angelkkkk's Profile

大約$300就包咗前菜、主食、甜品同飲料，雖然係一間cafe，但食物都幾有水準呀，仲要坐得好舒服，推薦！ 呢間係寵物友善餐廳，有幾chill嘅户外空間，仲可以帶埋寵物一齊食添呀~前菜🧄洋蔥薯仔湯配蒜蓉包本來以為係平平無奇的忌廉湯，點知每啖都飲到蔬果的香甜，愈飲愈鐘意，問店員先知原來主要材料係打碎咗嘅洋蔥同薯仔，極少係餐廳飲到薯仔湯，仲可以配埋香脆嘅蒜蓉包一齊食。炭燒法式豬鞍架伴紅桑子汁 $348豬鞍架好厚身，經炭燒後，帶陣陣油脂香。紅桑子汁酸酸甜甜，同豬鞍味道好匹配，清新又開胃，如果肉質可以再爽彈啲會更加完美。🥩炭燒美國安格斯肉眼 $298嚟到比肉眼扒個size嚇親，真係好少見餐廳會比咁大塊。脂肪同肉比例剛好，然後配菜味道都不錯，不過建議大家唔怕生嘅話叫三成熟，肉質應該會更細嫩。甜品豆腐雪糕 芝士蛋糕甜品都絕不遜色，豆腐雪糕幾香豆腐味，而且唔會死甜，芝士蛋糕係偏軟身質地，水準不錯呀，份量也剛好。…Read More

Grill Room搬遷後第一次嚟，食物水準高咗，環境更加華麗，有種入咗高級餐廳嘅感覺，但價錢並無提高很多。今次叫咗三樣菜，菜式特別，味道全部都很滿意，好啱約會或者同朋友家人聚會嘅時候食。香煎帶子配粟米濃湯 Scallop Sweet Corn Soup $88店員會席前為客人倒入粟米湯，並按客人需要加上胡椒碎調味。粟米湯入口好順滑，滿滿好真實清甜的粟米味，並加入煎香過的粟米粒，口感層次好豐富。帶子雖然只有一小塊，但係鮮嫩多汁，煮得恰到好處。呢個湯睇落雖然好簡單，但係味道比平時飲到嘅粟米湯更加出色。蟹鉗肉蟹黃南瓜意大利飯 Crab Meat and Pumpkin Risotto $298醬汁濃郁度剛好，南瓜再配上新鮮嘅蟹肉，成個飯都好鮮甜。仲加咗南瓜塊同瓜子，使口感更加豐富。而意大利飯係比較正宗的口感，帶少少煙靭。香煎慢煮牛柳伴日本南瓜杏包菇伴牛肝菌牛肉汁Beef Tenderloin $308上菜前，店員會比客人先選擇刀具去切牛扒，幾有趣嘅體驗。牛柳揀咗三成熟，熟道剛剛好，切開中間仲帶粉嫩，重牛味之餘，肉質仲非常嫩滑，係完全唔需要用力咀嚼，店員仲提供三款不同辣度同口感嘅芥末醬俾我哋配搭，加埋牛肝菌牛肉汁一齊食，味道…Read More

鮪世壽司盛 $298壽司盛一共八款廚師精選，當中有五款魚類刺身，包括金目鯛，大拖羅，油甘魚腩。貝類壽司就有珍寶帆立貝。仲有平時少見的磯煮鮑魚壽司，口感爽彈，另外仲有我最愛的海膽壽司！ 海膽份量不少，味道濃郁帶微甘，雖然本身係為咗件海膽壽司已叫，但其他壽司都同樣出色。鮪世刺身盛 $298呢個刺身盛絕對係物超所值。刺身盛包含咗六款不同種類刺身，包括三文魚，油甘魚，帆立貝，赤海蝦，深海池魚同拖羅，池魚味道清爽，拖羅肥美，每一件都超厚身，仲要附送麵豉湯，日式沙律同好足料嘅茶碗蒸，好滿足。厚切火炙鵝肝 $48暫時食過最好食嘅火炙鵝肝！ 鵝肝外層燒得稍微焦脆，入面超柔軟同creamy，油脂感豐富但又唔會覺得膩，好想再encore，大家一定要試！火炙左口魚群邊 $18象拔蚌壽司 $13呢兩款都不錯，另外餐廳仲有好多不同種類嘅壽司比大家單點，價錢相宜。…Read More

夏天太熱，但又好掛住露營同朋友圍在一齊打邊爐嘅感覺，就可以嚟呢間以露營風做主題的火鍋店。呢到位於鬧市，近地鐵站，地方又寬敞乾淨，食物種類都好多。不過建議同多啲朋友一齊嚟食，就可以試多啲嘢食！天麻川藥膳魚頭火鍋($298) 選咗平時好少試到的湯底。以天麻煲魚頭湯可以減低腥味，令湯更鮮美。湯帶有淡淡藥材香氣但不苦澀，建議大家先飲2/3的湯，才開始打邊爐。另外，魚頭都幾大件，肉質鮮嫩，仲食到陣陣藥膳味。伊比利亞橡果豬 $168一直都好鐘意食西班牙豬肉，肉質細嫩，油脂豐富得有啲似和牛的雪花，貴少少都值得啊。白松露牛肉餃 $78餃子質感與想像中有少許不同，牛肉餡比較像牛丸的質地，偏實正，帶微微的白松露味。手打櫻花豬肉丸 $68豬肉丸質感得意，加入大量的櫻花蝦，香氣十足…Read More

我好少食墨西哥菜，但呢間餐廳嘅環境吸引咗我。餐廳每個角落嘅佈置，包括廁所都好有墨西哥風情。而且餐廳係半開放式嘅設計，想chill啲嘅人可以坐近門口嘅位。最印象深刻嘅係店員好客友善，唔單止會主動推薦特色菜式，仲根據我嘅口味特調咗杯飲料比我。Lamb Shank 燉羊腿肉（$178）聽店員講羊腿肉煮咗至少一日，所以肉質煮得恰到好處，羊肉輕鬆與骨頭分離，好嫩好冧，仲帶少少骨膠原。醬汁方面都幾濃郁，帶微辣，另外餐廳仲提供咗taco，洋蔥粒加墨西哥辣椒醬配羊肉一齊食，口感好豐富。辣椒醬仲有分兩個辣度，自認好食得辣嘅一定要嚟挑戰啦。Camarone Taco（$40）Pescado Taco ($40)叫咗兩款唔同主菜嘅Taco ，分別係蝦肉同烤魚。蝦肉爽彈，魚肉切成粒狀，烤得幾香，再加上墨西哥香料同莎莎醬， 配上軟身嘅玉米薄餅，熱辣辣咁食，簡單又好味。Quesadilla Chix（$68）：入面有雞肉、融化嘅芝士同埋香料。外皮微脆，內餡濕潤多汁，雞肉調味都不錯。不過份量都幾多，食咗幾件已經好飽。Churros（$78）：Churros係即叫即炸，上到枱仲係熱辣辣，外脆內軟，撒滿肉桂糖，仲有豐富嘅朱古力醬，整得幾正宗。El Gordos Lemonade（$38)Passionfruit + lime + Sprite ($38) 問店員有冇咩飲品會無咁甜，然後就整咗個熱情果特飲比我，好貼心，味道都不錯啊！…Read More

火焰三椰雞鍋 ($328) 這個湯底是這家餐廳的招牌之一。上桌時，侍應會先略炒雞肉，然後在鍋裏點燃白酒產生火焰，增加香氣及視覺效果。湯底以椰子為基礎，椰子的甜味和鮮嫩的雞肉味道完美結合，我們煮其他配料前先喝湯，不經意地喝了整整三分二的湯底，可想而知有幾好飲！而且雞肉份量很多，非常嫩滑，未開始火鍋已經七成飽。牛舌芯 $168很少在火鍋店叫牛舌心，但因為今次只有兩個人，其他牛肉拼盤份量相對較多，相反牛舌份量適中，所以就試下啦，口感出奇意料地好食，質地軟滑，又帶點嚼勁。麻辣牛肉餃 （半份） $68如果喜歡食辣，就一定要試下麻辣餃，平時的火鍋很少食到呢。餃子皮厚度適中，內餡用嫩滑嘅牛肉同辣椒調味而成，牛肉味挺香濃，辣椒帶少少麻，辣椒紅應該會很喜歡。紐西蘭羊肉片 $138羊羶味幾重，不過我很喜歡。而且羊肉片半肥瘦，打邊爐來説比較適合，比較爽口，推薦大家配合餐廳提供的醬料沙茶醬加花椒油一齊吃，味道非常配合！黑松露芝心蝦丸 (半份） $68蝦丸彈牙，隱略食到黑松露味。…Read More

南區可以説是美食沙漠，全都是大型連鎖餐廳或麵包店，小店少之又少，日式餐廳五隻手指數得完。早前知道香港仔中心商場開了間名字幾有氣勢的日式餐廳就同家人去試，食物種類很多，質素也不錯。刺身四盛盒 ($165) 推薦大家叫呢個刺身盒！ 除了賣相精美，刺身都好新鮮，最愛係三文魚腩，厚身肥美。特選海鮮丼（$128) 海鮮丼刺身款式都幾多，有三文魚，油甘魚，甜蝦，北寄貝，三文魚子，不得不説飯的份量有兩碗咁多，男士一定夠食。吉烈炸蝦丼 ($68)注意這個是晚市限定。$68有五隻炸蝦，配埋紫菜飯，性價比超高。蔥花吞拿魚蓉手卷（$28）吞拿魚蓉份量比想像中多，佔了手卷的一半，性價比高。芝士春卷 ($32)…Read More

之前試過鬼混位於銅鑼灣的分店，食物質素已令我留下很深刻的印象。今次來到西環的分店，地方更寬敞，樓底高，空間感十足，而且餐廳每一角落的擺設裝飾都別具一格，尤其通往二樓的樓梯，讓你有種置身於哈利波特場景的感覺。無論你被安排坐那個位置，都可以打到卡。除了舒適的環境外，餐廳仲提供很多自己研發的fusion菜式，且伴碟精緻，可見廚師的心思，味道方面更可媲美很多米芝蓮餐廳，絕對值得更多人認識此餐廳。酥炸單骨雞翼 ($88) 上枱時聞到強烈土匪雞翼味，但食落又係另一種味道。雞翼外皮炸得非常酥脆，是平時較少食到的炸法，配合酸酸辣辣的是拉差醬非常惹味，想唔到看似簡單的菜式都可以做得那麼出色。蟹膏蟹肉燉飯 $168如果只能點一款菜式，非這碟莫屬。飯粒軟硬度和和醬汁黏稠度剛剛好，是我喜愛的risotto口感。蟹味香濃，每啖飯都夾雜着滿滿的蟹肉和蟹膏，味道濃郁，好滿足。麻辣凍蜆 $118必叫之一！ 第一次嘗試這個配搭和食法，蜆肉新鮮肥美，魚皮非常爽脆，口感好有趣，同行友人一試便愛上了。冷盤再配上麻辣汁，非常開胃，差點想叫多一碟。抹茶燒羊架 $298抹茶和羊架看似格格不入，但味道卻有驚喜。羊架的脂肪分佈平均，燒至三成熟，肉汁豐富，帶點羊羶味。伴碟醬汁帶微甜，配搭微澀的抹茶粉一齊吃，出乎意料地恰配。浮雲島 $68外表很像浮雲的是蛋白，中間有層焦糖片，最底是奶茶味雪糕，味道很有層次，有點像焦糖燉蛋的味道。Lion Rock 啤酒 $68這款啤酒帶果香味，不會太苦澀，好易入口，幾適合女士飲用。環境: 👍👍👍 👍 👍 訂座：✅…Read More

太子花園街一帶都有很多出色的餐廳，今次就試咗間居酒屋，食物種類豐富，除了一些傳統日本居酒屋的菜式，也有餐廳獨有的菜式，例如素肉串燒和一些fusion菜，最吸引的是加$98就可以生啤清酒放題。松露半熟牛肉他他($128) 推薦！ 牛肉經醃製後燒至半熟，再加上我最愛的黑松露醬，柚子，蒜粒，味道多層次。酒盜芝士 （$68）酒盜即是醃製過的鰹魚內臟，酒盜的鹹鮮味配上忌廉芝士和梳打餅一齊食，有點像西餐的芝士拼盤，很少會在香港的居酒屋品嘗到。古早蟹籽沙律($88) 除了基本蟹籽沙律會有的的沙律菜和蟹籽，還加入了魷魚粒，口感好豐富，配上澎湃的沙律醬，整碟清新又足料。蟹肉蟹羔甲羅燒 （$88）店員指示將香濃的生雞蛋倒入蟹殻，將大量蟹羔，蟹肉，蟹籽和香蔥搞勻後，配梳打餅一齊食。蒜容燒室津生蠔(2隻) ($88)生蠔幾大隻，蒜容份量超多，略嫌蓋過生蠔的鮮味。芝士玉子燒 （$88）日本番薯 ($28)串燒媽媽鹹蛋豬肉棒（$48）亞波美手羽先 ($48)青森青提豚肉卷 ($48)素月見免治素肉棒（$38）雞頸肉 ($38)這裏的串燒款式幾特別，平時係其他居洒屋很少試到，例如月見素肉棒和鹹蛋黃豬肉棒，估唔到兩者味道咁夾。個人推薦大家試青提豚肉卷和燒雞翼，青提清甜多汁，雞翼外皮燒得非常香脆，嫩滑多汁。…Read More

晚上經過鰂魚涌，突然想吃丼飯，馬上想起海街丼。海街丼總店在東京，海鮮全是日本直送，所以餐廳提供的刺身有一定質素。個人很喜歡鰂魚涌分店的環境，空間寬敞舒服兼富濃厚日式風情。廚師精選丼飯 ($165) 👅:93.21分每次來都必叫每日限量的廚師精選，因爲餐廳用的都是比較特別或時令的刺身，要較高級的日式餐廳才吃到。今天的廚師精選是池魚他他丼飯，池魚魚味濃郁，帶小小微甜，肉質鮮嫩。職員推介一丼兩食，客人可先倒入芥末豉油品嘗刺身，把自家製壽司醋啫喱加進米飯內，攪混就可以吃，味道帶微酸，非常開胃。吃到一半，可以倒入秘製魚湯，配搭紫菜絲、芝麻、和脆脆一起吃，清清淡淡，但吃完有一種很滿足和舒服的感覺。提提大家不夠飽的話可以免費加飯哦。天婦羅鰻魚 （$85) 👅:98.47分大推！！！ 這裏的鰻魚比我在日本鰻魚專門店吃到的更嫩滑，加上香脆可口的天婦羅和餐廳自製的鰻魚醬啫喱，味道很有驚喜。醋漬鯖魚 （$65）👅:84.23分味道酸甜可口，口感嘗算嫩滑。…Read More

餐廳位於中環蘇豪區，無論室內室外環境都很有風格，食物質素中上，可惜用餐時間太緊湊，限時1小時，店員會不斷催趕，如果同朋友聚會，可能要計劃定下場。🍲 燒牛肉配日式珍珠米Roast Beef Japanese Rice ($188) 👅:96.47分燒牛肉可以説是這裏的招牌菜。本是衝着精美的擺盤而來，怎知味道比想像中出色。薄切牛肉輕微燒至七成熟，肉質嫩滑，帶一點兒油脂感，生蛋為米飯加添濕潤，配上餐廳自己調製並非常開胃的蘋果薑醬汁，簡直錦上添花。可惜整體份量偏少。🍝 白酒蜆肉扁意粉 Linguine Vongole（$188）👅:85.97分賣相很吸引，蜆肉大隻爽滑，扁意粉軟硬適中，食到啖啖白酒的香和蜆肉的鮮甜。🥂 飲料 Orange Lemonade ($55)…Read More

一直都想試下不同種類的素食，今次就揀咗以蛋奶素為主的素食餐廳Ovo Cafe。餐廳前身係灣仔舊街市，現在置身於花店Ovo Garden內，店內佈滿各式各類的植物，令人彷如走進了大自然園林之中，與素食的理念很匹配。🍝 四重芝士impossible meat 肉醬流心蛋扁意粉($148) 👅:85.31分午市套餐$138起，有齊前菜、主菜、小食、甜品和飲品，大家可自由配搭自己喜愛的菜式。小食攞盤精美，以幾何形狀的碗盤裝著。前菜方面，磨菇湯用新鮮磨菇同薯仔蓉打成，飲落唔係平時好creamy的質感，而係食到啖啖碎粒。餐前小食叫咗紫薯甘粟餅，推薦大家叫，外皮炸得香脆，紫薯味濃郁，味道自然，仲加咗甘粟增加口感。主菜方面，多重芝士加流心蛋睇落好邪惡，但食落一啲都唔膩，配扁意粉一流。🥗 All Day Breakfast（$145）👅:86.17分Impossible Meat口感好似真實的漢堡扒，只是缺少牛味，幾特別。大啡菇飽滿Juicy，再配上流心蛋芝士，味道更加豐富。沙律菜配上了油醋醬，酸得來略帶咸味。最驚喜係中間一小杯楊枝甘露做飯後甜品，食完一整盤飽肚又滿足。🍵 飲料 (跟餐半價)七色花茶 ($68)玫瑰岩鹽鮮奶咖啡 ($42)…Read More

如果大家想靜靜地看書，享受休閒的假期，或想找一個舒服環境與朋友談心，這間咖啡廳會是一個不錯的選擇。餐廳樓底高，空間廣闊，擺放了很有質感的木枱和露營凳，而枱與枱之間有適當的空間，環境幾寧靜。有不少客人會帶寵物到訪，食完還可以同小動物互動。坐到悶，咖啡廳的另外一邊有一個小市集，售賣了不同種類的公平貿易和有機產品，令我在咖啡廳待了很久也捨不得走。從室內設計、食物及飲料方面，看得出小店用心經營，值得更多人的支持。菜式價錢相宜，擺盤精美，味道亦非常不錯。推薦大家試試他們的咖啡和其他特色飲品，味道比很多咖啡廳出色。🍱 豚肉丼飯配糖心蛋($68) 👅:92.44分豬腩肉肥瘦適中，煎到微焦，淋上了甜甜的醬汁。珍珠米香軟帶少少濕潤，仲有糖心蛋，看似很簡單的菜式，但所有食材的味道剛剛好。🥯 牛油果煙三文魚Bagel（$88）👅:90.13分比高比想像中出色，外皮微脆，口感煙韌，牛油果同煙三文魚份量慷慨，牛油果熟度剛好，配上薄薄一層的忌廉芝士，健康又美味。🧇 素食豆腐雪糕配雞蛋仔 ($78) 👅:85.69分豆腐雪糕豆味很濃，素食雪糕口感有點像雪芭，比較結實，配合淋上了蜜糖的雞蛋仔，果仁和紅莓乾，整個配搭很特別。🥜 花生拿鐵 Peanut Latte（$55）👅:93.74分個人本來就很愛吃花生醬，見到菜單上有用花生醬做的飲品馬上叫來試試。花生醬味道很出，份量不會過多令人有負擔。🍵 抹茶燕麥奶 Oatly Cap Matcha ($58) 👅:97.21分打了泡的燕麥奶同冰凍的抹茶分開盛載，大家可以按自己喜好調教濃度，兩者冷熱交錯，好有飲Dirty 的感覺。值得一提的是這裏的抹茶甘甜不澀。…Read More

大坑舊店結業前一直未能抽空到訪，幸好餐廳選了在銅鑼灣鬧市重開。這家餐廳加酒館馳名於手工精釀啤酒，各種口味如花香，厚重，水果都有，並搭配很多與眾不同的fusion美食，很多菜式都加入了香港傳統食材— 腐乳，味道比預期中有驚喜。環境方面室內空間寬敞乾淨，買可以圍着酒吧枱品嚐美食，想再chill 啲，室外位置也不錯。🍟 大坑薯條($88) 👅:96.21分薯條炸得酥脆乾身，配上孜然，高菜，辣椒乾，加上餐廳的自家醬汁，不用五分鐘已經清碟。🥘 啫啫雞翼煲（$138）👅:93.14分中式啫啫雞翼試得多，配水牛醬和藍芝士真是第一次嘗試，鹹鹹甜甜，加上藍芝士的香味，推薦！🌶️ 麻辣牛舌（$58）👅:87.20分牛舌薄片呈上，口感爽脆，麻辣汁帶微酸，不會過辣，非常開胃，忍不住一件接一件吃。🥪 炸茜牛治($188) 👅:90.03分餐廳選用牛翼板肉，嫩滑牛味重，芫荽份量澎湃，幸好味道不會太強烈，不會蓋過牛肉的味道。以酸種包夾着，配上椰菜、醃青瓜，以及佢哋嘅靈魂醬汁腐乳加千島醬，口感非常豐富。最意想不到的是這裏的酸種麵包做得非常出色，麵包不會過硬，帶麥香，就算醬汁豐富，也不會令麵包過份濕透。🍺 Hi-Juice 200ml ($55) 餐廳提供了不同獨特口味的啤酒，今次試咗「Hi juice」，酒精濃度較低，好易入口，並帶啖啖水果香味，非常適合女士飲用。…Read More

半筋半肉麵 ($78) 👅:88.31分牛筋牛肉比想像中多，各三大塊，牛肉仲要非常厚身。湯底好香藥膳味，蘿蔔吸收了湯底的精華，好入味。起司肉鬆蛋餠（$40）👅:88.34分蛋餅皮係我喜愛的質感，偏軟身，但又不會過濕，芝士味道比想像中濃，加上鹹香嘅肉鬆，味道非常搭配。肉鬆皮蛋豆腐（$40）👅:88.34分豆腐幾滑，加了肉鬆口感更豐富，配合麻醬，非常適合夏天食用。🥃 蜂蜜檸檬愛玉($24) 推薦大家試這裏的手搖飲品，雖然不能選擇甜度，但整體味道調得剛剛好，檸檬不會過酸，愛玉份量也慷慨，可以嫓美專賣手搖飲品的店舖。…Read More