yokili120's Profile

之前見有好多Foodie介紹講到好好味，但一直都冇機會試，今次終於經過，好開心去會一會呢間好多人讚嘅gelato店。買咗兩杯雪糕，一杯係單球嘅cone裝開心果。一位店員妹妹裝好雪糕，走咗入布簾後，攞咗一個透明盒出嚟，似係果碎，但佢單手開唔到，佢遞過去一個平頭裝大叔度，好似想佢幫手，但大叔示意唔使，直接叫佢出畀我哋，嗰陣覺得有啲奇怪，但都冇深究。另外一杯係兩球嘅大杯裝烏龍茶同牛油果雪糕，由另一位店員妹妹裝，呢個「大杯裝」雪糕完全唔滿，雪糕同杯口有成個手指頭嘅空間 。因為兩杯嘅賣相都好差，所以冇影相 。之後上網睇返見到人哋嘅開心果雪糕上面係會有開心果碎，而牛油果雪糕上面都有新鮮嘅牛油果粒！仲有雪糕亦都滿好多！賣相、份量打折扣，已經失望，點知味道都係過譽，開心果味道唔係foodie所講咁香濃；烏龍茶味好奶好甜，唔夠茶味；牛油果味好一般。睇嚟請咗好多打手宣傳，一試就知名不符實，中晒伏 😢已經 blacklist, 不會再幫襯！…Read More