Shanshancity's Profile

咁啱黎到藍田，又到咗食晚飯時間喔⋯⋯又咁啱老公呢排打便爐打上癮，我又想試下呢間餐廳，見佢都幾多款式既野食，就好似fusion菜咁樣，所以一於就試下啦！我地叫咗個肥牛火鍋同烤雞焗飯，個火鍋一出場既時候，我有啲嚇親。哇😮洗唔洗咁多料呀！碟肥牛好大碟，啲菜又多款式喔👍🏻完全無諗過65蚊可以食到咁抵既打便爐咯！相比於前幾日食的吉野家簡直係無得比呀！事因吉野家要特登加多三樣配菜加加埋埋89蚊都唔夠呢間多！至於味道方面，意八既質素亦略勝一籌！老公覺得呢間的烏東同樣好食過吉野家！而牛乳豬骨湯底同樣比吉野家的龍蝦湯底濃郁，簡直係便，靚，正👍🏽至於個烤雞焗飯亦都唔錯，而且同樣好足料。有肉都有菜，味道配搭得恰當好處！不過略欠不足既係果杯檸檬🍋柑桔🍊，啲味道有啲怪，而且略微甜！😓…Read More

呢排老公都好想打便爐，所以就落咗去油塘大本營的吉野家食火鍋。天寒地冬，幾乎每枱都會見到有一鍋。我地就叫咗一個龍蝦鍋餐配牛肉跟烏冬，再加埋三樣配料。睇落去都幾豐富，好似幾多野食喔😎😎😎老公覺得啲肥牛幾好味😋但我就覺得啲配菜好食啲，無計，我鐘意食得清淡啲😅今次既面豉湯🥣終於正常返啦，上次係觀塘APM果間吉野家飲啲面豉湯簡直咸到一個點。總概而言之，吉野家的打便爐都係一個唔錯的選擇，但就欠缺咗丸類食品。如果有多啲配料選擇，就會更加perfect啦👍🏻…Read More

上星期五補祝老公餐生日🎂飯，去咗觀塘APM潮館慶祝。得兩個人撐枱腳，簡簡單單叫兩個白飯加三個小菜。第一道：欖菜肉碎炒四季豆。幾乎每枱都見到有人叫呢個餸。除咗多咗啲油之外，成碟菜都炒得唔錯。我鐘意食啲四季豆，所以成碟菜幾乎比我清哂😅😅😅第二道：懷舊無錫骨，見佢做緊Promotion,一於就試下啦！個賣相都算ok,啲排骨燜到好林，而且夠濃味同多汁，送飯一流呀！👍🏻第三道：芹香芋仔油鴨煲。呢道餸賣相一般，食落去仲更加一般。啲油鴨咸到呢。。。我地分別食咗一舊就唔想再食了😰😰😰但仲有成煲喔，惟有打包回家比老爺食啦！因為佢鐘意食啲咸味野，希望唔會哂野啦！…Read More

自從呢間大家樂新裝修後，就無再幫襯過。。。襯今日老公放假，就一於同佢黎呢度食個早餐連午餐再連個茶餐啦😆😆😆我地分別叫咗個焗豬飯連肉醬意粉配熱檸水，同埋芝士豬扒包連雞翼配熱奶茶。聽落都覺得好豐富呀！😌但唔知好唔好味呢⋯⋯果然，個鴛鴦餐睇落真係好吸引，但食落就真係麻麻地了。。。特別係個意粉，超乾身，雖然有好多汁鋪係啲意粉上，但點撈都唔勻。至於個焗豬扒飯都係一般般。呢啲咪係傳說中的好睇唔好食咯！😂😂😂至於個豬扒包連雞翼下午茶☕️餐竟然正正常常喔，真係估佢唔到呀！🤣🤣🤣…Read More

今日放假，等老公收工後就去薩利亞食晚餐。平時都會幫襯呢間意式餐廳，食咗咁多次，都未試過寫食評。哈哈，今日得閒就盡興寫寫啦！😊一口氣叫咗五樣野，都係平時叫開果啲！所以都有信心保證，特別係果味蒜汁燒魷魚，每次都必食！正呀！👍🏻惟獨今次第一次叫意式菠菜半煙肉，味道有小小怪，可能係啲胡椒粉既關係，有所影響到。老公忽發其想，將啲菠菜點係啲蒜汁度，味道蓋過啲胡椒粉，竟然幾好味喔😋！哈哈😆超級抵食，5樣野加埋，一百蚊有找，真係平民首選，超正呀！✌🏻平時去其他分店的薩利亞，無半個鐘至一個鐘都入唔到去食，但每次黎呢間分店，無一次需要等位！簡直fit到無朋友，仲要唔洗同其他陌生人搭枱，環境企理，播住啲意式柔和音樂，兩個字：舒服😌…Read More

撞啱未來奶奶比咗兩張大家樂優惠3蚊的coupon比我，又趕返工喔，得返小小時間食lunch,就一預試下佢既超值套餐-鴛鴦炒飯啦！😉😉😉原本抱住一種麻麻地的心態，點知有驚喜喔！😌😆😌成碟炒飯好豐富，有兩種汁，番茄汁和白汁，調校得剛剛好。又有雞肉，番茄，蝦，蟹柳等等。。。又幾香幾滑喔，仲幾好食喔！👍🏻👍🏻👍🏻最後近乎食哂成碟炒飯😂😂😂仲配埋一杯醒晨的阿華田，正呀！😃😃😃呢間大家樂好闊落，超多吉位，完全唔洗擔心無位坐或者要同陌生人share位，又係另一讚點👍🏻👍🏻👍🏻…Read More

今年生日飯，同男朋友一齊去鳴門慶祝。幾年前試過，之後就無再光顧過。點知今次食完，有驚喜喔！👍🏻😉我哋叫咗兩個定食，一個係鰻魚溫泉玉子芝士飯，另外一個係牛肉壽喜煱定食，再加多個芝麻醬豆腐沙律。哇！啲芝麻醬好香，啲豆腐好滑，滑到夾唔到呀。😂😂😂至於啲肥牛好重牛肉味，好厚身好似鮮牛肉咁厚身，好好食呀！👍🏻👍🏻👍🏻個湯底又好濃郁同鮮甜喎，飲晒咁滯😋😋😋而啲鰻魚仲正，好肥美呀，芝士同辣味配搭啱啱好。再撈埋啲飯一齊食，超正啊！😌😆😃埋完單臨走嘅時候，見到啲魚生，好似假嘅咁樣。點知個職員又專業又風趣，咁同我地講嗰啲係真嘅！哈哈！🤣🤣🤣…Read More

上星期四晚同男朋友一齊食晚餐，其實唔係第一次幫襯銀龍，一直對銀龍的感覺都幾好，所以想寫篇食評。😉見到個套餐好抵食，＄150有飯有湯有兩個小菜，仲有兩杯茶飲同青菜。😆😆😆分別點咗兩個小菜，一個係薑蔥煎倉魚，另外一個係柑桔炆滑雞。預咗倉魚會比較多骨，但係味道幾好。至於個滑雞又真係幾滑喔，酸酸甜甜好好食，而且味道有幾香。👍🏻不過有啲美中不足嘅地方，就係有舊雞有少少沙。希望有所改善啦下次。每次食親銀龍，都會想再去試多一次嘅感覺。😋…Read More

今日6點前同男朋友一齊去食下午茶餐，黎過呢間餐廳幾次，都覺得佢啲野幾好食。所以決定今次幫呢間餐廳寫寫食評！😆😆😆環境方面都算幾企理😊啲職員落單快，而且算有禮貌，比起某啲茶餐廳，呢間都幾好加啦！😉今次就試食咗呢間餐廳嘅瑞士雞髀拼薯角，男朋友就叫咗吉列魚柳拼沙律。😃雞髀幾香幾好食，但皮有少少硬，可以接受的。至於吉列魚柳都有返咁上下嘅水準，值得推薦！👍🏻而奶茶少冰少甜多奶，幾好飲！👍🏻蕃茄濃湯都唔錯，果然係招牌！👍🏻…Read More

今日中午因爲趕時間食飯，所以就近近地搵咗附近的茶餐廳食lunch。其實之前都聽過朋友話呢間餐廳OK的，但一直都未有機會嘗試。地方都幾闊落，一點幾嘅時候都仲有位，而且都幾乾淨同企理。原本想食沙薑雞飯，但個女侍應話已經冇晒。咁唯有轉第二款，我order咗洋蔥雞扒拼熱狗腸意粉，味道都幾好，雞扒已經逐件切好晒，唔錯👍🏻👍🏻👍🏻。同事就order左個西炒飯，等左大概10分鐘左右，時間上尚可接受。但係個杯阿華田同埋例湯就好遲先至上嚟，熱辣辣兩杯都幾難先飲到😰。如果係平時，無乜所謂。但係，今日改時間咁就麻麻地啦。🤷‍♀️…Read More

為咗滿足男朋友食放題的慾望，所以今日中午惟有豁出去同佢一齊去食。之前經過銅鑼灣有一間，所以咁啱經過觀塘，就一於試吓啦！呢間放題最主要係用apps 下單,一開始特登download一個Apps落單，覺得有啲麻煩。但用用下又覺得幾方便，同埋幾先進喔。😄😄而且又冇落錯單，效率又幾快，又冇漏單嘅情況出現，所以都幾正！😝😝感覺上啲職員都幾有禮貌，有好多嘢食，幾乎係應有盡有。第一時間當然係叫刺身先啦！嘩！😲都幾大碟喎，但之前聽人講過或者睇過啲評論，話會出煙都唔覺得有出煙嘅感覺。😑好抵食，夾埋大件，但味道就一般，唔係想像中咁鮮甜咯！😳啲羊架有少少騷嘅感覺，似乎唔係太好食！😣最特別就係蒲燒鰻魚，呢樣真心覺得好正，啲鰻魚熱熱地，感覺而且幾香，幾好食，忍唔住叫完一碟又一碟。👍🏻😆😁試過其他間放題，好少有得食蒲燒鰻魚😎😎😎至於飲品方面或者甜品方面，都幾多款選擇。😌但佢似乎最主要係以道地產品同埋雀巢產品為主，如果可以有多啲口味，例如Haagen-Dazs嘅選擇咁就最好啦！😏…Read More

琴晚陪男朋友食dinner,揀咗好近地鐵站嘅吉野家，地點非常之方便。而且地方好闊落，唔怕冇位坐。不過張枱有啲污糟，要自己抹台。啲職員都係保持返應有的服務態度，冇咩特別。因為我唔係太肚餓，所以只係叫咗一個《一番巨井餐》加麵豉湯。個餐主要係大量牛肉附加少量洋蔥，加咗牛肉汁之後，味道就更加香😋😋😋，我食咗兩，三塊牛肉都覺得唔錯！嫩軟可口，值得比一個👍🏻佢。吉野家本身就以牛肉出名，所以都保持返佢應有的水準。下次如果再經過，如無意外，趕時間的話，都會繼續再幫襯的。勝在夠快呀嘛，哈哈😅😅😅…Read More

今日中午同男朋友去咗金溪食lunch,我地叫咗兩個餐！😌😌😌一個係時菜豆卜斑腩飯，另外一個就係燒味三拼。呢兩個菜都幾好食既，特別係三拼中的燒鴨，幾香幾入味，同普通茶餐廳嘅味道唔會相差得太遠，保持返基本應有嘅水準。😃😃😃但我最主要係想講，呢度有一個侍應阿姐佢好冇禮貌，之前黎過幾次都唔見佢，今次見到佢，凶神惡煞咁樣，成個黑面神咁！😥😥😥全程都冇乜見過佢笑過！最後就黎食完餐飯既時候，終於睇到佢一笑啦， 但就係係佢差d啲打爛嘢嚇親個客， 畀人鬧嗰陣時，🤣🤣🤣佢以笑遮醜 ！！！唉，無言……😞😞😔平時我都有係呢度食飯，唔會特登寫食評。但今次因為呢個咁經典既阿姐，我點都要操筆寫寫加啦！😂😂😂…Read More

今晚同男朋友行街返屋企既時候，經過荃灣路德圍有好多人排隊，原來係買緊5蚊豆腐花！你無睇錯，的確係5蚊😆😆😆原本以為咁便味道麻麻，點知食落真係意想不到好味喔！😋😋😋我order咗薏米白果豆腐花，白果好香，薏米好煙銀，唔會太甜！正呀！👍🏻👍🏻👍🏻男朋友order咗黑芝麻豆腐花，佢都話幾好食，一下子就食哂啦！😃😃😃呢間鋪頭仲有好多種口味，下次可以試下食其他，相信都唔會差得去邊！😌😌😌…Read More

今日下午同男朋友去深水埗的西九龍中心，地鐵站一出，就見到一間綠色裝飾的鋪頭，感覺裝修幾特別。望清楚原來是買台灣珍珠奶茶同抺茶飲品的。我地叫咗芝麻抹茶，少甜。因為天氣有啲凍，所以要熱飲。飲落啲抹茶味都幾濃郁，感覺唔會太甜，仲有啲回甘，味道剛剛好男朋友平時唔多飲甜野，都話幾好飲，之後仲爭住黎飲😣另外值得一讚的是，員工態度幾好，仲同我講聲拜拜，好有禮貌呀！等候時間也只是5分鐘之內👍🏻👍🏻👍🏻下次可以再試下其他抹茶系列的飲品先😊…Read More