Wujo Chu的个人专页

店舖地理位置方便，啟德站上蓋。裝修舒適簡約、木系。店員友善。菜式選擇多，價錢非常親民。✦ 石燒紐西蘭肉眼上枱嗰陣仲喺石板上滋滋響，自己燒可以調較熟度。肉質軟淋、有牛香、油花分布幾勻循。燒到五成左右，唔會過韌。 ✦ 蟹肉明太子意粉份量多。意粉彈牙，蟹肉多、味道鮮甜，同明太子嘅鹹香幾夾。 ✦ 風乾火腿哈密瓜擺盤精美。火腿鹹香適中，哈密瓜清甜多汁，配埋黑醋汁幾開胃。 之前仲喺度食過豬手，大盤、香脆多肉。用茶餐廳價錢望住Airside高層景食飯，回本。…查看更多

店舖鄰近地鐵站，地埋位置方便。裝修森系、舒適。店員友善，態度非常好、attentive。食物賣相精美、價錢相宜，尖沙咀嚟講性價比高。 ✦ 慢煮熟成美國優質牛肉肉汁充沛、鎖喺肉入面，肉感嫩滑，整體牛味香濃。另配拉絲芝士蕃茄醬意粉，熱辣辣、煙飄到去隔籬枱，芝士拉出絲、感覺邪惡，酸甜蕃茄醬意粉口感有彈性。港式香濃沙嗲醬味道濃郁，咸香更加吊出肉鮮。 ✦ 慢煮極上日本豚肉豚肉肉感鬆軟。另配蒜香醬油炒泰國絲苗，份量多，感覺似糯米飯，口感煙韌有彈性、亦keep到米香。芥末籽肉汁微辣唔嗆鼻。 ✦ 炸雞小食有三大舊，炸得啱啱好，表面脆成香脆、內裡保持嫩滑。值得一提係醬汁，少甜微辣，惹味。 肉類、主食、topping、醬汁都可以自己配搭，唔同口味嘅人都適合。…查看更多

店舖地理位置方便。餐廳主打街頭風，裝修簡約舒適、舖面乾淨明亮，枱面放滿泰式調味。大廚藍帶學藝、有酒店經驗。店員友善、好態度。餐牌易讀，選擇豐富。 ✦ 招牌泰式蟹肉炒飯 特色菜之一。出菜快，鑊氣十足，份量多。炒飯炒得好乾身、粒粒分明。蟹肉量多、鮮甜。最得意係每啖會咬到一粒粒甜甜似糖嘅顆粒，更加吊出份咸香。 ✦ 海鮮冬陰功麵冬陰公酸辣開胃，偏酸。配搭大蝦，青口、魷魚、菇菌等，材料新鮮，特色大蝦同魷魚爽彈、鮮美。河粉爽滑、有口感。 ✦ 芒果糯米飯熱上，上枱仲出緊煙。糯米飯煙韌、芒果香甜多汁。 ✦ 芒果沙冰非常濃郁，感覺食緊鮮芒果。沙冰幼滑、冇冰粒。值得一試。 ✦ 龍眼冰龍眼香甜、糖水有蜜味，微甜解膩。…查看更多

店舖鄰近地鐵站。裝修乾淨舒適，可以坐得耐，見隔籬枱畫咗好耐畫。店員友善，attentive。餐牌選擇多，設有套餐，價錢相宜。 ✦ 香蒜白酒蜆肉意粉份量稍大。蒜片、蒜油充滿油香，配合淡淡白酒味，滲透意粉。蜆肉鮮甜冇沙。意粉軟硬適中。 ✦ 煙三文魚忌廉番茄醬扁意粉煙三文魚嫩滑、帶少油脂香。忌廉番茄醬酸甜開胃。意粉掛汁，軟硬適中。 ✦ 天婦羅魷魚份量多。唔係一圈圈而係一條條，方便食用。粉漿薄、唔油膩、上枱熱辣辣。食得出魷魚鮮香。 ✦ 開心果麻糬提拉米蘇開心果味濃郁。面層鋪滿開心果碎、中間夾軟糯嘅麻糬，口感層次豐富。…查看更多

店舖鄰近地鐵站。店員友善。食品質素高，主打將菜色化為漢堡。新鮮、選擇多、價錢相宜。 ✦ 黑松露帶子漢堡包餐 黑松露、芝士香濃。帶子金黃色、邊皮微脆、鮮甜嫩滑。牛肉厚身、肉味濃、帶脂香。整體味道濃郁。 ✦ 豬頸肉撈檬漢堡包餐 有鑊氣。豬頸肉份量多、香辣、肉質嫩。以撈檬醬汁調味，少酸，非常開胃。 ✦ 港式生炸雞脾即炸即起，熱辣辣，蜜糖滴晒出嚟。外皮焦脆、肉質嫩滑。非常有心思嘅小店，值得大家支持。期待嚟緊推出嘅到會服務。…查看更多

店舖鄰近地鐵站，地理位置方便。店員友善。食品種類多，刺身、壽司、熟食、燒物、煮物、炸物、串燒、鐵板、甜品等，應有盡有。食物新鮮、上菜非常快。 ✦ 自助區凍食包括蝦、青口、翡翠螺；熱食包括小龍蝦、蟶子；飲品除咗一般汽水、果汁、茶等，亦有啤酒、清酒、梅酒；甜品包括有大福、馬卡龍麻糬等，仲有非常多種類嘅雪糕雪條，包括Häagen-Dazs及Movenpick。 ✦ 榴槤D24, 口感冰凍creamy、味道甜而不膩，淨係食榴槤都回本。仲有榴槤千層蛋糕、炸榴槤球、榴槤麻糬、榴槤雪糕等，同樣特色美味，非常適合榴槤控。 ✦ 創意壽司紅酒鵝肝士多啤梨撻，果香鮮甜，與鵝肝脂香配合，感覺balanced。三文魚籽松露魚生杯，新鮮鮮香，松露味突出。 ✦ 火炙壽司特別推薦火炙焦糖三文魚腩壽司，焦糖甜蜜配搭三文魚油脂香，非常香口、且入口即溶。 ✦ 煮物鍋物有蛇羹、酸菜魚、海皇粥、鮑汁花膠等，老人家都可以參與放題。…查看更多

店舖位置方便，鄰近地鐵站。裝修舒適雅緻，座位間有簾幕相隔，私隱有保障。店員友善。套餐選擇豐富，食材新鮮，價錢相宜。 ✦ 水師提督套餐抵食之選，啱細食嘅人。前菜日式章魚燒；海鮮有沙白、大蜆、鮮蝦、鮮魚片、鮑魚，可以加錢轉元貝、聖子皇、蟹等；肉類有美國肥牛、豚肉片、雞腿肉(三選一); 主食有魚湯米線/米粉、和風珍珠飯等，可加錢轉南瓜芋頭粥、蟹膏蟹肉粥。 ✦ 横行無忌套餐份量相對多，啱大食啲嘅人。前菜有脆炸魷魚圈/泰式風味生蝦刺身(二選一); 海鮮有白蜆、蝦、鮮魚片、扁聖子、元貝、鮑魚，最緊要係大閘蟹一公一乸；肉類有安格斯牛肉、豚肉片、雞腿肉(三選二); 丸類有牛骨濃汁牛丸、薑汁皮蛋貢丸、招牌墨魚丸；另配蔬菜拼盤、甜品，亦可以加錢購買主食。 每枱有一個蒸鍋，一人一鍋唔怕尷尬、唔使就人。枱上有提示每樣食材蒸煮時間，無飯friendly。蒸到咁上下，店員可以加湯，多個淥嘅選擇，好flexible。…查看更多

店舖位置就腳，裝修簡約，位置寬敞舒適。店員友善，會簡單介紹菜式。其他分店感覺良好，但唯獨呢間有火鍋套餐，所以成日返嚟。 ✦ 雞駅一人火鍋餐套餐性價比好高，一份肉、一份主食、一個菜籃。 今次揀咗一個藥膳麻辣湯、一個藥膳黃酒花膠湯。藥膳麻辣湯頗麻、辛香，辣而不嗆，after-taste藥膳味先出，以香甜中和辛辣，特別適合配搭主食。藥膳黃酒花膠湯色澤金黃、texture醇厚，香氣四溢，感覺暖身滋補，特別適合煮菜滲埋入去。值得一提，湯飲完完全唔渴。 肉揀選牛肩胛、同花甲雞。牛肩胛肉味濃，肉質結實、少油脂。花甲大隻清甜、無沙。雞肉非常鮮嫩，最為推薦。 菜籃有長腳蟹棒、芝士竹輪、芝士腸、福袋、娃娃菜、粟米、雲耳、金菇、蟲草花等，新鮮乾淨。…查看更多

店舖位置方便，喺成條街都係美食嘅登龍街。成間店都充滿夢幻感，裝修雅緻、店員有禮、食物精緻，價廉物美。新推出抵食tea set, 同魔幻主題cocktail。整體非常適合慶祝。 ✦ 火燒牛骨髓松露和牛生牛肉他他牛骨髓脂香味非常香濃，生牛肉鮮香，黑松露略香，整體感覺平衡配合。 ✦ 美式豬肋骨配香辣菠蘿莎莎醬 半份份量都好大，開頭以為落錯。香辣菠蘿莎莎醬微辣酸甜，開胃美味。豬肋骨鮮嫩多汁。 ✦ 焗開心果脆皮羊西冷開心果碎舖滿羊架，味道香濃。羊肉略騷、肉質鮮嫩、肉汁充沛。配菜嘅多色蘿蔔清甜解膩。 ✦ Magic & Alchemy Collection-Ruhnama以Soju為base, 青蘋果與蝶豆花茶口味清新，入口酸甜平衡。最有特式係以命運之書做design, 俾客人自行跟步驟DIY, 慢慢變出一杯仙氣飄逸嘅作品，好有代入感。…查看更多

店舖近地鐵站，細細間。店員有禮。餐牌算多選擇，食物質素高。難怪每次經過都有人排緊隊。 ✦ 招牌生煎包果然係招牌。枱面寫住小心爆汁，原來係真，真係會一身都係。湯汁同肉餡都十分鮮甜、非常juicy, 生煎包外皮煎成金黃香脆。 ✦ 經典咸肉菜飯私心推薦。非常咸香、油香味濃郁嘅咸肉，口感結實。油脂香帶埋落菜飯度，再加些少菜嘅清香，飯身偏硬有口感。非常值得試。 ✦ 招牌擔擔麵有蝦米仔、花生粒同蔥等點綴，麵條帶蛋香，湯底濃郁有層次。 餐廳免費添加麻醬、糖醋汁、擔擔麵醬，生煎包唔夠熱可以更換，而且餐廳滿60蚊送免費豆漿。…查看更多

餐廳位於山林道，離地鐵站唔遠，周圍美食林立。裝修雅緻舒適，有種去旅行嘅時候入cafe小店、舒服靜逸嘅感覺。店員友善、好笑容，幾乎全部係韓國人。餐牌有粥、麵、飯、包選擇，價廉物美。 ✦ 辛辣麵套餐早餐set非常抵食，4-50蚊，平高茶餐廳。套餐好豐富，除咗辛辣麵，另有小食如泡菜等、海帶等，仲有蛋沙律多士，同埋咖啡/茶。辛辣麵聽落普通，一啲都唔hea俾你，煮到收返晒汁，啖啖辛辣濃郁。 ✦ 芝士炸醬公仔麵同樣用心製作，芝士濃郁、全溶化，炸醬少咸、惹味、條條麵都掛到，麵質保持爽彈。 ✦ 麵包區麵包區自助，夾完去埋單，店員主動翻熱。夾咗牛角包、丹麥酥、蕃薯包、鯛魚燒等。尤其推薦丹麥酥，非常rich、啖啖朱古力，外層鬆化。蕃薯包外型特別，蕃薯香甜。 非常適合周末嚟個慢活slow morning。…查看更多

店舖鄰近紅磡站，地理位置優越。裝修簡約舒適、多卡位。店員有笑容、平易近人、貼地。餐牌選擇豐富，食物價廉物美，兩百蚊唔使兩個人食到飽飽滯滯。 ✦ 酸菜魚飯鱸魚份量多，肉質嫩滑、唔腥，幾乎冇骨。配菜有萵荀、豆芽、粗薯粉，同樣份量多，特別讚薯粉爽彈。配飯食，飯細粒圓渾、有咬口。 ✦ 口水雞米線雞肉嫩滑，少肥多肉。醬汁少辣少麻，好惹味。配魚湯米線，湯底鮮香，飲完又飲都唔口渴。 穩陣嘅餐廳，食咗幾次都冇伏，經過推介一試。…查看更多

餐廳鄰近地鐵站，店舖行隱世小店風，裝潢有特色。店員親切有禮、好笑容好服務。餐牌多選擇，但so far今晚聽到幾枱都嗌呢幾樣，食落又真係值得推介。 ✦ 火炙香料鴨胸咖哩飯雖然用外賣兜，無阻有心機、精緻嘅擺盤。鴨胸厚切、肥瘦適中、帶油脂香，燒得啱啱好少脆皮、帶少甜。咖哩當然係日式款、帶甜，濃郁多汁。飯粒飽滿有口感。 ✦ 法式清酒煮蜆烏冬蜆肉份量多，飽滿鮮甜、無沙、唔腥。清酒底奶油感濃郁，嗅覺味覺雙重享受。烏冬煙韌滑溜。 ✦ 自製淺漬燒蓮藕 蓮藕厚切。雖然係冷盤，但帶焦香，非常有特色。 有心嘅小店，值得支持。…查看更多

餐廳鄰近地鐵站，裝潢非常有特色，店面大大隻字寫住「老鴨湯 一九四三年」，仿如入咗懷舊文藝電影入面。店員親切好笑容。餐牌選擇多，價錢相宜。 ✦ 咖哩牛腩飯 牛腩口感鮮嫩軟腍，完全唔柴，微甜。咖哩汁香濃偏甜，配搭軟糯肥圓米飯，好快食晒成碗。滷蛋入味。 ✦ 墨魚餅墨魚餅大塊，口感爽彈，鮮美，唔油膩。 ✦ 胡椒豬肚雞腳湯足料，一飯雞腳忟到軟腍離骨、大量豬肚。湯偏辣，非常暖胃。 ✦ 楊枝甘露大兜足料，香甜濃郁芒果配搭清爽開胃西柚，仲有口脆彈西米，非常refreshing! 惟一可惜係朋友大推嘅老鴨湯賣晒，留待有緣再品嚐。…查看更多

餐廳位置方便，喺美食林立嘅大鴻輝。裝修舒適，枱同枱相隔適中，仲有window seat望荃灣景。店員態度友善，即使非常忙碌，都係thank you前唔該後，而且出餐速度奇快，轉個頭成枱都擺滿晒。餐牌選擇非常多，價錢相宜。月尾手緊揀咗平民啲嘅A餐，都有bonus長腳蟹、鮑魚、榴槤任食。 ✦ 刺身種類多，有成16款，三文魚、油甘魚、劍魚腩、希靈魚、角螺、帶子、生蝦、甜蝦等。主打新鮮，色水靚仔。 ✦ 壽司同樣選擇多，而且有特色。特別推介黑松露墨魚壽司、火炙焦糖三文魚壽司、芝士厚切鰻魚玉子壽司、三色蟹軍艦等。色澤鮮艷、新鮮，口感rich。 ✦ 榴槤水尾仲食到口感creamy、味道甘香/香甜嘅榴槤，非常驚喜。 ✦ 熟食熟食嘅選擇都唔少，適合一家大細嚟食。推介有開邊蝦、翡翠螺、一口牛、鮑魚瑤柱海皇粥、燒菠蘿、燒蠔、炸牛奶等。出餐速度快，所以上枱保持新鮮熱辣有火喉。 ✦ 自助區自助區有冷盤、飲品、水果、甜品等任食。幾有特色嘅係有熱清酒、梅酒任飲。…查看更多