Fan Tsz Sum的個人專頁

話說食食下突然聽到主廚同經理喪鬧鴨肝師傅，好奇心驅使之下當然要八卦下。內容包括：係唔係唔想要年尾雙糧、唔想做可以即刻走等等。心諗唔知咩事要咁樣鬧師傳呢？原來係有客人想攞多一件鴨肝既時候，師傅見到後面排隊既人比較多，同客人講每人限取一件。雖然係冇寫，但係都真係未至於不近人情，毫無道理。結果就令到痴線客人瘋狂投訴，師傅比經理同主廚鬧到狗血淋頭。好老實講，師傅年紀都唔細，大家出黎食飯互相尊重禮讓，作為一個消費者/餐廳主管你真係覺得顧客就是上帝？因為一件咁少既事去以咁公開既方式嚴厲訓示師傳？事件最後，經理上左五件鴨肝多士比個客，師傳提早收工（後半場唔見佢）。呢個就係大家想見到既結果嗎？我覺得餐廳方要好好檢視處理方法係唔係合理合規，如果唔尊重員工，好老實講野食有幾好食都冇用…查看更多

一行6人入去叫左兩個二人餐再加其他散叫食物。味道我不是專業食評人，香港亦不多好吃台灣菜，只能說是中規中矩。最想講都係個紅燒海鰻魚飯。。我地本身揀左豬手飯，但係樓面阿姐話唔夠一份，叫我地揀多一款餸，可以做雙拼比我地。我地揀左呢味紅燒海鰻魚飯，真係不得了，成個人生未試過咁想報海關。大家睇睇圖，呢味紅燒海鰻魚飯，如果我係良心商家，我會改名做（罐頭）（微波爐）蒸焗鳳尾魚。經一事蔡一智，只可以話香港做生意真係好難，香港食飯更加難，永無下次直接blacklist…查看更多