iamfoodienana's Profile

新品試食 - MOS Burger。👉松露啡菇特選和牛漢堡。包面同包底係一如既往嘅質素😂講講個啡菇，並唔係大啡菇，我諗直徑6cm啦！再加上件漢堡扒本身大過個包，顯得隻啡菇好細😂不過好食嘅，唔乾水，唔霉，咬落係彈嘅～。至於件漢堡扒，以前mos burger新開嘅時候真係幾好食，因為當時佢嘅漢堡扒都係即煎，好比手打漢堡扒嘅漢堡店，但係唔知由幾時開始，好似已經唔再係即煎咁，而且好乾，再無肉汁，亦無佢所講嘅和牛味。。醬方面，係有少少🤏松露味嘅，不過可能太少，如果唔細心品嘗未必會留意到係有松露，因為啡菇嘅味道更大，cover晒，可能我個包太少醬，因為望落都少少地。。總結: 一個普通快餐店漢堡夾左隻啡菇🙈如果大家食，建議大家叫多醬。…Read More

九龍灣📍外婆辣酒米線專門店👉皇牌辣酒湯配豬腩片紅薯粉 $43其實食過呢間好多次，因為覺得好食😂湯底好香酒味，我叫左普通小辣，係真係小辣嘅，好少好少辣味，唔會話零辣，我覺得食開譚仔10小辣都可以試下😉除左酒味辣味，仲有酸味，我覺得好好飲😂餸方面，木耳份量好似比之前多左，木耳好襯個湯，腩片份量唔算多，但係配埋其他配菜都足夠。👉外婆酸辣湯配肥牛紅薯粉 $41呢個我無食🤣我淨係聞左個湯，下次食左再分享👉泡麻雞 +$28轉例佢有泡麻雞，外婆雞，口水雞同酸辣雞。跟餐加$18一份，份量係1/6隻雞，加$28轉例係1/4隻雞。跟餐係幾抵嘅，因為$28有例😂 四隻味我都食過，我個人最鍾意泡麻雞。佢係少少辣，好少好少麻，有啲泡椒味，調味方面就算有豉油都應該落左好少，佢嘅味道主要來自辣椒同其他固體調味料，好惹味，推薦。雞肉同皮都滑，無overcook。👉外婆雞 +$28轉例同樣係例，不過可能上下例嘅分別，呢份對比泡麻雞少dd。外婆雞唔知係唔係即係呢間鋪秘製嘅獨家味道？佢同出面嘅口水雞有啲似，但無咁油，比較多豉油，味道係偏甜，同埋醬汁係比例稀，少渣。對比泡麻雞口味會無咁重。。👉羅漢果茶幾濃味，無溝過量嘅水，飲落去甜同回甘都重，食完好岩飲。。…Read More

前排見有人不斷分享呢間嘅燒牛肉好好食😋就等我去試試佢一如既往我係外賣自取嘅😂打電話去叫外賣大概半個鐘可以攞，一去到見到門口有好長嘅堂食隊，另外有外賣隊，有人淨係叫一個燒牛肉就走😂心諗一定好好味。眼見餐廳大部分員工都似係泰國人。。👉燒牛肉 $88呢個價錢性價比都唔錯。佢唔係一般泰國餐廳嘅串燒，佢係成舊牛肉燒好然後切片再加個醬汁。件牛肉份量都幾合理，部位係有肥有瘦有筋，雖然有筋，但係佢燒完之後都好軟，係可以成舊食唔會好韌，而且牛味都重👍🏼真係幾好味嘅，唔怪得咁多人讚。另外佢嘅醬汁係另上俾你自己點嘅，個醬汁都幾夠辣，唔係平時串燒嘅醋汁。。👉泰式拼盤（大）$148我打電話落單嘅時候佢都有講清楚細到大嘅分別，就係大拼盤有皮蛋，細拼盤無，所以如果想食皮蛋嘅朋友就記得要叫大啦！大拼盤有4樣嘢，有魚餅 蝦餅 炸皮蛋 仲有一粒粒果d我唔知係咩😂全部都好食，個皮蛋仲糖心添，大家放心試！。👉泰式冬蔭公（細）$98去每一間泰國餐廳我都一定點冬蔭公湯，不過呢個冬蔭公湯可以話係零辣🙈搞到我覺得似香茅蕃茄海鮮湯😂材料方面佢有3隻半邊蝦，係唔霉嘅，湯入面嘅菇係秀珍菇，因為我係草菇愛好者，所以扣d分。整體除咗唔辣都無乜嘢，中規中矩，如果唔食得辣嘅可以放心試，愛辣嘅記得問下有無得加辣。。👉菠蘿炒飯 $78超多份量嘅菠蘿炒飯😂呢個都係中規中矩，無乜特別。。即刻follow ig睇更多美食分享啦🌟iamfoodienana…Read More

原本係九龍城嘅地茂館甜品係九龍灣都開左分店，其實已經開咗一段時間，不過每次經過都無仙草賣😅無論咩時間都係😂今日竟然有！即刻買黎試下啦～。👉芒果仙草小丸子 $32呢個就係我想試好耐嘅仙草甜品，$32呢個價錢比較中等。我其實無帶住任何期望去試，但係我比較失望嘅係，小丸子份量好少，我數一數只係得13粒，其他材料嘅份量亦都好少，我一𢳂落去只有水🥲🥲🥲🥲我望一望餐牌張相再睇一睇我份甜品，有嘅只係失望🥲仙草片得好薄，仙草嘅口感佢係有，但係可能太薄所以味道較淡，食唔出有仙草味。小丸子中間有d粉，好似未煮透咁。可以讚一下嘅係佢唔太甜。。👉芒西小丸子 $30呢個味道好有許留山嘅感覺，不過同樣地份量好少，水同材料嘅比例有啲差距。芒果幾甜，呢個芒果同小丸子嘅份量係比仙草小丸子多。。可能大家會諗係唔係用外賣碗裝所以好似好少咁？但係我諗應該唔係，因為九龍城分店嘅外賣都係用同一個碗，但並唔係咁少的🥲。總括而言，同一個商場嘅甜品店總共有3間，如果想食呢類型嘅甜品我應該會揀返另外2間。如果想食傳統糖水，或者我會再試。。…Read More

👉D24榴連芝士奶蓋 $49杯飲品係碎冰嘅，所以無得少冰，不過佢應該係同榴連一齊打匀，我買左之後其實唔係即刻飲，所以d冰應該溶溶地，但係咁樣我反而覺得幾好😂唔會超冰凍同有冰粒，係飲緊好杰嘅榴連肉咁。。榴連味方面我覺得夠，個口感嘅榴連肉厚度都好夠，唔會太杰岩岩好，甜度都ok唔會好甜👍🏼。芝士奶蓋方面，都有3cm厚呀，我淨飲左一下芝士奶蓋，覺得咸度好似多咗少少，芝士味都有嘅。我自己有整過芝士奶蓋飲，如果太少鹽芝士味係會無咁出，不過呢個咸味多左少少，可以淡返少少。。整體黎講我覺得杯飲品好飲，雖然$49好似好貴，不過市面上嘅芝士奶蓋飲品都大概呢個價錢，而呢杯仲係榴連，所以我覺得價錢可接受。飲完唔膩，唔會口渴，同幾飽😂。衛生方面點解我會扣分呢？因為我買嘅時候佢哋咁岩搬緊貨入去，搬咗入去d貨擺地下，咁好正常，不過疫情之下我會擔心你搬完貨有冇洗手先沖飲品，同埋我睇住入面嘅妹妹仔沖沖下我杯野去左拆貨😃雖然拆完之後佢其實只係掂到水壺嘅手柄，不過最好清潔下先掂啦。。。即刻follow埋ig睇更多美食分享啦！🌟iamfoodienana…Read More

餐廳試食九龍城📍九龍城同撈同煲火鍋唔知大家有冇覺得最近好多關於食嘅嘢，叫「同撈同煲」「同煲同撈」之類嘅名，搞到我成日以為有關係😂原來係無嘅，呢間係銅鑼灣都有分店，九龍城係總店，就等我試試佢。👉胡椒豬肚少爺雞湯 $238一直都好鍾意飲胡椒豬肚嘅我，雖然係夏天，但係都要試試佢😂佢個雞係另上嘅，份量係半隻。另上嘅砂煲仔細細，落入爐嘅時候先覺得都幾多。值得一提嘅係佢用少爺雞，係無激素架！雞另上嘅好處係可以自己睇火，唔驚d雞overcook鞋晒咁。煲滾之後大家記得一定要裝碗未烚過食物嘅湯飲下先，我覺得好好飲，好有胡椒味，不過我覺得咸菜可以多d或者大件d，但係味道係好足夠嘅，好好飲，我飲咗2碗，飲完唔會口渴嘅（我用會唔會口渴黎定義味精嘅多少😂）👉黃金炸魚皮 $98打邊爐又點可以無炸魚皮呢，本身諗左好耐要shake shake麻辣好定呢個好，最尾都係揀左黃金。魚皮好大條同埋好厚，係新鮮炸嘅，好多咸蛋黃🤤如果就咁食可能會略嫌粉漿多左少少，但係點湯反而會更索湯。👉蜂巢豆腐 $28呢個超抵食！$28有6大件。飲完湯之後我就即刻落晒豆腐落去煮耐d，索晒湯好好味！推介鍾意索湯食物嘅大家一定要叫呢個！👉鴨血 $58如果鍾意食鴨血都推介大家叫呢個，因為佢唔係豬紅質地果d鴨血，佢係煙韌嘅，同埋建議大家都係要早落，滾耐d入味d，鴨血除咗質地緊要之外，入味都好緊要，呢個湯都襯到鴨血嘅，因為都有胡椒嘅辣味，如果係麻辣湯就一流啦！👉安格斯牛肉（大）$268呢個都好食，有牛味，仲有牛嘅油脂，烚完之後仲有油脂係肉面掛住。雖然唔會係入口即溶咁誇，但係都好軟好淋，好食！價錢方面同同類型嘅邊爐店相比係一般正常價錢咁。份量如果係3-4個女仔share都足夠。👉鴛鴦蚌 $148即係珊瑚蚌同桂花蚌。我本身好鍾意食珊瑚蚌，打親邊爐都會叫，我覺得呢個係正常質素😂無乜特別，鍾意食嘅可以叫下。👉肥美鵝腸 $88如其名，真係幾肥美😂大家記得唔好烚得太耐，如果唔係會無晒d肥。份量方面都ok，正常價錢。👉美國桶蠔 $188食開美國蠔嘅對蠔size應該都心裡有數，我呢次呢桶有5隻，所以都幾大隻，不過size唔係太平均有啲好大，有啲好細，烚完有啲細😂不過都明桶蠔係咁。都一樣，平時打邊爐叫開嘅，所以都會叫。🌟總括然而，湯好飲，我係一個鍾意飲湯嘅人，所以個人鐘意呢類真材實料湯底嘅邊爐多過任食火鍋。當然食物質素同價錢都唔會可以同任食火鍋比。如果想好抵食，食得好飽，對食物要求唔高嘅會建議去任食火鍋，如果唔係大食人士，想食好少少嘅會推介呢類型嘅火鍋。呢間係港式嘅湯，但係食材有蜂巢豆腐同鴨血揀，又有啲台式咁都幾好。🍧🍧🍧🍧🍧🍧🍧🍧🍧🍧🍧🍧🍧即刻follow埋IG睇更加美食分享啦🌟🌟🌟👉iamfoodienana…Read More