tinky.eats's Profile

同屋企人去咗尖沙咀嘅 BliBarla 串燒店諗住食少少串燒做晚餐，見佢啲串燒價錢唔貴，價錢大概around $10至$20幾到，啱晒鍾意食串燒嘅朋友瘋狂嗌🤣埋單都唔會太貴😝餐廳嘅食物種類好豐富✨，有肉類、海鮮類、蔬菜類，甚至連湯都有！🤣海鮮方面，我哋嗌咗蒜燒珍寶生蠔同汁燒白鱔，生蠔幾大隻🦪，而且淋滿蒜茸同醬汁，好惹味，仲要買一送一添，jengggg✨，而白鱔嘅肉質滑嫩，汁燒嘅調味都唔錯肉類方面，我哋嗌咗孜然羊肉排、汁燒金菇肥牛卷、鹽燒牛舌尖、鹽燒雞中翼、孜然紅柳枝羊肉同汁燒牛肋肉🥩，樣樣都唔錯，全部都係即燒即上，熱辣辣，而且又唔會燒到太乾蔬菜方面🥬，我哋嗌咗燒汁秋葵，牛油燒bb蘆筍同香燒翠玉瓜，全部都燒得爽口juicy好多汁小食方面，我哋最後仲嗌咗味淋魚乾同鹽味枝豆，魚乾鹹鹹地送酒食一流😜，而枝豆就清脆可口，唔會煮得過淋…Read More

再次到訪The Pantry🍴，但係今次係旺角分店，同朋友過咗嚟食lunch，味道都係依然唔錯🤍大家每人都點咗一份 lunch set 要Grilled Rib Eye Steak🥩，覺得點medium rare會好食啲！牛扒煎得啱啱好，肉質鬆軟，配菜嘅薯仔同翠肉瓜配搭起嚟令牛扒食落唔會太膩🌱脆炸雞翼加咗$25，炸得香脆，搭配酸酸甜甜嘅醬汁，食落去有開胃感飲品方面，朋友點咗Hot Matcha Latte，好有抹茶味🍵 而我就要Hot Caramel Latte，焦糖味好濃🤎最尾我哋仲食咗Banoffee Creme Brulee 🥞 ，menu 見呢款pancake 製作時間需要30mins，所以記得要提早落單request後上😛，pancake好好味🤤，充滿蛋香味而且好厚身好fluffy ☁️，面層嘅焦糖脆脆同拖肥醬勁邪惡✨…Read More

趁Happy Friday Night🌃同朋友諗住去遠少少食Dinner，於是就黎咗係大埔藝術中心嘅PENTOLA🍴我地嗌咗個set dinner for two，佢包咗2個餐湯+3個前菜+2個主菜+2個飲品，total $438✨忌廉湯🥣忌廉湯飲落暖笠笠，而且好足料，飲到有唔同嘅蔬菜粒白鯷魚茄子蓉多士🐟🍆🍞呢個配搭第一次食，咸香嘅白鯷魚同清淡嘅茄子蓉，再配埋多士，食落又幾得意同幾夾😝地中海風味烤多春魚🐟多春魚烤得啱啱好，外皮好脆，而且食落勁多魚籽，好有口感意大利風乾火腿拼盤 🍖個拼盤有Parma Ham、Salami 同哈蜜瓜🍈，份量適中啱啱好，唔會食到好膩🌱焗蒜蓉牛油大海蝦意粉🍝 （+$80）個海鮮濃汁幾濃郁，而且意粉都煮得有咬口，唔會過淋，大海蝦🦐亦都好大份又彈牙😆炭烤安格斯封門柳配燒汁薯條🥩 （+$90）安格斯封門柳肉質幾厚身，薯條炸得外脆內軟，仲有沙律菜🥗伴碟，好豐富提拉米蘇🍫 (+$38)提拉米蘇Creamy，口感輕盈，亦唔會太甜，我哋仲每人+$18 嗌咗熱檸檬茶🍋同熱咖啡☕️送提拉米蘇食添🤣值得一提嘅係原來呢度星期五19:30-20:30係有live music session 🎶，我哋咁啱今次有得一邊食dinner一邊聽live saxophone 🎷 嘅表演，真係好jenggg!😜…Read More

上星期約咗朋友黎咗葵芳嘅The Pantry Cafe 食Dinner，我哋order 咗2份main + 1份小食同1份甜品一齊share 食🧡煎牛排配焗蔬菜，燒肉汁&香蒜青醬🥩order咗medium，牛排煎得啱啱好，肉質嫩滑有肉汁，配上燒肉汁同香蒜青醬食落好夾，焗蔬菜亦都唔會焗到好dry新鮮海膽香煎帶子&蟹肉海膽忌廉汁意粉🍝蟹肉海膽忌廉汁好creamy，意粉亦都好掛汁，另外帶子都唔會煎得過乾酸忌廉牛油果醬薯條🥑🍟薯條酥脆，搭配清爽的酸忌廉牛油果醬，抵消咗薯條嘅油膩感Ricotta 厚班戟，焦糖牛油，楓葉糖漿&水果🥞Pancake 好鬆軟fluffy ☁️，焦糖牛油🧈搭配楓葉糖漿，香甜中帶點鹹味，再加上新鮮水果的酸甜，好清新🌱…Read More

趁weekend黎中環呢間由米芝蓮一星主廚主理嘅法國菜餐廳Lala食brunch🍴Brunch menu 有前菜+主菜+甜品 （$528/person)一坐低就上咗餐前麵包🥖，係酸種麵包，麵包外脆內軟 前菜揀咗Beef Tartare，牛肉好新鮮，食到一粒粒嘅牛肉粒，配上味噌芥末，味道唔錯而另一個前菜喺日本蕃茄🍅配芝麻菜同羅勒🌿，口感清新，好清爽🌱Sharing 主菜揀咗佢哋出名嘅烤黃油雞🐔，整隻雞焗完之後waiter會上俾你影相打卡🤣真係好有儀式感！影完相之後，waiter會攞返入廚房幫我地分好隻烤雞。烤雞外皮好酥脆，而入面肉質又嫩又多汁，配埋用昆布高湯煮過嘅越光米食好perfect🤤半份嘅設計適合兩個人分享，唔會太多啱啱好✨甜品方面，waiter會捧上一盤嘅甜品俾你揀，盤上一共有五款Pastries🧁我地揀咗聖安娜蛋糕同檸檬撻😛聖安娜蛋糕好有焦糖味，on top嘅小泡芙裹住一層焦糖脆脆，好有口感，而且底層嘅千層酥亦都好酥脆而檸檬撻就好夠酸，裏面嘅檸檬餡酸酸甜甜好開胃🍋，另外上層嘅蛋白霜亦都甜而不膩…Read More

見到Dining City 做緊promotion $318 Dinner Set，有Appetizer + Main + Dessert，所以趁爹哋媽咪結婚30周年帶佢哋過嚟食飯慶祝🥂餐前麵包🥖有幾款，而且又有橄欖🫒，好豐富Appetizer我哋揀咗生蠔🦪，每人有三隻法國生蠔，配埋佢嘅醋汁，好開胃清新🌱 我地另外仲order 咗 3杯 sparkling wine 🍾 ，配生蠔食好正✨至於Main我哋揀咗燒牛肉切片紅菊苣配堅果🥩，我哋揀咗medium rare，燒牛肉好香燒得啱啱好🔥，肉質嫩滑。紅菊苣帶啲苦味，增加咗清新感🌱，食落好開胃，再加埋核桃粒，口感更加豐富。意大利香醋汁酸酸甜甜，啱啱好可以中和牛肉嘅油膩Dessert方面，我哋每款甜品都揀咗一份。首先係芒果奶凍🍮，奶凍好creamy，on top嘅芒果醬濃郁，食落清新又唔膩，而且仲食到一粒粒嘅芒果肉添🥭Tiramisu就口感豐富，好有咖啡味同奶油味☕️，食落去層層分明，底層嘅海綿蛋糕浸得啱啱好，唔會太濕，好有層次感最後係檸檬雪葩🍋，佢酸酸甜甜，食落去清清涼涼，而且質地細膩…Read More

想試呢間餐廳嘅牛肉丼好耐，琴日終於約咗朋友一齊嚟食晚餐🍴，呢度$88就order到一份招牌套餐，可以自選肉類+飯+醬汁我同朋友揀咗慢煮熟成牛肉+珍珠白米飯+紅酒照燒汁，另外我哋仲每人+$6追加日本蘭王生雞蛋黃🥚，朋友再+$6追加咗脆香蒜片添🧄成碟牛肉丼鋪滿一塊塊嘅牛肉🥩，再加上on top嘅生雞蛋黃，賣相好吸睛👀✨，慢煮熟成牛肉好腍滑，甜甜地嘅紅酒照燒汁配牛肉一齊食好夾，再加上生雞蛋黃同蒜片撈埋啲珍珠飯一齊食，超好味!🤤另外我哋仲嗌咗日式炸雞，炸雞唔會炸得太乾，入面嘅肉仲好Juicy，唔錯👍🏻…Read More

網上見到呢間新開嘅越南餐廳係正宗越南人🇻🇳開嘅，所以就決定黎食個晚飯試試🥢 我同朋友total叫咗2個小食+ 2個主食+ 2杯飲品極品牛三寶湯河粉🍜，我地轉左金邊粉，碗湯粉好足料，三寶有：生牛肉、牛展同牛丸，分量俾得好足✨，而且湯底亦都唔錯越式香茅豬頸肉撈檬，同樣好大份，而且啲豬頸肉唔會好乾同好肥，配埋大大粒花生🥜、青瓜絲🥒、蘿蔔絲🥕同生菜絲🥬，食落清新有口感越式香茅豬扒（大），肉質唔鞋，炸得啱啱好法式牛油雞翼（4件），雖然油咗少少🤏🏻，但好香牛油味🧈，而且又炸得脹卜卜鮮芒椰汁西米露，可以跟湯粉+$12就嗌到，要咗少甜少冰🧊，幾清甜可口牛油果沙冰，飲落好smooth，而且亦唔會太甜🥑…Read More

之前同屋企人食過一次，覺得食物水準唔錯，而且又坐得舒服，所以上個星期同媽咪👩🏻一齊嚟encore✨我地total嗌咗2個主菜+ 2杯野飲一齊share食🍴我地order咗燒龍蝦伴墨魚汁意大利飯🦞🦑，龍蝦好大份🤩，而且啲龍蝦肉幾彈牙，而意大利飯吸滿墨魚汁，撈埋啲芝士碎🧀一齊食幾有口感😛我地仲order咗煎牛排配焗蔬菜🥩🥗，肉汁&香蒜青醬配薯條🍟，我地request要medium rare，牛排幾嫩，配埋香蒜青醬食，味道好夾✨，而且搭配嘅焗蔬菜好豐富同焗得啱啱好唔會太乾，有蕃茄仔、玉米仔、長柄西蘭花同翠玉瓜。另外，炸薯條🍟都係啱啱炸起，上菜時仲係好熱🔥野飲方面，我哋order咗一杯青汁沙冰同埋一杯藍莓沙冰🍧，青汁沙冰係用檸檬草、羽衣甘藍🥬等去blend，所以飲落非常清新🌱。而藍莓沙冰🫐就飲落酸酸甜甜，幾過癮😆…Read More

上次去咗位於中環嘅Urban Coffee Roaster x Perfume Trees Gin 同屋企人一齊食tea🍴，舖頭有兩層，裝修風格好有格調✨，我哋坐咗樓上一樓靠近corner位嘅圓枱，自成一角，靜靜地唔錯🤎Avocado and Roasted Zucchini Toast勁Creamy嘅牛油果泥🥑鋪滿晒成份酸種多士，再夾埋烤得好香嘅幾款翠玉瓜，口感非常豐富✨Pesto Mushrooms and Gurrata ToastPesto 醬好清新🌱，配埋濃郁嘅炒野菌🍄‍🟫同Burrata芝士🧀，再加上焗得好脆嘅酸種多士，味道非常惹味🤌🏻Passion Fruit Pound Cake Irish Coffee第一次飲Irish coffee😛，呢杯Passion Fruit Pound Cake Irish Coffee 用咗比較fruity嘅咖啡豆☕️，再加上威士忌🥃同棕櫚糖漿，甜甜地好易入口✨Pandan Cake Irish Coffee而呢杯Pandan Cake Irish Coffee就用咗Liberica咖啡豆☕️，佢帶清新果香，飲落去覺得佢好清新🌱好freshHomemade TiramisuTiramisu 口感滑溜，而且都有好香嘅咖啡味，on top可可粉嘅苦甜味🍫，令到成個tiramisu 唔會過膩Crème Brûlée Pancake法式焦糖班戟🥞好大份😝，而且淋滿左焦糖醬，on top仲有脆脆嘅焦糖，食落超滿足💖…Read More

前幾日同屋企人去咗位於將軍澳嘅半島漁港食晚飯🥢，酒樓招呼得唔錯，而且又坐得幾舒服😌，我地試咗佢哋嘅海鮮孖寶、$1 BB乳豬🐽同瑤柱扒西蘭花🥦首先，海鮮孖寶我哋揀咗金蒜銀絲蒸聖子皇同燒乳鴿，蒸聖子皇有四隻，賣相幾靚，聖子皇肉質鮮嫩，蒸得啱啱好，唔會過熟，而且金蒜嘅蒜香味好濃郁，撈飯食一流🍚。至於燒乳鴿方面，兩隻乳鴿外皮酥脆，肉質亦都幾嫩滑多汁，同時亦都唔會過於油膩。而BB乳豬係+$1 就有，超抵食🤩，BB乳豬外皮好脆，而入面嘅肉同樣都幾嫩滑，口感唔錯👍🏻另外瑤柱扒西蘭花🥦，西蘭花煮得啱啱好，唔會過淋，有咬口，而且瑤柱亦都好有鮮味，煮出黎個汁餸飯食好正🙌🏻…Read More

之前去過尖沙咀厚福街嘅分店食過覺得唔錯，今次就同朋友嚟咗位於沙田新城市廣場新開嘅分店，店鋪裝修好靚靚，係以木系為主嘅格調🪵我同朋友total嗌咗3款甜品share嚟食，我哋order咗招牌開心果豆腐花、椰皇桃膠燉蛋白同榴連冰✨首先講講招牌開心果豆腐花，豆腐花好滑，入口即溶，而且開心果糊好濃郁，一齊食好有層次。而最主要係甜品嘅甜度係可以自己揀，我地今次就揀咗半甜，所以食落豆腐花唔會過甜，啱啱好中和咗開心果嘅堅果香氣，食落真係好舒服😌而椰皇桃膠燉蛋白，蛋白食落輕盈好滑，而且啖啖都食到有椰子🥥嘅天然甜味，而且桃膠嘅分量好足，差唔多大半個椰皇入面都係桃膠🤣，而且桃膠整得好軟滑，整體味道唔會太膩，反而令人覺得清爽，適合喜歡清淡口味嘅人。食完熱嘅甜品，最後我地就試咗榴連冰，呢款甜品對於榴槤愛好者而言，真係唔可以錯過。榴槤味道好濃郁，而且沙冰🍧有榴槤嘅果肉同爆珠，食落好有口感，特別適合熱辣辣嘅夏天食☀️…Read More

一路都想試Little Napoli 嘅pizza 🍕，上次排隊排得太耐放棄咗，今次冇放棄排咗一個鐘終於入到去食🙌🏻😂Little Napoli係今年2025 Asia-Pacific 50 Top Pizza 嘅排名排第32，亦係香港🇭🇰排第三🥉嘅pizza我同屋企人order 咗2款pizza，Luciana 同 Calzone各一份Luciana 🍕 on top 有番茄醬、番茄、地中海八爪魚、加埃塔橄欖、蒜蓉、辣椒碎、鮮羅勒同橄欖油，首先八爪魚🐙好鮮嫩，一啲都唔靱，而且橄欖🫒嘅鹹香味同個Pizza好夾，蒜蓉🧄同辣椒碎🌶️又帶咗啲少少嘅辣味，幾過癮！而Calzone Pizza就完全唔同，呢個款pizza 好得意，係摺埋咗嘅，佢裡面包咗番茄醬、意大利熟火腿、拿坡里莎樂美腸、雜菇、煙燻水牛芝士、乳清芝士、羅馬羊奶芝士、黑椒、鮮羅勒同橄欖油。首先意大利熟火腿🍖同拿坡里莎樂美腸好有鹹香味，啲雜菇🍄‍🟫又好香。另外三種cheese🧀加埋嘅奶香味令個pizza嘅味道更加昇華😛…Read More

前排同屋企人嚟咗將軍澳海旁附近嘅The Pizza Pig食Pizza 🍕✨ ，Weekday嘅夜晚嚟到見到餐廳唔係好full，可以直接Walk in入餐廳唔使等🙌🏻Order 咗佢哋menu 推介嘅 Signature Piggie 招牌鬼馬“豬"意薄餅🍕，見到佢menu有得揀vegan cheese 嘅option🌱，幾得意就揀咗，食落又同普通cheese 差唔多，而佢薄餅上嘅材料都好豐富，有招牌手撕豬手、意大利香草肉腸、辣肉腸、火腿、烤燈籠椒同紅洋葱，所以食落去啖啖都口感豐富，而且Pizza Dough 都幾鬆軟，唔錯！👍🏻…Read More

前排先發現將軍澳開咗千両，weekend同屋企人黎食dinner🍣我哋order 咗特選壽司拼盤（10件）、牛肉稻庭鳥冬、炙燒明太子三文魚卷、炙燒和牛卷同腐皮壽司特選壽司拼盤，裡面有十件唔同嘅壽司，如三文魚、吞拿魚🍣、帶子等。每一件壽司都好新鮮，而且壽司飯柔軟，唔錯牛肉稻庭烏冬🍜，牛肉有牛肉味同好嫩滑🥩，而稻庭烏冬幼滑，湯底亦都有牛肉嘅香氣，冇味精味，飲落好舒服炙燒明太子三文魚卷，外層嘅三文魚炙燒得恰到好處🔥，口感好creamy炙燒和牛卷，和牛肉質鮮嫩，炙燒後嘅香氣十足，而且仲有沙律菜伴碟，而腐皮壽司係每次嚟都一定會嗌🤣好好食…Read More