or#Tm66005803's Profile

環境氣氛一流：螺旋樓梯、木主題嘅裝修、live band…別有一番風味，唔易搵到第二間食物質素好：簡單如餐前嘅法包•都係外脆內軟，係好脆冋好鬆軟。服務用心：全程服務貼心。另外可能知我大鄉里出城，當我想去洗手間時，侍應居然親自帶我到位於地下嘅男廁。尚待改善：就係加錢訂嘅拿破侖蛋糕，可能我見識少，佢哋個拿破侖係用海綿蛋糕而唔係用吉士，有啲不乎我嘅預期。同埋既然唔預客人即場食，是否應該考慮提供可以留返第二日食嘅款式呢？因為拿破侖放到第二日已經唔脆（紙盒上有提到要盡快食），其實普通蛋糕例如栗子蛋糕已經可以放多一兩日。總體而言，相當滿意嘅一餐慶祝晚宴。…Read More

在青衣嚟講，呢間餐廳嘅出品可謂相當突出，性價比頗高，幫襯咗好多次午餐，出品都相當穩定，員工又幾有禮貌，所以想寫篇野講吓佢。佢有一款午餐係蔥油雞扒煎蛋飯，真係冇得輸，相當美味，雞扒堅嫩滑，煎蛋又香，份量又足，正👍。除此之外，佢哋嘅海南雞、船麵、「甘甘」（即係涼瓜）炒蛋都好正，好食同抵食過同場其他餐廳。另外佢哋週不時都會有新出品，等客人冇咁悶，呢排見佢推出咗牛仔骨同椰子雞湯線麵，六十幾蚊包飲品，下次應該會試吓，又或者如果夜收工可以試埋佢哋嘅晚餐，睇吓佢哋小菜質素如何，到時再報告。最後不得不讚下佢哋嘅硬件配套，例如舖面裝修、餐具都相當精緻，對比坊間其他泰國餐廳，真係唔同級數，值得推薦。…Read More