水靈's Profile

經過溱柏見到呢間cafe每次都好多人，價錢又ok, 今日決定去試下。平民價all day breakfast, 69蚊一個比起市價88蚊，又幾抵食。餐湯忌廉蘑菇湯，味道很不錯，如果再濃稠d就perfect~~all day breakfast, 煙三文魚，德國腸，炒滑蛋，煙肉，薯角沙律焗豆蕃茄，味道對得起這個價錢。至於脆皮豬手就。。。 作為招牌菜就差d,不過88蚊應該都係咁既水準，個皮太韌，太乾身，咬到牙都軟晒。。個汁好一般，d豆角都算爽口。當然同德國佬餐廳既豬手仲有一段距離，不過價錢黎講當然呢間平好多。所以都無expect太多。餐飲加20蚊轉iced mocha, 個味ok, 唔會偏酸，但無乜咖啡香味，好似朱古力同咖啡味都唔夠特出，但又唔係差，中上。奇異果提子特飲，加8蚊，幾得意，奇異果梳打水加提子果漿，不過d奇異果粒好酸。整體ok, 抵食，味道可以。…Read More

元朗區價位唔錯的好味泰菜唔算貴，食物ok,我的至愛，馬來盞炒通菜，通菜很嫩，馬來盞個味ok唔太鹹，雖然唔夠以前食過既馬拉餐館炒得香，但味道也不賴。炒飯一般，略濕，算可以。個人比較喜歡乾身粒粒分明既炒飯。串燒還好，牛好食過豬。配沙嗲醬正生菜包ok, 很多生菜，很嫩，肉碎唔算太辣我接受到，無小曼谷既生菜包咁辣整體ok, 對得住價位。…Read More

揾食揾到去屏山，坑尾村行過去很近，原來係屏山文物徑後面，華嫂另一邊。叫左幾碟小炒，西蘭花炒鮮魷，58蚊很大碟，好味，鮮魷很爽滑。生炒骨，ok, 略為唔夠香，無乜肉蒜蓉粉絲蝦，$149 唔錯，蝦夠大隻。粉絲略為散修修。整體唔錯，價錢抵食。…Read More

夜晚尋找美食，揾到去近水邊圍邨的美食小巷，原來成條街都係泰國菜館，中間夾左間印度清真菜館。見好像不錯就槓左入去試。樓面只有2檯客，我們坐低之後不經不覺又多左好幾檯食客。叫左個2人a套餐，2個人份量岩岩好。前菜點左印度薯仔沙律，配搭好特別，個味調得好味但略鹹，個醬似老麥魚柳飽醬，入面有碎菜，蕃茄粒同薯仔，薯仔好味。bbq烤雞，真心推介，鐵板上，d雞很滑很惹味，稍為要注意一點就係檸檬放左上鐵板太燙手，很難趁熱擠檸檬汁。最後就係咖哩牛肉同naan餅咖哩都有調過味但唔夠香，牛肉太韌。唔夠置樂果間咖哩屋咁好食。但個naan餅就好出色，我反而喜歡呢間d naan餅，吃過咁多印度野中呢間d naan餅整得最好。質感鬆軟唔會過硬，好味。如果咖哩都係咁出色就真係無得彈 價錢都合理。2人套餐埋單198, 無加一， 包2杯凍檸茶。下次會想再來…Read More

排隊排1個多小時無白費。最近元朗區真係多左好多隱世小店，真係好難揾，元朗人都真係未必揾到。呢間小店近合益路，大概新b 仔後面，近24惠康附近。 過橋麵檔果條行直入，壁球場前面有間甜品店，甜品店轉角就係，好多人排隊。至少都排成個鐘，差唔多排到既時候店員會幫你點餐。這小店只係有拉麵無其他野食有黑蒜湯底同普通湯底，2個都叫晒。叫左綠茶可樂$18 黑蒜湯底，一試便愛上這味道。好地道既日本拉麵，相比一蘭拉麵，我更愛這小店的黑蒜拉麵，這味道真的很難忘，配菜的荀清甜爽口得讓我很意外，平時在美國的日本餐館我都不愛吃這些荀，因為普遍都係偏硬身。這個荀真係太好食喇。隻蛋係半溏心蛋，我幾喜歡這個質感。留意到餐廳所有調味料都是日本的，完全好似身在日本享受緊拉麵咁。麵的份量很多，女士食唔晒最好叫少麵，如果唔係食唔晒真係好唔禮貌，尤其是大廚就響正前面煮野同收碗。。友人點的普通湯底，佢無俾comment 我 日本人大廚好有禮貌，入去一定全部人同你打招呼，埋單又全部人同你講多謝。是次晚餐很滿意。…Read More

見咁多好評走去試，中伏添。。預早一星期book位，所以唔使等。不過入面都唔係full, 可以揀位坐。環境都算清幽，岩小聚傾計，唔限時所以唔會趕人走。2個人食叫左2個set,一個帶子意粉，一個肉眼扒，餐湯係雜菌湯，味道一般，湯偏稀無乜味，同元朗區同類型餐廳的雜菌湯相比，一試便分高低，呢度水準真係唔夠好。店員哥哥唔知點解全程好緊張。。serve 湯既時候仲倒濕左我條裙。。不過算吧，好少意思。主菜：帶子意粉意粉偏硬身味道好普通。。無乜特別。。帶子有雪藏味，偏乾身，用料唔夠新鮮所以帶子失去了本身的清甜味肉眼扒 7成熟肉眼扒真係好失望。。。食物賣相係吸引，不過食落係另一回事，塊扒至少3分之1都係肥膏。。又唔係無juice但係唔知點解又鞋又乾，好似食緊有汁既牛肉乾咁。睇塊扒入面d 血色其實係偏紅似7成，又唔似overcook 喎，但就係又鞋又乾唔知咩事。。mocha latte拉花賣相係okay 既，但飲落都係好普通，偏苦但無乜香味，唔算出色。總括環境同食物賣相都好，但味道同埋食材用料真係雖要改善。…Read More

想試這家很久了。價錢公道，菜式吸引的泰國菜。等位至少半個鐘以上。不過店員哥哥好好人，問佢d 菜式有咩分別佢都會細心解釋過你聽。味道還可以吧我覺得。食過咁多泰國菜，呢度未算最好食，不過可以接受，中上水準。以這個價錢來算是很不錯。店員服務態度很滿意。讚。…Read More

見新開跑去試，仲多人過士林。。。等左好耐，3個人等1個幾鐘。。。正常肚餓suppose 食咩都好食。。但係，真係食落好一般。。未食過咁差既韓國菜。。。結論係gimmick野食一次就夠。。。…Read More

聖誕節特登去拜訪姆明，姆明真係好可愛 餐廳外貼了告示，因為排隊人數太多，不再派籌，只能排隊。幸好人龍不算太長，排了半小時多點就入到去了。由於聖誕節關係，餐廳話只能order set dinner, 不能散叫食物。每人最低消費250蚊。Last order 係晚上9時半。Set dinner 每位350蚊，有2隻紀念杯可以帶走。加姆明pancake 就480蚊，有隻小小陶瓷姆明可以拎返屋企。Set Dinner 包括：前菜沙律餐湯三文魚沙律 麵包薯蓉 主菜： 我們選了一份西冷扒，和一份鹿肉飲品：包2杯姆明特飲，and 2杯普通餐飲甜品：加錢的姆明pancake前菜無咩特別，餐湯過得去，姆明特飲都幾特別，細細杯紅色就係。紅莓汁但有肉桂豆寇味，唔難飲。後面2袋就係同特飲一樣的杯可以帶回家。三文魚，後面係麵包薯蓉，麵包好硬，薯蓉幾好味。D 餐具都係姆明樣架。肉眼扒加大蝦，肉眼扒唔算熟但好韌。。味道嘛嘛。。鹿肉。。又鞋又韌。。又細塊。。對住艘處女星號食飯，食食下開走左，原來對面係維港個view, 仲可以見到中環摩天輪。 正。姆明pancake 反而幾好食，個cream 好soft, 食落唔heavy, 個pancake好香。姆明仔仔可以帶返屋企3層小屋係唔同甜品，布甸，朱古力同焦糖燉蛋，燉蛋無咩焦糖味，含一陣先會出蛋味，okay 既。記住小屋唔可以攞走，如果唔係待應姐姐會報警 主題餐廳其實都預左好睇唔好食，不過好就好在有得食有得拎。門口隻爸爸媽媽史力奇仲有好多相不過無位upload. 是日分享係咁多。…Read More

新店開張第二日跑來試味，不少人排隊。等了20分鐘左右，終於買到了。我買了蜂巢雪糕，友人買了岩鹽朱古力雪糕。軟雪糕的質感很好，比一般軟雪糕更綿更rich, 蜂巢會有少少痴牙，有少少甜，不過很清新，mix 埋成杯雪糕來吃可以中和返甜味。 建議用杯食，因為見到別人用筒食跌左個蜂巢。。。 @@友人個岩鹽朱古力，就則係軟雪糕加d 鹽同朱古力，就係咁簡單。下次想試下綿花糖咖啡雪糕。希望唔好排咁耐隊啦。 …Read More

這麼好吃有水準的茶記，居然沒人留食評？離上一次光顧已經有2年的時間，因為長期不在香港的緣故，一回來最想吃的其實是這一家茶記。因為印象中他們的食物太好吃了。但是，因為這一家屋邨茶記實在有點兒唔就腳，所以一直沒機會再光顧。其實去之前有點擔心他們會不會換師父，好想再吃到美味的奶醬多。幸好，那位很用心煮食的師父還在，更好的是食物還是和2年前幾乎一樣的價格，再一次的感動。這次去的時候雞脾賣光了，所以點了雞翼餐，雞翼+奶醬多+紅豆冰都只是23元，不過雞脾都只是加5元，上次在元朗的茶記點了差不多東西都要承惠44元，而且還沒這家那麼好吃。朋友點了麵配炸豬扒，還有意粉配雞扒配飲品都只是30多元。雞翼皮脆肉嫩，肉帶微粉紅，炸的剛剛好，非常入味，而且肉質非常滑，很考師父功力與時間控制。奶醬多烤得剛剛好，不會太軟太硬，不知道為什麼他的奶醬做的非常香，花生醬好像有煮過還是怎麼的，好好吃啊。這次上桌我們雖然沒有趁熱即時吃，放涼了點但還是被這奶醬的香味與好吃度感動了。炸豬扒好像是他們家的招牌菜，炸得也剛剛好，非常入味。紅豆冰是我的最愛，很地道的茶記風味，紅豆起沙，椰味奶味都剛好，而且我喜歡他們的杯子大小，童叟無欺。說真的香港大大小小的餐廳，找一家能做好一杯地道的紅豆冰已經是很難的事情，很多不是味道不夠就是豆太硬。凍檸茶很特別的味道，他們家的沒有一般茶記凍檸茶的苦澀味，茶色很美很均勻，重點是還有4片檸檬！！！現在市面上的檸檬都賣要到4元1個了，他們還能保持這麼便宜的茶餐而凍檸茶裡面還有4片檸檬。很欣賞那位師父對食物水準的堅持。朋友點的雞扒也很入味，不過配意粉是有點奇怪。回到香港，很多出名食評再好的茶記都去過，港島，新界，九龍的，但真的暫時我覺得最好吃最讓我感動的茶記就是這一家了。難道真的是吃好東西就要找隱世的？出了名就逃不出質素下降的厄運？如果是這樣的話，我倒希望他們能繼續隱世，那就可以繼續食他們用心製作的食物了。…Read More

平常很愛光顧茶記，大大小小的茶記都去過很多遍，這一家我覺得不過不失吧。點了一個雞脾薯條下午茶，加凍奶茶，總共三十三塊錢。奶茶味道有點淡，不夠濃，但不會苦澀，可以入口，但不算出色，對比奶茶王和其他比較有名的茶記，味道算是中等吧。雞脾外皮炸得不錯，但裡面沒有味道，不入味，對比屯門三聖那一家，永樂的雞脾比較遜色，就好像吃外層的時候覺得很期待很美味，但越吃越失望越沒味道。薯條就跟一般茶記差不多吧。總的來說，還是不過不失吧。…Read More

看食評好像不錯, 所以決定到這家小店吃飯慶祝生日。本來以為這店會很多人, 而且店內只有12個座位, 所以一早打電話來訂檯。但到了才發現整個晚市到打烊只有我們這一檯的客人, 不過感覺很好, 好像我們包場一樣 哈哈。可能因為是新開張, 招牌看起來沒有很吸引, 舖位沒有很顯眼..所以客人都跑到旁邊裝修比較高級的Bar..吃飯的時候有2對情侶經過在門口研究MENU..不過最終都沒有進來。(可惜啊, 錯過了這麼好的食物。)入正題。我們2個人點了一份SET DINNER和一個意粉。SET DINNER大概$200多, 意粉是$108..大概是這個Range, 看你點什麼食物, 高級食材自然比較貴。例如松露意粉大概$160-170左右。個人覺得以食物水平來說價錢非常合理。肉眼扒SET DINNER包括:1. 是日例湯> 南瓜湯    (濃濃的南瓜味, 感覺不會太泥, 好喝! )2. 蒜蓉多士     (多士很香很脆, 不過不算非常特別。)3. 煙三文魚沙律配紅酒醋     (紅酒醋很特別, 酸酸的很開胃, 又有陣陣紅酒香, 吃下去酒味不重, 有股紅酒清香。)4. 肉眼扒    (超大塊肉汁豐富的肉眼扒, 七成熟很嫩滑很Juicy, 不會太過火候。)    (配上醬汁味道很配合, 吃下去有滿滿的幸福感。)    (連配菜的薯蓉餅也很好吃。蕃茄也是用心去挑的, 平常不愛吃蕃茄的我, 也想試一口, 非常清甜。)5. 餐飲> 奶茶    (對比港式奶茶, 這裡的奶茶不太出色。很濃, 但偏苦澀, 不及港式奶茶濃中帶香。)6. 是日甜品>士多啤梨窩夫     (賣相沒有高級甜品店吸引, 但咬下去窩夫非常香, 而且啖啖肉桂香味。)    (跟普遍吃到的窩夫很不一樣, 這邊的又香又脆味道又濃, 正!)意粉是香蒜帶子海鮮意粉 (推介!!)好喜歡這個意粉! 用料十足, 非常多的海鮮(帶子、鮮蝦、硯肉, 魷魚)帶子很香, 鮮蝦很爽, 連意粉都有濃濃的海鮮味, 我猜是用海鮮湯煮的意粉。而且海鮮湯的鮮味十足, 不會像一般餐廳的做法就是放很重的味精。而且有香濃的蒜蓉味及香草搭夠, 好好吃的一道菜。平常能令我覺得好吃到要再回來光顧的店不多, 不過我肯定這一定是其中一間。而且環境清幽, 很適合情侶共進晚餐。唯一的缺點是這店菜式的定位不太清晰, 店內及招牌都採用了意大利旗幟的裝飾, 但又不完全是意大利菜, 兼做了港式早餐及下午茶, 感覺有點奇怪。跟店員溝通後他們表示主要做的是西餐廳菜式。而且將會不停加入新元素, 鑽研更好的美食! (LIKE)假如這家店的餐廳管理模式再完善一點, 一定很受歡迎。希望他們能夠撐下去, 很希望再次吃到這麼好吃的大酒店級水平的菜式。謝謝他們為我們烹調一頓這麼美味幸福的晚餐。…Read More

同朋友聚會，見到openrice豆花譜既食評唔錯，所以一試。一行4人留左位，去到原來間野好細好窄，二十個位都唔夠。見到留座的四人檯一半已經伸出左路邊，唔係太想坐，不過咁岩入面有人埋單，老闆娘都好易話為，同我地換左檯。環境一般，不過真係好細間。但都算乾淨。餐牌只有一版，唔係太多選擇。見到食評話紐西蘭肉眼扒好食，連店員都推介,可以配飯/意粉/薯菜，所以我地４個人都點左，但真係有Ｄ失望。好似仲加左價添，食評話78蚊，但我地食左88蚊，加左餐湯＆飲品，15蚊，有紅湯，白湯賣晒，所以我地轉左甘荀湯，個湯都ＯＫ既，老闆娘話自己磨甘荀整既，出來既效果係好似糊仔咁，好濃調，看上去好似茄汁，但係係溶左既甘荀，幾健康。個扒真係唔係好掂，店員一上上左3份扒，但個汁就未拎上來，結果個鐵板都凍晒，Ｄ汁淋上去就無左＂咋咋聲＂既效果。我果份最遲上，所以仲熱，我朋友即刻幫我淋Ｄ汁上去，終於似返個扒。不過真係第一次食扒係咁既情況。個扒同預期中既唔一樣，肉眼扒應該比較厚身，但係我地Ｄ扒好似紙咁薄。。我朋友果份勁薄，只有0.5cm厚，有Ｄ貨不對辦。其餘3份大概0.8-0.9cm，同豬扒差唔多厚..味道只係一般..信錯左食評叫左7成熟, 但係個扒係勁韌，用刀切都好吃力，切半分鐘都未切得開一小片，可能太薄既緣故，火候控制得唔好，過左火似８成熟，但朋友果份扒有個角係完全唔熟，出晒血，一樣既食物差距都幾大。88蚊食個咁既扒, 真係唔係好抵。咁既價錢在元朗區比較好既扒房，可以食到好好味又厚身既牛扒。呢間野D牛扒只流於大家樂/大快活咁既水準, 連椰林閣都比唔上。不過老闆娘服務態度真係幾好。我地食完野聊天都無趕我地走, 仲好好咁拎多幾杯水俾我地添。…Read More

順路經過三聖村, 見到食評唔錯, 決定入去一試。裝修如一般茶記, 做街坊生意, 環境衛生唔好太高要求。餐廳張圖其實係後門, 前門比後門感覺好好多。早餐午餐下午茶同埋其他碟頭飯都係20幾蚊, 好抵食, 係通脹前水平。午餐時段到2點, 2點後下午茶。同朋友叫左下午茶, 雞翼餐轉雞脾都係加3蚊,我點左雞脾薯條配紅豆冰, 朋友點左雞脾奶醬多配紅豆冰。食左一口奶醬多, 已經哇一聲覺得好好食。多士烘得岩岩好, 配埋奶醬真係一流。紅豆冰好好飲, 真係舊式茶記咁既水準。相比起其他新式食肆, 三寶既紅豆冰真係好出色。椰味&奶味岩岩好, 紅豆軟身起沙, 好正。雞脾都唔錯, 唔會炸得過火,皮脆肉嫩, 肉非常入味。好耐都無食過咁好食既茶餐廳, 感覺很不錯。見到堂食很多人都點左芙蓉蛋飯, 好似很不錯, 下次決定去試試。堂食有人點左凍檸茶, 茶色不錯, 用濃茶沖, 仲有5片厚薄剛好的檸檬。應該都唔差, 下次一於再幫襯。…Read More