lovekathy 36's Profile

男朋友帶左我Prohibition食Dinner ，我哋兩個都係第一次食！超級滿意呢一間西餐廳(・∀・)唔怪之得網上評價咁好！✨Whiskey sour用雞尾杯汁裝住嘅Whiskey，飲到有少少Lemon juice ，味道幾清新。✨日本靜岡縣蕃茄沙律造型超精美嘅沙律，我影相影咗超耐，佢嘅沙律菜仲要係火箭菜，營養價值好高，額外再加咗好香濃嘅水牛芝士，同意大利黑醋汁調一調味，好開胃。✨原條深海龍脷 18安士成條上嘅深海龍脷真係唔簡單，足足18安士好足料，嫩滑魚肉，超級正。西班牙伊比利亞黑毛豬鞍架✨仲有呢一個黑毛豬都幾好食，肉質方面都幾軟嫩，焦糖燴蘋果甜甜地咁，醬汁好入味。…Read More

酸菜魚迷又出動啦!朋友推薦既餐廳又點可以錯過呀~今次黎到荃灣~酸菜鱸魚味道唔會好辣~鱸魚又滑又鮮嫩，入面仲有好多酸菜魚必備配菜!大豆芽,薯粉等等,都可以自己額外再加爆炒雪花牛肉配料同牛肉都夠曬份量，牛肉仲好入味!最中意就原粒蒜頭拍入口!正所謂[吃肉不吃蒜,香味少一半]辣椒炒肉呢個青椒加埋炸左既豬肉好夾，食落脆卜卜，送飯一流!紅糖糍粑食完甘多辣野當然要食反啲甜野解下辣啦，熱辣辣上枱即食真係好好味，仲可以跟據自己既口味沾幾多黑糖都得…Read More

已經有超過8間香港分店既韓式烤雞專門店真係太好味啦!呢間新開舖頭又大又舒服😍最愛係佢地既無骨烤雞，真係啖啖肉食到停唔到手，當然都仲有其他菜式可以試啦✅🖤韓式玫瑰醬炒年糕辣辣好開胃!擺入口之前仲聞到好香玫瑰味👍🏻好特別~朋友一路食一路不停飲水😂不過我個人就覺得未去到好辣，可以一試🖤芝加哥9吋Pizza大大份，一上枱就充滿住芝士既味道!咬落去仲啖啖肉，仲有小小蜜糖既甜味😛🖤白金花卷裡面其實係午餐肉同蛋，紫菜仲好香麻油味☺️小朋友食就岩曬啦🧡唔食辣野既朋友揀呢款砂鍋魚糕湯🖤都係一個唔錯既選擇，湯底甜甜地，仲有好多魚糕!!👍🏻👍🏻…Read More

相信大家有follow開我嘅朋友仔都知道我好鍾意食中菜😏 今日就特登嚟到呢一間餐廳到大家分享吓有啲乜嘢餸菜係值得推薦😈1️⃣紅油鵝腸：紅油鵝腸是一道擁有豐富口感同獨特風味，鵝腸入口就感覺到佢嘅肉質好嫩滑。口感幾好，並且帶有少少韌勁，好有咬口。另外配埋配上香辣紅油醬汁令到味道層次更加豐富。❤️紅油鵝腸推薦食用指數為：★★★★☆。🌈強烈推薦喜愛辣味同特殊口感嘅美食愛好者嘗試。2️⃣紅油牛柏葉：紅油牛柏葉是一道以牛柏葉為主角😈，牛柏葉的肉質鮮嫩多汁，搭配麻辣紅油醬汁🌶️非常惹味。❤️紅油牛柏葉的食用指數為：★★★★☆。🌈推薦喜歡川菜同辣果嘅食客品嚐這道美味佳餚。3️⃣小炒田螺：小炒田螺係我全家都好鍾意食嘅小菜。我媽咪成日都話喺屋企點炒都唔好食🥲。但係呢度就炒得好唔錯。師傅以小火快炒，搭配蒜蓉、辣椒和其他調味料。❤️小炒田螺的食用指數為：★★★★☆。🌈我超推薦喜愛海鮮同辣味嘅美食愛好者品嚐呢道美味小食😋…Read More

💙日本過江龍背脂拉麵💙大家係咪好耐無番鄉下食拉麵呢😏用背脂黎做主打既拉麵你又食過未?黎自東京東久留米市既背脂煮干拉麵店開到黎香港啦!等我去試下先~咩係背脂?即係豬油同煮干,同時都係沙甸魚干做秘方熬製拉麵湯底,加埋日本醬油.香港人真係好中意食拉麵~平日晚上去到已經有好多人慕名而來💙細細舖位總係比人感覺有人情味,雖然唔可以同一時間接待好多客人,但係都好有日本既風味🇯🇵等左15分鐘左右就有位啦~同行朋友叫左一碗湯拉麵一碗沾麵試一試💙💙特製背脂煮干拉麵 $88好特別既係佢有大量新鮮洋蔥碎係上面,令到成碗麵食落好Fresh,上面分別有兩塊叉燒(炙燒過豬腩叉燒同埋慢煮豬肩叉燒),兩個口味一次過享受😋個麵同沾麵相同,軟硬度都係可以自選既,💙海老辛醬背脂煮干沾麵 $108沾麵既湯底好濃郁,好香海老既鮮甜味道,拉麵揀左軟,食落覺得係適中~湯底有一層厚厚既油脂,但係食落去一啲都唔會覺得油膩,反而令到成個感覺升左level💙靜岡綠茶可樂/靜岡蜜瓜梳打  $18兩款飲品都係日本直送既~綠茶可樂飲落去似綠茶加左梳打水,又冇可樂甘甜,而蜜瓜梳打飲落去好清爽,配拉麵食岩岩好…Read More

之前食過A5和牛後，一直念念不忘呢間既靚牛，今次同老公再黎食過A5和牛燒肉放題！除左刺身 炸物 海鮮都任食任燒 ，呢兩個鐘真係物超所值油花分佈得好靚👍🏻 唔會似其他鋪頭未解哂凍就咁上碟厚切三文魚帶子甜蝦北寄背都係我既最愛，仲有其他刺身都好新鮮呢度用iPad電子落單，可以等你慢慢揀想食啲咩。落單之後上菜都好快。仲有飲品任飲！職員都好有耐性咁教我地點樣燒啲海鮮最後仲有movenpick 雪糕食，燒肉放題黎講真心無得輸。…Read More

同朋友一行四人揀左呢間日式燒肉，之前都聽過朋友推介呢間A5和牛好好食，今次終於要黎試下。坐低冇耐店員就送上和牛set 同埋海鮮拼盤。每一塊和牛都寫明唔同部位，等試過好味既話就落單，當然可以點其他既，不過我地都係留肚食和牛。呢度係用電子落單，好方便。落左單之後野食都黎得好快。和牛油花分佈都好靚，色香味俱全。海鮮拼盤入面既鮑魚同甲全羅都好好味，叫左白飯配鮮味既蟹膏簡直一流。以呢個價錢食到既質素真係超值。其他仲有刺身、壽司、炸物。 飲品任飲，仲有啤酒添。…Read More

收工同男朋友去食飯，揀左將軍澳中心呢間餐廳，因為見佢星期六日都好多人排隊等，反而平日比較少人，可能我地都食得早，7點幾就去左食，所以可以揀到卡位坐。叫左個二人餐，有兩件蒜蓉包，可以揀是日餐湯或沙律，我地各揀左一樣。主菜揀左安格斯肉眼扒10安士（5成），黑松露野菌手搓粉，仲有雪糕同野飲。 蒜蓉包熱辣辣鬆脆～餐湯係紫薯忌廉濃湯，我覺得比較杰身同滯，飲完飽左好幾成，問過待應原來定期會轉唔同款，好似南瓜湯、粟米忌廉湯、羅宋湯等。沙律新鮮、用黑醋汁淋面。安格斯肉眼扒真係好好味，勁juicy，如果單點都係二百幾蚊，10安士份量好大塊，兩個人食好足夠。黑松露野菌手搓粉最令我驚喜，除左黑松露忌廉味濃郁，手搓粉既麵質係我喜愛既有咬口，唔會好稔。最後仲有曲奇味雪糕同水蜜桃果茶。我地兩個都食得好滿足。 …Read More

新開一個月，因為住得近所以假日經常去呢間食早餐，侍應人手非常不足，佢地忙住傳餐執檯，舉左好耐手都冇人理要落單。 今日叫左蕃茄牛肉米粉，配多士炒滑蛋，包一杯熱飲。因為上次飲過咖啡覺得偏酸，所以今次叫左熱奶茶，味道不錯。蕃茄湯底濃郁，重有好多薯仔粒。牛肉就不過不失，整體黎講都幾好味。…Read More

午餐去土司工坊食個快餐，叫了叻沙。湯底濃郁好有椰香味，有幾隻蝦、扎肉片、半隻蛋、豆卜吸哂湯底既精華好入味，面既份量亦好多，食完真係超級飽，好滿足！加埋杯南洋咖啡（少甜）。60幾蚊對得起呢個價錢。…Read More

呢間新開張唔夠一個月，之前試過去食早餐落漏單，外賣叫下午茶自取，去到先話賣哂熱狗、西多，所有包既餐都冇。谷到一肚氣！今次夜晚黎食佢既招牌菜 叉燒蝦仁滑蛋雙併飯（$68）包飲品老實講真係好一般，好似將早餐既炒蛋、叉燒蝦仁擺埋一齊 咁就上菜，蛋既味道都ok 既。另外想講侍應既態度好差，我地舉左手好耐都冇人理，嗌左聲［唔該］，個男侍應轉頭就語氣好差咁講「做咩」，呢間茶餐廳黎幾次每次都有不愉快既事發生，希望佢可以改善下。…Read More

6點幾既時間，呢間餐廳唔算多人，野食好快送上。豬肉生菜包嗌左少辣都好好味，6-7塊新鮮生菜，豬肉粒炒得好香口，加埋香料個味幾好食。泰式金邊粉賣相好靚，蛋網包住左入面既金邊粉，味道不錯，但佢隻蝦就冇乜味，有d 失望。…Read More

榛子朱古力慕絲用左58%朱古力加埋榛子cream , 味道香濃，鐘意食朱古力嘅你一定鍾意呢一款。雲呢拿士多啤梨慕絲士多啤梨果醬，味道酸酸甜甜，好開胃！食多件都唔會覺得濟。白桃洋甘菊慕絲呢款有白桃啫喱係入邊，外型好靚有隻蝴蝶係上面，味道比較特別，好清新。抹茶慕絲香濃的抹茶味，味道唔會好甜。好岩做下午茶的甜點。…Read More

Kfc 又出新野，大大隻雞脾皇，有幸係佢做緊$10優惠個陣食到，真係超級抵。平時下午茶都有套餐加汽水（$25），加蕎麥麵就（$29）。呢隻大大大雞脾皇啖啖肉，皮脆不過唔辣。食完佢都飽左9成呀。…Read More

今日去藍田拎護照 順便去附近食早餐。匯景商場好似冇乜餐廳好食，行行下搵到呢間茶餐廳，早餐都算平（$32）轉公仔面+$2叫左個叉燒公仔麵，腸仔煎雙蛋，甜餐包，熱咖啡。 味道正常不過不失，街坊價錢算係咁，但咖啡味道偏酸，個人唔太鐘意。…Read More