margiehui's Profile

位於上環的這間日式Omakase，以京都庭園竹林為主題，裝修雅緻，氛圍寧靜。師傅用心製作每道料理，更細心講解稀有食材，讓人不只享受美食，更增見識。前菜以長野番茄和水八爪魚打開味蕾，清新爽口。京都風柿盒配上蝦肉，鮮味獨特，令人回味。隨後的白魷魚赤馬糞海膽、青森鰆魚與北海道秋刀魚，每一道都展現食材本味。白紋斑點蝦以蝦膏、牛油和甜酒調製，香濃誘人。特別喜愛中華錦繡蟹，蟹蓋中盛滿鮮美蟹肉，令人垂涎。倒根縣鮑魚配瑤柱乾與魚翅，高湯燴製，鮮味層層遞進。真名鰹以柚庵燒搭魚子醬，完美配搭，一試難忘。壽司五款，包括金目鯛、天草縣車海老、皮剝魚、石鯛魚及酸昆布竹甲魚，每款口感豐富。海膽吞拿魚蓉配烤松茸，香氣十足，驚喜滿分。最後以大和蜆赤出汁暖胃，甜品則是單波栗子與靜岡蜜瓜，為這頓廚師發辦畫上完美句點。整餐視覺與味覺皆令人難忘…Read More

在啟德體育園附近竟然有間咁正嘅酒吧餐廳！佢個半露天Roof Top有270度全景，可以睇盡啟德靚景✨室外空間超大，仲好貼心放咗梳化同埋打機用嘅大電視，真係一家大細嚟都得！呢度由星級團隊主理各國Fusion菜，絕對係睇Show前後食飯嘅好去處。十月推出嘅萬聖節套餐$198真係好抵，每道菜都充滿萬聖節氣氛💀難怪吸引咁多小朋友家庭客嚟幫襯。「鬼魅能量炸雞」外脆內嫩，配埋泡菜汁好開胃。「趣怪芝士肉丸磨菇意粉」炒得好香，上面個鬼魂造型芝士得意到唔捨得食！我哋仲加錢升級咗兩杯特飲「能醫百病草莓奶昔」用南瓜杯同蝙蝠裝飾，跟埋支針筒自己唧草莓醬，甜度啱啱好「魔力南瓜泡泡雞尾酒」酒味唔會太濃，飲落好清新。甜品「魔力青怪綠果乳酪雪糕」個造型都好有心思。另外單點咗「麻婆豆腐遇上蟹肉煎腸粉」真係好驚喜，蟹肉多到爆，夾埋麻辣豆腐夠晒惹味，鍾意食辣嘅朋友一定要試！「冬陰功蝦多士」香脆得嚟唔辣，串燒拼盤每款兩串，調味剛好又唔會油膩。整體嚟講，呢度食物同環境都好好，場地活動又多，真係好適合成班朋友一齊嚟聚會！…Read More

可飽覽維港海景及維園開揚景致，現時午市Lunch Special Menu 正推出激賞8折優惠，每位$358（原價$448），性價比極高！前菜【明太子玉子燒】蛋香鬆軟，明太子鹹香點綴得剛剛好，清甜滋味瞬間喚醒味蕾。【刺身四點】厚切肥美，入口鮮甜無比，質感豐潤，非常新鮮。【南非鮑魚】鮮味突出，口感爽彈，簡單調味已盡顯其原味之鮮。【香煎鵝肝】外層微脆，內裡香濃綿密，搭配餐廳自家製的醬汁，更添層次而不膩口。【野生大虎蝦】蝦肉飽滿彈牙，煎得香口。【頂級美國牛肉】厚燒五成熟，師傅火候掌握非常好，外焦香內軟嫩，肉汁豐盈。特別一提這裏的【炒飯】，有別於一般做法，師傅將流心煎蛋置於炒飯之上，一劃開蛋黃緩緩流入飯中，讓每粒飯都裹上蛋香，更加濕潤香濃。套餐還有炒菜及麵豉湯。當日為朋友慶生🎂已事先預訂生日甜品。擺盤相當精緻，共有四款不同風味的甜點，視覺與味覺同樣滿足。整體而言，不論是食物質素還是環境景觀，以這個價錢能享用到如此高質的海鮮鐵板燒，真心抵食，絕對值得推薦！…Read More

週末去了中環7號碼頭的Watermark用餐，很喜歡這裡能飽覽維港海景，氣氛浪漫。餐廳新推出了Ocean Bounty主題菜單，兩位只需$1,088，性價比好高。首先上桌的是兩人份的海鮮拼盤🦐🦪超豐富，包括鮮蝦、鮑魚、生蠔、刺身、帶子和魷魚，全部都非常新鮮🥰接著是松葉蟹沙律，賣相精緻，裡面滿滿的松葉蟹肉，味道鮮甜可口。第一道主菜是卡邦尼闊條麵，配料有Guanciale（意式豬面頰肉）、流心蛋和帕瑪森芝士，味道濃郁香醇。第二道主菜是深海白鱈魚，魚皮煎得香脆，魚肉嫩滑多汁，搭配日本南瓜、意米、蘆筍及紅甜椒帕爾馬火腿泡沫，口感層次豐富。特別喜歡醬汁煮過的意米，帶有微微甜味。甜點是香蕉拖肥（Banoffee），裡面有香蕉醬、新巧克力脆片和糖霜胡桃，底層還有脆脆餅乾，整體香甜不膩，為這餐畫下完美句號。…Read More

無論是食物還是慶祝儀式感都令人驚喜，一走岀電梯就看到天幕上不停轉換的卡通主角，睇見都好興奮😆壽星不停瘋狂打卡📸餐牌價格親民，中野梅入梅酒帶有橘子蜂蜜的甜香與青梅的清新，杯裡還放咗兩粒梅子，喝到最後依然清香。黑松露煙燻帆立貝厚實肥美，火灸厚切鮟鱇魚肝口感滑嫩、甘甜不膩。事先我就預訂咗活伊勢龍蝦刺身，原價$668，六折後只要$398，新鮮爽彈，非常抵食。時令韓國生蠔M更抵食，半打五折都係$145。仲點咗一份刺身定食，附沙律、鮮甜魚湯、燉蛋，刺身每件都厚切肥美，包括拖羅、特大赤海蝦、油甘魚、三文魚和鮪魚腩，可選湯烏冬或御飯。最後的驚喜環節送給好姊妹！餐廳提供免費畫碟服務，生日圖案碟精緻用心，看得出十分有心思。如有指定圖案或內容，請提前兩日訂啊！哩度很適合慶祝活動，好姊妹都食得非常開心😆…Read More

經常大排長龍的「肉肉大米」最近進駐九龍灣，店內全設吧台座位，可以近距離欣賞師傅即煎漢堡扒，香氣撲鼻🤤相當誘人🔥套餐價錢由$95至$140，相當親民。這次試了兩款：一份三件漢堡排套餐（青咖喱、原味、芝士）以及一份兩件漢堡排套餐（青咖喱+原味）未上桌已經聞到濃濃漢堡香氣🔥原味漢堡排肉汁豐富，芝士碎鋪滿漢堡，融化效果令人垂涎🤤芝士控絕對不能錯過。咖喱漢堡少少微辣，不吃辣朋友係可以接受的，店員再後加青醬更加惹味😋三款口味各有特色，值得一試。套餐還包括任添餐湯和白飯，絕對夠飽。最後要讚店員態度親切友善。…Read More

位於銅鑼灣的新派日本餐廳「心一・影」，以融合創意與傳統的日式Fusion菜式吸引食客。餐廳裝潢充滿格調，昏暗燈光營造出舒適氛圍，非常適合與朋友聚會或與情人共度浪漫時刻。先付三道前菜擺盤精緻，熊本蕃茄搭配松葉蟹肉及魚子醬，鮮甜與鹹香交織；慢煮雞卷佐以芥末醬，口感細膩；香辣三文魚他他則醒胃開胃。紫蘇蝦天婦羅沙律清新爽脆，藍鰭吞拿魚赤身配醬油漬蘭王蛋，鮮美濃郁。磯煮鮑魚軟嫩入味，揚物中的拉絲蓮根天婦羅與酸甜椰菜花唐揚頗有驚喜，後者神似咕嚕肉，卻以蔬菜帶來輕盈感。炭火燒物香口惹味，鹽燒花膠釀雞翼與日本豚角燒尤其出色。海鱸雲丹忌廉汁烤物肉質滑溜，甘味部分則以抹茶蕨餅配黑蜜作結，煙韌香甜。整體來說，無論環境與食物質素均令人滿意，靚靚侍應姐姐招呼周到👍值得再來一試。…Read More

以$450品嚐一份豐富的午市套餐，可謂驚喜十足。套餐包括沙律、茶碗蒸、壽司三貫、香蔥碎吞拿魚腩飯、鐵板燒主菜、炒飯或烏冬，還有麵豉湯、甜品及咖啡，份量十足，誠意滿分。前菜沙律清新開胃，茶碗蒸嫩滑順口。壽司三貫選用左口魚、間八魚及煙燻平政魚，魚料新鮮，醋飯鬆軟得宜。香蔥碎吞拿魚腩飯魚香濃郁，口感豐潤。到鐵板燒環節🔥師傅將大蝦火候精準，肉質爽彈，以蝦膏熬製的醬汁濃郁鮮香，配上自家製脆脆醬，層次豐富。美國特級牛肉薄燒五成熟度完美，肉質軟嫩、脂香滿溢而不膩。可選烏冬或炒飯，烏冬湯頭清甜，恰到好處。最後以香蕉雪糕作結，配一杯香濃咖啡，為這頓高質午餐劃上完美句號。師傅手藝出色，環境寬敞舒適，另設Omakase區域，期待晚市再訪。…Read More

啟德雙子匯14樓有幾間餐廳，環境唔錯，尤其喺哩間泰國菜，座位寬敞舒適，有落地玻璃及有室外露天座位，夠哂chill。餐廳lunch menu有一人，二人，四人餐選擇，價錢由最平$75（中午12：50）前離座仲有九折添。我地叫咗二人餐，雖然是午餐，但每一碟都份量十足😍炸春卷外層好脆，馬沙文咖喱汁可配埋印度酥餅，酥餅又好酥化喎，馬拉盞通菜好夠味。另外加咗個咖哩芝士焗青口，哩個汁喺紅咖哩偏少少辣🌶都可以連埋個印度酥餅一齊食又唔錯喎😋最後想讚讚哩度服務唔錯，另外冇限時客人坐幾耐添👍回頭指數高…Read More

朋友生日一定要有儀式感🎂新開無幾耐嘅 達摩堂🏮餐廳裝潢日系風格，以達摩主題日式餐廳🇯🇵哩度生日配套超有驚喜🎊除了甜品免費生日寫字，仲有即影即有相片📸壽星仲有得抽達摩小禮品添🎁食物方面我就叫咗達摩二人前定食有蜆肉蛋花味噌湯自選漬物有；醬漬螢光魷魚芥末左口魚邊炸到金黃香脆珍寶吉列廣島蠔 鍋物我就推薦安格斯壽喜鍋🐂喜歡個汁唔算太甜但味道又濃郁喎，牛肉仲好軟嫩添😋另外叫咗個櫻花虎蝦🍤天婦羅配稻庭烏冬，天時熱最適合配冷麵汁，櫻花虎蝦真心炸都剛剛好，吃落好香口惹味🔥另外再加咗個明太子雞翼脹卜卜裡面勁多明太子，吃落仲好爆汁添👍臨走時職員仲會比唔同顏色許願牌；比我地寫完掛喺門口許願🎋 仲有達摩神台及特別裝飾打卡一流📸成餐飯朋友食得好開心😆佢話有得抽獎又有紀念品又有小禮物收🎁想朋友有驚喜記得提前預訂啊！…Read More

每星期都會去九龍城食飯，今次去咗間小菜館，就喺該區好著名嘅豪門菜館。很多小菜哩到都有，仲有各款海鮮，火鍋都有添，不過老公喜歡食海鮮，我叫咗大部份都喺海鮮🤭豪門卷一碟有八件份量很多，炸到外層金黄香脆，內裡蝦膠吃落似平時食蝦多士👍推薦必食人氣芝士龍蝦伊麵 餐廳主打唔怪之得人氣，真喺超級大大盤😳伊麵勁多芝士超邪惡，同一般出面比較哩度喺超級多，龍蝦肉爽彈。海鮮方面蒜蓉粉絲蒸扇貝，勁香蒜容，扇貝大隻厚肉。豉椒炒蟶子，炒到好有穫氣，吃落好彈牙。胡椒蝦用砂鍋上吱吱聲，蝦足足有10隻又多又大隻🦐胡椒味重很惹味佢地花膠魚翅燉雞湯都好足料，飲落清甜。個人口味整體唔錯，樓面得一位姐姐仔，見佢好忙但都保持友善，下次會試吓佢火鍋先。…Read More

最近見網上介紹六國酒店攜手Eurobeauté🌊「海漾美肌」下午茶🧁打造亮膚魅力新體驗🫧嘆茶仲有護膚品送🤩即時book枱來體驗吓。除了可獲贈Eurobeauté美肌禮品乙份原來仲有Oasis Beauty免費享用二選一以下療程全身穴位指壓按摩 Vlift8 微波炫金活顏緊緻面部護理講番Tea set食物有🍽🔶️鹹點六款紅燒鮑魚酥皮盒雪山松葉蟹松露卡邦尼卷鵝肝醬配亞麻籽啫喱香煎帶子撻伴黑魚籽醬炸水牛芝士波配綠葉沙律菜法式芥茉芝麻吞拿魚配小餅乾🔶️甜點六款馬卡龍紅桑子慕絲綠茶歌劇院蛋糕芒果慕絲蛋糕橙花蜂蜜鬆餅朱古力焦糖燉蛋整體賣相精緻，鹹點有驚喜，食材新鮮，甜點不會太過甜👍吃完紅桑子慕絲🥰感到皮膚增加膠原蛋白😆環境舒適座位寬敞，店員又有禮，很開心渡過一個好悠閒下午茶🍽…Read More

最近喺網上見到有人post🫕湊湊火鍋 半自助午市小火鍋套餐 低至73折🤩咁抵？唔喺唔來呀嘛？商務午市套餐由最低$98起 至 最高$168我地揀咗伊比利亞梅花豬小火鍋套餐美國頂級牛頸脊小火鍋套餐🐖🐂分别1人份量真喺超大大份🤩打邊爐最緊要喺湯底（1人一個湯底）佢地個椰子湯底好清甜🥥好香好出味 番茄湯底好非常濃郁 配牛肉最適合套餐還有蔬菜盤🥬刀削麵自助區除了多款火鍋醬料還有（杏鮑菇、麻辣魚皮、生果、鹵肉飯）任食😋杏鮑菇、麻辣魚皮 小小微辣很好味，我地吃不少😋甜品是紅豆豆花布丁，很喜歡這個，豆花味道很香豆味😋仲叫咗新推出特飲添冰紅石榴椰青茉莉冰雲朵絲絨椰青茉莉倆款椰香濃郁🥥清清甜甜清爽解膩整體午市套餐食物豐富，環境好寬敞闊落又坐得舒服，店員又主動加湯👍🤩另外仲見到有新推出下午茶套餐都很抵 另+$28可任飲台式飲品下次再來試吓下午茶先😊…Read More

哩晚同好姊妹食餐好，位於銅鑼灣《重房》吃完一定會再返轉頭😋睇吓師傅很用心製作每道菜👨‍🍳先來前菜🔸️磯煮鮑魚配蟹肉秋葵 鮑魚很入味口感彈牙🔸️水葵 祟菜賣相精緻，酸酸甜甜很清新🔸️冰見寒鰤師傅將魚肉煙燻過，入口有炭香味道，再將即磨嘅京都五色芝麻碎及即磨山葵調味，味道很獨特🔸️北海道牡丹蝦先吃蝦身，後食炸蝦頭，蝦頭很香脆，再配夢王蛋嘅蛋汁，令人回味😋🔸️小長井生蠔日本蜜柑肉啫喱新鮮柚子皮及三文魚籽令生蠔變得更豐富🔸️鰆魚新鮮的鰆魚肉白色中會帶著通透感，配上自家製洋蔥醬，將本身淡淡魚肉 提升鮮味。🔸️神户A4和牛刺身和牛他他面上放了北海道白海膽🤤還有沖繩淡雪鹽，食材高質味道很有特色。🔸️腦天配中吞拿魚腩炙燒過腦天加肥美中拖再中間夾咗紫蘇葉🤤很美味啊🔸️沙咀魚魚肉鮮嫩不腥，配上素菜汁味道更有層次手握壽司出場我比較喜歡師傅將壽司玩調味製作味道都很出色🔸️赤貝🔸️深海池魚🔸️赤鯥🔸️地金目鯛🔸️魚湯烏冬熬煮了6小時魚湯靚湯，仲有少少胡椒味，吃了那麼多生冷食物，飲完很暖胃。最後當然有埋甜品，整餐飯都很滿足，師傅親切友善，值得回頭👍…Read More

終於book到人氣即撈活海鮮放題主打的餐廳，真係超難book🫢任撈活海鮮🦀🦐平日晚市加一人均$300頭左右，假日會貴dd，下午時間任食四小時，晚上任食二小時!入到去見到大大L型海鮮區，一坐低已經有個桶比你撈海鮮，有硯，花甲、大頭蝦、三點蟹、鮑魚、東風螺、基圍蝦🦐真喺任撈㗎？撈好就比店員哥哥清洗及斬蟹🦀佢會比個牌仔你，轉頭拎返牌仔去認領自己桶海鮮😂海鮮都乾淨衛生！太多海鮮了，所以我地點咗個蟹皇海鮮鍋，襯番咁多海鮮嘛🦐🦀肉類方面任食澳洲M5和牛🐂美國牛肩胛🐮澳洲羊肉片🐐美國豬梅肉🐖熟食必推薦蒜容焗蠔，又香又大隻🦪自助區食物多到數唔哂多款餸酒小食，中西日泰乜都有仲有烤榴槤🤤各款炸物另一邊有火鍋配料，有超多台灣直送多款蔬菜、丸類；有大大隻生蠔🦪粉麵類甜品多元化QR code有燉木瓜，炸榴槤，自助區很多中、西式糖水及甜品，必食movenpick雪糕，仲有多款雪糕雪條任食😋自助飲品區清酒、梅酒、啤酒，多款自家製茶類、果酒、汽水、熱清潤飲品等。。…Read More