Loki_odin's Profile

餐牌嚴重誤導，餐牌寫套餐包餐湯，熱飲，但其實飲品唔包，熱飲同凍飲都係加八蚊。問下職員，冷冷咁話飲品唔包。包嘅餐湯得半碗，好似人飲淨咁。 間嘢係保險AA 心儀餐廳，一餐飯在座有3台sell緊嘢，嘈死食客，好似唐憎係你耳邊不斷umumum，好煩的。雖然話懶係少女西餐廳，但就好似茶餐廳咁一嚟就上杯熱滾水俾客，實屬搞笑。兩位駐場嬸嬸服務當然都茶餐廳咁上下啦。食物不過不失，但cp值低。我都當今餐豪俾乞衣，積下陰德咁囉。…Read More

一行三人來食飯後糖水，地方好難找到，認真隱世。我們剛到時得兩三台客。快速落單，點了糖不甩，芒果涼粉和焦糖燉蛋。單上面寫焦糖燉蛋要等十五分鐘。最後等了半小時，鋪頭也坐滿了客，焦糖燉蛋竟是第一個上，廚房一出就出了三個燉蛋。燉蛋用錫紙上，細細個的，雪糕也細細個，兩樣東西mini size, 但價錢卻收我正常價。燉蛋沒有焦糖燉蛋的黏膩口感。用錫紙上，感覺很cheap. 問職員其他甜點去了哪？他草草看了單說說糖不甩要煮。糖不甩要煮我不知道嗎？燉蛋也要焗啦當人傻仔。然後糖不甩和另外一台後來很多的客人一起上。糖不甩煮了那麼久仍然硬硬的，花生碎又不夠多。最後才上一個不用煮的芒果涼粉。朋友說水準一般以下。職員一句不好意思都沒有，你做得呢到你就代表間餐廳啦。廚房就不理客人等待，要湊好單才弄甜品。你做唔切咁多客就唔好隔硬開咁多張台啦，仲要咁唔好食！…Read More

比個劣食之鬼朋友帶左去食呢間燒烤，當初佢話係日式燒烤但食蒜蓉茄子，我都已經r晒頭，咁佢好極力推薦咪去試吓囉。星期六食飯時間去到，得幾枱客，所以都坐得舒服，但電視播住無線經典金曲，吵耳非常。朋友一嚟就話要食甲羅燒，成78！蚊隻，佢話非常之好食，真係對唔住，我朋友應該好少食好嘢嘅。甲羅燒嚟到，我搵唔到燒過嘅痕跡，隻甲殼都幾細隻，蟹膏上面仲有啲結霜嘅蟹肉，味道正常，唔會唔好食，但略貴。然後點左牛舌，和牛粒，金菇包，蜆，燒蠔，露筍，雞腎，雞皮，椰菜，螺….well, 日式雖然走鹽燒路線，但淡牟牟，我問你對唔對得住啲鹽呢 ？但好在牛有牛味，雞有雞味。但蜆就一d味都無，又貴！金菇都成6x蚊包，但牛油金菇都幾香嘅，除左淡左啲之外。諗諗下，其實都幾健康呀。嚟到我最愛嘅蒜蓉茄子，成35蚊條，但店主入d細細隻嘅貨，搞到我俾人笑，燒完仲要切開九份，細細舊咁，教我點張茄子肉一條條咁撕離燒燶左嘅茄子皮？可能店家有呢層嘅考慮，所以唔會張茄子烤燶烤軟，等你可以連皮吃掛？仲有食左羊肉，重羊蘇味，少少咸味咁。玉子燒，無乜驚喜。最驚喜成廿蚊碗嘅滷肉飯，點解？一來貴到咸左，二嚟真係好咸，真係落重生抽去煮喎。朋友叫埋鰻魚嚟送飯食，成68半條喎！味道ok嘅。呢間主食種類都唔係好吸引，唔太推介當正餐食，真係貴。服務方面，都幾快落到單嘅，但係佢自己得返d大條露筍，就要我地加3蚊，好似有點兒..總結係，真係唔好相信劣食之鬼嘅推介。…Read More

看到門口裝潢光亮整潔，menu像很豐富似的，又是新開張，便一試。入到去，明明很多空位置，職員偏想你跟別人搭台。坐到入去，裝潢就像跟亞視佈景一樣，有一種說不出的虛假，在扮日本餐廳。感覺就是去了譚仔。 點了一份燒牛扒定食，還有炸豬扒饅魚定食。看到牛扒那一刻，我知我又被伏了，輸了，牛扒又瘦又細小，他對不起128元這個價錢，高檔一點的日本餐廳都是大概這價位，但這裡只是一間比不上譚仔的餐廳，味道是在超市賣幾十元牛扒的味道，他還是用煎的，而不是燒的。至於飯更是失敗中的失敗，最近經過還看到他門口掛著選用日本米，但我吃過，只不過是叮叮飯盒的飯的味道，又濕又有股膠味，差勁👎🏻 至於炸豬扒跟鰻魚，沒什麼可說，普通，但那個飯真是可一不可再。…Read More

因為想吃一下異國菜，就選吃一下德國菜，網上評價好像不差，怎知又是伏。晚餐點了傳統白豬手及燒春雞。白豬手花了8-9個字才上菜，是有份量的，但肉有點淡...158元的整隻燒春雞（其實是求其炸的雞），不及別人家130元的半隻size, 還要是用炸的，以為別人吃不出是炸嗎？還要炸得肉質粗糙，皮炸得硬過你身上的角質。原本看到劣評不是很多，而隔壁西班牙餐廳的劣評多不勝數，所以選吃這間，但原來這間德國餐廳和劣評如潮的西班牙餐廳是共同一間，待應跟台都是混合用的。…Read More

我是重口味加和風食物的愛好者。這店完全很合我口味。這次再點了明太子烏冬，吉列豬扒咖喱蛋飯，和南蠻炸雞。炸雞配上他們用的沙拉醬，真超級好食，又炸得剛剛好，食完覺得唔夠喉。而這店的明太子菜式，他們永遠不會嗇色明太子的份量，一太Pat的落在烏冬上，加上濃濃的忌廉汁，吃得過癮。咖哩飯很香，炒蛋很嫩滑，吉豬酥脆，多汁。會再去吃。…Read More

以麵館來說，上食物時間很久，每次都等著10-15分鐘。點了雲吞麵及水餃撈麵。湯底很重味精，食到一半已很口乾。撈麵麵餅痴埋一舊。麵跟雲吞只是不過不失。服務態度很差，衛生也不濟，會給別人用過的碗給別人用。…Read More