FongTsz7234's Profile

16號下午茶時間到訪，不用排隊。店內裝修跟日本挽肉と米差不多。價錢不算便宜，最平一個套餐$88加一，但考慮到食材質素。CP值算高的。點了一個$88和$98的套餐，有沙律、湯、溫泉蛋。溫泉蛋拌飯一流，蛋味香濃。$88的套餐有兩塊和牛漢堡，原味和辣茄味。漢堡預煎的時間稍長，肉汁有點流失。和牛本身已用黑椒、鹽、香草醃製，不用再另外加調味料。芝士味較出色，有層次，亦彌補了肉汁不足夠的問題。整體食物質素佳，食材有食材的味道，這句看似廢話，但其實要做到不容易。如果漢堡份量再多少少就更有滿足感。另外可以跟日本餐廳一樣，提供一個籃給客人放袋更佳。員工服務態度良好，店主亦會不時跟客人聊天，介紹一下食材，在這價位的香港餐廳非常少有，希望可以保持。員工們關係也像朋友般，適量的有講有笑。一間餐廳員工的工作氣氛良好，其實亦會令食客多一份安心和舒適，比起一般冷冰冰像機械人般的服務，這裏無疑是一間有溫度的餐廳。…Read More

喺元朗好食嘅意粉都有唔少選擇，但通常價錢都唔平，呢間係抵食之選，當然都唔好要求佢同$200一碟嘅意粉比較啦🤣60幾定50幾蚊嘅泡菜卡邦尼長通粉，新穎嘅食法，份量就夠晒，不過如果豚肉可以多啲就好啦，另外叫咗個牛油蒜蓉單骨雞翼，呢個非常正 又香又脆，同埋唔會好似平時嗰啲咁細隻👍🏻👍🏻另一個意粉就加咗$20要個set 薯條普通 但係即炸，意粉份量都好夠。店主都會過嚟問吓你夠唔夠飽傾吓偈，幾Nice😀總結就係想平平哋食意粉就嚟試吓…Read More

友利冰室 勿當奴 派對到會套餐8-10 人到會套餐 $1680 免費送貨主菜x4 飯或意粉x4 小食x4 飲品x10 甜品（日本泡芙）x2 另加細乳豬$498由落單到送貨都好有交帶 送貨時間亦算準時 （唔好以為好正常 好多餐廳係呢一部份真係可以做得好差）雖然食物有甩漏情況 但最後都妥善處理。近期好多食肆都係剛開始嘗試做到會以幫補禁堂食的慘劇 所以都明白同理解的 最緊要之後有改善 撐住 加油💪最推介食物：威靈頓牛柳配蜜椒汁基本法腐乳羊架斧頭豬扒配蘋果蓉黑醋醬羅勒蕃茄牛柳絲炒意粉 牛柳真係好Juice 加埋蘑菇蓉同埋芝士係入邊 正 👍🏻建議屋企有焗爐嘅到咗之後焗返熱少少食比較遜色：三重芝士辣味脆雞乳豬（我自己加熱嗰陣燒燶左）雞真心太乾 乳豬太瘦無肉食 要改善同埋所有到會都唔建議叫炸嘢 冇好結果🤡…Read More

lunch buffet 408加一 會員75折 見大部分人同youtuber 都無咩負皮就去試下 因為假期所以要坐餐廳外圍 但反而仲好坐😂環境舒適乾淨嘅 員工服務都算勤快有禮 冷盤種類不少 質素正常淨係試左蟹鉗 鮮甜有海水味嘅串燒普通 無再拎多次種類lunch黎講正常 食物都係中上水平 無咩特別難食 如果大概要講下 特別推薦係大部分熱食 蒸魚 炸魚柳 蝦仁等都好食 估唔到係火雞整得幾嫩 值得食。👍🏻可以skip嘅有魚生 點心 同埋燒牛肉應該唔好彩 時間太耐難咬 豬肋骨味太重 肉質較鞋口 甜品方面蕨餅 燉蛋較出色 切餅較硬 不推薦 食返雪糕最穩陣雖然入到去個場一眼睇晒 感覺唔算多嘢食 但勝在唔會重複或者揸流攤放啲好普通嘅食物出嚟 每個位置都有心思同分別 全部嘢食一次之後都會好飽🤤整體有折每人300中 算抵食 不過避到就閒日去應該更好更平…Read More

無影相都想寫下 叫左柚子醬黑豚肉便當同一個牛肉漢堡 成60幾蚊 唔算平所以都有少少期待。勁失望 個飯真心離譜 諗住係豬扒或者腩肉 點知係薄薄嘅豬肉片 勁乾身無油脂佳寶果種。柚子醬少到近乎無味。重點係 得4塊 係4塊 我去食丼飯成70蚊可以擺滿一碗嘅豬肉片啦！洗唔洗咁孤寒？省食材嘅食店係最蠢 我寧願你貴兩蚊落多幾塊。牛肉漢堡份量正常 但包係凍同乾 無烘過。牛肉又係過哂火 唔知係煎太耐定返煎啦 好似一塊厚左嘅巨無霸牛肉咁 食紙咁最嬲係見到其他人啲一口牛便當仲大份過我一半 有成十幾粒 依加啲豬咁q貴咩？無下次！…Read More

友人推薦嘅西餐廳 紀念日去試下 外區黎建議再撘輕鐵。閒日7點半無book枱去 即刻有位不過位置就爭啲 所以得嘅book定會好啲😬餐前有啲包醫下肚先 好食👍🏻唔見有set menu 所以散叫黑松露薯蓉 墨魚汁鮮帶子海蝦扁意粉 超正 寫呢篇野都係因為佢🤤平時少食西餐因為真係好細碟 佢比其他份量多起碼3分1 個墨魚汁好香好creamy好好食👍🏻係粒帶子耐左少少 有啲乾身豬鞍勁厚身 應該成5cm 熟成岩岩好 juicy有豬味 薄荷朱古力抹茶鮮奶 叫左先知入邊原來係沙冰咁 抹茶同奶味都足 兩個人埋單$700左右 正常西餐價錢 不過質素同份量比其他好 會再去👏🏻…Read More

元朗名物終於回歸啦！🤤之前聽到佢結業好多元朗人都感到婉息 好彩等到啦 新店選址係雞地 都係小巷之中 不過鋪面較之前大 仲有堂食添剛剛開張 唔算多人充滿日本風嘅裝修黑松露章魚燒（六粒）$44蜜糖芥茉章魚燒（六粒） $40仲有4粒同8粒揀 另外都有冷盤 小食可供選擇章魚燒熱辣辣 好足料 每粒都有原隻章魚係入面 非常爽口 皮夠濕潤同時唔會夾起就散哂 仲有少少脆口 加埋滿滿嘅醬料同木魚 果然名不虛傳👍🏻小店需要大家嘅支持架 香港加油💪💛…Read More

大喜屋就食過好多次 殿就第一次 果然係正啲👍🏻Book左閒日6點 未有太多人 好好坐 叫嘢食都係用QR code 方便環保唔怕漏單環境寬敞乾淨 放題舖來講佢裝修都好高級 嘢食未黎之前可以出去拎下冷盤熱食 有清酒飲👍🏻出去行咗個圈落單嘅嘢食已經到咗 大概5分鐘左右刺食新鮮濕潤 拖羅好鮮甜👍🏻放題壽司質素真心好過好多出面單點嘅 呢度都唔例外 本人最愛蟹柳 正正子🥰回本位仲有鮑魚同海膽手卷🤤要特別講係件羊架 係放題入面食過最好食👍🏻厚身肉嫩 有彈性 juicy唔蘇 一個人食左3件🤤重點黎啦 任食！大滿足🥰整體食物質素 環境同服務都好 會再黎👍🏻…Read More

旺角鬧市要搵一間質素唔錯又好坐嘅放題都唔容易，大喜屋都可以稱得上係清泉😂我自己就比較鍾意星期一至四晏晝去食，唔使咁多人又唔使食得咁趕時間，價錢又相對平啲。刺身睇落都夠濕潤，食落就梗係唔差，有鮮味，油甘味。各款壽司嘅賣相好靚仔，質素都幾好，似係師傅即刻整。左口魚同埋三文魚燒過之後好甘香👍🏻燒鰻魚。都係新鮮炸起，炸蝦都幾大隻。燒羊鞍同埋雞翼。時間啱啱好，唔會好鞋，調味亦都夠。燒牛舌，爽口彈牙。芝麻雞翼 香芋球同埋炸椰奶，香脆入味，食完呢個唔想食其他雞翼😋牛油粟米，放縱之餘都算係食返少少蔬菜啊😂除咗飲品之外仲有一個自助區，有甜品水果同埋一啲熟食，不過如果唔係太肚餓嘅話就當然入去叫主菜啦💁🏻‍♂️整體來講，每一樣嘢食都唔錯，員工態度都幾好，環境闊落，旺角來講大喜屋放題係不二之選。…Read More

近排係社交平台經常見到呢間韓食出現💛今日專登慕名黎試下。留意返，鋪頭只有外賣無堂食架。韓式壽司見係最多人食，一定要試下先，叫左牛肉($43)所有款式價錢劃一。足足有12舊，份量十足，但調味唔太夠，飯壓得唔夠實淨，感覺似自家製。無骨原味炸雞 大 ($68)外賣嘅炸雞一定比堂食遜色，但遲左半個鐘食黎講都算脆口，建議可在盒頂開窿放水氣更佳。佢嘅炸雞應該算係比較健康，味道唔會好濃好咸，同埋應該係雞胸肉，無咁嫩滑juicy，不過亦減少罪惡感，唔油膩，個人幾鍾意，唯份量唔算多。如果想惹味啲可以試另一款甜酸。韓式炒粉絲($40)感覺同平時食嘅唔同，因為好多料😂同埋都係比一般嘅調味淡啲，但ok嘅，份量亦夠。整體感覺唔錯，兩個人150蚊左右，價錢合理亦夠食，試嘅食物口味都偏淡，個人幾喜歡👍🏻…Read More

新開係雞地嘅良心💛店 見唔少人食過都話幾好一於試吓。淨係做外賣 門面好乾淨 店員都好有禮貌 食得放心買得開心👍🏻去骨醬油雞油飯（ $48 ），分量正常，雞滑又幾入味，飯軟硬適中亦都香口唔係得啲色。半隻去骨海南雞（ $75 ）味道正常。整體價錢合理，分量足夠，味道都唔錯，醬油雞較好味，唯仍有少量碎骨，可改善更佳，會再食👍🏻下次要試埋佢嘅鴨同豬扒。…Read More

返工有啲呀叔成日話大鴻輝有間任食點心好正，今日咁岩係附近，就去試下佢個火鍋加點心任食🤤鋪頭係12樓，傳統酒樓格局。我book左6點半，去到即刻有得入，價錢方面成人每位$158，食120分鐘。可以睇下佢大概有咩叫，因為OpenRice 最多12張相，show唔哂。小弟就試左椰子雞湯底。好香椰子味，足料，有隻脾係入面添！之後睇睇佢係出面自己可以拎嘅火鍋配料，熟食，飲品等。配料喺呢個價位來講選擇算幾多（隔離仲有另一個櫃）亦唔馬虎，整潔，填充速度快，未見過有吉盤。好肚餓嘅朋友仔可以食住熟食先，質素正常。啤酒任飲，可惜我唔飲嘅。重點係有玻璃樽裝嘅麥精，可樂等，真係好味啲架😂有一點窩心嘅係隔離有啲坐熱左嘅麥精，生理期嘅女仔都有野飲👍🏻香港製造雪糕，都係任食，但我太飽無食🙈到大家應該比較關心嘅回本位，牛同點心啦。本身見到精選肥牛，都諗住係紅白分明嘅最初階肥牛，估唔到又幾靚仔，溶雪夠，食到少少牛味，已經非常對得住呢個價錢。點心係每件咁叫，蝦餃非常大粒，大概有三隻蝦係入面，皮都薄。燒賣一樣大大粒，爽口彈牙。馬拉糕同埋小籠包。食物款式真係比較多，食唔晒咁多款，大家自己黎試啦☺️食緊野嘅期間仲有應該係不定時推出嘅片皮鴨，夠晒值回票價啦👍🏻疫情期間大部份嘅食肆都受到一定程度嘅打擊，雖然我之前未食過，但憑佢嘅食物質素，上菜速度，仲有限定片皮鴨，都睇得出佢冇因為困難而做得差咗。另外值得一讚嘅係員工嘅服務態度。一般酒樓服務差已經叫正常，但呢度每一個員工都好好態度，會主動過嚟收野，加湯底，舉手唔會扮睇唔到走咗去，拍得住酒店質素。總結就係，同一價位可能會有差唔多嘅火鍋任食，但係有得叫埋點心，仲有玻璃樽嘅可樂，同埋會有驚喜片皮鴨，就變得十分抵食👍🏻…Read More

疫情打擊下，大部分食店都減價，估唔到德家係加價😂198嘅餐轉左238，抵食程度大跌。另外都有其他變化，先講好嘅。飲品多左自製冷泡茶飲，玄米茶幾香👍🏻落單轉用二維碼電話落，較環保亦可以睇返叫左咩幾點叫。衰嘢就多左，除咗加價，之前落完單好快就有野食，但今次就算第一轉都成5至10分鐘，之後就越嚟越耐。最後一轉last order，等咗好耐再追左兩次先至嚟，等咗40分鐘😵都真係幾擺到明專登拖單。好彩佢都唔會兩個鐘頭就過嚟趕你走，都食得完。食物質素無大改變，可以睇返之前大家嘅評價。…Read More

本身唔多好海鮮，因為要新鮮好味嘅海鮮香港通常都貴，不過女朋友話想食呢間旺角新開嘅蒸氣鍋就試下啦，又有驚喜咼！先睇吓餐牌，$268一位，我8點上去，呢個時段有8折添！已經有多款世界各地嘅新鮮海鮮同任食牛頸脊。飲品加$20就可以任飲。一坐低店員就放低調味料，仲好細心咁講解餐單。然後就先黎一個原盅燉湯，勁足料又出味，果然係燉左6個鐘，唔望都飲到有咩料係入面。一路飲一路畫八寶飯嘅料。重頭戲嘅海鮮！睇相就知係新鮮即開。我最鍾意係帶子，好鮮甜，食到有一絲絲嘅肉質感。鮑魚亦爽口彈牙。花甲同蜆嘅貝類蒸4至6分鐘左右就開哂，證明全部都好新鮮。八寶飯除咗自己點嘅料，仲有粟米，花生，南瓜等配料。飯煙韌，唔洗落調味已經好食👍🏻各款配料都叫左啲，雞有雞味之外，仲有好香酒味，正。牛勁脊睇色水都知真係非急凍貨，有血色，無起霜，食落牛味重，有牛嘅煙韌。佢嘅糕點都非常滿意，馬拉糕好鬆軟，亦唔鬆散，口感好，有蛋香。黑糖糕，紅棗糕等都好煙韌，好濃材料味，好好食！😋最後仲有冰粉，未食過亦未聽過咩黎，店員話係片糖冰糖，桂花等。點知其實唔洗問，一食已經好香桂花味，質感似日本嘅啫喱，好滑，入口即溶，亦唔會好甜，感覺清新。總結係二百幾蚊，有新鮮即開海鮮，仲有任食牛頸，一定要黎試下。…Read More

因為晏晝太遲食嘅關係，夜晚就諗住搵啲無咁飽肚嘅嘢食，見到呢間良心串燒都幾多人讚，試吓先💛佢最出名係海鮮砂鍋粥，不過我哋得兩個人所以就無叫，因為想試多啲串串🤤串燒就當然要等一段時間先有得食啦，大概20分鐘左右黎左第一輪，左邊開始係和牛粒，雞皮，雞軟骨，牛舌，雞肉，花枝丸，雞中翼。個人覺得所以丸類拎去燒都係最好食，由其係花枝丸(雖然我唔識分花枝同墨丸)😂燒得皮脆帶香，入面又保持到水分，juicy。雞中翼睇相都知正，皮脆肉嫩又夠大隻。入面亦有咸香，燒得岩岩好👍🏻第二輪有豬腩肉同泰式黑毛豬。豬腩肉嘅脂肪位置唔油膩，爽口，但同隔離果串一齊食即刻比下去😂黑毛豬串爽口有肉汁，最欣賞佢嘅汁，係沙茶醬，配落豬串好夾，果然係泰式串燒。最後就係最期待嘅茄子，果然無令人失望！原條帶皮燒，保持水分唔乾身，唔會油膩，茄子肉一夾就甩，時候岩岩好，最正係面頭嘅蒜蓉，毫不吝嗇，鋪滿成條，應該係再用火槍燒過個面，因為蒜蓉面係脆嘅，好正😋整體串燒調味剛好，平時食嘅好多都好濃味或者死咸，呢間食完都唔會口渴。埋單兩個人300蚊有找，差唔多啦。👍🏻…Read More