happy judy的个人专页

上年八月同朋友食住家小菜時剛巧碰上鷹巢名曲夜，當時有駐場歌手唱中英文歌，剛好一年後難得老闆係低潮中請我地食飯，我同同事就提議去鷹巢有得食有得聽，即刻將會員通訊個廣告俾老板睇。老闆睇完冇我哋咁好氣，佢話後生細仔係咪真係有興趣，其實邊度食都無所謂老闆請食飯梗係要佢開心，唔係仲點會有下次。照舊嗱嗱聲訂枱，幫老闆留埋車位，接線生仲問有冇小朋友，服務幾好。預訂時先知有最低消費及限制，原來依家個名曲夜同以前唔同了，搬咗去隔離個宴會廳仲有埋舞池，咁就算啦反正人多直接食一圍菜，平均計返一個人都係$400到，同食自助餐相差不太遠。鷹巢三小碟(金牌叉燒皇、椒鹽脆軟骨、蒜泥拍小黄瓜)百花釀蟹拑蟹肉杞子冬蓉羹沙巴大龍躉兩食 (頭抽香煎沙巴龍躉球、金針雲耳蒸斑頭腩)鮑汁花膠北菇唐生菜蜜檸牛柳炒萵筍琵琶吊燒雞蝦子鮑汁薑蔥撈麵蝴蝶酥拼紅豆千層糕嗰日因為始終老闆請食飯，輪流出去舞池陪老闆跳下跳下，所以沒有影太多相，邊聽歌邊跳舞邊食飯眨吓眼就完咗個活動，今次菜式非常多難以每碟評論，但係每樣的味道都非常好，比平時的點心更有特色，買單時同服務員傾左幾句，讚佢啲菜好味，原來當中有啲菜式係每月由廚師精選限時提供的，眾多菜式中我個人最鍾意蟹肉杞子冬蓉羹，粒粒蟹肉而且吃得出很新鮮 個男仔最後離場是叫我老闆下個月9月4號再去，咁即係佢哋應該一個月有一場，一班同事有唔同年齡去依啲幾好，各有各享受嚟緊8月尾又去探BB，好大機會都係去返呢度食晏晝，估唔到食下去下變左我個飯堂…查看更多

菠蘿海鮮炒飯 HK$96 唔算有鑊氣，但係份量好足，而且擺盤幾好睇。泰式蝦刺身 HK$90 + 龍眼冰 HK$10跟餐 /HK$32正常加單泰式蝦刺身的蝦肉不過不失，可能天熱所以冰溶得很快，建議一上桌就馬上完成。龍眼冰已經叫了小冰，但可以看見大半杯八成都是冰塊，味道以泰菜來說不算偏甜，但是正價HKD32實在有點昂貴。 沙嗲串燒半打  HK$84+ 飛天通菜 HK$66沙嗲串燒半打中雞牛豬各2件，這個的醬汁沙嗲醬非常出色，點後把平平無奇的串燒帶起香味，如果串燒有鑊氣就更好了。飛天通菜普通，又是欠缺鑊氣，失去泰式風味。香燒豬頸肉 HK$70 + 泰式鳳爪 HK$12跟餐小食香燒豬頸肉又是欠缺鑊氣，食物切得比較薄，少了啖啖肉的口感層次。泰式鳳爪非常入味，酸酸辣辣而且份量10分足夠，值得一讚！泰式金邊粉 HK$68 LUNCH SET不是正價餐牌而點，lunch set 的份量有點少，未到夠濃但沒有泰國的風味。燒牛脷 HK$48 + 大蝦炸蝦餅 HK$80燒牛脷的賣相擺設非常吸引，相對其他菜式這個叫做比較香，牛脷的厚度增加口感！炸蝦餅略嫌不太夠彈牙，但上菜時的熱度令菜式減少油膩感。泰式海南雞飯 HK$68 LUNCH SET + 泰式炸魚餅HK$12跟餐小食海南雞飯及炸魚餅最後上，忘記了拍照，海南雞飯的份量10分充足，海南雞肉不算嫩滑但有點新加坡天天的味道，炸魚餅沒有什麼特別，相對不及泰式鳳爪抵食。…查看更多

午餐一人前，有日步行經過朗豪坊無意中發現的，樓上鋪來說午市生意相當不錯，差不多全場坐滿。我們剛好坐下了最後一張空桌，店員很有耐心介紹不同餐牌的內容，下單後很快就上了小食及麵豉湯，這都是午餐免費贈送的。主菜送到時都不敢嘩了一聲，非常足料非常豐盛，豚肉口感有層次，充滿肉香但不油膩。配上温泉蛋伴飯，一流享受！結帳時店員特意上前查問食後感，推薦我們下次試試他們晚餐，並輕輕解說他們自家料理的梅酒，服務非常貼心。…查看更多

第一次認識呢間中菜廳就係因為被免費泊車所吸引, 上次黎過應該係一年前食晚飯, 都唔記得左當時登記左做會員,  打電話訂位時個女仔好好主動問係唔係會員再幫我用電話號碼CHECK, 會員有折扣的, 仲幫我留定車位, 就係咁我星期六到個陣唔洗等位仲連排隊等停車場GE時間都唔洗浪費!我地得2個人, 食少少野先上朋友屋企探BB, 但估唔到有粥仲有湯而GE選擇!斑球魚湯米線換稻庭面本身個菜單係寫斑球魚湯米線, 另一個係紫菜蝦球湯稻庭面, 我朋友心大心細又想食魚又想要稻庭面, 落單個員工就好好咁提出唔介意加錢可以轉俾我地, 我朋友即刻四萬咁口就落左斑球魚湯稻庭面, 我自己叫左碗粥所以試左2啖, 魚湯好甜加埋滑滑GE稻庭面口感一流, 朋友就話食到D魚好鮮, 好想試埋個紫菜蝦球湯稻庭面黑松露素餃呢個係落單個員工介紹的, 佢話係佢地中菜廳推介GE點心之一, 上菜時連埋個蒸籠蓋一齊出, 出哂煙感覺上夠哂熱同埋衛生好多, 起碼唔洗送菜途中食哂塵, 咬落口就有好香的黑松露同埋菇味, 少少爽口GE應該蘿蔔, 呢個配搭幾得意.白灼時蔬佢有幾款菜揀的, 我地就揀左菜心, 比平時飲菜少油得黎又夠綠, 重點係佢每一條菜都批走左菜頭, 食哂成碗都唔攝牙!桑寄生蓮子蛋茶我仲記得個上次飲個紅豆沙, 今次介紹左俾個朋友飲. 我就揀左桑寄生茶, 呢個岩哂女士飲, 個蛋都算入味咬開都有入到茶色, 唔算甜清清地岩哂我口味. 其實我想叫個燉雪梨但未有貨, 留返下次再試喇~最後走個陣先留意到佢地擺哂D月餅出黎, 呢個盒好靚呀, 清左D月餅個盒都可以用黎放野, 朋友生左個B女應該下個月都會出呢頭, 下次經過先再買喇~…查看更多

這間餐廳是朋友推薦的，漢堡包薯條很多餐廳都有得食，但他就是有他的賣點。我們全部統一都叫牛肉漢堡包，其中一份叫了double牛，口感一流，漢堡扒弄得很香牛味，芝士味也很濃，非常juicy!小食叫了兩個薯條，這個就沒有太大驚喜，不過不失，越快食越好，否則芝士涼了變硬影響味道。飲品我們統一都叫了香港限定Milk Shake，奶茶味很香濃，飲品很滑口，有點似溶了的雪糕但喝下去也不會很甜，推介！自助形式點菜，環境衛生尚算可以，是簡單朋友敘舊的好地方。…查看更多

興記一共有幾個鋪位，所以就算排隊都很快有得入座，不要被人龍嚇走呢每年冬天都一定會到訪廟街食煲仔飯，不重於個味道，好味足料的煲仔飯市面上有不同的選擇，反而喜歡是那獨特的氣氛，人來人往，店員好像一家人般百忙中互相有講有笑，對待客人的不是尊尚服務但有種無形的親切。2018年的最後晚餐，除了叫左2個煲仔飯，其實仲點了蠔餅及椒鹽吊桶，但小菜吃光光先等到2個飯到，所以如果要食物影大合照的話建議先叫煲仔飯，過一會才點小菜…查看更多

環境非常清幽，泊車空間足夠，寒冷下到訪有點去了外國小餐廳的感覺。大食漢堡八安士的牛肉非常足料，牛肉味濃而且相當juicy，配上熱暖的粗薯條及清新的配菜，10分滿足。煙肉漢堡為咗一條的菠蘿而點，煙肉煎得很香，加了少少蜜糖汁更好入口，那菠蘿很推介！陳年老吉茶+檸檬蘆薈茶天寒地凍下的郊外沒有選擇到咖啡，反而揀了兩杯比較養生的飲品，估計不是自家調製的，但飲品的味道不錯，起碼不是水汪汪淡無味的，下次到訪必然選擇咖啡。小小建議，店主可考慮多加意粉或All Day Breakfast 的選擇，好讓食品有更多不同的種類，增加客人再度光顧的機會…查看更多

上FACEBOOK見到鷹巢做緊泊車優惠又有套餐可以點....所以搵左日收工去試下. 套餐每人可以揀小碟兩款...我就揀咗餐廳主力推介的金牌义燒皇同埋我最愛GE香蔥海蜇頭....金牌义燒皇睇落仲以為好油膩...點知入口即溶...仲有陣香味帶點蜜糖....甜甜地的....超推介香蔥海蜇頭: 大熱天時食D凍盤....爽!!!湯方面的就揀咗比例中式的足料老火湯...當日係霸王花煲唐排....味道少少甘但好清甜....冇油但得一讚處理得夠細心...飲完都唔口乾証明冇味精....正!之後到小菜...我揀咗彩椒野菌牛柳粒....有菜又有肉....有點驚喜因為冇諗過中餐廳會用鐵板上....上菜時仲熱辣辣...伴飯一流!!!最後到甜品...選擇咗鮮百合蓮子紅豆沙....呢個又係餐廳主力推介....賣點在有沙但冇豆....平時的我喜歡食有豆的紅豆沙....但呢晚的晚餐確實比想像中豐富....所有得返D精華都係一個不錯的選擇! 其實個套餐仲包絲苗白飯一碗...我地就加咗$38送多個時令蔬菜...所以性比價真係極高....仲可以係交通繁忙的旺角區免費泊車....已經計劃下次再同朋友去試下其他小菜!!!…查看更多

呢間小店行過幾次都見門口好多人等位, 上星期夜收工見人唔多而家餐牌價錢大眾化, 所以就入左去試一試. 碳燒雞中翼見住佢係店中窗口位置即黠即燒, 雖然唔會話燒到有卜卜趣的口感, 不過香口得黎又夠多汁, D肉燒完仲好嫩滑, 非常正!大大份炸蠔餅平時其他店食開幾新鮮都會有點油膩, 但呢間小店處理的好好, 就算食到尾都冇油膩感. 另外值得一讚係非常足料, 蠔仔粒粒都超大粒!馬拉盞芥蘭煲炒菜火喉好夠, 其餘都冇咩特別, 個人覺得相對咸了一點, 不過飲返2杯啤酒中和返哂. 椒鹽九肚魚食到中途見旁邊有台點了九肚魚睇落去好吸引, 所以我地都加點了一份. 同炸蠔餅一樣, 香口但係一點油膩感都冇, 好正! 九肚魚SIZE算大, 夠多肉, 不過食的時候要小心有細骨. 總結, 水記性價比高, 仲有好多小菜未能一一嘗試, 所以必定會有下次的!…查看更多

誤打誤撞地搵到這間Leisure•悠小店，現在回想起也特別享受當天的brunch。小店有很多關於Love及Hope的小罷設，正力量的感覺從而得來。All day breakfast的選擇有4個，揀了以下2個，因為這2的食材分別比較大，感覺多元化一點。簡約朝日這個是價錢比較便宜的，算是最基本的齊全。沒有太大的Selling point，但值得一提是厚厚的麵包，吃了已經飽了大半素食朝日這個比較有特色，雖說是素食，但個人覺得是日式的素食。特別的配搭，牛油果及乳酪吃起來感覺健康，就算吃了炸可樂餅也不覺太熱氣由於相隔了一段時間，已忘記點了什麼咖啡，只記得熱的比凍的好味道。總括小店的性價比不錯，如果可以加多一點選擇會比較多元化。…查看更多

因為係市區返工，所以放假盡量都去啲郊外地方，避免人多擠迫的侷促。假日早起心思思想去飲茶，即刻出發去川龍。當日運數不錯還有西洋菜供應，這是我每次必點的。香港確實唔太容易找到油菜甜美的蔬菜，有些時候就算西洋菜沽清或缺乏供應，我都會選擇其他蔬菜代替。其餘點心都沒有什麼大驚喜，始終已經去了不下10次，只要去得夠早點心的選擇就會越多。不過入夏之後應該會停一段時間，除了熱之外還有蚊患情況，雖然情況不嚴重，但個人是非常吸蚊的，還是留待初秋的時候再會吧…查看更多

幾次假日出了元朗但過了早餐時段所以未有光顧，今次特意較鬧鐘早起，終於趕得切早餐時段完結前到達之前早早見到早餐價錢極之吸引所以計劃前來，早餐食品方面確實沒有令我們失望，性價比超高，質素同元朗大部份cafe相約唯價單低了接近一半。不過，令我未必會再次光顧的原因在飲品方面，我們二人都加錢轉了咖啡-Iced Mocha and Iced Hazelnut Latte，沒有咖啡味之餘，轉飲的價錢也不便宜，或者選擇檸茶奶茶會比較安全。值得一提的是餐廳行前10步就有公眾咪表停車場，適合揸車人士，不過假日的話一定要早先比較容易有車位。…查看更多

係聯和墟經過幾次都有意想試下，但每次星期日都人山人海，今次星期六經過終於有機會試吓。流心醉蛋$10酒味唔算香濃，但如果鍾意食台灣7仔的溫泉蛋就推介一試古法醉雞米粉$43只要對雞的質素不要有太高期望就ok，感覺是冰鮮雞所以沒有什麼雞肉，不過醉雞夠入味，個人喜歡將醉雞汁加落湯麵度一齊食，湯底相對比較淡，侍應推介選擇米粉會入味些天麻川芎白芷魚腩湯(藥膳)米線$43藥膳味不算太濃，魚腩都算幾滑而且足料，但食的時候小心有魚骨，這個選擇了米線，因為藥膳比雞湯濃味所以味道還不錯菊花茶$16有杯裝及枝裝的，我們兩個人就叫了一支share，雪得夠凍非常透心涼，個人略嫌甜了一點有機會便再次光顧，想試試豉油皇豬軟骨及南乳炸雞球，因為見到隔離枱的貌相很吸引…查看更多

廣成冰室係上水歷史悠久，間中都會專誠去光顧，係一個下雨天諗唔到食乜嘅時候，又再好自然咁就去咗廣成冰室。每次夏天一入到去個感覺就係好涼快，冷氣超足。照舊來咗個常餐，任揀炒蛋多士定係菠蘿油，然後加個牛肉通粉同熱奶茶，每次光顧都係依個組合。因為已經食過幾次，餐廳懷舊嘅感覺比食物味道更令我有深印象。即使只係一杯熱奶茶，每間餐廳同冰室都有自己嘅味道，呢個係唯一比較獨特之處。上水區現在開得來越多餐廳，但有時決定唔到食乜嘅時候依度確實係一個好選擇。…查看更多

不久前經過舊墟發現這個餐廳，上網睇過資料後已經好有興趣想試。假日早上起床後便直接來了這裏， 可能還早大約12點，所以一去到餐廳已經有位，過多陣點菜後已經滿座，有不少都係父母帶着小朋友來的。星期日都有提供到set lunch...包餐湯或者沙律，主菜仲有餐飲，價錢約50到100不等。因為第一次來，所以冇乜經驗，如果下次再來，都會點扒餐，因為相對比意粉更抵食。餐廳附近有好多咪錶位，但可能因為係假日所以比較難搵到，駕駛人士可以留意下。…查看更多