Foodie 愛吃一族's Profile

每次走過這店都聞到好香的麻辣味，這天經過被店外食物的照片吸引著，越看越想吃。終於走進店裡，看看有什麼好吃的。牆上的菜單，圖文並茂清晰地列出菜式和價錢。看著看著好像什麼都想吃，怎麼辦呢？最後選了麻辣手工涼皮配雞絲，我請店員給我多加些花生米。店員問我要不要香菜，我喜歡香菜，但不愛蔥。我愛吃辣只是不可以太辣，店員說可以要微辣，就是B B辣。後來跟店員聊起來，聊著聊著就忘了跟她說不要葱花，回到公司打開盒子才看到！幸好不是太多，挑出來也不難。😂這涼皮實在太好吃了😋😋，一試就愛上了，這麼美味的食物才三十多塊，真的要推介。👍👍…Read More

我平時好少食完嘢就即刻寫Review，除非係超讚或者係勁彈，今日呢個梗係前者啦。😋😋😋👍👍👍上星期有一日過咗嚟食早餐，餐廳職員話佢哋有新嘢食，係法式豬扒包，全日供應，問我試唔試，仲話佢自己試過真係好食。我嗰日一心諗住食我嘅至愛-鮮牛肉炒蛋米線，所以我話下次啦。今日早咗出嚟，既然係全日供應，咁就上去試吓啦。上到去坐低，見到枱上面真係有新嘅poster喎，仲話「忽然驚喜」。見到張poster上面咁多嘢食，心諗一定食唔晒啦，不過一心嚟就係想試呢個包，冇理由唔食㗎！啲嘢食、飲品同湯送到上嗰陣時，發現原來圖片唔係只供參考，😅真係有咁多嘢食㗎！😆手機先食完，用刀切開個包，忍唔住攞返手機出嚟再影，見到個様已經覺到好好食，一口咬落去，簡直停唔到口。😆一口氣食咗半個包，跟住已經好飽，飲埋個羅宋湯同埋大半杯奶茶，終於要投降啦！🤣唯有問職員攞個外賣盒，將所有沙律同薯條，加埋剩返嗰半個包拎走。果然係驚喜，個麵包外脆內軟，豬扒唔單止係冇骨，而且肉嫩汁多（即係好juicy)，不過如果係早餐咁就真係好大份，可以考慮兩個人食一份。😆😆極推介😋😋😋👍👍👍（應該唔會失望，除非唔鍾意食包😂）…Read More

早餐時間就嚟過好多次，lunch 都食過幾次，下午茶就冇乜機會試。今日同個朋友嚟新蒲崗做嘢，做完已經兩點幾，朋友話未試過呢閒餐廳，所以入嚟食下午茶。我見到有白汁菠菜魚柳焗飯，$53包熱飲，唔係平O K啦。朋友叫咗公司三文治，$48連熱飲。三文治送到，睇到賣相非常吸引，我問朋友好唔好食，佢話好味，不過我見到三文治好似冇雞肉，但係有午餐肉，我好似冇食過有火腿又有午餐肉嘅公司三文治，真係幾特別。我嘅白汁菠菜魚柳焗飯，認真夠熱，味道可以，但係只得一塊魚，仲唔係好大塊，不過飯就真係好多啦。杯熱奶茶都OK。整體嚟講，價錢略貴，味道可以。…Read More

車仔麵檔就去得多，呢間比起其他麵檔就乾淨好多。所以標題用咗車仔麵餐廳。我個人覺得呢度既有懷舊風味又夠衛生，真係唔錯。我今日叫咗魚腐、豬頸肉、魚皮餃三餸米粉，全部都係我鍾意食嘅嘢。佢哋嘅魚腐做得唔錯，豬頸肉都夠腍唔會覺得嚡，魚皮餃都OK。😋米粉就正正常常冇乜特別，佢哋杯奶茶都幾好飲。手機落單嗰陣好似冇樣嘢叫做走蔥，今日第一次嚟都唔知佢咁多蔥，好彩唔係仙女散花咁成碗湯都係😅，要整返上嚟都好容易，不過下次可能要候補一句走蔥。其實餐廳入邊都仲有好多好古老嘅嘢做裝飾，特別係收銀處嗰度，我覺得啲嘢好得意，唔知佢哋響邊度搵返嚟嘅呢？$58三餸麵加一杯熱飲，唔係平。不過如果你好似我咁鍾意佢好特別，同埋又覺得地方都幾乾淨，咁$58都算OK。…Read More

一向都覺得佢哋啲喇沙好食，美國返嚟嘅親戚上年嚟食過，讚不絕口，今日特登帶佢再嚟食，順便行吓商場買吓嘢。我哋當然係食最鍾意嘅喇沙滲滲啦。親戚話想食豬扒，所以叫咗香茅小豬扒，佢話唔係佢心目中嗰種嘅香茅豬扒，不過肉質同味道都👌，而喇沙湯底就仍然一樣咁好味。我每次都要食魚腐，因為啲喇沙湯底滲哂入去啲魚腐度，好食到不得了，雖然價錢唔算平，但係食得開心又滿足。😋但係俾錢嗰陣見到呢張結業公告，真係覺得好可惜，雖然話有其他分店，不過唔係好就腳。😢…Read More

因為有一次入咗嚟落單嗰陣，餐廳職員先話冇哂燉湯改咗紫菜湯，心諗：「差好遠啫！」依家每次想入去食妟，都會問清楚仲有冇燉湯，先決定入唔入。今日一個人行過想想哋食一人套餐，門口職員話仲有燉湯，就入嚟食咗個「一人獨享」。今日個湯入面見到有啲幼幼哋好似蔘嘅物體，飲落苦苦地，職員話係花旗蔘燉排骨湯。我都幾鍾意花旗蔘，不過今日我飲唔出。😂特色小食我揀咗滷水嫩豆腐、阿溜土筍凍同埋家鄉燜筍乾，我覺得土筍凍最好食，雖然唔知係乜嘢嚟。😂之前佢哋一人餐有個海鮮燴麵幾好食，但係而家新餐牌就冇咗，我今日試咗呢個興化炒米粉，我嫌啲米粉濕咗啲，有少少黐埋一嚿嚿，不過料多味道好，加上佢哋個碟辣醬，酸酸地、辣辣地，連埋啲米粉一齊食，超級正！😋😋雖然口感冇我諗嘅咁好，但係都值得推介。👍👍👍之後我加$8要咗杯冬瓜薏米水，清涼唔太甜，啱晒咁熱嘅天氣。唔使加一，$86咁多嘢都真係唔錯。…Read More

很久沒有來這中餐廳吃飯，記憶中這𥚃的點心味道挺不錯的，可是沒有甚麼特別深刻的印象。今天跟朋友一行四人來吃午飯，我們本來在網上訂了位，因為比預期早到了很多，加上今天是假日，所以還是等了一會兒。我們其中一位廚藝一流，這是他第二次來這裡，他對這餐廳的觀感是美味和高級。今天他選了一瓶美國的白酒配中式點心。😊最先來的兩款點心:牛柏葉及炒腸粉外觀沒甚麼特別，試了第一口牛柏葉，觀感馬上改了，綿中帶一點兒韌，薑蔥和上湯提升了牛柏葉味道，既富口感又鮮甜。X.0.醬皇黑毛豬鬆炒腸粉，妙在香而不膩。原來看似平凡的點心也可以那麼美味。😋😋櫻花犌脆煎蘿蔔糕端上來的時候，席上每個人都驚嘆：「這是藝術品嗎？」，我馬上給這「藝術品」拍了一個特寫。真捨不得把它吃掉！這中餐廳的點心名稱多是根據食材來命名的，但這流心鵪鶉蛋蝦燒賣卻是我沒法聯想到的。燒賣上的鮭魚籽非常新鮮，在嘴裏壓破的魚籽送出了美味鮮甜的汁液，這可能就是「流心」的意思吧。😋😋這椒鹽魷魚鬚的賣相、口感和味道都很好，可惜名字太普通，不夠吸引。可以考慮「米通卵石魷魚鬚」。😂光看這點心的名字，已經知道有甚麽主要食材。芝士雞肉鰻魚酥，這又是好看又好吃的選擇。😋😋食過點心，最後點了這大澳蝦醬海鮮炒飯，看到食材、聞著香味，已覺得這炒飯一定美味，再加上盛飯盤子也是一件藝術品，這頓飯真的令我們有眼福又大飽口福。看着每個端上來的點心，我都覺得：「怎麼吃的也可以這麼漂亮。」我終於明白，食材新鮮，味道美，再加上精緻的賣相，就是一道菜成功的關鍵。而每個菜式水平都那麼高，就是從構思、命名、採購和廚房裏那些背後功臣的功勞！謝謝！…Read More

今日諗住出尖咀倍下家姐，搵嚟搵去都唔知食乜嘢好。家姐話佢嚟過呢度幾次，仲話啲嘢食唔錯，不過假日就每件貴幾蚊。佢話其實開咗幾年，我成日喺附近行上行落，但係從來冇留意有呢間嘢！😅😅今日坐巴士過嚟，由德成街穿出去柯士甸道就見到酒樓大大個嘅招牌。😂我本來話攞定位，不過家姐話2:00先有下午茶，所以去佢度坐下先行過嚟，終於今次喺門口睇真啲間酒樓嘅外貌啦。🤣叉燒包唔算細隻，入面啲叉燒肉夠腍、汁夠多，唔錯。不過要$26.8，連埋加一就即係$10一隻。😅呢碟豉汁蒸排骨啖啖肉而且好腍，不過辣辣哋，其實可能叫豉椒蒸排骨啱啲，假日特價$23.8（其實已經比平日貴咗啲），我覺得抵食。😂鮮竹牛肉球淨睇外觀都好okay，唔會見到乾晒，加上下面有我鍾意嘅腐竹，俾like👍。假日下午茶特價$23.8，雖然得三隻，不過大大隻，抵唔抵就見仁見智啦。今日係公眾假期，點心同其他食物每件都會貴$3-5，難得可以試新嘢，冇所謂啦！😂今日試個幾樣點心都唔錯，呢碟楊州炒飯真心覺得好好食😋😋，啲飯粒粒分開，唔會黐埋一嚿嚿，啲料都好多，家姐話呢度整得夠傳統，有啲地方淨係俾火腿同雜豆，而呢度真係有叉燒同埋都幾大隻嘅蝦，仲好大碟添。我哋食唔晒要拎走，不過價錢唔平要$118，連埋加一就差唔多$140😛。第一次嚟印象：嘢食味道真係唔錯，坐得舒服，環境幾好，價錢唔係平不過都唔算好貴，服務OK。😊但係唔知點解今日個地下好滑，幾驚家姐跣親！😓見到枱面啲宣傳單張，寫住晚市燒味$1優惠，真係好想搵一晚過嚟試吓。😊…Read More

年年四、五月都有好多生日飯局，一家人一齊食飯唔少得。上個月已經嚟呢度食咗一餐生日飯，個個讚不絕口。今個週末又係兩個家姐生日，我哋再嚟食返餐，今餐俾上次印象更深刻。今次我負責落單，入到餐廳首先搵返上次幫手打點一切風趣又盡責嗰個副主任- 「波士」(我改嘅化名😂），我哋想食返上次嗰隻珊瑚蟹，但係原來單點超貴😛，「波士」建議將個套餐入面一啲菜式加大，咁我哋又食到好正嘅蟹又唔會唔夠食。😋😋👍👍人未到齊但係又驚啲小朋友肚餓，我哋叫咗兩款小食，有攞嘅時候要啲技巧嘅麥糖花生脆芋絲，同埋外脆內嫩嘅脆炸椒鹽魷魚，當然仲有食到停唔口嘅木薯片。😋😋人齊哂我哋反傳統先吹蠟燭食壽包，壽包細細隻，我自己覺得反而好啲，因為唔使迫自己食晒一個大包。吹完蠟燭，就到今晚亮點之一，超級美味嘅冰鎮飽魚，上次掛住食唔記得影相，今次影到啦！😁 呢個鮑魚一定要推介，雖然係凍食，但係味道同口感都超正，就連席上長者們都無懼冰鎭！😂鮑魚好腍，切開一條條，加埋個酸酸地嘅蒜蓉汁，靚靚咁放返入個殼度，仲有啲切到好幼嘅白蘿蔔絲伴碟，清爽鮮甜，既特別又好食，個個食到舔舔脷！我連蘿蔔絲都冇放過，將佢哋放入鮑魚殼啲蒜蓉汁，當沙律食勁好味！😋😋😋😋鮑魚之後係剁椒鹵燻蹄，因為顏色比較深，所以望落有啲似牛展，仲以為剁椒會辣，其實一啲都唔辣，我一個人都食咗幾塊。🤣花雕蒸珊瑚蟹喺今餐嘅主角，全枱人都讚不絕口，連平日唔係好食海鮮嘅家姐都食咗好多件。雖然話係花雕酒蒸，酒味唔會好濃，仲要下面嗰啲好似蒸蛋嘅嘢，又滑又好味。大人細路都冇停手，上次家姐「美人照鏡」清碟，今次輪到細佬連蟹殼都刮到乾乾淨淨。😂👍👍👍😋😋😋我平時食中餐好少飲酒，今日見到呢樽古越龍山十年陳花雕酒，加上有正嘢食、有靚海景、仲有個包裝好吸引(樽同個木盒都好靚)，酒味唔會太烈，加咗話梅，甜甜哋好易入口，破例飲咗一杯仔。今晚個餐有白切獅頭鵝，就咁睇仲以為係普通鹵水鵝，鵝肉口感滑，唔會太鹹，好食過某啲潮州滷水鵝店嗰啲。👍我覺得食牛腩好麻煩，如果啲牛腩煮得唔夠腍就會「黐牙」，呢個清湯牛坑腩上枱打開蓋嗰陣，牛腩嘅香味跟住啲蒸氣湧出來，既然咁香，黐牙都要試吓。🤣🤣一啖咬落去，牛腩出乎意料嘅腍，牛味十足。除非你唔食牛，如果唔係都幾難抗拒！呢煲薑蔥煀東星斑打開蓋嗰陣時，啲蒸氣攪到張相濛哂，證明夠晒熱。😂厚切嘅魚肉味鮮肉滑，唔會過熟，仲有煲入面嗰啲薑蔥同配菜入哂味，我同家姐兩個夾哂啲蔥段嚟食，結果成煲清晒。😋😋食咗咁多肉，最好就係有碟靚菜，呢個濃湯野菌時蔬啱晒口味，連小朋友都鍾意食，又係食到一條都冇剩。😋😂最後呢個龍蝦湯泡貴妃飯都幾特別，唔係普通湯飯，因為龍𧎚湯入面除咗普通白飯，仲有啲脆脆哋嘅飯粒，口感好特別，可以用「夠料、美味、有特色」嚟形容。飯後甜品有呢個桃膠西米露，唔太甜仲有好多桃膠，「波士」好識氹小朋友，送完橙汁又送芒果布甸。今餐喺美味甜品後劃上句號。今日天公做美可以喺餐廳露台清晰睇到「幻彩詠香江」，呢度嘢食固然好，特別係冰鎮鮑魚同埋花雕蒸珊瑚蟹，服務態度都係非常好，副主任固然係抵讃，其他員工都親切慇勤。雖然人均消費要$620，但係預咗食高級嘢就預埋人均消費會高啲。😊講真，其實好多酒店嘅「全包宴」人均消費都差唔多啦。😂P.S. 由於相片限上載12張，有啲相冇「哂」出嚟，其實佢哋個西湖海鮮羹好飲，不過睇相同龍蝦湯泡貴妃飯好似。裝橙汁個兩層玻璃杯同埋花雕酒個木盒都好特別。仲有佢哋酒吧嗰邊有幅好震撼嘅酒櫃牆，特高嘅樓底突顯咗呢個巨型酒櫃有幾壯觀。😊…Read More

好多年前喺慈雲山嗰間食過，聽聞呢間分店成日都排晒隊等，所以冇諗過會嚟食。今日係長假期long weekend諗住留港消費，特登帶個小朋友過嚟玩，本身訂咗位喺隔籬嗰間食燒肉，點知行過見到呢間竟然有位，咁難得，梗係要入嚟試吓啦。🤣小朋友見到係掃QR code就快快手落咗佢想食嘅嘢，partner見到幾十蚊有枝葡萄汽酒，竟然點咗一枝，從未諗過喺呢啲地方飲酒。餐廳職員見我哋帶住個小朋友就話：「兩隻杯，細路冇份。」🤣🤣🤣我哋兩種湯都點咗， 蘑菇忌廉湯好正，周打海鮮湯就甜咗啲。不過勝在夠熱。$12加配嘅蒜香法包好香好好味，但係唔夠脆，有啲啲韌所以好難搣開佢。我哋叫咗兩碟菜，個焗白汁菠菜啲汁偏甜，我比較鍾意個西蘭花，啲菜好明顯係烚熟咗先炒幾下，不過仍然好味，雖然有少少辣，但係小朋友都食咗好多。😂我覺得卡邦尼係意粉中嘅巨星，大人細路都啱食，呢度嘅卡邦尼最特別係有隻溫泉蛋，呢個意粉$40 好味兼抵食。😋😋我部手機都未有機會「先食」，已經有人攞咗一隻雞翼，唔算好juicy，不過唔係好乾，算唔錯。我麻麻哋鍾意食蜆，不過小朋友就好鍾意、$20咁抵梗係要試吓啦，味道唔錯。雪糕呢樣嘢真係幾難抗拒（特別係小朋友）😂，$20兩球，相比其他嘢食，呢個算貴。😂呢餐認真超值，坐定定，手機點餐，嘢食有人送上嚟。價錢比大型連鎖快餐店平，食物味道非常不錯，怪不得咁多人排隊等位啦，我哋今日真係有口福。😋😋😋…Read More

今天中午時間來到沙田，在火車站出閘後，見到有扶梯通往樓上的商場。上了兩層見到這家餐廳，外觀看來不錯，裡面也有不少的客人，就一個人來試試吧。這裡是掃碼下單，不會放過食雞的我看到有海南雞套餐，便問服務員可否不要雞胸肉，最後她給我下了單。當我的海南雞飯配青菜端上來的時候，我已經見到雞塊不多，看來像下午茶的份量，我不吃太多，這對我來說還是可以的。雞的味道挺好，肉嫩而不肥，可惜青菜太淡，湯也不燙。總結今天的經歷：餐廳裝修不錯，服務態度一般，味道還可以，份量太少，價錢也不便宜，性價比一般。…Read More

之前都嚟過呢度食lunch,不過自從上次見到一個食客同餐廳職員有爭執，我都嚇到走咗。今日嚟到附近又咁啱係食晏時間，雖然餐廳入邊都幾多人，見到餐牌入邊有海南雞飯套餐，就問侍應可唔可以走胸，佢話冇問題。😊啲嘢食嚟到見到碟雞都真係幾好，坐對面嗰個女食客，見到我碟雞咁吸引，佢都叫咗一樣嘅嘢。🤣我今日呢碟海南雞基本上係雞髀嚟嘅，除咗有幾塊啲皮下底有層肥膏之外，啲雞份量足，肉夠滑，味道都唔錯，仲要伴碟嗰啲花生好脆好香，如果個餐湯熱啲就更加好啦。…Read More

其實日日返工都會行過呢個商場，都一定會經過呢間茶餐廳，曾經試過一次同埋同事諗住嚟食早餐，入咗去發現啲嘢唔係好啱食就返出嚟。今日喺門口見到佢哋有蒸飯，我鍾意食蒸飯，因為感覺好似健康啲，同事話入去試吓佢哋嘅午餐。我叫咗蟲草花蒸雞午市套餐，有個例湯同埋有杯嘢飲，我要咗熱檸水，同事叫做好邪惡嘅回鍋肉。啱啱呢段時間做緊優惠，叫兩個午市套餐就會送一碟菜。啲雞味道okay啦，雞肉質感一般，回鍋肉味道較濃，睇相都見到好多油。不過午餐嘅份量就真係幾足。餐廳裝修冇乜特別，唔知係咪俾咗錢佢哋做廣告，牆上面嗰啲poster全部都係同某個牌子嘅罐頭湯有關。😅…Read More

We went here the day after Valentine’s Day, I was told that it is a Peruvian restaurant and yet I found it’s quite Japanese.This was our first visit to this restaurant, we have asked the restaurant staff for recommendations, she suggested us trying their tasting menu since many of their signature dishes are on the tasting menus, so we could try different food.There are two tasting menus, Tokyo and Lima, derived from the name of the restaurant. We have chosen the Tokyo Tasting Menu and were extremely happy with everything, from the mouth-watering appearance, the restaurant staff’s presentation of the dishes and, of course the freshness and savouriness of the food.Since this is a restaurant and bar, the environment is a bit noisy. However, I liked the location we sat, it’s in a corner where we could see some nice photos and were quieter. This was an extraordinary experience of tasting menu! I loved the food and service. What’s more? The portion of the food was much more than we had expected that we had to take some home.…Read More

好多年前去過一間吉XX食日式牛肉飯，覺得好甜，之後就冇再食過日式牛肉飯。今日行過莊士倫敦廣場，見到嗰度開咗間新嘅日本餐廳，係牛肉專門店，之前有屋企人食過話好好味，又見六點幾已經開始排隊等位，於是叫埋家姐同佢孫女嚟試吓。等緊位嗰陣，有位餐廳職員行埋嚟話可以scan QR Code 落定單先，又真係幾方便喎。我哋等咗十幾分鐘。網上落單見到啲飯有細、中、大可以揀，👍🏼👍🏼我哋全部叫晒細嘅，我加咗豬肉味噌湯，小朋友加咗雪碧。有位入到餐廳發現，原來先前手機落咗嘅單，喺餐廳門口嗰幾部機確認之後就可以俾錢，跟住就睇屏幕號碼去攞嘢食。我同小朋友都覺得個芝士牛肉飯好好食，我鍾意佢哋個豬肉味噌湯，夠多料又唔係好咸，同平時飲開嗰啲唔係好同。😋家姐話佢個泡菜燒牛五花飯啲五花腩夠晒「林」。家姐見隔離枱個男食客啲咖喱望落好吸引，問佢好唔好食，佢話非常好食，佢都係第一次嚟。😀我哋話下次都要試吓佢哋咖喱。今餐令我對日本連鎖集團嘅牛肉飯改觀，味道唔錯、價格相宜，我已經約咗朋友下個月嚟食晚飯，到時試吓佢哋啲咖喱先。😋😋…Read More