jadeW21's Profile

世一冰室店如其名，食物同環境都係世一。今次嗌左老闆推薦既吉列豬扒蛋包飯（佢話咖喱汁好食啲，不過我一啲辣都唔食得🥲）同芝士漢堡扒蛋包飯。個飯一黎到，即刻比佢既份量震驚左！豬扒既size差唔多有我塊面咁大，比酥脆既面衣覆蓋住，都唔知邊度落手好～飯既份量都係誠意十足，真心抵食。照燒汁雖然比較鹹，但配上蛋同飯就啱啱好。試左少少咖喱汁，其實真係得少少辣，幾香。整體環境好乾淨好企理，裝修都好靚。新開既街坊小店，經過長沙灣一定要去試下！…Read More

夜媽媽唔知食咩好（禁夜晚堂食之前）入去試下，見到有鵝肝同埋個千層麵好似不錯。.入到去發現檯面痴笠笠，fine，食物質素夠就得。出餐慢？fine，食物ok就得。.今次嗌左個千層麵set+鵝肝多士，建基於環境都冇乜期待架喇。自問自己真係好討厭浪費食物，絕大部份時候都會食曬。咁哩間餐廳既餐點本身就可能唔太合我口味，食左一啲就覺得食唔落，可能油得滯好易飽。至於鵝肝多士…鵝肝比較細，哩個價錢可以接受。但整體真心唔推薦，係我心目中既劣食榜單榜上有名。野食冇影相係因為賣相唔算特別靚，當時都冇打算要寫食評.…Read More

窗外雨粉飄飄，星期四晏晝唔洗上堂，又適逢哩排經常到訪旺角，睇下旺角有咩食先。其實甜記餃子一直想食好耐，但次次見外面排曬隊又好似好多人咁，所以唯有等到今日。都係要排一陣隊，不過好快就入座。嗌左湯餃10隻，椰菜冬菇木耳豬肉+南瓜忌廉雞配番茄薯仔湯。啲餃子隻隻皮薄餡靚，好似bb拳頭咁大。椰菜冬菇木耳豬肉餃啲餡層次好豐富，椰菜切得比較大粒，好fresh既感覺。南瓜忌廉雞餃既餡rich and creamy得黎又唔會令人覺得好肥膩，南瓜係連皮既，但煮得好軟，真係入口即化齒頰留香。至於番茄薯仔湯，係好家常既番茄湯味，唔會喧賓奪主咁cover左餃子既味道，但就咁飲都別有一番風味，尤其湯裡面仲有鮮茄同少少薯仔，真材實料！埋單$46，一個人已經食得飽飽，想過隔離街買杯奶茶都飲唔落。…Read More

同老爸子打賭贏左，又有飯食。本來想食長沙灣既xx郎，但冇位。轉移陣地到荔枝角既D2 place，但都冇位。老爸子此時想起對面既工業大廈好似有間西餐廳，於是前往一探究竟。餐廳唔係以前間餐廳，但都好似有返啲野食。本抱著一試無妨的心態，卻彷如發現了大隱隱於市的一份寶藏。-首先係沙律同自家製麵包，沾醬有油醋醬同同樣都係自家製既柚子醋。柚子醋酸酸甜甜既味道非常適合清爽既沙律，而油醋就同鬆軟既麵包配合得不錯。然後就係頭盤，我地都揀左parma ham with melon & strawberry aioli。整體鹹甜搭配均勻，相當開胃。擺盤相當有心思。然後就係主菜喇，老爸子嗌左個羊配Caesar salad，整體羊味十足，肉質幾鮮嫩。我就嗌左個牛，都係牛味十足，且整體調味十分不錯。甜品就係普通既啫喱。整體環境幾舒服，係值得再去既！…Read More

故事又回到係火炭返工的那些日子。暑假intern既最後一日，上司姐姐帶左我去食哩間k-pop。一入門口，佢就興致勃勃咁同我講：「哩間韓國野係真既韓國人開架！」-環境幾闊落，係比較接近工業風既裝潢，四周貼滿啲韓星既海報。哩度落單就係要寫紙仔自己去櫃檯比錢落order既。-佢會比幾個小菜（有時候2個 有時候4個）（泡菜，豆乾撈唔知乜，豆芽撈唔知乜，海帶同海帶啲fd）同熱既麥茶開開胃，等你係等上菜既時候攝下牙罅。上司姐姐愛食辣，我卻偏愛49蚊大大碗既炸醬麵。佢裡面好多炸醬，有啲茄子薯仔之類既嘢，同埋一隻鵪鶉蛋。我個人幾喜歡哩種味道，次次黎都係嗌哩味。至於上司姐姐啲泡菜煲... 作為一個唔食辣既人，無可奉告。整體幾喜歡哩間餐廳，宜家偶爾都會嗌嗌外賣。…Read More

疫情略為好轉，係時候約老朋友聚一聚。佢話懶，叫我去佢果區食。佢就挑選左哩間老闆娘米線，話好食過三哥100萬倍。佢叫我早啲去摞位，經過香車街樓下門可羅雀既商鋪，走到最上層便是哩間老闆娘。排隊排得都幾多人下：5點開門，545去排，630先差唔多入座。-友人嗌左一個大辣既蒙古湯，要左豬腸同雞球。我就嗌左清湯（友人話做左咁多年荃灣人第一次見人係老闆娘食清湯），要左蝦膠豆卜同吉列豬扒。老闆娘啲炸物的確好食，雞球外面夠脆入面夠juicy。吉列豬扒不愧係招牌之一，口感酥軟且外脆內嫩。蝦膠豆卜都唔錯，好有特色。友人碗大辣同我碗清湯相映成趣。…Read More

不久之前有緣路過一次哩間大丁小甜，覺得個舖名好得意，但未有空閒一嘗。與同行友人約定一個禮拜後再到訪。店內品項選擇相當之多，但望真啲你會發現所有嘢都差唔多，不過整體配料種類都唔少。我就揀左個細既幻彩黑珍珠玻璃粉（好好奇玻璃粉係咩），友人就嗌左個大既芒果涼粉。幻彩黑珍珠玻璃粉既雪糕既種類選擇都唔少，我就揀左綠茶。糖水一送到黎果陣我震驚了😂細碗一啲都唔細，大碗就真係好大碗！芒果涼粉啲芒果幾香甜，糖水底應該有落啲花奶，整體較甜但幾啱我口味。芒果涼粉仲有啲椰纖果，口感同口味都相當豐富。幻彩黑珍珠玻璃粉啲玻璃粉就係一啲類似寒天既物體，而整體真係幾足料，有幾個水果球同一大球雪糕。幻彩黑珍珠玻璃粉（前），芒果涼粉（後）最最最吸引人既係大丁小甜既超高性價比！咁大碗都係二十幾三十幾蚊，雖然品項較少但真係好抵！…Read More

同朋友路過深水埗一帶，轉左入哩間超哥印尼手打麵。佢嗌左一個撈河粉而我嗌左一個刨冰。建基於我唔食辣，而朋友又好似同自己個腸胃有仇咁落左唔少辣醬，我就冇試到個撈河粉。撈河粉既配料相當豐富，河粉本身有味但可以選擇自己加醋同辣醬。至於刨冰，佢本身係有紅豆綠豆，雜果涼粉同其他嘢。我叫左走豆，佢就加左更多既雜果涼粉比我！除左雜果涼粉之外配料仲有啲睇落好似東南亞特色食品既嘢，綠色一條條咁。刨冰味道幾夠，唔會話有啲位有味有啲位冇。總括而言，環境整體乾淨舒適，食物價錢合理，可以一試！…Read More

心血來潮走過西環搵人食番個靚lunch，黎到屈地街既哩間#24。裝修睇落幾文青，點菜就採用去counter自己落單既方法。店內桌椅算唔少，整體環境乾淨。我嗌左一個蘑菇牛肉漢堡配薯條。整體口感豐富，除左蘑菇牛肉之外仲有煙肉。對一般女仔黎講好夠食！同行友人就嗌左個蟹肉沙律之類既物體，蟹肉相當多，而且唔乾夠水潤。菜亦都唔會太乾太濕，整體不錯。另外就嗌左一個小食台式鹽酥雞，感覺似雞柳。夠脆，但調味比我想像中清淡，仲以為佢會鹹啲或者椒鹽味重啲整體黎講哩間不錯既，西環柚可試試！…Read More

因緣際會之下，十點幾十一點出現於大埔。口痕想搵啲野食下，但周遭只有一啲小菜店。最後揀左哩間飯後甜品，坐係街邊位，方便睇車。可能生意太好，呀姐講完之後一直都冇黎抹過檯，但整體環境尚算可以。甜品啲名都好有創意，我嗌左一個小幸運，老豆就嗌左一個超級車。整體甜品本身足料，有其他甜品店少見啲既大菜糕粒，令到整體甜品既口感相當豐富。佢都有其他甜品鋪少啲有既荔枝味雪糕，啱曬我口味。配圖就係小幸運，有兩球雪糕，大菜糕粒，寒天粒，Q果爆珠等各式配料。…Read More

去聯和墟探朋友，兩個人唔點肚餓但都想搵啲野食下，籍住紅雨既天氣溜進左哩間甜CC。朋友似係常客，同我介紹邊啲好食。我嗌左一個朱古力雪花冰，而佢嗌左一個益力多雪花冰類物體（好似叫白馬王子？）。雪花冰相當綿密，配料種類同份量都唔少。朱古力味香濃，益力多味清新，整體幾好食。之後朋友唔夠飽又嗌左一個雜果窩夫同一杯檸檬益力多。檸檬益力多冇我想像中咁酸咁奇怪，一杯偏酸有好少檸檬味既益力多咁。雜果窩夫不錯，水果種類唔少，有兩塊窩夫咁。…Read More

網上見到人地係度影相好靚，即刻bookmark同fd子黎。地方唔算難搵，北角地鐵站行兩步就到。cafe採用自助形式，食物主打gelato同bagel。飲品較為一般，但值得一提就係gelato全部自家製！佢既木瓜口味gelato更加係使用左梅窩種既木瓜架～我地都嗌左佢本身已經配好既set，朋友嗌左開心果雪糕+辣味brownie，我就嗌左伯爵茶雪糕+冧酒提子+杏仁餅+瑪德蓮蛋糕。開心果雪糕開心果味唔算太足，但整體好食。伯爵茶雪糕茶味夠香醇，提子幾好食。瑪德蓮都不錯，杏仁餅杏仁味唔係特別多，同埋略嫌有啲硬。但係！環境真係好靚！馬卡龍配色加上花花牆，真係好好睇🤤…Read More

如果唔係係火炭返左一個月intern，我都唔會發現哩間新聯邦，亦都唔會發現火炭工業區裡面一切都係咁平。基於次次前老細問我lunch想食乜我都淨係話「冇所謂」同「你決定」，佢有日就帶左我黎新聯邦。工廈三樓既位置相當隱蔽，唔係火炭做嘢既人應該都唔會知。佢會有個湯俾你既，我果日係蓮藕排骨湯，幾好飲！我就嗌左一個三十幾四十蚊既蕃茄牛肉湯飯，冇諗過咁大碗。整體配料唔少，飯更加多，一般女仔係唔點可能食得曬既。整體環境相當乾淨，後來我都帶左朋友去食，性價比真係勁高！…Read More

之前同朋友傾開食熱狗，佢就推薦左齊柏林比我話好好食。有日同另一個朋友路過齊柏林，咁點可能唔食呀！朋友嗌左一個美國洋蔥圈熱狗，而我就嗌左一個美式風情熱狗。朋友比我咬左一啖佢果個美國洋蔥圈熱狗，醬料不錯，熱狗套住洋蔥圈都幾創新，整體幾好食。基於我第一啖咬唔到佢個洋蔥圈，我再淨係咬左一啖個洋蔥圈。唔知係咪因為我地拎走去第二度食既關係，啲洋蔥圈有啲淋。但整體不錯既。至於我個美式風情熱狗，好少見人熱狗會用紐倫堡腸，更加少見人係熱狗度加菠蘿同千島醬。整體上好好食，雖然感覺上有啲似披住熱狗皮既pizza。整體不錯，下次要再試其他味！…Read More

琴日去左旺角既Urban Cafe，同今日見既朋友呻話啲貓唔理我之後，佢就帶左我黎觀塘既分店。可能因為我地早啲啲，冇訂位都好快入到座。店入面座位不少，我地張檯上面都有隻貓貓！我就嗌左個朱古力雲朵沙冰，一個蟹肉意大利飯。朋友就嗌左熱朱古力同羊肉竹炭漢堡，另外用儲分卡換左兩個奶凍。朱古力雲朵沙冰就係普通朱古力沙冰咁，中規中矩。而蟹肉意大利飯同雜菌意大利飯最大既分別就係上面多左兩隻蟹蓋裝住既海鮮類物體。整體上雜菌意大利飯應該好d。朋友既羊肉漢堡，羊肉幾好食，唔特別騷，整體不錯。至於換返黎既奶凍，一個牛奶一個抹茶。亦都係中規中矩，冇乜特別。咁話啦，去貓cafe唔通真係為嘢食咩。梗係為貓啦！哩度啲貓多過旺角好多好多，而且都活潑唔少！以下獻上貓貓相：（私心鍾意暹羅…Read More