sandy_leung's Profile

食完lunch係附近散下步，無意中見到尼間「蜜滋麻美」。雖然已經好飽，但都係抵擋唔到珍奶嘅誘惑，決定買返杯試下。我買左杯綜合嫩鮮草烤奶，裡面真係好足料，吾單止有我最鍾意嘅仙草，仲有珍珠、紅豆、燕麥同埋花生。平時嘅手搖飲品裏面好少會有燕麥同埋花生，但原來加埋一齊飲又幾夾。仙草嫩滑、珍珠Q彈、紅豆軟糯、燕麥營養、花生香脆，真係超級滿足。同事叫左杯黑糖珍珠鮮奶。黑糖珍珠鮮奶到到都有，尼到比較特別嘅係係廚房攞左出嚟之後，店員仲會係你面前灑上黃豆粉，所以飲嘅時候仲會多左一層香味。拎到上手嘅時候，杯底係熱嘅，店員亦好貼心咁提醒我地要攪下先好飲。下次再黎想再試下佢地嘅芋泥同紫薯鮮奶。…Read More

做完野，極肚餓，求其見到間餐廳就走左入去。香茅雞翼撈檬，份量真係好多，隔離有泰式甜酸醬自己加。個雞翼值得一讚，裡面嫩滑又入味。生牛肉河，會有一杯芽菜青檸分開上。牛肉好大塊，河粉吸滿湯汁，湯底味道岩岩好。小食拼盤，總共有六樣野食，每樣四件，可以四個人一齊share。香草大蝦惹味爽口，春卷脆卜卜，大蝦同扎肉米紙卷十分足料飽滿，黃金脆魚皮有鹹蛋香，最後仲有青瓜沙律解膩一流。野飲叫左三色冰同越南椰汁冰，三色冰椰奶味重，推薦。椰汁冰一開始會覺得有少少過甜，但等d冰融左之後就會岩岩好，吾會太淡。…Read More

之前聽朋友提過，話尼間餐廳吾錯，所以今日就黎試下啦~尼度係scan qr code 黎睇餐牌嘅，環保又方便。lunch set 包餐湯同野飲，落完單餐湯好快就上。今日嘅餐湯係甘荀湯，好足料，飲到甘荀嘅甜味。叫左一個黑蒜香辣雜菌天使麵。麵嘅份量多，好香橄欖油味，一入口雜菌味爆發，最後先會有微微嘅辣味，吾食辣嘅人都可以試下。另外一份係燒澳洲肉眼扒配牛肝菌汁同薯菜。塊扒煎得吾錯，吾會過熟，肉味重。薯蓉好好食，好creamy同好滑。最後當然吾少得甜品，叫左兩份芝士蛋糕，芝士味超濃郁，好滿足。…Read More

難得今日準時收工，就約埋朋友食餐好嘅。我地懶得諗食咩，所以直接叫左個梅二人石燒、火鍋套餐再加多個刺身拼盤。刺身好快就上菜，色澤好令，食落新鮮。是日沙律係麻醬豆腐，幾滑吾錯。前菜分别揀左和牛他他同炸雞。和牛他他酸酸地幾開胃，而炸雞就岩岩炸起熱辣辣。雜錦天婦羅有茄子、秋葵同大蝦。我平時最鐘意食蝦天婦羅，但今次竟然覺得茄子最好食。然後就到石燒和牛，店員會幫我地將和牛放上石板，20秒之後我地就可以自己翻轉，再等多20秒就可以食 。和牛油脂豐富，肉質嫩滑，真係覺得吾係好夠喉😂😂。火鍋湯底揀左豬骨鍋，鍋裡面本身已經有好多蔬菜。全部海鮮都大大隻，好新鮮，尤其係元貝，真係好鮮甜。食完火鍋之後就可以叫店員幫我地整雜炊。雜炊係用原本嘅火鍋湯底加入飯慢煮而成，最後再加入蛋同蔥花。尼個雜炊吸收曬海鮮嘅精華，真係冇得頂。…Read More

黎銅鑼灣行街，突然好想食戚風蛋糕，所以就黎左尼到啦~店內坐位吾算多，但環境非常舒服。蛋糕放曬係玻璃櫃裡面，任我地揀。店員熱情地同我地介紹吾同口味嘅蛋糕，最後我地揀左新出嘅意式香草奶凍同熱門嘅日本柚子。意式香草奶凍蛋糕奶味濃郁，吾會過甜，蛋糕中間嘅忌廉十分順滑，濃厚，令蛋糕味道更上一層樓。日本柚子蛋糕係店内嘅招牌，人氣之選。蛋糕食落有淡淡嘅柚子香，非常清新。而且蛋糕體濕潤，不會太乾。坐係舒適環境，仲有好味嘅蛋糕配咖啡，真係好relax~…Read More

平日六點上到黎已經接近8成滿座，真係好少cafe會甘多人，所以令我嘅期望越黎越高。同朋友叫左個二人餐，忌廉湯同沙律好快就上菜。餐湯濃郁，沙律菜新鮮，非常開胃。我地加多左個小食拼盤，有炸雞、香腸同薯角，都幾大盤下，好抵食。炸雞炸得岩岩岩，嫩滑多汁巴馬火腿pizza材料豐富，批底算厚，批邊焗到脆卜卜，正👍。黑松露意大利飯，d芝士真係超級多，而且飯粒吾會煮得過軟，保留返意大利飯嘅口感。兩杯野飯分别叫左華田脆脆朱古力同蜜桃冰沙。尼杯朱古力真係招牌，幾乎每張枱都有叫。飲落吾會過甜，朱古力味重，吾錯。另一杯冰沙可能因為原本冇咩期望，所以幾有驚喜。蜜桃味道自然，冰沙加左乳酪，所以微酸，十分解膩。…Read More

同朋友出黎食飯，我嘅首選一定係cafe，因為坐得舒服又有好野食。今次想有d新意，所以揀左間新開嘅cafe。一坐低當然係叫左野食先啦。我叫左個海鮮卡邦尼意粉，意粉表面灑左好多芝士粉，所以芝士味比一般嘅卡邦尼意粉濃好多，芝士控會好鐘意。炸蝦脆卜卜，吾會好厚粉。另外叫左份雞扒拼司華力腸意粉，因為黑椒汁太常見，所以我地叫左瑞士汁，估吾到甜甜地又幾夾喎。而且雞扒真係有驚喜，嫩滑多汁。黎cafe又點可以吾食甜品呢，所以我地又叫左份自家製蛋糕。尼個斑蘭蛋糕真係好好味，斑蘭味道重，蛋糕體夠濕潤同鬆軟，推薦。👍尼到仲有好多boardgame 可以一路食，一路玩。☺…Read More

冇人煮飯，唯有兩個人落樓下求其食個飯就算。叫左個豉汁蒸黃花魚，即叫即蒸，所以都要等一陣。不過我地吾趕時間，所以冇咩所謂。條魚望落都幾大條，食落幾滑，唔會蒸過頭。魚下面鋪左幾舊豆腐，豆腐吸滿汁都吾錯。個鐵板餐都幾抵食，兩塊肉都算大塊，而且豬排食落好諗，雞排都好滑。條香腸同蔬菜就正正常常啦，冇咩特別，但d薯條食落軟諗諗同好碎，下次都係叫飯or意粉好d。尼個鐵板餐包左杯紅豆冰，d紅豆就比較少，冰比較多，飲落就一般。…Read More

尼間鋪都幾多好評下，所以就拉埋朋友一齊黎試下。午餐時間，門口排左好多人，好彩都吾係排好耐。我叫左個香酥排骨飯，排骨正常size，不過真係炸得好香脆，表面仲灑左好多五香粉，好惹味。除左排骨之外，配菜都好豐富，有肉躁、菜甫、生菜、滷蛋同埋粟米。朋友叫左個肉躁鹽酥雞湯麵，麵嘅分量多，吾會煮得太諗。鹽酥雞冇骨，咬落啖啖肉，特別滿足，不過我都係鐘意食排骨多d。跟餐本身有野飲，但我地分别加錢叫左熱珍珠奶茶同凍冬瓜茶，野飲正常冇特別。…Read More

突然好想食台灣菜，所以就同朋友黎到始創嘅台灣麵食lunch。原來依加小菜類嘅lunch有8折優惠，所以我叫左個三杯雞。肉嘅分量其實吾少，有5大塊，而且好少骨。味道黎講都吾錯，醬汁味濃，麻油同米酒香就可以再濃d。跟餐有一碗菜亁湯，比較清淡，吾會好重味精。朋友叫左碗原味牛肉麵，都幾好味。湯底濃郁，麵條q彈，牛肉都好入味。尼個有一碟小菜跟，我地嘅係涼拌青瓜。就算係同一日，小菜嘅款式都有吾同，因為我地見到之後其他人嘅小菜係涼拌海帶。野飲叫左杯水果茶同椰香肧芽奶露。水果茶好大杯，亦好足料。肧芽奶露有驚喜，椰香重，奶味濃，飲落超順滑。…Read More

平時好少係灣仔食飯，吾知附近有咩好野食，所以就隨便入左間餐廳就算。本身諗住食牛肉粉嘅，但見到隔離幾枱都叫左椰青扣肉，睇落好吸引，所以最後決定食尼個。尼個扣肉果然冇令我失望，吾單止超入味，仲煲到好淋，最正嘅就係肥肉部份真係做到入口即溶。如果d汁可以再多少少，撈埋飯就真係完美。真係估吾到會係食越南菜嘅鋪頭食到甘好味嘅扣肉。而且尼個飯配埋杯椰青水，真係好抵食 。朋友果個番茄蟹膏湯檬都好正，好足料。湯底用左兩種番茄，而且每碗都有兩舊蟹，所以飲落一開始係好濃嘅番茄味，最後會有蟹嘅鮮味。仲有三種吾同嘅扎肉，好特別。…Read More

早幾日見到尼間cafe 好似吾錯甘，所以今日就約埋朋友黎食啦~我地叫左個二人餐，套餐選擇自由度大，有好多款菜式可以揀。小食我地揀左薯仔炸蝦卷，炸得好脆，一定要點醬食，好夾。主菜揀左龍蝦汁帶子蟹肉意粉，有超多龍蝦汁,食完意粉會仲有好多汁剩低。帶子雖然細細粒，但都幾多。第二個主菜揀左燒雞配薯蓉。因為即燒嘅，所以要等八個字先有得食。不過我地吾趕時間，所以冇所謂。一切落去，d肉汁爆曬出黎，就算等耐d都值得。燒雞皮脆肉嫩，薯蓉口感細滑，好味👍👍。甜品分別揀左Tiramisu 同曲奇芝士蛋糕，隔離仲有個超可愛嘅兔仔。飲品叫左山羊座同華田脆脆朱古力，兩杯都吾會太甜，吾錯。…Read More

尼間舖門口有好大隻多啦A夢，所以好易認同好易搵。鋪頭座位吾多，但都好闊落，坐得好舒服。叫左一碗海鮮拉麵，揀左味噌湯底，湯底濃度啱啱好，唔會太淡，亦都唔會太濃蓋過海鮮嘅味。拉麵食落好Q，唔會煮到d麵爛曬。海鮮就有3款，蝦、蜆同帶子。d蝦幾大隻，好新鮮，食落好彈牙。蜆就不過失。帶子食落都好彈牙。拉麵有好多嘅配菜，包括生菜、豆芽、紅蘿蔔、冬菇、四季豆……尼d食落都正正常常。温泉蛋牛肋條飯，套餐包埋沙律、 麵豉湯同茶碗蒸。沙律除左醋之外，應該加左少少芥末，食落有d辣，十分開胃。荼碗蒸裏面有冬菇、鳴門卷同肉碎。雖然料吾算多，但食落好滑。牛肋條總共有5大嚿，食落好諗，好入味。而且配菜都幾豐富，有青瓜、醃蘿蔔、菠菜同蟹柳等等。…Read More

尼到嘅船麵都幾多選擇，除左可以自己揀配料，仲有分大碗同細碗。我就梗係揀細碗船麵套餐啦，可以一次過試到吾同湯底同麵底。1.肥牛+河粉+牛湯吾知係因為湯底濃郁定真係用料好嘅關係，肥牛嘅肉味真係好重。2.扎肉+金邊粉+豬湯扎肉好嫩，豬湯底冇牛湯底甘濃，但都好鮮。金邊粉吸滿湯汁，好正。3.牛丸+米粉+牛辣湯牛丸彈牙，牛湯加左辣之後更加惹味同開胃。但尼種麵應該係米線？😂4.炸魚片+全蛋麵+冬陰公冬陰公湯底係最辣嘅，炸魚片同蛋麵都正常水準。另外仲叫左d小食，春卷非常鬆脆，裡面好足料，蝦餅亦食到蝦嘅鮮味。尼枝椰子水好清甜，好好飲。👍…Read More

第一次黎尼到食韓燒，食物種類真係多到嚇親我。尼到吾單止有吾同種類嘅肉，仲有凍海鮮、刺身、壽司、前菜、熟食、甜品等等，全部都係任食，超級豐富！凍海鮮有三種，三種都吾錯，凍蝦最好食，爽口彈牙。三文魚刺身都算肥美。我平時好少係放題食壽司，但尼到嘅壽司整得幾靚，忍吾住都攞左幾舊。前菜同熟食款式超多，而且吾馬虎。炸物可以保持脆口，幾驚喜。肉類選擇多，而且好新鮮，調味岩岩好，refill速度快。最後再食埋甜品，超滿足。尼到與其話係韓燒，不如話係可以燒野食嘅自助餐，真係好岩我尼d想樣樣野食都試少少嘅人。…Read More