hungry_wildboar's Profile

馬騮太太🐒一直都想試嘅食店之一全因傳聞其灸燒五花腩肉非常出色而且五花腩係馬騮太太嘅愛好💗即使怕肥如小弟都要頂硬上😅不過依間小店都唔係話想食就食到要講緣份🙏🏼佢哋會每日公報當晚營業時間而且要有心理準備去到仲要排長龍🫣當然努力係有回報㗎🥹終於試到傳聞中嘅特濃喇沙同埋招牌灸燒五花腩😋認真！本豬認為真係值得去努力一次嘅！就算本豬唔食肥肉嘅都啪咗半碟五花腩🤤因為五花腩本身個脂肪燒得少許脆口，口感大增👍🏽如果有同我一樣，本身唔食肥肉，叉燒都要走膏嘅人就真係要俾次機會佢哋。另外個特濃喇沙亦非流料，非常香濃嘅沙爹、花生同鮮味，我同馬騮太太係冒死飲埋碗湯，點解係冒死？因為個濃郁湯底係用蝦殻淆出鮮味，而其實…我哋係對蝦蟹敏感😂…Read More

間唔中都有黎依間食店食Lunch, 其實佢Lunch做得不錯的，環境亦光猛乾淨，只是價錢可能比同區多幾蚊，相差不太的。可是今次，確實係令我有啲失望，事緣因為工作，一直去到下晝三點幾先可以食飯，途經嘅時候發現下午茶有藜麥沙津，所以就興之所至order😋點知到沙津上枱嘅時候我諗咗陣，因為我以為前菜嚟😂但下午茶無理由有前菜喎，問一問店員先知，原來依碟就係我order嘅 檸檬烤雞藜麥沙津😅 我見咁很大碟當下都有啲擔心食唔哂😂係！我自己都做飲食出身，都明白依家飲食艱難，原材料同成本又貴，所以都體諒嘅🥲唔緊要，最緊要味道，仲打算好食嘅話叫多份🥹點知…….我興幸份沙津細份，我唔知個廚房係處理我份沙津前係咪處理緊鮮魚，成份沙津都充滿一絲絲魚腥味😓其實如果唔係我間食店之前俾到我一個好印象，我諗我會永久backlist 唔再黎😮‍💨所以希望店家留意下😓…Read More

久不久就會黎依度食嘢, 一來野豬勁鍾意望住佢哋啲figure開餐, 好有做返小朋友嘅感覺, 好開心同舒壓☺️二來佢食物質素確實不錯, 雖然唔會好頻繁, 但幾乎每個月總有一、兩次黎幫襯下。自從疫情過後, 好多人講過話森美變差咗好多, 係咪放咗盤換咗老闆之類的, 嗯其實我知道老闆應該無轉到, 都係同一個家族經營嘅, 但食物同服務方面的而且確係變咗🥲味道我個人感覺係無以前咁出色, 擺盤賣相方面又地道咗少少😅即係其他人講嘅茶記化咗(但真心我又覺得佢好食過茶記好多嘅)🤔但對於民生區嘅餐廳，隨著時間過去又好難避免嘅。或者就好似愛情咁，熱戀期總是美好，但熱情過後，雖然美貌不再身材變樣，但細水流長的感情與回憶，也是令人細味的味道😮‍💨…Read More

是日係秀茂坪做嘢，見做到成點鐘，無理由又落返觀塘先食Lunch㗎嘛，唯有行去秀茂坪商場𥄫𥄫，初初諗住依啲屋邨，都係求其茶記乜記就算㗎啦，然後見到依間意樂，見又無乜嘢好揀，就簡簡單單食一餐啦。一直對呢啲連鎖集團都無乜期待，其實咪又係大乜樂同翠乜個一類之輩，裝修就都係一式一樣㗎啦，行工業風，牆上面有幾個懶係國際時間嘅鐘，不過就全部都唔郁嘅😂不過坐位之間都尚算濶落，坐落還可以。香脆魚柳滑蛋蓋飯配西西里茄汁魚柳煎得尚算香口，而且都唔會好乾，蛋都好香滑，係爭在個汁濃味過頭🤔如果呢個價錢嘅西式餐廳，款式算比較多同埋座位都坐得舒服嘅，比起同一集團另一間以茶餐廳食物為主嘅(雖然說穿了依間都係茶記😂)，意樂算係做得唔錯嘅。…Read More

依幾年香港經歷咗好多轉變，由運動到疫情到今年通關，短短幾年周邊人事物都變咗好多，特別係通關之後，除咗更大量嘅移民人潮外✈️疫情通關同埋經濟因素，加速咗飲食店舖一間接一間結業，好多用心的小店都敵唔過洪流洗刷😢如果大家欣賞的小店還存在的話，就要多多珍惜同支持啦😮‍💨所以趁著放工時候，野豬都拉馬騮太太去荃灣真台客支持下，叫咗個新嘅台客必食餐（雞肉飯+台客大雞扒）仲有得配台式飲品，雞肉飯夠哂地道，飯量亦足夠😛台客大雞扒足足有1.5倍手掌咁大，而且肉汁有保留，唔會好乾身👍🏽馬騮太太叫咗總匯蛋餅+甜不辣，點解正餐叫咁少，因為兩款嘅份量都非常大😂總匯蛋餅非常足料，女士食個陣可能要兼顧一下儀容啦😂甜不辣調味適中唔會太鹹，亦唔會咬到一口油，台灣味還原道十足😋經過幾年時間，走入店內嘅第一感覺，無咗初初嘅熱鬧，坐位雖然都係滿座，但反而感覺多咗份平靜，但有時我哋嚮往嘅，或許就係依份平靜🍵雖然裝潢有變面孔有變，但熟悉嘅味道、價錢都無變，與及老闆一直堅持嘅初心，不變。…Read More

就快打風，打風期間應該無乜嘢好食，所以野豬趁打風前想滿足下個胃仔先，四圍遊下魂遊到去土瓜灣， 撞啱見到有間天園餃子，依間天園餃子其實之前係旺角通菜街都有間，係正甜記對面，個時都心大心細想試試，但馬騮太太鍾情食甜記😂後來天園旺角店仲結埋業添😅😅😅(可能唔夠甜記揪….掛😅)睇門面明顯比起旺角店細，同埋比較舊。睇Menu見到有蕃茄雞蛋素肉餃，適合半素人士，但食全素嘅人就唔啱了🤫不過依間有得揀酸辣湯麵，配落都幾開胃，而且上海麵份量都算多。同馬騮太太叫咗白胡椒雜菌豬肉餃、蕃茄蛋素餃、韭菜豬肉餃配酸辣湯。個素餃比想像中好，只係啲餃子略微唔夠飽滿🤔不過以價錢嚟講都算唔錯。雖然呢間鋪仔細細，但眼見都唔少人嚟食，而且外賣單都好多，所以落完order都要等少少時間。…Read More

荃灣嘅光榮冰室野豬嚟咗好多年，因為以前工作係附近，所以曾經係指定飯堂之一😛但後尾就好一段時間無食荃灣分店，一來因爲轉工啦，二來荃灣分店有段時間真係幾令人失望🥲最近放假路過搵食，醒起好耐無食，加上原來野豬一直未試過光榮嘅下午茶，心諗原先嘅問題隔咗咁耐點都有改善嘅😅心血來潮之下就重臨舊地嚕🐗其實平時光榮啲午餐常餐都已經好抵食，你哋諗下常餐轉出前一丁或辛辣麵唔使加錢喎🫰🏼今次食佢嘅下午茶同樣抵X，三、四十蚊，仲要轉凍飲唔使加錢喎🥹巨型豬扒包配沙律或薯角，個包外脆內軟真係好好食，另外啲蕃茄再配合埋醬汁，酸酸甜甜，真係好襯塊熱辣辣嘅豬扒，同時佢塊豬扒都好Juicy，唔會炸到好乾身，所以食嘅時候要小心漏到一手都係汁。…Read More

因為野豬要適應新公司，忙到痴咗線，所以好耐都無四圍搵食🤦🏻加上馬騮太太近排身子有點狀況，暫時都會少啲見佢出鏡🥲終於可以有時間出去食Lunch, 都趁機搵啲好嘢，依間61E Coffee係九龍城人氣店「南角」嘅姊妹，咁計返個名氣係值得去試下嘅👍🏽野豬習慣咗過兩點先食Lunch，因為要避人流，而且我勁無耐性，又唔鍾意排隊😅較啱時間嚟到剛剛好有位，入面裝潢都開揚舒服，田園風格，位多但又唔會擺到太逼，仲有棵樹俾人打卡影相，各位女士嚟到大把取景位👍🏽唯獨係張櫈比較硬，坐到我屎忽痛😅(可能我屎忽無肉)酸種麵包好大塊，食落還算ok，但口感上略為乾咗少少🤏🏽可能同出爐時間有落差。整體擺盤賣相奉行田原簡約。牛油果搭配煮蛋碎，另加上黑醋醬，味道尚算平衡。乳酪食落唔太甜，不過依啲乳酷八成都唔係獨家出品，基本上間間cafe都係差唔多，無咩特別。班尼迪蛋酸種多士（煙三文魚或煙肉）$78Egg Benedict, Smoked Salmon or Bacon Sourdough Toast…Read More

位於樂悠居的Food court，見佢新開張，於是第一時間就去試試，叫咗最基本嘅香菇魯肉飯，試台灣菜最緊要試咗魯肉飯先。58大元，價錢感覺還可以，但期待值隨著等待時間慢慢下降……前後等咗半個鐘，忍唔佳問問店員，佢答我即刻整，之後我睇住佢原來根本唔使煮，所有配料都係直接預先整好，直接𢳂落去就搞掂.其實依個做法係好正常嘅，但唔好要我等半個鐘吖嘛，Ok唔緊要嘅，如果個飯好好食嘅話我都覺得值得等你𢳂半個鐘嘅，但返到屋企打開一睇，我心情即刻沈咗下飯量算係夠嘅，但啲魯肉個份量我就真係笑出聲，公平啲講味道係Ok嘅，食得出菇味係入哂落啲油香到，但如果你話依個份量要收我58蚊嘅話，我就覺得唔多值啦我相信今次只係因為佢地新開張，營運流程未完善到，所以咁啱漏咗我單，但如果以價錢同份量對比嘅話，我諗末必會再諗依間嚕。…Read More

Ruby今日係九龍灣Ikea附近工作，一行六個人要Lunch搵到地方食嘢確實有難度，經過Ruby Tuesday見到有set lunch，價錢都OK丫，加上實在太耐無食過依間，就入去試下。叫咗兩個午餐，一人一個餐仲可以叫啲小食share，非常好。我淨係講自己個份啦，首先有個蘑菇湯配一塊鬆餅，真心幾好食，但依款係美式鬆餅，唔似平時食開嘅英式鬆餅，咸咸地配湯幾襯。然後主菜來了，香煎鯛魚配忌廉菠菜汁，分量略為細咗少少，條魚還好一般般，都收貨既，個汁我覺得幾好，唔會有陣生粉味，口感亦唔會太水又唔會令你食唔到魚味。不過淨係依份鯛魚男士真心唔夠食，還好仲有叫咗啲薯條雞翼小食，飲埋杯熱啡，剛剛好夠飽了。整體環境都叫坐得舒舒服服，我哋六個人坐大卡位傾計都幾舒服，食物質素都對得住個價錢，整體OK…Read More

因為去灣仔探下朋友，順道係灣仔搵下食，聞說灣仔食拉麵有一龍一虎必定要試，所以就先去食「黑龍」，入到去唔使諗，一碗黑龍豚骨拉麵，食拉麵就係要一碗見真章，是龍是鳳，食碗招牌就試到。 首先，湯頭非常濃郁，有著深沉的豬骨香味。 我能夠感受到湯頭里的肉質和骨髓，這讓我不禁一口接一口地品嚐。 湯頭的味道非常豐富，讓我感到非常滿足。 其次，麵條的質地非常好，很有嚼勁。 麵條的寬度適中，讓我感到很舒服。 我喜歡麵條吸收了湯頭的味道，讓每一口都充滿了美味。 最後，豚肉的切片非常薄，但是非常鮮美。 豚肉的味道與麵條和湯頭的味道非常搭配，讓我感到非常滿足。 總的來說，這碗黑龍豚骨拉麵是一種非常美味的湯麵。 如果你喜歡日式料理，我強烈推薦你嘗試一下。 這是一種非常令人滿意的美食，讓人想要再來一碗。…Read More

基本上依間一定要試㗎啦，野豬食餃子就鍾意煎嘅，純粹愛好香口嘢。馬騮太太就堅持中式餃子一定係放湯，要煎不如食鍋貼，或者食日式餃子。不過依間餃子不論煎定湯都好，記得記得記得要配埋佢哋辣菜脯，但係食唔到辣嘅朋友要小心，因為都有啲辣度架。甜記基本每五次出旺角總會食一次，今次就叫咗南瓜忌廉雞肉餃同西洋菜豬肉餃，原本我想洋蔥薯仔牛肉餃，但咁啱sold out…甜記嘅餃子算係大粒漲卜卜嘅，皮唔會太厚而且好多料好飽滿，即使炸餃都唔會好乾，Keep到juice有肉汁嘅。佢咁多款餃之中，我地夫婦最推介嘅係南瓜忌廉雞肉、西洋菜豬肉、洋蔥薯仔牛肉同京蔥羊肉餃，其實menu中有一兩款我覺得係麻麻地嘅，不過始終十隻手指都有長短，總無可能款款都堅揪嘅。總括甜嚟講，甜記係必食名單，一定會有嘅食店嚟…Read More

新年後野豬轉工了😛轉到了荔枝角這個新興文化區，去到新地區返工，最重要係咩？當然就係搵食啦😋荔枝角區有好多平民茶記其實做得幾好，由於工作繁忙未能外出進餐嘅關係，野豬只能暫時叫住外賣先…🥲但唔會因為外賣阻礙我搵食嘅決心嘅，所以首先就試咗依間開花結果先😛同事推介我試「皇牌經典套餐」，依個餐係食沙律嘅，你可能話「嘩Lunch食沙律邊夠飽㗎！」我初初都咁諗，但本住一試嘅心態無壞嘅，先喺五款麵包中揀一款，再喺八款餡料 中的揀一款夾係個包入面，再再喺六款沙律中揀兩款，再再再俾你揀埋餐湯咖啡或茶，感覺都算對得住個價錢🤔聽落好難明！？嗱我就叫咗香草包+煙三文魚+煙肉西芹薯仔沙律+菠蘿粟米蛋沙律，睇落感覺好碎料，但我食哂之後發現其實都真心飽😂不過工作穩定之後我想去翻堂食，始終外賣真係好破壞生態環境🥲…Read More

初初台蔡滷肉飯新開嘅時候，野豬同馬騮太太曾經食過依間嘅外賣，但因為外賣關係覺得雖然都好食嘅，但未至於要我排咁耐隊去食😅 不過始終外賣出品對於食物品質嚟講真係會大打折扣嘅，特別係啲炸過嘅食物，所以野豬覺得做人做豬都要公道啲，於是打算去堂食再試真，終於等到某一日平日day off，5:45pm就開始去排隊，排到馬騮太太6pm放工過到嚟，6:15pm就入得啦😆(好彩我早排乍。）我地一共order咗四樣嘢，馬騮太太最推介係花鵰麻油雞，原本怕肥嘅佢即時order一碗白飯用嚟撈😅 我自己就好鐘意佢個椒鹽甜不辣，最最最喜歡係個滷肉飯上面伴個啲辣菜圃，我真係好想知，到底個菜圃係咪佢地自製🤤花鵰麻油雞鹽酥雞滷肉飯椒鹽甜不辣香腸蛋餅…Read More