無甜不歡_小肥妹的個人專頁

之前電視📺有講過餐廳無生意，要執笠。今日路經呢區，就順路入去試。服務態度好好👍🏻一坐低，即刻問你要咩湯，紅定白湯。叫左一紅一白湯黎試。果然都系紅湯較優勢👍🏻 白湯都有味，但有點淡。叫餐期間，侍應都好好，會有俾意見你。好彩有聽侍應哥哥講，塊T骨好食。套餐包埋甜品，懷舊花奶啫喱，仲要系青檸🍋‍🟩味😍😍總結：比想像中好，食物服務都好好👍🏻值得再幫襯！！…查看更多

最近系IG見到有人介紹呢間小食店既韭菜餅，專登朝聖。韭菜餅煎得好香好脆口，值得黎朝聖$24/3件本來有叫埋芫荽餅試，點知員工俾錯左，全部都系韭菜，無一舊系芫荽。呢度真係要改善下，芫荽嘅價錢，但全部都係韭菜，有d離譜。希望下次有機會試到芫荽餅。…查看更多

今日系荔枝角番兼職，放飯時睇下附近有咩好食，同事話呢間狀元雞唔錯，咁我就買黎試。 叫左盒海南雞飯/豬扒飯/蓮藕餅，叫飯會包例湯雞要試下👍🏻👍🏻 d雞肉好嫩滑豬扒份量足夠，但醃得唔夠入味蓮藕餅都要試下，肉醃得夠，有口感例湯-花生雞腳湯，湯都足料，味都夠，唔似系味精湯如果系附近番工既，可以試吓！…查看更多

呢一間泰國餐廳，極力推介👍🏻👍🏻雖然路途遙遠，但值得一試～我已經唔系第一次食，前前後後都食過幾次每次黎到指定動作 - 冬蔭功/炒通菜/芒果糯米飯/炸蝦餅冬蔭功- 味道超濃，足料，唔會太辣，酸酸辣辣好開胃，細Size都足夠4人食用。芒果糯米飯 - 暖暖黑白糯米 配 椰汁 👍🏻👍🏻今次芒果唔夠甜，有少少酸～極力推介炒通菜 - 味道剛好，帶有小小辣拼盤 - 最好食都系蝦餅 ，其次魚餅春卷雞翼，拼盤勝在咩都有d不推介： 串燒 …查看更多

之前經過見多人都無機會。今次有朋友早拎籌，先有機會lunch time試因為朋友想食正宗泰菜，無機會試Fusion菜整餐除左咖哩系一般，其他食物味道都正常。服務態度都👌🏻👌🏻個人推介：芒果糯米飯 + 豬頸肉 + 魚露雞翼…查看更多

前後都幫襯過家嫂幾次，不過都系幫襯大埔居多。今次早一星期多訂位，當時職員話無位，但可以安排waiting list，不過預機會不大，當日先會有消息，咁都ok。由於預約前夕及當日有額外因素，朋友既出席人數越減越少，到1點都無任何消息，打過去又無人聽，約會就取消。2點幾有人打黎同我確認預約，我一開口已經先話唔好意思，黎唔到。職員態度即系360轉變，你黎唔到又唔出聲，我地專登留枱俾你，你呢刻先講唔黎，你唔好再遲d先講。本身我自己都覺唔好意思！但經職員服務既態度，我已經都唔想解釋，費事越解釋越錯！第一.一開始預約，佢地系話無位，可以安排排waiting list ，即系無人黎先讓俾我啦，仲要講到話專登留俾我。第二. 話明排waiting list ，你系當日中午先安排位俾我，其實我都有權選擇唔黎架。第三.你做得確認預約呢個步驟，就預左有d人臨時變卦，人地唔黎，你都無計架。我都做過飲食業架，大把人中午確認左預約，去到開市，先黎放飛機✈️，我地都唔會系電話去xyz 人啦。你話我確認左預約，最後無黎放飛機✈️你態度欠佳，我都覺得合情合理。問題就系基本預約你都無俾過我，你呢家有位俾我，我系未都有權選擇唔黎！…查看更多

路過韓國街，簡一d細間鋪頭試。一開門，得一枱客人，感覺會唔會中伏之後，陸續都有人入嚟。今晚叫了一個有泡菜海鮮鍋，韓式炸雞，海鮮芝士炒飯。泡菜海鮮鍋味道不過不失，有點偏甜，份量算少。海鮮芝士炒飯 同 茶餐廳嘅楊州炒飯 賣相差不多，只不過加左芝士。韓式炸雞 真系跌曬眼鏡，炸雞整得好失敗，我自己系屋企整都好食過佢。雞腌得唔夠，無味，乾爭爭，炸得唔夠脆。…查看更多

聽聞廣源夜市開到好夜，有好多美食。今日試左幾間三寶皇/皇后餃子/豆腐巴巴我為左試芋圓專程而黎....我簡左$25自配糖水及配料芋圓+紅豆沙+豆腐花+薏米未食前，滿心期待食完後，完全失望紅豆沙味道唔錯，甜度適中👍🏻豆腐花淡而無味，質地好滑反而主角系最失敗，芋圓口感硬過石頭，完全唔知自己食緊咩野🤬😡我落單時，都叫堂食既人都系食中式糖水居多。建議：可以試中式糖水，芋圓可免則免👎🏻👎🏻…查看更多

大圍火車站旁邊有一間Food Court ((搵食市集）），之前都有幫襯過其他。原味紫菜卷$28份量正常，但不新鮮及味道略差。開頭食第一件時，都覺得怪怪地，以為系飯落左太多調味料既關系。之後屋企人幫我試食都話食到有d問題，唔似平時食開果種味道，再食多件時覺得系變壞左，之後都唔敢再食。炒粉絲$28（細）*推介溫度保存得好好，溫度系熱唔系微暖。炒粉絲既調味味道好好，值得再食。另外，收銀店員服務態度極差，無禮貌又俾面色人睇，其他店員都唔會甘既態度客人落單/問野都同你講聲唔該，你回覆都晦晦氣氣，又俾面色。…查看更多

網上有人介紹完，就去試下味道如何。點知一試難忘....應該唔會有下一次。由於新開張，都未見有人龍，去到即刻買到。收銀店員好好禮貌，服務態度👌🏻👌🏻飲品方面真系有點兒失色。香芋珍奶 - -同其他台式店既香芋奶茶無咩分別，所以不多講。*另，唔知系未岩岩開鋪，手作珍珠硬過石頭，口感講不上系煙韌，系硬。皇家伯爵1號珍奶 - - 奶茶底同茶餐廳沒分別，相比鄰街某店的皇家9號奶茶 味道差好遠。洛神花水果茶 - - 不過不失，味道偏淡。檸檬蘆薈蜜 - - 味道古怪，跟平時飲開既味道有d唔同，朋友飲左幾啖都棄掉。可能朋友飲唔慣果種味道。（由於是店主推介-各位都不妨一試）總括：試過就算啦～寧願飲鹿角巷/KOI/茶理史....都唔會再選擇幫襯。…查看更多

來自米芝蓮一星 拉麵店剛開張時候，好多人排隊，一直都無機會試，最近見無咩人排隊，午餐就去試一試。排隊期間，都見到好多旅客，內地人士居多。湯底分3種：醬油 / 鹽味 /味噌選擇：有四種價錢由：$98-$149我同同事分別叫了醬油同味噌$113果款。點知黎到2碗都系醬油，收費單都無入錯資料，我地估系拎錯左，跟住我地同侍應講番，佢叫我地搵番落單果位同事，我同同事互望o咀～其實甘簡單既一件事，點解要搵番落單同事跟進呢？加上又系食飯時間，同事怕被人加料，所以照食～食完之後，我同同事都覺得完全唔值呢個價錢，亦算不上特別好食。總括：以後都唔會再食～可選，都選一風堂/天王拉麵/一蘭…查看更多

假期，每間食肆都排長龍本身諗住食元氣，點知要等百幾張枱，就週圍行下睇下有無其他選擇。上到12樓，就見到呢間野無咩人排，就問下要等幾耐，又睇下餐牌食d咩，男朋友一見到水煮魚，諗都唔諗就走左入去話食呢間。食物都好多選擇，前菜串燒小菜飯麵甜品都有。水煮魚同酸菜魚都好多人叫，水煮魚較多😂水煮魚辣道，分5隻辣椒🌶️，我唔食得辣，所以男朋友就叫左2隻辣椒🌶️。每碗水煮魚/酸菜魚，都附上4款免費配料。細size for 1-2大size for 3人或以上男朋友睇唔岩其他，就叫左珍寶size既水煮魚同一碟羊鞍，水煮桂花魚一黎到，坐系我地旁邊既人都望一望我地，2條友食甘多😂水煮魚一開始食，辣味尚可接受，越食越辣，最後忍唔住叫左2杯飲品，2杯飲品味道都好好，其中一杯系西柚菠蘿沙冰，另一杯唔記得叫咩名。男朋友一開始食，就話下次可以食辣d，到最後話2隻辣椒夠辣啦😂但我地都覺得辣味都足夠，但少左d麻味。羊鞍方面，唔推介大家試。炸之前應該無醃過，好韌同無咩味道，焗住必須要點酸汁食，因為唔好食既關系，整碟都無咩點食過。總括：水煮魚都唔錯，可以去試試。…查看更多

路經馬會道，見到新開左間米線，就走入去試下味道。分別叫左個麻辣雞湯米線同喇沙米線麻辣雞湯米線味道方面：味道都唔算差，夠咸，麻辣夠辣唔夠麻。以往食開麻辣，一路食都覺得又麻又辣，但呢碗野剩系食出辣味，有待改進。雞方面：都唔錯，唔會太老。*食雞的都會附上碟同豉油，方便放骨。喇沙湯底米線味道方面：唔好太期望湯底好味，淡而無味，只不過比清湯多左少少濃味。完全食唔出呢碗野系喇沙湯底如果真系想試呢間店，千祈唔好試喇沙湯底。可以試下麻辣湯底同醉雞。總結：試下無妨。**旺角某店比呢間稍為好食得多。…查看更多

系Facebook 見到有人介紹，話系台灣過江龍黎香港，睇完段片好似好吸引。幫襯果日系星期六黎，加上又開張左無耐，預左實多人。差不多排左1個鐘左右。試左網上d推介～黑糖厚鮮奶/愛情動作草莓牛奶/奇異博士愛草莓/藍天綠草加白白的/抺茶加火龍果珍珠黑糖厚鮮奶 味道方面 系甘多杯最好既一杯，因為無得調甜度，預左會偏甜，整體都ok~奇異博士愛草莓 同 愛情動作草莓牛奶 ，味道不過不失，口感較差，仍然食到冰粒。藍天綠草加白白的 （藍莓/草莓/優酪乳）當時唔知系咩黎，落單時，叫少冰，收銀員都好好禮貌解釋產品內容，無得走甜度冰量，因為系沙冰系列。諗住個名幾特別，同材料都好正常，應該唔會甘易中伏，點知中左杯白白的，除左飲到冰粒口感之外，真系可以講句‘淡而無味’ 少少優酪乳既味都飲唔出，整杯野都好水。似飲緊一杯有顏色既沙冰水。抺茶加火龍果珍珠 呢杯系甘多杯 最難飲果杯。朋友一開始想試下味，先飲底部既火龍果珍珠，覺得有d淡，之後試下頂部既抺茶味道，點知勁苦澀，之後即刻攪勻，點知都系好苦，朋友飲完第一啖之後，忍唔住講左句：呢杯野苦過DeeDee。經過一輪試飲，最後各人飲左一啖，朋友都話無眼睇，整杯棄掉。結論：相比近期其他幾間過江龍，呢間可以話系最最最最難飲既一間。…查看更多

有朋友話發現深水埗有間甜品店幾好，所以專程黎試下。店舖細細，容納既人唔多。朋友話焦糖布甸椰皇子必食。同男朋友每人叫左一款甜品（龍顏大怒）有龍眼/西米/雪糕一個唔中意食甜品既人，居然同我講好好食，下次再黎過我就試焦糖布甸椰皇子(暖)，未試過這類甜品。平時食開椰皇里面都系燉奶，今次覺得好特別，里面系用椰子水整出黎，好甜，好好味服務態度都好好…查看更多