤤 highly recommend this Oursinade, a dish of scramble egg with fresh sea urchin on top. So buttery that it literally glided on my tongue, heavenly!Beef tartare is also a good option here. It’s mixed in front of the table, guests may taste the mix and add on the seasonings until they get the right flavor. Very traditional with the right amount of spice to balance out the meat.6-course menu by guest chef Matthieu Gasnier from Provence is like bringing the palate to the Mediterranean, with all dishes seasoned with citrusy, light and refreshing flavors which makes a perfect spring menu. My fav were the Tuna Ceviche with Mediterranean fragrance and basil cream, and the dessert, the chef’s version of Tarte au Citron…查看更多

第一次嚟到植原，壽司水準唔錯，新鮮不在話下，有幾件嘅配搭幾有心思，包括伴以紫蘇葉同白蘿蔔嘅鯖魚，以及夾左鯊魚軟骨嘅深海池魚；另外油脂分佈平均中嘅拖羅同埋鮮甜嘅海膽都係心頭好。如果壽司上碟速度可以慢少少就更好😅甜品有糯米滋窩夫夾抹茶雪糕及豆乳糯米滋，兩個都非常之正，記得留肚食😋First visit to Uehara and it was a pleasant one. Pieces were fresh, and a few of them were very thoughtful. Highlight of the 12-piece sushi meal must be the Striped Jack with crunchy shark bone and Mackerel wrapped with Shiso leaf and reddish. Classic favs like sea urchin and fatty tuna were lovely too. Just wish the chef could serve the pieces in a slower pace tho😅The two desserts, matcha ice cream sandwiched with mochi and waffle and soy milk mochi are both so good! Make sure to save room for them 😋深海池魚加鯊魚軟骨 Striped Jack with Shark Bone甜蝦 Sweet Shrimp野生立魚 Wild Snapper 腌鮑魚 Marinated Abalone 春子鯛魚 Child Seabream鯖魚 Mackerel醬油赤身 Marinated Tuna野生油甘魚 Wild Amberjack 喉黑 Blackthroat Seaprech 中拖羅 Fatty Tuna 根室海膽 Nemuro Sea Urchin玉子 Tamago吞拿魚碎卷 Chopped Toro Roll甜品…查看更多

雖然天氣基本上已回暖，但小弟仍然有一顆打邊爐嘅心（有冷氣嘅一年365日打都得啦）嚟到呢間走懷舊風嘅火鍋店，一路聽住啲舊歌一路用萬壽無疆嘅碟打邊爐食野，絕對有時空錯亂嘅感覺兩條友叫左個二人套餐，但份量絕對係多過二人份（三個女仔食都得），肥牛魚滑響鈴魚蛋菜呢啲邊爐必需品都齊備，仲包野飲👌🏻湯底就叫左養生豆乳白鍋同木瓜蕃茄鮮魚湯，清清地無咁大罪惡感手切本地牛肉勝在肥瘦適中又夠肉味，大概係肥牛同鮮牛中間嘅肥仔程度。咪睇佢細細碟，塊塊都厚到成塊牛排咁，份量超然呀🤤十下三寶滑分別係咸蛋蝦滑、臘腸鯪魚滑同牛筋馬蹄滑，味道配搭特別之餘手打夠均勻夠彈牙，唔係普通貨仔，三款裡面混有粒粒咸蛋嘅蝦滑最得我歡心響鈴呢個邊爐鐵腳，難得遇到好湯底，梗係要浸一浸索哂啲湯咁食啦無影到close up嘅果皮魚蛋亦係賣飛佛，爽口彈牙又有果皮嘅甘香，呢個咁傳統嘅味道真係買少見少另外花雕雞嫩肉真係如其名咁滑溜，陣酒味經過滾湯嘅洗禮依然濃郁！…查看更多

每到有壓力嘅時候就會好想食椒鹽野，真係最好嘅comfort food！當中椒鹽粟米絕對係我嘅首選，李家菜嘅椒鹽出品係水準之上，呢碟清甜嘅粟米沾滿刺激香辣嘅炸蒜椒鹽，每一粒粟米都咁惹味，簡單又滿足！椒鹽鴨舌同樣優秀，炸粉厚度剛剛好，炸得好香口，落左南乳令成件事變得更重口味，更令人食唔停口！至於佢個卜卜蜆都唔錯，夠多蒜蓉之餘啲蜆都算新鮮，不過如果多返少少酒香會更正呢又，聽聞李家菜個椒鹽粟米係始創，但唔知係咪100%真呢…查看更多

相信大家都見過呢間走妹豬打卡路線甜品店嘅蹤影，去之前都諗住啲出品貌似好睇唔好食，而實情係非一般嘅難食（嗱我真係好少咁直接踩...）藍色名叫break the tears嘅甜品，睇落唔錯，有得食有得玩，但食落真係一頭問號🤢 佢將Blue cheese雪糕、西芹冰粒再加一堆合桃擺堆一齊，每種食材自說自話咁，食左一兩啖就頂唔順。不過正如店家所講，呢個組合真係唔係人人鐘意，見人見志啦我諗。之後上嘅The Universe，每個星球都係一種茶嘅mousse（茉莉、伯爵等）以為茶味甜品實無伏，但所有野都好啖，茶味欠奉，未至於似藍色果個咁食唔落肚，但真係有好大嘅改善空間。…查看更多

座落係大坑內街嘅呢間patisserie，出品嘅canele係我食過數一數二最好食（無誇張真係！）焦脆外層散發香濃嘅焦糖味，有一定嘅厚度可以contrast到濕潤綿密嘅內餡，裡面充滿蛋香同雲尼拿味，仲有少少rum嘅aftertaste。大家記得即買即食先最正！另外牛角包同brioche 同樣無得彈👌🏻 牛角外脆內軟夠牛油香係基本啦，最重要係裡面蓬鬆層次分明，一食就知係出自非一般嘅功力，即使過左一晚再食都無減佢嘅魅力…查看更多

我對sourdough嘅迷戀程度已經不能用言語表達，呢間cafe嘅自家製、用上祖傳埃及酸種嘅sourdough，酸度同麥香都係我嘅菜，香脆嘅表皮包住煙韌綿密嘅麵包，成功俘虜我嘅心！Mushroom on Sourdough 一定要試！麵包上鋪滿大大粒新鮮蘑菇用濃而不膩嘅蘑菇忌廉汁煮，加埋隻水波蛋，熱辣辣好comforting！最重要係塊sourdough即使浸左汁都唔會變得好soaky，大推！🥑Avo on Toast都好唔錯，有大量嘅蕃茄同牛油果，加隻太陽蛋basic but👌🏻…查看更多

呢間葡菜雖然位於酒店，但價錢同環境（仲有份量）都係走親民路線；同埋好欣賞佢地個新menu將澳葡菜同葡國菜分類，因為坊間（包括在下）都成日分唔清兩者嘅分別，學到野呀今次👌🏻而今餐點嘅菜式都係正宗嘅葡國菜，highlight如下：🥣香菜馬介休湯伴水煮蛋及酸麵包呢個湯係葡國南部嘅特食菜，係澳門真係第一次食💁🏻‍♀️簡單地以馬介休吊起成個湯嘅鮮味，浸塊sourdough加隻靚仔水波蛋，好一道典型嘅葡式家庭菜，喜歡！🐂香煎牛里脊粒配白酒汁及腌菜呢味菜嘅葡文名Pica Pau，意思就係啄木鳥，因食嘅時候要好似啄木鳥咁逐粒逐粒食而得其名😂個牛肉煮得幾腍，但最緊要係有自家製腌菜嘅加持，酸酸地幾消滯🐙燒章魚配新薯及蒜蓉香菜汁章魚生熟程度剛好，但就咁食會覺得有啲普通，不過加埋底下嘅caramelized onion同個汁就完全唔同食法，味道層次會豐富好多💁🏻‍♀️ 主菜中最鐘意係佢🥧葡撻係咪覺得係澳門入餐廳食葡撻好好笑呢🤡係廚師嘅強烈推薦下抱住有少少懷疑嘅心態叫左黎食，呀廚話呢個係正宗嘅葡撻，做法同澳門嘅唔同，蛋味更濃、質地似流心吉士，亦相對甜啲，但不變嘅係撻皮依然酥脆香口，又真係同葡撻始祖Pastéis de Belém有得揮，證明呀廚唔係吹水😂另外仲叫左：🐟馬介休魚柳配粟米麵包、白豆、芥蘭及葡國肉腸🐖慢煮伊比利亞黑毛豬配黃油豆飯及自製薯片…查看更多

Rose Affogato🌹☕️有日行過呢間cafe，以招牌嘅花花gelato吸引眾多世界各地嘅少女，都成功吸引左充滿少女心嘅小弟（啫係我）Affogado揀左個rum and raisin嘅gelato，雪糕質地幾creamy，酒味甚濃亦夠香，可惜無提子乾囉（違反商品說明條例喎老細😅），微苦嘅rum味同偏酸嘅espresso出奇地又幾夾。不過呢杯花巧野，索價$68都唔平，都係試一次半次就好，應該就無下次…查看更多

慕名嚟到Fukuro試佢地個吉列和牛三文治🤩 呢間人氣居酒屋好鬼霸氣，唔比book位，一係就6點一開門walk in唔洗等，一係就係出面慢慢等位（當日星期六到6:30已經要等呢）睇落真係幾吸引，但可能我太fantasize左佢，有少少失望呢😶 牛肉質地係幾正，除左有少少筋之外，油脂分佈得唔錯，咬落係十分之嫩滑嘅，麵包亦烘得啱啱好，但係！個燒汁實在太太太重味啦，淨係食到個汁嘅味，和牛應有嘅肉味完全被蓋過，破壞左成件事😭 所幸其他食物都好出色。最最最鐘意係呢個蠔！原來加左柚子醋係令到隻肥仔生蠔嘅鮮味發揮到200%，酸酸甜甜襯返個海水味，真係除左好好味我都無咩好補充啦🤤另一心頭好係呢個Drunken Clams，清酒煮蜆就食得多，清酒醉蜆真係第一次，酒味都幾重，但最緊要係同啲蜆嘅味夾到Yaki Udon又係幾有驚喜，面頭勁多長腳蟹肉，多到最後食哂啲麵都仲有剩，足料程度無容置疑；另外烏冬麵條彈牙有咬口，配埋creamy嘅蟹味噌，深得我歡心呢Beef Tartare亦唔錯，大粒到近乎係角切嘅牛內混入蘋果等清爽食材，伴代替傳統麵包嘅娃娃菜，中和返個油膩感Sweet Corn個人就覺得還好，食兩啖已覺太甜太膩甜品嘅Monaka Ice Cream Sandwich當日係夾左紫菜味嘅雪糕，內有莓果味嘅醬，甜中有咸、再帶酸嘅感覺係幾得意…查看更多

又濕又凍嘅天氣，要食返啲comfort food 先啱數！有日放工走左入黑沙食泰臣燒烤，熱辣辣又重口味，食得好爽，將工作嘅煩惱一掃而空！不過啲野食有伏有唔伏，同埋無車真係有啲難去😅 大家可以留意返：💯招牌焗花甲：必點！肥美嘅蜆肉加埋蒜蓉牛油辣椒呢個滿分組合，贏哂，不過食到底就超油🥴 念在佢真係好味就算啦⭕️燒風蟮：未到驚豔，皮脆肉嫩但貴（$200半條咋大佬）⭕️燒雞翼：安全選項，有蜜糖加持嘅雞翼都唔會曳得去邊⭕️燒多春魚：多春魚只要多春唔腥就好食㗎啦💯燒粟米：搽左牛油蜜糖嘅清甜粟米，夫復何求♥️💯雞軟骨：比雞翼更入味，香口野忍唔著一串接一串❌燒牛肋骨：大伏！又乾又咸，夾硬用咖哩粉腌，難頂🤯❌燒扇貝：一般，但$68咁細隻，唔爽囉老細⭕️焗椰菜：又係用蒜蓉牛油焗，唔錯但又係油到喊💯燒魷魚翼：燒得啱啱熟，爽口得黎唔硬，唔記得左影…查看更多

久違嘅天巢！好幾年無嚟過，感覺而家比以前更難訂位，一個半月前訂週末午餐都訂唔到窗邊嘅檯🤨 不過都無阻我享受呢個食左三個鐘嘅米芝蓮三星嘅午餐😌以三粒星嚟講，午餐價錢係幾合理嘅（$688起），大部分出品都係水準之作，有一兩個dish都有驚喜。今次我就叫左個4-course $788，另外main course轉牛肉tartare另加$90。Amuse Bouche ：Le Foie Gras d'Oie 鵝肝伴芹菜慕絲及黑松露 鵝肝係幼滑嘅芹菜慕絲加持下，搖身一變成為清新頭盤，可惜面頭嘅黑松露差咁少少香味Appetizers：L'Hamachi 生油甘魚薄片伴飛魚子配日本陳年醬油及檸檬汁新鮮嘅油甘魚本身就深得我心，檸檬汁加醬油一酸一鹹，加上一粒粒嘅魚子，味道口感好豐富又恰到好處，係其中一道最得我歡心嘅菜式🤤Le Pâté en Croûte 法式牛仔鴨肝凍批伴野菌沙律 好有份量嘅前菜，味道不錯但太膩，友人都話食完就飽左😅Soups：La Châtaigne, unctuous chestnut veloute with onion cream and celeriac 栗子濃湯伴幼滑洋蔥忌廉 濃湯裡面夾雜著煙鴨胸片、栗子粒、野菌同洋蔥忌廉，每個食材都好突出但配合得宜，喜歡！La Crevette木魚清湯伴大蝦及鮮薑 湯底清甜又有香濃嘅菇菌味，唔錯，但差咁啲驚喜（可能驚喜點係似中湯🤪）Main：L'Onglet de Boeuf 生牛肉韃靼伴黑松露呢個tartare味道傳統，爽滑嘅牛肉混入多種調味，其中capers嘅辣味最突出。上面鋪滿嘅黑松露切成碎粒，餐廳話係要令松露平均咁混合牛肉同時增加口感層次，不過tartare本身味道濃，反而蓋過左松露嘅味，有啲可惜呢L'Amadaï 香煎日本甘鯛配法式海鮮濃湯魚柳嘅皮經過特別處理再煎，超級酥脆香口，配上鮮味十足嘅海鮮濃湯，將鮮嫩甘鯛提升至另一層次👍🏻 主菜中最欣賞佢Le cochon Ibérique香煎西班牙豬肩肉伴野菌及粟米蓉 友人叫嘅，食左一啖，覺得係一塊幾嫩口嘅豬扒，係咁多😅（可能我麻麻地鐘意食豬啦）最後就係雪糕車、甜品車同petit four。甜品車可自選兩款甜品，除左送嘅拿破崙仲叫左蘋果tart同Mont Blanc，前者唔錯，但後者有啲伏，甜到有藥水味🤡 都係拿破崙最安全好味，而且佢係我心目中一直有舉足輕重嘅地位，皆因佢嘅酥皮極之出色，焗到啱啱好嘅焦糖色，層層分明又平均，每一啖都散發著牛油嘅香氣，酥脆鬆化🤤 夾埋充滿著雲尼拿籽嘅濃滑厚忌廉，簡直係唔屬於人間嘅美味呀！嚟食開lunch記得揀佢就無錯，有慶祝嘅話餐廳都會送返個。…查看更多

好耐無食過Shari Shari，見佢有呢個期間限定嘅甘酒味刨冰就專程走去試試佢🙆🏻‍♀️個冰淋上滿滿嘅甘酒味嘅cream/ syrup，每一啖綿綿嘅冰都有香醇嘅甘酒味，同面頭嘅蜜柑簡直係天作之合，如果多幾粒柑就好啦！然後裡面有少許raspberry同消化餅餅碎，純粹豐富返個口感，但無咩突出，總括嚟講都係鍾意佢signature嘅抹茶同豆腐等嘅口味。啊仲有，個冰融得好快，食下食下會愈食愈甜咁，記得唔好影相影咁耐（唔好好似我咁😂）…查看更多

偶爾發掘左呢間隱藏係黑沙環嘅有心甜品小店，主打各種水果tart，另外都有啲其他味嘅甜品，如抹茶tart。推薦佢地個士多啤梨輕乳酪tart！唔好見佢好似咁多cream實好漏，啲cream其實係好light嘅乳酪cream，同水果好夾，十分之refreshing，最緊要係每個tart都有滿滿嘅水果，咁足料嘅甜品自然食得開心另外叫左個抹茶tart，呢個我反而一般，抹茶味係幾濃，不過有啲太澀，又有啲同乳酪唔太夾，都係食返水果tart安全啲呢。另外，店裡面播嘅歌都幾有taste，一路食一路聽都幾relaxing…查看更多

每隔一排就會自動走上Don Alfonso隊pizza，絕對比得上意大利嘅正宗出品！餐廳裡面有個焗爐係專係焗pizza，出品充滿炭香味，我夠膽講佢係最澳門最好食嘅pizza!啫係呢，佢個外面酥脆內裡煙韌嘅皮係好食到我連個邊都會清埋，簡簡單單嘅pizza Margherita已經滿足到上天堂，更何況係呢味冬季限定嘅white truffle pizza呢。不過呢，佢其他出品就一般般，我通常就剩係專攻pizza。題外話。中午去食都幾抵，$320mop包salad bar buffet，有各式Parma ham、凍肉煙三文魚同其他幾有心思嘅前菜小食，仲有主菜同甜品。一般同朋友去食，會叫一個lunch set再加$180mop加多一個salad bar buffet，兩個人去食一個主菜pizza，都會好飽肚，人均都係$250左右，抵呀！…查看更多