Chi chi chu's Profile

相隔好耐冇寫食評，冇諗過喺觀塘一個咁偏僻嘅位置都可以搵到一間好用心服務嘅火鍋食物水準係有嘅，味道都唔錯，最開心係$68任飲酒水食物好固然知係重要，但個人認為最重要嘅係用心嘅服務。知道人手唔足夠，但見到佢哋好盡力咁服務每一枱客。今日特登為朋友慶祝生日，佢哋除咗幫我哋準備切餅之外，好細心咁準備埋一籠壽包（我哋從來冇要求過嘅），唔係價錢嘅問題，係有心，先至係最緊要。一定會再介紹其他朋友過嚟，希望好嘅餐廳，香港唔會買少見少。…Read More

復活節假期專登揸車入嚟食雲南米線，附近泊車好方便，停車場5分鐘就到。適逢假期嘅1點半，竟然唔需要等位，直接就有位坐，so Lucky 🍀 二話不說嗌咗個皇牌米線少少辣，男朋友就自選小窩米線中小辣啲手撕雞撕到好似雪花咁薄（🤣本身想講廁紙碎，但費事大家有畫面），俾啲湯汁浸完之後完全索曬湯汁嘅味道原本心諗雲南米線一定好多油，但配合螺旋藻一齊食，感覺又健康左同埋清新啲。平時唔食得辣，呢個少少辣好啱我。男朋友呢碗腩肉，紅腸、墨魚丸、雞翼尖、炸醬小窩米線，除咗墨魚丸味道口感一般之外，整體都屬於好啱口味嘅雲南米線🤓。男朋友好快成碗食完之餘，湯都飲咗一半。環境同座位要求就唔好要求太多，因為始終小店經營，搭枱是常識吧多謝朋友好介紹，搵到啱自己食嘅雲南米線…Read More

每逢生日要選擇去邊度食飯係最傷腦筋😮‍💨，要好味又唔好太貴(性價比為主），最好有啲花臣嘢睇下開心啲🥳，朋友介紹咗我黎呢度食，話好適合生日去。7點去到已坐左7成人，每位師傅都係招呼緊4位客人。😌低當然第一時間叫支720ml sake先，叫左支大嶺3粒米(但唔記得影🤣）。好在嚟之前響open rice做好research，叫左個龍蝦鮑魚套餐。所有食材非常新鮮👍🏼，甚至乎不停郁🫣只需要輕微調味，已經好好食，加上師傅廚藝精湛，我地喺側邊食邊驚嘆睇表演。🤭無飛刀，但放火係一定有🤣。今次唔逐樣介紹食物啦，因為掛住睇表演，同埋同隔籬枱傾偈，成日唔記得影相🤣食材唔會浪費，個龍蝦頭仲會攞埋去煲湯，好鮮甜最後當然有壓軸表演環節，就係即場拉花寫生日或者慶祝語句俾我哋影相留念🤣🎉。整個食飯過程最開心係有表演睇，有好味嘅嘢食之外，仲可以不停咁同師傅傾偈、乾杯🍻🤓係一個好正個人化體驗😌…Read More

專登揸車入嚟食牛牛，適逢週末點幾鐘，舖頭已經坐滿人，我哋兩個人企喺門口等， 34度天氣真係好熱，雖然舖頭好忙，但老闆娘都不忘打開門禮貌地問候我哋同埋後面排隊嘅人等咗15分鐘到就有位，當然要同其他人搭枱啦，但都唔緊要，因為好肚餓。分別叫咗兩碗麵，一碗係沙嗲牛肉湯麵，另外就係沙嗲牛肉脆炸麵，湯係屬於好傑好濃郁嘅，但係個人口味來講，本人鍾意燶少少嘅花生味，同埋鍾意稀薄啲可以即刻入口嘅湯水😛，所以濃厚湯汁唔係我本人最喜愛嘅，但牛肉就好厚身同埋好淋，完全冇筋位，牛肉咁厚身都唔會韌脆炸麵一撩開就碎晒，牛肉+汁同麵嘅比例係1:1，真係每啖面都索住口口好濃郁嘅沙嗲汁，個麵餅都好脆，比起湯麵，我覺得呢個更加值得食另外叫咗個炸雞翼，呢個雞翼好好食，未加調味粉之前專登咬一啖，裏面好多肉汁，外面炸醬亦都好脆身，有啲似食緊越式牛油雞翼嘅感覺，但當然味道就係靠自己用調味粉去調教啦，重口味嘅我哋就落咗好多麻辣粉同孜然粉，四隻雞翼好快清咗牛脷心要等耐少少，因為真係老闆逐條切出嚟，但係都好值得等待，睇落本身好似唔係幾吸引，但咬落就知道唔可以以貌取物好柔軟，亦都好夠鹽味，仲有肉汁響咬嘅期間響牙罅度滲出黎秒殺雖然要花啲時間等，但係食得出兩位老闆嘅用心製作，期間亦都好多熟客衝入來主動幫忙，證明兩位老闆本身應該都好有人緣真係要多啲幫襯呢啲有人情味亦有質素嘅小店…Read More

今日出咗旺角行街，路過呢個位置，搵到一個舖位非常之大嘅茶餐廳，好光猛再揭下出邊個餐牌，吸引咗我入嚟食嘢呢度地方相當寬敞，食物選擇特別多，各類型都有，但去茶餐廳，梗係要食下嗰度啲炒粉麵飯啦，見到佢個讚好推介，所以決定食個泡菜牛肉炒飯炒飯份量十分之多，夠兩個人每人食兩碗，裏面材料都好豐富，有蛋同翠玉瓜之外，牛肉份量非常多，好夠鑊氣之餘，亦好抵食泡菜酸酸地，食落個炒飯好香口，好開胃。食飽嘆埋杯熱咖啡，好滿足好飽…Read More

之前有日路經此地，見到lunch set好抵食，食過亦都非常出色，所以決定晚市黎試一試佢由於我哋好鍾意飲酒，所以Booking都約咗響六點，諗住一邊飲一邊食,坐低二話不說一定要開支白酒先，頭盤唔使講一定要食生蠔，當日日本生蠔屬於海水味重啲，爽身，但鮮甜嘅樓面服務異常地出色😛響佢介紹之下，我哋叫咗以下嘅食物（當日其實飲咗六支酒，一杯啤酒，兩杯Cocktail，中間仲有幾shot Lemon cello，所以醒咗之後仲可以憑記憶寫到咁多嘢，我已經覺得自己好叻)最黐線嘅地方係，佢真係每一樣嘢都咁好食，所以就算之後醒返，都記得一定要寫返呢篇食評威威chef 同Billy 都真係用心制作同工作，真係要多啲幫襯呢類型嘅小店，物超所值…Read More

每次起身都想explore下附近嘅Cafe，九龍城其實真係有好多靚嘅Cafe未去過，今次終於的起心肝嚟慵懶生物。雖然天氣好熱，但坐響出邊確實係有另一種味道，加上佢出邊有一把吊扇，同埋體貼地提供一部冷風機，所以坐響出邊都唔會熱到出汗坐低第一時間叫番杯cold brew 咖啡冷靜一下，味道比較偏nutty,個人口味來講都OK，如果可以大杯少少更好😛。午餐我叫咗椒絲腐乳卡邦尼意粉，見好多人推介，當然要食佢嘅招牌菜式賣相相當吸引，橙紅色嘅蛋黃撈完之後，個意粉偏濕潤，啲汁相對亦好傑身，食落確實腐乳味好出，但純粹個人意見，整體味道偏鹹，食完之後好快就飲晒杯咖啡（所以希望杯咖啡可以大杯啲😝🙏🏼）最喜歡係餐廳歡迎毛孩淨係呢一點都值得再嚟。…Read More

想去呢度好耐，但每次見到排隊都唔想排，今日適逢點半鐘去到，竟然唔使排隊，梗係把握機會，同男朋友入去食返碗好湯好麵啦呢碗棉花雞，食落好似中式酒樓嘅金華火腿高湯一樣，傑身少少，但好好味，尤其是係個魚肚，索埋啲湯汁，每一啖都感受到嗰個精華所在，我飲到一滴湯都冇海龍王湯都飲得到每一啖海鮮嘅味道，亦有好似飲緊龍蝦湯嘅感覺，但係就稀身少少，飲落去冇咁膩，整體都屬於好味嘅依兩款嘅面都係屬於扁身陽春面，口感屬於爽身，但本人對於麵食未有深切研究，所以不設評論住。🤪呢個雞中翼，炆得好入味，就係慢煮感覺，所以偏向淋身嘅，個人口味，屬於唔錯。整體最美中不足就係麻油海蜇，懷疑佢當日唔記得落麻油，亦都冇調味，所以個海蜇只係一個水浸海蜇，完全冇味道，連相都唔想影。幸好湯麵搭救，所以整體感覺不錯可以再食（除咗海蜇）😜…Read More

今晚揾食到大圍，之前OpenRice 都有search 下有乜好食，但真係太多，路過呢度見到個好吸睛嘅k pop MV，揭下門口餐牌，就決定坐低。Aidan 主打韓式料理，亦相當多元化，今日食個小食，一個主食，天氣熱當然要翻杯啤酒🍻。落單2分鐘已經有啤酒，再等3分鐘所有食物已熱辣辣送上枱。今晚叫左個炸紫菜卷同泡菜肥牛炒粉絲。炒粉絲份量都唔少，眼見都有肥牛、紅椒、幾款菇類、翠肉瓜、泡菜，食落口有少辣，粉絲偏向多汁，所以每一啖都有掛汁，食落口感豐富。炸紫菜卷無諗過，外皮炸到好香脆咬落口，原來都係用粉絲、紅蘿蔔粒同少少蔥粒做餡，好彩本小姐一向好鐘意食韓國粉絲，所以好快趁熱食晒埋單都係$200左右，食咁豐富，捧住個肚走，CP值爆燈吖👏🏼😛…Read More

今日坐屯馬線黎到土瓜灣揾食，路過北帝街，最鐘意睇門口餐牌，見到呢個轉角位嘅茶舍無諗過土瓜灣都可以食到呢種質素嘅西餐。一於決定坐低入去試吓先見到半隻龍蝦系列相當吸睛，一於叫左個龍蝦海鮮意大利飯，$148再送普通飲品，加錢可以試其他，一於飲下佢嘅星級飲品:綜合水果紅茶。坐低15分鐘食物就送到上枱喇👏🏼，賣相相當吸引，眼見有蜆、青口、魷魚筒，當然仲有半隻主角：香煎波士頓龍蝦🦞啦。意大利飯口感偏向黏口，掛汁但味道唔會好濃，剛好可以食到海鮮味道😛，係我喜愛嘅口感食飽，二話不說要飲返杯水果紅茶先，本身好擔心會好甜，點知一入口，覺得好清新，係水果嘅鮮甜，仲分量十足添，有士多啤梨、火龍果、檸檬、藍莓、話梅、青檸、薄荷葉，真係好適合夏天飲。最尾都要讚吓嗰度啲員工，佢哋嘅主動、熱心服務同禮貌，都幾值得讚賞完全冇諗過響土瓜灣都會有咁好質素嘅服務…Read More

每次出嚟旺角搵嘢食，都會有選擇困難症，但今日好有西式mood，😌路經呢度，見到門口餐牌都幾吸引，❤️一於坐低試下。餐牌有好多嘢都想食，但當然試吓人哋推介嘅菜式啦QR code落單， 今日有啲肚餓，所以叫咗個龍蝦汁海鮮意大利飯，加$12升級做套餐有湯及飲品，另外再加$18叫咗個芝麻蝦多士😋👏🏼落單後2分鐘餐湯就送上，速度非常快😆👏🏼今日餐湯係蘑菇粟米忌廉湯，每一啖飲入口都有一粒粒嘅蘑菇碎，nice👍🏼 芝麻蝦多士上枱嗰一下已經聞到好香嘅芝麻味，多士外面鋪滿黑芝麻，麵包中間夾住一大塊蝦餅，另外配上煉奶，好香脆可口，呢個價錢冇得輸啦😛最後隆重登場嘅係龍蝦汁海鮮意大利飯，賣相相當吸引，有蝦、蟹肉、蜆、青口同元貝肉，用龍蝦汁做醬汁，唔會好重味道，幾清淡，咁先可以帶出其他海鮮鮮味，意大利飯煮到剛剛好。每一啖入口都有豐富嘅龍蝦汁意大利飯，口感非常豐富,由上碟擺盤、食物賣相去到食物質素，呢個價錢， CP值相當之高最後埋尾要咗杯餐飲熱齋啡☕️，令呢一餐畫上一個完美嘅句號…Read More

夏天炎炎，最啱食魚生，之前一直都想來土瓜灣試吓呢間魚生丼飯，今日終於可以嚟試吓 約咗朋友收工6:30嚟食，裏面已經有幾台客。坐低打開Menu，花多眼亂，都研究咗一陣，因為樣樣都好吸引 結果朋友決定一人叫一個魚生飯share：夢之丼同花錦魚生丼😛 當然都要試吓佢嘅是日推介：深海池魚同埋矢柄薄切😍由於肚餓嘅關係，再追加左左口魚邊壽司、磯燒帆立貝、柔煮鮑魚兩個魚生飯都相當吸引，首先食咗花錦魚生丼先，當中有三文魚、白身魚、赤蝦、左口魚邊、金蟹子、三文魚子、櫻花蝦、蟹膏豆腐、玉子、青瓜、松葉蟹、蜆肉，淨係睇內容都知相當豐富一啖咬落，夾雜着各種口感同鮮味，每一啖食落口絕對有滿足嘅感覺😝🫰🏻相當好食食到第二個丼飯，呢個夢之丼入面有三文魚蓉、三文魚子、帆立貝、牡丹蝦、松葉蟹、左口魚邊，入口十分creamy,帆立貝同牡丹蝦一食入口就知好新鮮，海膽亦都相當鮮甜😋帆立貝有火炙過，入口外面好香，入面依舊新鮮柔軟，配合紫菜食，味道唔錯池魚刺身好鮮甜，但矢柄刺身相對仲更加好食，配合少量魚子同埋香蔥，加上特製嘅汁，帶出咗佢嘅鮮味柔煮鮑魚都煮得好入味😌最後就係左口魚邊壽司，佢有火炙過，所以食起嚟會有啲啲油分，好香口，有啲似食緊拖羅魚腩嘅感覺，好味有驚喜，咁樣豪食法買單都唔洗$1000，抵呀再encore‼️…Read More

8號波一落，就二話不說打算揸車去遠啲嘅地方食嘢，沙爹牛麵係本身最愛嘅食物之一，響關注組聽聞永順嘅沙嗲牛麵做得好出色，一於入嚟元朗試吓佢兩點嚟到門口已經排緊隊，但人流入店嘅流轉速度都幾快，前面排咗七個人，但等咗10分鐘就可以同人搭枱坐低食。坐低第一時間叫咗碗沙嗲牛肉出前一丁，男朋友就是沙嗲牛肉蟹王麵，再叫咗個炸雞翼拼炸豬扒，我就飲熱咖啡少奶。其實所有嘢食都上得好快，10分鐘左右就已經有得食🤭沙嗲湯底好濃郁，個出前一丁煮到剛好，唔會太淋，亦唔會太生，係我好鍾意嘅生熟程度質感仲好掛湯，牛肉唔會用生粉乸到啲質感淋晒，係食到新鮮牛肉嘅質感同味道雞翼有一種南乳味，但豬扒先係我至愛，個炸粉漿好薄身，所以炸起嚟好香脆，雖然肉質有少少乾，不過味道真係唔錯，下次有機會再入嚟食下其他配搭先…Read More

剛好約咗人去旺角登打士街，上網見到呢度啲牛腩好多好評，我自己好鍾意食清湯腩同柱候牛腩，所以好想同黎會一會佢坐低冇耐好快就有得食，牛筋炆得相當淋，仲好入味，真係幾好味😋，牛腩其實肥瘦適中，所以入口都係好容易咬開嘅狀態，係好味嘅，但當然，😌各人有自己喜愛嘅口感，我就當然有心目中更好嘅牛腩選擇，😊但牛筋確實冇得輸湯亦都非常之清甜，我就非常之鍾意飲加上我好鍾意多青，所以真係好啱我整體其實都係好味嘅，但當然環境衛生情況就有如一般茶餐廳一樣，唔好要求太多…Read More

西營盤一向出名多小店，好多都好好味，星期六好想据個扒，又希望可以性價比高，見OpenRice 介紹，呢度好評如潮，一於去試吓早一日book定，已經專登book 2點先去，但去到都有幾枱客食緊，証明呢個地方應該有一定吸引力坐低叫左個set lunch 另加豬鞍架，但男友見價錢唔貴，好想乜都食下，所以加錢要左虎蝦同埋紐倫堡腸當然等食嘅期間要去冰箱度揀啤酒啦，簡直花多眼亂，乜都想試，最終都係揀咗一支細紅酒同埋2支啤酒。啲嘢食送上枱，相當吸引，燒得好靚仔，最重要嘅係，味道亦都相當好食，我同男友都覺得好驚喜，呢個價錢，性價比非常高，認真要大讚食牛扒最怕生熟程度不如預期，但呢個五成熟，相當到位，調味亦都好充足，唔使點汁都已經可以直接食晒豬鞍亦燒到剛好，唔會太乾，仲保留到肉汁。總括嚟講，性價比高，一定要有下次…Read More