ourfoodmap100's Profile

已經幾年無去韓國，除左最掛住幾個女仔瘋狂 shopping 👗👠🛍💄， 通宵行東大門之外，其次就係韓國菜🥣😋 今次黎到黃大仙新開的韓國餐廳，價錢抵食之餘，裝修風格仲好韓，推介大家可以去試下👍🏻 🧀🐥三兄弟無骨雞球芝士鍋（咖哩，蜂蜜柚子，蜜糖芥末） $238賣相非常吸引，顏色夠鮮豔，半溶拉絲芝士係精華所在，絕對啱哂打卡！配搭三款調味，我地一致同意咖哩粉最正，加埋芝士有一點微微的甜味，出奇地夾 😆 牛肉雜菜手卷  $62本身想試芝士軟殼蟹手卷，但男友怕會太 heavy ，最後都係揀番牛肉雜菜手卷。又幾好，幾款雜菜都新鮮，食落味道清新 🥬🥒 🦑即燒原條魷魚皇   $88 名副其實巨型，大過我隻手 🖐🏻，先原條燒，再加上照燒汁，入口有嚼勁，魷魚味美，值得一試。 3.6 牛乳 400次咖啡   $28曾經紅極一時的400次咖啡，奶泡呈乳霜狀，綿密有光澤，非常療癒人心 🥰 百香果桂花烏龍   $22百香果清甜，桂花烏龍帶有獨特幽香的花茶味道，夏日消暑之選 🍹…Read More

近排工作忙，做左全日野無停過，放工梗係想 chill 下 😆Cabana Breeze 淨係聽餐廳名已經充滿渡假感，室外座位好受歡迎，適合三五知己飲杯野傾下計。 🐙烤八爪魚沙律  $138一見到烤八爪魚我就知必點！原隻粗壯八爪魚腳奉上🐙 ， 新鮮彈牙，配上蕃茄沙律，口感非常清新的一道前菜。 🐷廚師精選燒乳豬  $318和平時食開的中式燒乳豬唔同， Cabana Breeze 的燒乳豬皮唔乾，維持著彈牙口感，微脆，肉嫩。而我最欣賞嫩滑乳豬肉中帶有香草味，中和肉食的油膩，更加添一份清新感覺 😁 🍕 Al Fungi Pizza  $168Al Fungi Pizza 由松露油，蘑菇和馬蘇拉芝士整成。松露味較輕盈，淡淡的，唔算非常香。餐廳落芝士絕不手軟🧀，每一口都做到拉絲，非常適合芝士控 😂 🥃Aperol   $69第一次試，是意大利開胃酒，帶有柑橘和植物香氣。入口柔順，偏甜，可以另加氣泡水🥃 🍹Exotic Breeze  $72名符其實 Exotic ， 充滿海島渡假風的飲品🏝 由熱情果，芒果，菠羅，香蕉加 Lemonade 調配而成。顏色鮮艷明亮，橙橙黃黃，帶出愉快渡假，充滿朝氣的感覺 🏖…Read More

早前到銅鑼灣 Parklane 酒店 Staycation ， 套票第一餐是位於酒店27樓的法國餐廳 SKYE weekend brunch。 SKYE 景觀開揚，裝修時尚，富空間感。雖然當日多雲，居高臨下仍能飽覽廣闊的維園和維多利亞港，美景盡入眼簾。 Brunch 有超過10款頭盤和7款主菜選擇，種類繁多，部份需額外付費。 頭盤：香煎鴨肝·蘑菇  配脆小麥松露楓糖火箭菜沙律煎鴨肝油香十足，外脆內軟，齒頰留香，配合微甜楓糖沙律，中和油膩感，很出色的一道頭盤。 炭烤西班牙黑毛豬梅頭肉  配黑芝麻醬 龍眼果醬 黑洋蔥粉喜歡試新菜，好奇的我中伏了。賣相不討好之餘，味道也很奇怪。用以調味的黑洋蔥粉末，黑芝麻醬和龍眼果醬都缺乏應有的味道，互相唔夾，很詭異🤣🤣 主菜:炭烤澳洲牛肉西冷·黑松露蓉 配椰菜仔 嫩洋蔥 格仔薯餅 雞肉油醋汁 （另加$50）兩件厚切牛西冷，5成熟剛剛恰到好處，最欣賞有幾款芥末可供選擇，滿足心多多的我。 油封八角香茅豬腩  配黑蒜薯仔慕絲 蘋果西蘭花蓉 法式芥末有驚喜，皮脆，肥瘦層次分明，連平時好怕食肥膏的我也可以接受。味道不太濃，反而多出一份八角香茅香料味，可平衡油膩感。 甜品:法式甜品車來法國餐廳，最重要當然是甜品環節，職員推出甜品車，有接近10款甜點可以揀，滿足甜品胃。多心的我揀左8件🤣 最喜歡檸檬撻和芒果慕絲，酸酸甜甜，唔會覺得漏。 士多啤梨牛油餅 士多啤梨清酒雪葩 配忌廉士多啤梨 士多啤梨茴香啫喱 意大利甜醋除左甜品車，仲有士多啤梨甜點x3 🥰 士多啤梨清酒雪葩最好食，清新 refreshing，完美結束整餐。…Read More

跟朋友來到這家純素生酮蛋糕店朝聖，每款蛋糕，餐具都可以媲美藝術品，相信每個女仔都一定會影到唔停😆 French Lavender Earl Grey $88Earl Grey 係我最愛，所有 Earl Grey 味道的食物我都會嘗試。下層伯爵蛋糕味道清新，幸好上層的薰衣草沒有可怕的 handcream 味😂 蛋糕濕潤，無一般蛋糕的幼滑，口感反而係一粒粒，幾特別。 Keto Red Forest $88由朱古力x雜莓組成的黑森林蛋糕，酸酸甜甜的紅桑子醬和乳酪，可以中和朱古力的甜味，整體配搭口錯。 Iced Cappuccino  $34蛋糕配咖啡可以解膩，咖啡香滑。 Iced Matcha Chessy  $58奶蓋唔夠芝士味，綠茶好苦，係不尋常的苦味，可能店員太重手，過份足料😆…Read More

法國人氣麵包店 Gontran Cherrier 2年前於 K11 Musea 開設香港第一家分店，開店初期大排長龍，早前平日下午5:00左右經過，完全唔使排，一於決定買夠4款唔同口味試下！ Passion Fruit Cloud Croissant4款中最欣賞，本身非常喜歡熱情果的酸酸甜甜，呢款熱情果 Cream 夠哂滑，又大方🤗，但牛角包外層仍然酥脆鬆化，唔會過濕，每一啖都食到熱情果 Cream。 Green Tea Almond Croissant上層綠茶杏仁皮甜左少少，再加上牛角包內有杏仁餡，成件事對我來講 over 左，適合愛甜的螞蟻們😆 Green Tea Croissant身為綠茶控表示失望，綠茶味太淡，唔突出。 Classic Croissant放耐一陣就淋哂 ...... 要再焗熱先好食。原味牛角食到淡淡的牛油香，有層次感。…Read More

我很喜歡吃 Crepe ！！ 😊 以前試過一個人在英國時，經常自己去餐廳食兩個 Crepe，一鹹一甜，再加一杯咖啡😆 Café Crêpe 來自加拿大，除左Crepe，仲有意粉，漢堡，三文治其他主食。今次我地一心想食  Crepe ，就叫左一鹹一甜黎試下。 · 黑松露香煎帶子可麗餅  $155餅皮皮薄煙韌，切開後滿滿的芝士白汁帶子蘑菇湧出來，好滿足。再加上被黑松露香氣包圍，是溫暖幸福的感覺 🥰 · 原創甜味可麗餅配草莓醬  $49  加雪糕 $29原創甜味有4種醬料選擇，包括Lemon Sugar, Sugar Butter, Cinnamon Sugar 和 Strawberry Jam，一向認為最簡單的原味可麗餅最能食出餐廳水準，草莓醬配雪糕是最基本，又無得輸的配搭。 · 翡翠冰冰樂  $58抹茶沙冰加上黑朱古力，盛夏透心涼！ · 綠茶奶昔  $68抹茶味濃，帶微甘苦澀味，真材實料，奶味順滑，好 creamy。…Read More

成為當日第一位客人來到 Barista Caffè，入內已聞到香濃的咖啡味。選擇靠窗位置，溫暖的陽光透入室內，餐廳播上張國榮的歌，加上咖啡機運作聲音，我呆望著木窗框和百葉簾的一刻，有剎那時光倒流的錯覺🕰。餐廳有來自世界各地的精品咖啡供應，雖然我不是咖啡專家，但聽到職員細心，有耐性地向客人介紹每一款的特色，相信各位精品咖啡愛好者一定好滿足。 🥯🍳🥓🍅🥗All Day Breakfest  $88而家好多地方食 all day breakfest 已經超過$1xx，呢度 $88 有 10 款食物，仲要每一款都好食，可以話係良心價！其中最深印象是炒蘑菇和蕃茄，前者微微焦糖化，後者鮮甜多汁，黑椒和香草有畫龍點睛的提味作用。 ☕Iced Earl Grey Mocha  $48發現有我最愛的 Earl Grey ，當然要一試。Mocha 唔會太甜，好順口，但建議 Earl Grey 要重手 d ， 因為朱古力味重，導致茶味不夠特出。…Read More

早排落雨濕濕，天氣又涼涼地，最適合來一碗熱騰騰的台灣牛肉麵😁 餐廳位於商場靠邊走廊，平日晚上也要等位，亦好多人等外賣。 紅燒腱心牛肉麵配珍珠奶茶  $75可自選湯底：紅燒牛肉湯 / 養生清燉牛肉湯 / 清雞湯 / 特濃蕃茄湯 +$4 / 麻辣牛肉湯 +$4可自選麵條：台灣麵 / 米線 紅燒牛肉湯清甜濃郁，微辣惹味，亦不肥膩。食牛肉麵我最期待牛𖟌，今次叫腱心牛肉麵為全牛𖟌，總共有6片，炆到好腍又入味，中間透明部份充滿骨膠原蛋白，最適合貪靚為食又怕肥的女仔 😆 麵條可選台灣麵，有嚼勁，唔會索湯變淋，整體黎講我好滿意。 珍珠奶茶茶底香濃，順口好飲，惟獨珍珠應該放耐左，幾粒幾粒痴埋一齊，要扣分。…Read More

迷你天丼＆稻庭烏冬（冷）  $118外面天氣熱辣辣，吃冷烏冬是常識吧！迷你天丼內有茹菌，海老🍤，南瓜🎃，海苔，碗豆和溫泉蛋🥚，天婦羅漿份量恰到好處，酥脆的黃金外層，吃起來卻沒有油膩感。當中尤其天婦羅菇和溫泉蛋最出色，濃稠的流心蛋黃配以秘製醬汁，連不愛白飯的我也全碗吃光光。 🧊冷烏冬滑溜冰涼，連芥辣加入湯汁中一起吃，增添一份刺激感😆…Read More

🥇Doraya 豪華丼定食  $298 叫得豪華丼，當然最豐富啦！𕚃面有齊藍鯨吞拿魚大腩+赤身+吞拿魚腩蓉+吞拿魚扒+牡丹蝦+蟹膏。揀豪華丼主要希望除左吞拿魚外，可以享受埋牡丹蝦同蟹膏，牡丹蝦好巨型，蟹膏新鮮，完全無腥味，而且份量絕對唔姑寒👍🏻 🥇藍鯨吞拿魚四式丼定食  $228 主攻吞拿魚，有大腩+赤身+炙燒大腩+腩蓉。 個人推介必食！性價比高！ 大腩，赤身，炙燒大腩全部厚切，各3片，大腩鮮甜肥美，入口即溶。最驚喜是赤身，通常赤身脂肪最少，有時仲會有筋。但 Doraya 的赤身完全無筋，口感滑溜，甚至有食緊腩位的錯覺。牛燒肉丼定食   $158 牛丼份量足夠，米飯面上有滿滿的牛肉，和焦糖洋蔥是絕配🧅 海膽山盛版40g  $214 海膽是半板份量，賣相麻麻地但食落唔錯！鮮甜無怪味，附上的紫菜可以包醋飯，自製迷你海膽卷，好幸福 😊 🐥Doraya 秘製炸雞5件   $54 炸雞是 Doraya 另一必食名物，即叫即炸，外脆內 juicy，不油膩。點埋檸檬汁🍋和日式沙律醬，多一份清新和罪惡，推介大家一試 😄 和風焙煎醬冷豆腐   $46 冷豆腐是日本傳統食物之一，細膩綿滑，附上胡麻醬更添一份日式風味，食落清爽，簡單又健康。 🐙八爪魚芥辣漬   $38 日本版白飯神偷！芥辣唔會太嗆，但整體較重口味，配飯食👍🏻 燒玉子  $25 Menu 內無，但問職員可以特製。味道唔錯，但一口size份量太少。 🍺威士忌梳打  $48 🍺Suntory生啤   $58…Read More

對於熱愛和牛，又深愛海膽的我，298 Nikuya Room 的海膽和牛丼是命定 combo 🏆午市 set lunch 有超過10款選擇，包括燒肉，壽喜燒，韓式石鍋飯，冷麵等。但我目標為本，情傾海膽和牛丼🤭海膽和牛丼套餐  $360製作需時20分鐘，但絕對值得等待。餐廳環境舒適寬敞，用餐檯面寬闊。海膽和牛丼絕不馬虎，賣相精緻，和牛分2款，包括炙燒和牛及和牛他他。海膽鮮甜，和牛他他幾乎入口即化，炙燒和牛更微微添上一份肉香。記得把溫泉蛋攪拌均勻放入飯中，更增添滑溜👍🏻👍🏻👍🏻…Read More

3 Course Set Lunch $278，可以另加前菜 Starters:🍅Soup of the day （Tomato soup）真材實料有驚喜！飲落似食原個蕃茄加香草調味，味道偏酸，正👍🏻 Clams Bulhão Pato每隻蜆都肥美鮮甜，配合蒜蓉，橄欖油和檸檬汁，更為蜆肉提味。 🐙Garlic Octopus必食！ 一上枱仲沸騰緊，即刻拍低😆 八爪魚煙煙韌韌，蒜片炒香後加埋橄欖油好惹味，水準一定拍得住以前去葡萄牙旅遊時食過的。Mains:🐷Slow Roasted Suckling Pig葡國烤乳豬係我地其中一個選食葡國菜的原因，但這道菜中規中矩而已。乳豬皮又薄又脆，接近港式春卷的口感，肉嫩，但味道單薄淡口。旁邊的油飯份量少，而且凍左，令全道菜失色。🐥Local Organic Piri-Piri Chicken  +$50見 Limited ，又要另加$50 ，就決定試下有咩特別，結果都係一般，唔值要加錢。雞脾肉嫩滑，雞胸偏鞋，但份量都係太細，幾啖已經食完。但要讚配菜烤薯仔，好好食，外脆內淋，暫時係我食過最好食的烤薯。Deserts:🍰Portuguese Biscuit Cake with Vanilla Ice-cream其實係朱古力蛋糕，應該有加 Nutella 醬。我地在OP在訂座時揀用餐原因是生日，餐廳主動寫上 Happy Birthday，好貼心😊Egg Pudding with Vanilla Ice-cream見到 Egg Pudding 個名幾得意，就決定試下。結果有驚喜，唔會太甜，恰到好處。口感似港式西米布甸，充滿雞蛋香味，幾特別，推介大家試下。…Read More

香港人出名做嘢高效率，食嘢也追求「快，靚，正」，所以茶餐廳已成了香港標準陀地飲食文化之一，也影響了改變了很多華人地區餐飯文化。 打工仔為錢幣做奴隸，難得中午食個 Lunch，當然首選「快，靚，正」的茶餐廳。  這兩年的疫情影響了各行各業，經營餐飲業更是一個 Mission Impossoble。公子茶座位於人來人往的九龍灣住宅區，開業約半年。店主把舊老店翻新，在新時代的洗禮下，變革成新派冰室；既保留原有的懷舊色彩，亦承傳了獅子山精神，添了一份年輕活力。🥇招牌生煎肉餅飯  $58果然係生招牌！蒸肉餅由細食到大，而煎肉餅都係第一次食。肉餅厚切，成隻手掌咁大 🤚🏻煎香兩邊仍然保留 juicy 肉汁，食落不肥膩。加埋甜豉油，送飯一流，外出打拚，少住家飯，一定會想念那份親切媽媽的味道 👍🏻👍🏻👍🏻  滑蛋牛肉蝦仁飯  $58賣相好得！！一次滿足哂你三個願望，滑蛋嫩滑，蝦仁爽口，惟獨牛肉少少韌。甜豉油汁調味適中，配合蔥花提味，濕濕地好適合撈飯，另一香港地道美食 😁  香脆奶油豬  跟餐+$16我係好鐘意食奶油豬架 😆 即叫即製，外面烘脆，加埋牛油和煉奶，好香甜又邪惡😈 不過好肥，間唔中過下癮就好，少食多滋味 😊紅豆椰汁刨冰  跟餐+$10凍奶茶呢排日日都30幾度，餐廳另一名物是紅豆椰汁刨冰，冰柱造型有助保持溫度，但椰汁味偏淡，建議可以重手多少少 🤏🏻凍奶茶茶味濃，有水準 ！…Read More

成日見大家洗版，去韓國街食芝士熔岩炒飯，身為芝士控的我好羨慕😍😍 睇左咁耐，終於到我食到喇 ✌🏻 🧀🧀🧀秘製章魚蛋漿熔岩炒飯  $198餐廳必食名物，店員會先在炒飯外圍加入蛋漿，再於飯面上鋪上大量芝士，然後準備定影相吧 😆準備好後，店員會用火槍快速加熱芝士至半融狀態，待蛋漿半熟後，再把芝士，蛋漿和炒飯融為一體 ，表演瘋狂拉絲！！至於味道方面，大家一定要趁熱食！炒飯內有滿滿的泡菜，味道濃郁，由於加入大量芝士的關係，口感軟糯，會令人忍唔住一口接一口 😆🐥甜辣無骨炸雞  $208/半份非常正！韓國炸雞我最愛甜辣味，醬汁好開胃，有薯條墊底增加飽足感，半份已經足夠2-3人 share !三色韓國煎餅  $140泡菜煎餅，蔥煎餅，南瓜煎餅一份試哂 3 款口味，每款 3 小塊！原味泡菜煎餅最好食，微辣夠惹味。惟獨南瓜煎餅粉厚，味道無問題但口感麻麻地 😅…Read More

早前到灣仔 The Hari staycation，由於有dining credit，所以晚餐選擇位於酒店的意大利餐廳 Lucciola Restaurant & Bar 。題外話，酒店所有職員服務都非常好，態度主動又親切，完全是5星級水平服務，真心  impressing。 前菜：Insalata di Spinaci Novelli, Pecorino e Noci  $158由各款新鮮沙律菜組成的沙律，配上鵪鶉蛋和蜜糖意大利黑醋，酸酸甜甜好開胃。主菜：Orata di Orbetello in Crosta di Sale  $528第一次嘗試意大利鹽殼烤鱸魚，海鱸被硬鹽殼包裹，再慢火烘烤，目的是要把肉汁鎖住，保持鮮嫩口感。職員待我們拍照後用木槌敲鹽殼，魚肉白皙嫩滑，Rosemary 和 Amalfi Lemon 香氣撲鼻，十分高質素的一道主菜👍🏻 I Tonnarelli Cacio e Pepe  $228材料非常簡單，自家製意粉配黑椒和羊奶芝士。但往往越簡單，越能顯出廚師的功力。意粉 al dente ，有嚼勁，芝士咸香加上微辛的黑椒，這道意粉在我心目中名列3甲🏆…Read More