Venus Law's Profile

怪就怪在食前冇睇喊喊食評。如大家不是打卡，又或打卡之餘其實很著重食物質素，就請考慮係咪真係浪費自己的quota。海膽意大利飯，分量少都算，但真係冇乜味，還會有腥味。真的不值價錢。另叫了吉列豬三文治，望落去其實唔吸引，那白麵包影響晒感覺，低質晒。內裡塊芝士及椰菜沙律，亦很沒誠意，塊芝士可能係普通超市一塊塊的芝士。。。豬扒係脆，但感覺似雪藏的吉列豬。。實不值那價錢。最失望係杯熱朱古力，佢跟本係奶加朱古力糖…..是朱古力奶吧。。。沒有朱古力。。。而且坐位高枱櫈，確是不舒適。…Read More

無意中在ig 看到這餐廳，看似環境不錯食物亦好看，bookmark 左，今天出開銅鑼灣就可以試試。其實menu 不算吸引，但大熱天時不想再找食，就即管等。原來每人都要叫一杯野飲，但那張雙面A4 紙menu好似冇寫，我翻查大家upload 的menu, 懷疑只在另一本的menu 有寫，但當時冇給我們看。食物正常沒特別好味，那牛肉三文治的牛肉冇乜味。樣係不錯。飲品亦正常，拉花係靚。但其實食物質素對比價錢，確實有點貴。sofa 坐位亦不舒適。我們坐下見到其實客不多，但左右枱都早我們大概半小時入坐，都仍在等食，所以都心知出餐慢，亦見到有枱開始追餐🙃所以都預左等。點知我們又唔算等太耐，但隔離枱就嬲嬲豬，話自己等左9個字都未上齊，後來話cancel 未上的餐，但連道歉亦沒有。老實說，職員們確實不太懂服務。有個高瘦的女職員像在發夢，唔記得人點咩餐又唔抄低，又要問多次🌝後來嬲嬲豬客人找負責人，但明顯應對亦不熟行🙃 服務的確有很大的改進空間。不過算吧，客人們亦不需要令自己的假期不快，不要浪費自己時間罵人呢。…Read More

與家人食晚飯，餐廳不算多人。他不是任食的，食幾多叫幾多。見他有咁多個笑笑，所以都抱了一定的期望。我們叫了兩個粥底，嚴格來說係米糊漿底，個人覺得太漿了。海鮮係不錯的，夠新鮮。其他的如肥牛、餃子都可以。菜還算新鮮。但墨魚滑不好食，魚皮餃也交接的外皮很厚。但其實整體都偏貴，醬油都每個15蚊，我覺得呢個係最唔值。但整體來說，來食海鮮應該可以名乎其實的不錯，如來打邊爐的話，就不要來了。環境來說，地方不大，所以較擠迫，大家都坐得不夠親密。…Read More

今天經過西九龍中心找食，一見到有餃子店，就決定一試一試！我叫了三鮮淨水餃，見佢講個湯底係特色湯底，就加$5 作蕃茄湯底。餃子對比起太子幾間食過的精細，但都幾多肉汁！至於湯底係令我失望，就像只是有點蕃茄味的紅色生粉水。。。 完全唔想飲。。。失望，人地的湯餃，個湯係堅想加多啲來飲。。可能我叫錯他們的拿手菜色掛。。。$5 加湯我係俾得不甘心，飲豆漿可能仲好。。。但我相信佢其他麵食應該不錯，都多人叫麵。下次有機會都可一試！…Read More

今天吃了未來漢堡classic 及麻辣雞+豆乳麵及豆漿。漢堡的質感的確做得像肉，包面脆脆的很有麥味，但汁不算多，可能始終不是肉，沒有juicy 的肉汁，會覺得比較乾。可能揀有多些材料的漢堡會好些。但就價錢會貴，接近一百元，不包飲品。麻辣雞都幾辣呢，有菇在墊底。麵其實似上海麵，湯底也不錯，清甜。豆漿沒太特別，本身有糖的，都好飲的。大家可一試，都特別的素食。價錢就中上價。另還有很多素食的材料、零食及飲品選購。…Read More

一向喜愛吃餃子，和朋友在太子找東西吃，原本去一間深水埗也有分店的餃子店。來到荔枝角道，看見有餃子兩隻字的鋪頭，就很快坐下了。還笑着說很多人呢。怎要仔細察看，原來不是我們原定去的那間。也好，可以是新的餃子。我們叫了粟米香菇湯餃、芝士豬肉湯餃子、咖喱薯仔雞腳湯餃子。他的湯底很好渴，每隻餃子也很足料， 10分豐滿。還有他們秘製的菜圃😘不過，來這裏吃要有耐性，因為他們客人多，鋪頭細細，有時還需要坐在路邊吃。他們樓面只有兩個，煮的一個，真是結賬也要等。如喜愛吃餃子的你，一定不能錯過。…Read More

星期天來到銅鑼灣，這街有好幾間拉麵店，來到這沒有很多人排隊的店，決定一試！樓面不多，招呼是一般，還可以啦。自己tick 自己的麵。這是雞，好食呢，可口又嫩口！這是炙燒豚肉味玉，很有燒烤味。他的玉孑也很入味，食到味醂味。但很可愛的不像平時見得多的會切開上。兩碗都叫了少油，感覺冇咁肥，麵質我叫了適中，剛合我意。食完發現有人龍排隊，很熱的天氣等候有點攞命，但都值得食的。其實我不是好拉麵，但都應為可以再來。不過，下次也可以試第二間比較下。😂…Read More

星期六想食個不太貴又可以坐得舒適而又有人服務的午餐，可考慮來別府呢，通常都唔洗點等位🙊。午餐有烏冬、拉麵、定食、鍋...配任飲汽水，咖啡奶茶....黑蒜油腩肉拉麵聞落去好有黑蒜味，但食落又好似不太出黑蒜味道。而腩肉有兩塊（得兩塊），正常味道。溫泉蛋牛腹排窩燒烏冬普通的湯底，牛腹排好好食，好有牛味（咁樣形容會俾人打嗎），但真係好食，薄身、軟。值得食！呢排有啲沖繩野，好似都幾吸引，但望落較油，所以都係冇叫。…Read More

御泰坊一向是家人喜愛的泰國食店之一，所以不時都有來。但今次發現食物分量少了🙄有個甜咖哩羊排骨，薯仔多過羊🙈但個咖哩是好吃的，配飯很好。個炒金邊粉都不知幾時已換了碟上，又比上次少了分量🌚今次食的新菜是這烏頭:很不錯呢，特別係面頭的黑色配料（唔知係叫咩），酸酸的，點埋個汁，辢辢的，正！我們亦叫了優惠飲品，青檸汁可樂，係有點青檸味，但好像飲緊冇氣可樂😂另值得讚的是那兒的服務一向都keep 得不錯👍有會員的確很抵食！…Read More

常覺得麻布唔抵食，所以一直唔諗去食。意外發現有晚餐set，都ok。有不同的主食，配不同類的甜品就不同的價錢。畢竟甜品才是他們主打。泡菜豚肉味道也可以，湯是豆腐湯。配了抹茶聖代，軟雪糕好吃！其他都無很特別。另一個餐是，鐵板牛舌（唔記得確實名稱）牛舌好吃，薄薄脆脆，個汁很有味。甜品配了燒蕃薯霜淇淋-芝麻味我喜愛這個，因軟雪糕配有點點溫的蕃薯不會太冰，亦有兩種口感👍整體來說正常，但主餐的分量不太夠男士食飽。餐廳總是欠了一點氣氛的感覺🤔…Read More

假期約好姊妹共聚午餐。決定去旺角後就隨意在open rice選了間感覺靚靚地的餐廳。環境的確不錯，藍色主題，餐蝶也很美，休閒感。人流不多，假日也不用等。我們叫了流心芝士龍蝦三文治賣相不錯，仲真係幾流心：還有紅椒粉炸魷魚圈：呢個真係勁失望，得5舊🌚$45😎而且不甚好吃，嚼口十足，又或我們不懂食，他並不是我們想像的。香草白汁煙三文魚蝴蝶粉特意有藍色的蝴蝶粉，襯番餐廳顏色主題。這個推介，味道很好👍自家制牛肉漢堡Waitress 同我們講個包無汁🤔叫我們加隻汁。我們初初都好奇以為真係乾mon mon, 咁就加$10要個黑松露白醬。點知係另上架wor, 而個包並唔係乾的🙄不過，個醬都ok 的。但整體個漢堡不算太吸引。…Read More

元氣對大家來說都食到家常便飯，其實都冇咩好寫了。不過食過不同的元氣，其實每次的飯的質素都會唔同，參次。Apm 這間高速快車，長期都好多人，亦好多小朋友。今星期日，因未夠12點來到，很快就有枱了。我們叫了𣎴同的壽司，今爾的飯不錯，不散的。來到高速，當然要叫高速限定的。我今次寫呢個食評其實只想介紹呢個芝士薯條！左手邊那個，因為本來冇諗住寫，冇影真身，食晒先來影下menu。這薯條好好味，夠脆夠香，又夠薯味🙈加埋芝士醬！❤️大家可以試試～～…Read More

來到星期五，兩口子外出橕枱腳。今次來Pizza express~ 坐位太近，我們剛好坐了中間(左右各一張二人枱), 大家講咩都聽到晒，亦要大聲點說話先聽到自己講咩🙈它有二人套餐, 不過我們無叫。叫了凍肉拼盤個南瓜醬不錯，我不喜愛火箭菜及欖，發明左以下食法：🤣把肉、南瓜醬、不喜愛的菜、欖塞入個脆麵粉包到食，不錯！😂脆脆的，又有南瓜甜味。我們還叫了夏威夷pizza主要有帕爾瑪火腿，芝士，洋蔥，還有菠蘿菠蘿及佈滿pizza的菠蘿汁!薄薄的pizza 皮，好多汁！而且因爲係菠蘿汁，一點也不膩，我好驚訝自己可以食半個！我估鍾意食菠蘿的人應該好開心❤️…Read More

由朋友介紹認識這網店蛋糕。已光顧3 次了！第一次是時結婚前，諗住送一些特別的餅給同事，想起瓜破。看到有獨立包裝的蛋糕仔！就決定要了。他們是西尾抹茶金磚及朱古力金磚，太耐之前無影低，上網自己睇啦。同事個個都話好味，味道好真，甜味剛好。第二次慶祝朋友生日，這是「茶」！味道口感很豐富，朱古力，紅豆，抹茶。我們十個人分，一人一份西餅般大，剛好不會太飽！因為已食飽晚餐。第三次就是訂了蛋糕慶祝老公生日！「豆」！很正很正很正，老公想食豆腐味好耐，我偷偷訂了，把另上的濃濃芝麻醬自己畫上。豆腐及芝麻慕絲，仲有黑豆！真的好像食豆腐的口感。好好味！我倆分了幾餐食都唔悶！他的蛋糕外表靚，切開食落就看到試到那細緻😊…Read More

意外的見到這店，當時這間分店新到連openrice 都未有😂。新加坡菜，環境裝修也不錯，就決定等食呢間了。佢的主打是海南雞飯、還有叻沙～當然就食呢兩樣啦，而我見大部分人也叫這兩樣！佢假日會有套餐，叫「假日一人套餐」，包一個主食，一個小食及飲品。加十零蚊可以有一碗肉骨茶。我們叫了一個套餐海鮮叻沙：不得了，個湯好香，很好味，海鮮的蝦應該都新鮮，咬落爽的。很讚！新加坡魚餅： 其實似就咁魚肉煎實佢咁🤔，越式的較好食，冇特別。薏米水：個名好似叫蜜糖班蘭薏米水，好喝！加了一碗肉骨茶我唔係好知肉骨茶應該係點，但印象係好藥材，我個人不喜歡的。今次的並不藥材，反而似普通老火湯的味道，肉味很濃，咁係好食淨唔好食呀應該🤣🤔？！海南雞飯，飯香，雞也滑，仲有碗味精冬瓜湯🙊，不差！…Read More