Fibi714's Profile

原本有朋友生日想搵間好食既日本料理請佢食返餐好野 於是上黎睇下有乜推介 點知俾D食評呃哂 真心覺得毫無特色 刺身唔新鮮 個刺身蝦甩頭既 海膽有怪味又唔夠新鮮 燒物嘅雞翼冇乜味 冬菇好乾 D蜆有沙 嘢食叫左一轉就冇再叫過啦 哩D質素同旺角百零蚊既放題差不多 唯一唔同既可能係雪糕 可能因為係尖沙嘴所以貴點 不過我就唔會再去啦 其實都想知D like點黎 尖沙嘴好多地方都好食過佢…Read More

今晚想試新野就上openrice搵下有乜好推介 就搵左哩間老爺爺雞煲 同埋見D食評寫得都幾好 禁就試下啦 點知中哂伏 自問我都係個雞煲狂 哩間都係我食過數一數二難食 雞煲個汁完全無特色 D雞完全索唔到D味 再試埋個手切肥牛 切得又薄又無牛味 細細碟 再試佢主打既冰豆腐成$48架 諗住好特別 點知只不過係普通的一個豆腐 今晚食左細雞煲 細手切牛 豆腐 菜 埋單5百幾 又貴又唔好食 唔驚哂錢哂時間大家可以一試 不過我一定無下次…Read More

做左成個星期野，今日終於可以放假啦！終於可以去食我心思思左成個星期嘅豬扒雞亦牛肉米粉加超正凍奶茶！之所以心思思係因為佢嘅豬扒即叫即煎牛肉夠新鮮雞亦滑得黎又入味（大食嘅可以加埋魚肉，不過記得叫佢煎埋喔，好味好多架），米粉浸幾耐都唔會變（林）。奶茶又夠香，濃。正到爆！仲有d湯底係好鮮甜，每次去食我都會連湯飲埋。如果你鍾意食辣嘅可以加埋佢地秘制辣椒油，夠晒辣之餘仲好香。奶茶更加唔洗講，係我飲過噤多地方最正嘅！獨食難肥，噤好味嘅野我梗係會同埋我d朋友仔分享啦！每次同親我去嘅朋友仔我都會介紹佢食招牌豬仔飽，入面有咸牛肉芝士太陽蛋，又靚又好味，味道超夾（如果豬仔飽賣哂可以轉多士，記住要焊底丫），甜嘅有哩個招牌菠蘿油，想清清哋又可以叫蕃茄蛋沙律多士。朋友仔食完都會話無介紹錯，好好味（我帶過好多朋友仔黎食，哩d都係佢地不約而同嘅總結）！除左食到好味嘅食物之外你仲會食到濃濃嘅人情味！華嫂份人好nice（仲有丫你想點食都得架，只要同華嫂講聲佢就會跟住你想嘅食法去煮，我試因為食完飯但係又囗痕就叫佢整半塊多士），記性又好好，去多一兩次就記得你係乜水，同佢會好快熟絡，就連去食嘢嘅客人都會同你好friend，有時會同你搭下嗲吹兩嘴，會感受到圍村人嘅相處之道，當正你係自己人噤。係度食嘢唔會有陌生感，唔會有介心，好快融入當中。可能係圍村人嘅好客，食物嘅美味，所以去到下晝成日都爆埸。食飽飽之後就可以好滿足噤走啦，仲可以順便參觀埋屏山書院，行下文物徑，去下個三百萬公廁！就係噤我就輕鬆度過左我嘅假期啦！你地都黎試下啦！因為真係好味，好味，好好味...…Read More