gilgilkat's Profile

剛剛完成左個Project, 同事話點都要報復式唱K😂😂. 去左旺角嘅Red MR, 間房都幾大，我地20 幾人係度都唔覺迫。佢地既食物都幾好，雞翼同串燒都好惹味，我地不段encore 再encore 🫢🫢由於人數眾多，等咪期間我地玩住佢地既board game 狼人殺同 啤牌，可能之前太大壓力，成班同事儘情釋放，笑足成晚。 店員都ok，儘量幫我地清潔枱面，飲品及食品都好快到。我地已經約定下次完左project 會再癲過😆😆…Read More

今天有個lunch meeting 要同 Partner 傾細節，知道銅鑼灣有間cafe 有獨立房間，傾野就啱晒我哋。我地間房有落地玻璃，有自然光，感覺幾舒服。我點了黑松露蒜香奶油雞脾肉意大利麵，賣相唔錯👍 意大利麵有咬口，蒜香味濃，雞脾肉幾滑，有驚喜。partner 點左吉列豬扒飯伴芝士蛋卷，個咖哩汁有水準，吉列豬扒炸得剛好，又不會滿口油， partner 讚不絕口。食lunch 都有間房，約人lunch meeting 真的值得推介👍👍…Read More

放幾日長假，約左約幾個朋友去尖沙咀唱歌同食lunch，跟住去睇戲！去到 reception見到幾多人攞房，好彩一早book 左😬 入到房梗係點曬要唱既歌先，有我最愛既 MC Cheung 同 Mirror 😍😍 就算唱唔到，睇住個 video 都好開心。真心講，地方幾乾淨，但server 可能比較忙，放低野就走，都可以理解既！跟住就點左個黑松露雞脾肉意大利粉，個賣相都唔錯，食落都幾好味，比出面餐廳還要好，這個值得一讚。另點了幾款特式飲品，都幾得意的，但掛住唱，無影相 😆😆 。…Read More

今日早上到炮台山開早會，路經這間餐廳，見到環境相當唔錯，見時間尚早，不如食個早餐先去開會🤭入到餐廳侍應有禮貌地遞上餐牌， 點了雪菜肉絲米粉，個湯熱騰騰，米粉很爽口，雪菜肉絲很入味，同有小小辣，很惹味！ 而多士烘得很脆口，牛油均勻地塗滿整塊多士，再加上蛋味濃郁的日本蛋，大滿足！  杯熱奶茶都有驚喜，茶同奶既比例剛好，同埋很夠熱的，呢個值得一讚餐廳環境及食物質素中上，而價錢又合理，雖然要加一，但坐得舒舒服服，是可以再來的🤤…Read More

今日係旺角見完客，個腦需要休息一下，見到這門面裝修雅緻，入面寬闊，所以便選了這間作我一天的加油站。午餐點了黑松露野菌忌廉意大利麵，賣相已經好吸引，放上枱面還是熱騰騰的，香濃黑松露味道，意粉有咬口，不是一般淋晒的港式煮法，配上軟滑忌廉，入口極有滿足感🤭 見到餐牌有港式奶茶，又試一試，杯茶很熱，奶味香濃，茶味剛好，不會苦澀，值得一讚！ 而且環境尚算清靜，點餐用qr code，唔使對話，無人打擾。一路飲住杯茶，一邊整理思路為下個會作好準備😀  如下次再係附近開會，一定會再來🥰…Read More

同屋企人飯聚很喜歡到這個地方，由舊鋪到現在已有十多年，現鋪地方比較細，但無阻我地繼續光顧。這裏的經理都是股東，位位都是銀髮一族，但全都服務貼心，很勤快的，見到他們快手快腳很佩服。屋企人大都住得很遠，但知道訂了這裡都必定出席。這裏的冷盤豬腳仔很出色，很爽口。小排骨是我的至愛，酸酸甜甜很開胃。今日還點了蟹粉小籠包，食到很濃的蟹粉味，很滿足。 賽螃蟹不太油，雪菜毛豆百業、雪菜肉絲炒年糕、蔥油餅及蔥油拌麵都是每次必點的菜式。而煙燻小黃魚因為已經賣晒，所以食唔到。由於吃貨的哥哥沒有出席，所以無點他的至愛炆豬手。一家不起眼的上海老店，但每次總是坐無虛設，一定有他的原因。🥰…Read More

同朋友每月一聚的飯局選了這間餐廳，由於早食的關係，餐廳沒有太多人，環境清靜。見網友極力推薦洋蔥湯，所以朋友選了洋蔥湯作他的頭盤，而我點了這個香煎鴨肝伴多士，朋友說洋蔥湯味道較淡，但仍然是好飲的，而鴨肝煎得頗香口。主菜是茄汁大蝦配白飯，但我改了沙侓，個餐出到來就知點解配白飯較好，但仍然可以分開食的。朋友點了釀春雞，見到個雞好juicy，唔鞋口，仲有個蜆殼粉，我忍唔住分咗朋友的粉來食😂😂 甜品選了Les Voiles De St Tropez, 傳統的意大利甜品 crepe 是必食的🤭🤭 餐廳Server都很有禮貌，食物又不錯，會再去試埋其他甜品😂😂…Read More

朋友們住係唔同區份，所以揀中間站九龍塘的又一城食飯。這這間餐廳可能位置較偏，所以不用等位。等齊人開始點餐，餐牌好像很豐富，有東南亞及西式美食選擇，頭盤點了雞肉串燒配印度烤餅，串燒味道可以，但薄餅略嫌硬身。另點了蟹肉意粉，及菠蘿海鮮炒飯，掛住傾偈冇乜特別留意味道，應該不是太差或好好味😂😂好似唔係太夠喉，再點了燒魷魚筒，上枱已經不太熱，可以改善下。最後點了抹茶及椰子千層蛋糕各一個，甜品做得不錯👍👍侍應們都很有禮，環境開揚，又唔太嘈吵，朋友傾計一流👏🏻👏🏻…Read More

Thai Basil 係我一間好鍾意食lunch嘅餐廳。原本是在太古廣場地下的，搬上一樓裝修後地方更大更闊落。lunch沒有lunch set,  全是單點的，但lunch時間遲少少去都要排隊，所以每次都很早去😂我和同事們都很喜歡食這個酸辣燒雞米線，湯底酸酸辣辣，對喜愛泰式菜的我很啱胃口，再配埋個燒雞胸肉，好似很健康的🤭。另再配上芽菜給香草葉，成個泰式味都出晒來👏🏻 我們會再另點燒豬頸肉一齊分享，豬頸肉都燒得很香口，所以每次都必點！ 然後傾下計，唔係好逼好趕下食 lunch，呢度是一個很好的選擇。雖然入座是說明要60分鐘後還枱，但係金鐘食晏，一定可以準時還枱的🤪…Read More

來這間餐廳前睇OpenRice嘅評語好壞參半，本着試下唔會真咁差既心情來到試試。基本上環境同service 都冇問題的👍但廚房同食物質素有待改善。睇咗餐牌見到有爐端燒，所以叫咗三款作頭盤，但等咗半個鐘頭都未有得食，唔緊要，同朋友傾住等，但由唔肚餓等到肚餓😂 啲燒物上到枱時只是微暖，但現場又唔係好多客人，點解廚房出才會今慢🧐。跟住main course 既爐魚，嚇了我一跳，兩塊魚卷用一個飯碗的器皿上菜，份量少到呢😰 同埋d 魚係個飯碗，用刀叉係食唔到的，我唔知個廚師有冇自己食過一次🤣 跟住個羊扒無得別，都係凍的🤣  。本來諗住點個甜品，但朋友話根據之前既菜式，有機會伏伏地😅😅 ，第一次食飯要餓住走😆😆 . 最後一提係個menu ，可能佢地要sell tasting menu，d 字正常，其他menu 既字size 細到影完相要再再再再放大先睇得清楚。餐廳搵 foodie 寫完，客人跟住試左一次，打左卡，之彼係唔會番來的。有咁靚個view，樓面同事又唔錯，唔好浪費資源，好好的正視 operation 既問題💪🏻💪🏻…Read More

跑馬地新開左間越南餐廳主打牛肉河粉，佈置簡潔，連bar 枱只有20多位，今日早點去食lunch，入到去唔使等位。一見到點餐紙，跟另一間越南餐廳一樣。但呢道度有前菜，車厘茄酸酸甜甜很開胃大家點了生牛肉河粉，河粉可選少、正常同加大，朋友話要加大因唔使加錢的😂😂 另配料有洋蔥，蔥等，但我就不加了，河粉夠滑，牛肉質素唔錯，湯底味道濃郁，很重牛味。大家一齊share 扎肉，這個味道也很好，朋友點了青檸梳打話要清下濃郁既湯底味😂😂…Read More

朋友提議到山頁食飯，見好耐都無上過山頂，請朋友book了這間餐廳。當天星期五晚，整體山頂人流不多，餐廳相當闊落，音樂襯托下，好有Friday night mood。首先點了garden salad, 沙律菜很新鮮，沙律汁很開胃。另點了醃豬豚肉意大利通粉，通粉很有咬口，煙煙韌韌的，但稍嫌個汁鹹了點。Salami Pizza 一到，我們都話size 很大，一定食唔晒，但店員解釋pizza 做得很薄，不要俾個size 嚇親😂，果然個底做得很薄身，一點不覺漏，同埋個邊做得很脆口，值得一讚。最後食埋個 Tiraimus 同開心果雪糕，大滿足🥰…Read More

約朋友食午飯，他極力推薦到疊囍居試試這裡的點心，說是正宗及巧手出品。點了鮮蝦餃，果然是皮薄餡靚，蝦很大隻同新鮮。叉燒包亦都很出色，個皮做得很鬆軟，內裡叉燒食得出是新鮮製作，朋友一次食了兩個，完全無問過我要唔要食😂。另點了半份叉燒，食材新鮮，咬落去入口即溶，連d 豆都很好味😋 重點是龍蝦泡飯，經理陳年細說個湯底是用上大量龍蝦頭及龍蝦殼再加上海鮮熬製而成，所以個湯龍蝦味很重，再加埋泡飯一齊食，口感一流👍👍…Read More

星期五晚同朋友食飯，她很揀擇，揀地方食飯是很頭痛我，所以訂了這間她很喜愛的農圃飯店😏。每次必食的糯米雞翼是我們的頭盤，可惜喜愛的杏汁豬肺湯今天沒有預訂，點菜時已經售罄，好唔開心，我地話一定要預訂先。點了家常的咕嚕肉，肉質爽口，甜酸醬做得剛剛好，不是一般的死甜。另點了石鍋翠玉瓜豬豚肉，石鍋熱騰騰，最適合秋冬季節食用。加埋冬菇竹笙扒生菜，簡簡單單便是一餐。最後這裏的蛋白杏仁茶亦是必食的，甜度適中杏仁味香濃。大滿足😋😋…Read More

今晚近近地去左雅蘭中心的和民食晚飯，睇下menu ，有熱銅，天氣凍凍地，點了海鮮銅。這個銅是二人份量，啱晒我哋兩個人，唔會太多食唔晒。有三文魚 （呢個比較奇怪，可能用埋出魚生既材料）、蜆、帶子、蟹柳、菜等，材料一定不是靚料，但明知價錢唔貴，預了這些出品，周埋自在有得烚吓烚吓。另點了加州卷同燒鯖魚，味道ok的。再追加烏冬，會俾埋隻雞蛋同湯料，呢個最後食是唔錯的😀 好似唔多夠喉，再追加多個野菜，咁就好滿足。…Read More