bigmilk19's Profile

銅鑼灣日式系班cake 今日難得準時收工所以打算同另一半去銅鑼灣搵發掘一下美食，去到百德新街果頭，當然就要搵一d坐得舒服即餐廳。行行下見到有一問日式風格既pancake 店即時心心眼就入左去。間野叫Pancake Senmon ，一打開個餐牌都有好多選擇，甜既咸既，凍同熱食都有，認真唔錯。經店員介紹之黎我地決定食甜食。我叫左個Mont blanc pancake, 淨係topping 都有四種口味，pancake 底都有三種味，雪糕更加有6種❤️種種都想試最後選左紫薯口味 加朱古力pancake 配士多啤梨雪糕。另一半就食焦糖燉蛋班戟。我地仲叫左抹茶同焙茶富士山。嘩間野好有效率，落左單一陣就有得食😎個pancake 松松軟軟幾好，紫薯個量夠多唔太甜加埋個雪糕甜度剛好，份量夠晒大。 燉蛋班戟依個配搭都唔錯，燉蛋真係好正夠滑。兩杯飲品各有特色，焙茶味有種淡淡烘烤的味道，抹茶個奶蓋夠厚。 基本上2個甜品加飲品夠晒飽🙂依間野裝修好靚好舒服😎野食影得又食得，推薦比中意影相同食甜品既朋友仔。價錢黎講算ok😎雖然今次淨係食甜野但餐牌上仲有好多輕食系列，下次應該會黎食咸食😎…Read More

女朋友帶我去元朗食潮州菜，入到去感覺同平時食潮州菜嘅食店不一樣，無凍蟹、無鵝肉，無潮式拼盤，無蠔餅既？但係食完就算冇以上嘅菜式，你都會覺得好好食。環境來講就係一間普通嘅小店啊，冇裝修，行過都唔太起眼，但係食嘢嘅位置可以看到廚房，可以見到廚房乾淨衛生，員工工作都好整潔。蠔仔粥我哋每人叫咗一碗蠔仔粥，蠔仔好多，味美蒜蓉粉絲蒸開邊海蝦蝦肉新鮮爽口，比想像中好食隻數又不少豬肉炒菜心（晚餐套餐）無諗到見佢無乜特別既樣，食落都好好味，味道剛剛好芒果海石花凍又係無諗到咁好食，真係一定要試埋…Read More

灣仔冰室x火鍋,尚上夏下今日放工去完北角攞嘢，見天氣轉涼，好想打邊爐，但又唔想去傳統嘅酒樓或者火鍋店打邊爐就諗起之前有個同事介紹喺灣仔有一間幾特別既雞煲火鍋，個名都幾容易記，叫上尚夏下，所以一諗到想打邊爐就記得同事介紹過依一間野！諗到食咩就即刻搭叮叮過去，去到見到間野都真係同傳統嘅雞煲店或者火鍋店好唔同！呢間仲Crossover咗港式冰室，所以就算同枱有朋友唔想打邊爐，佢都可以嗌其他港式嘢食，諗得好周到！我哋入到去嘅時候，大約7:30，裏面都已經開始有人喺度食緊雞煲，打緊邊爐，座位都幾闊落，打邊爐完全夠位唔覺得迫，張枱仲可以擺到好多嘢食！入到去當然第一時間就睇下個Menu啦，價錢都唔算貴， $188都已經可以食到安格斯牛肉喇，如果唔食牛，仲可以揀羊肉或者豚肉，都係幾十蚊一碟。話明係雞煲火鍋，我當然一開始就揀咗半份雞煲，啲雞仲可以揀兩個唔同嘅部位，咁我就揀咗雞胸同埋雞髀肉。因為朋友唔食得辣所以就叫左個唔辣嘅雞煲，另外火鍋湯底就揀咗瑤柱群翅雞湯。等咗冇幾耐，個雞煲就上咗啦，裏面啲雞肉份量好多本身已經煮熟咗，可以即刻食！嘩真係估唔到佢啲雞胸係咁滑完全唔鞋口，雞脾當然更嫩口啦！大快朵頤之後就加$20換左做火鍋湯底繼續打邊爐！真係一餐飯兩種美食，認真過癮！ 除咗羊肉同豚肉之外，我哋都揀咗三色滑，脆肉鯇魚腩，炸魚皮同埋四川苕粉。個羊肉係厚切食落好有口感，唔會太騷！ 豚肉食起嚟都好新鮮！三色滑係純人手手打好足料！個四川粉食落滑嘟嘟，有少少似薯粉，但比較滑身！ 魚皮炸得都好脆，落湯浸幾秒仲有啲脆口！今次兩個人食野買單，大約七百幾蚊已經連埋+1我哋仲帶咗兩支可樂，其實個價錢都幾抵，抵過食任食火鍋，但係啲材料就新鮮好多，仲可以一次過食埋雞煲同埋火鍋…Read More

今日出旺角睇電影，睇完岩岩好肚仔餓，突然勁想食沾麵就即刻諗起係上次行經尖沙咀厚福街見到既元祖沾麵，所以即刻拉朋友仔同我捨車去食，雖然要搭地鐵但間野位置都好方便。一到個門口見到咁多款沾麵個肚仔即刻咕咕聲，估唔到門面細細入到去都幾大下，以為下午茶時段會無咩人拉點知都坐得幾滿下。睇下個餐牌個個餐都好似好吸引，真係樣樣都想試，最後我地一人點左一款沾麵，極上芝士蟹皇沾麵同特製八代海赤海老沾麵等左一陣碗麵終於到喇，個湯底用石鍋上，熱騰騰加埋大大碗嘅沾麵真係份量好足。極上芝士蟹皇沾麵： 個湯易好正唔會太咸，濃湯裏面唔單止有好多豚肉，另外仲有大大嚿嘅龍蝦肉真係好正！除左湯料之外，碗麵本身都有叉燒肉，筍，糖心蛋真係最岩中意食肉的人。個餐仲有芝士焗蟹蓋同勁多蟹子，真係好足料。特製八代海赤海老沾麵：個濃湯比較咸，但撈埋d麵又即刻覺得無咁岩，仲有種蝦既鮮味，同極上芝士蟹皇沾麵一樣湯料十足本身仲想點其他小食但係個沾麵真係太大碗，食完都好飽，所以惟有下次先食。真心推薦如果想食沾麵既朋友仔可以試下，性格比份量十足的沾麵…Read More

天陰陰雨濛濛的日子不想去買餸同煮飯，去買個方便既外賣就算。在屋苑附近有間性價比高的日式外賣店，久不久會來刺身或壽司拎回家吃雅都花園地下地舖御品千之味的壽司店點左以下食品（兩個人份量）三文魚壽司 2件  19元 不錯腐皮壽司2件  12元吞拿魚（赤身）壽司 2件 40元 食完下次一定再叫油甘魚壽司2件 35元 新鮮好味吞拿魚沙侓軍鑑 2件 15元芥辣八爪魚軍鑑 2件 22元加州反卷（4件 ）38元三文魚海膽卷（4件）71元  海膽足料夠鮮味軟殻蟹反卷（4件）48元 蟹脆香口…Read More

Bloop Shisha Lounge通晒關之後，蘭桂芳都多左好多人，周圍d bar勁full！行過見到有個鯊魚仔相既廣告牌仔，就跟住上21樓闖下，試下d蘭桂芳既樓上吧。呢個Bloop Shisha Lounge無乜女𥄫，不過都算幾好坐，啱晒同朋友飲酒傾計。佢有室內同室外嘅位置。室內有個大魚缸！可以近距離睇到住魚樂無窮，望住鯊魚仔同魚游嚟游去，幾過癮！室外就可以高眺附近夜景，靜靜地吹下微風，chill爆。仲未食飯，於是叫左個margherita pizza同馬沙文咖哩炸軟殼蟹填填肚先。佢D野食好似都係泰式為主。pizza都幾好食，咖哩軟殼蟹幾正！咖喱好香！叫左杯白酒Mount Olympus -Marlborough (Sauvignon Blanc)幾好飲,微酸帶甜,果香濃。再叫個PopCorn chicken送下酒，熱辣辣啖啖肉！估佢唔到都幾多！呢度仲有甜品食，試下個芒果糯米飯又幾好味喎。…Read More

放工約同事食個晚飯，係附近新開左間日本昭和風咖啡店裝修同佈置幾靚，係門口望入去見到基本上坐滿晒人一行三人一入去就安排沿大圓柱坐入去榻榻米位，完全與世隔絕的感覺，想靜靜地坐下傾下計真係好合適原先想點紫菜蕃條，但落單時話當晚無做，就轉左紫薯可樂餅 $ 68紫薯可樂餅有兩大件，外脆內紫薯熱辣辣，食唔出可樂味，點沙律醬就更好味！！ 壽喜燒汁慢煮牛柳 $ 198牛柳肉嫩配上醬油蛋，美味可口秘制蒲燒鰻魚 $ 178日式野菌豚肉卷 $ 158整間食店裝潢都幾舒服，坐入榻榻米就無再出去拍照打卡影相幾值得推介，食物份量就比較輕量，適合女士聚餐…Read More

六點試找間食店落腳食晚飯行經太子這間食店門外人頭湧湧但坐位很有限，坐得密密麻麻獨食就剛好有個獨家村位基本上入黎都一定點餃子食，一定要跟風啦點左韭菜鮮菜餃10隻香煎豆腐1碟及凍豆漿香煎豆腐，上面加左少少胡椒粉及蔥豆腐外煎內軟，入口即溶，每啖滑入喉嚨有非常香口的味道，再有胡椒的少少辣味，個味都真係得呢間至有韭菜鮮菜餃，湯好熱同清甜好飲，十隻餃子幾多要慢慢食，餃子大皮薄餡多料68 元食左好多又好味，勁抵！ 有機會再黎…Read More

入上水找朋友食餐晚飯，陪我過生日佢話有間西餐廳都唔錯同成日都好多人幫襯就約去食啦，你上水廣場行過去要大約10分鐘左右餐廳名Better Ole 都真係見到唔少人企係度等緊，好彩朋友已訂位 英式餐廳，有好多部電視播緊足球比賽，當晚無直播有就肯無位了職員服務態度殷勤，只要見到你都一定回應，只係有少許人手不足檯與檯相隔密度都算還可以點餐美國肉眼扒＄１７９原隻燒春雞＄１４９跟餐加焗酥龍蝦湯加＠＄２９個皮好脆，龍蝦湯好香濃美國肉眼扒跟鐵板上要七成熟熟透程度剛好，肉質夠厚亦夠淋，個燒汁都唔錯原隻燒春雞隻雞都幾大隻，個皮脆好香肉質鮮嫰，都好多肉，正！最後上埋蛋糕（自己買）加埋生日歌~完美😍😍😍…Read More

金鶴拉麵有四間分店分店係佐敦、土瓜灣、中環、天后見到間間評價都好高分今日經過其中一間土瓜灣分店 試試佢因為光顧時間較早，食客少，上子一層找了個角位坐下點了個“日式雞白湯拉麵” 有兩片慢煮雞胸肉要落湯浸熱後食，肉質爽彈唔會"鞋“有即炸牛蒡係面好脆口糖心蛋香滑好味拉麵軟硬恰度好處湯底雞湯味夠，撲鼻的雞湯，唔會油唔會重口味總體而言都好味…Read More

微辣是自媒體娛樂公司，是澳門本地的創意綜合娛樂品牌，主力拍搞笑題材，香港大部份年青人都會睇過借住個勢係香港開左食店，入完裝修氣氛玩味夠濃，影相打咭好一流，真係十二張相都唔夠放點餐就叫左紅燒沙田友乳鴿$58 X2個造型好驚喜，係差在隻鴿原隻上要自己剪開不過隻鴿幾好食， 皮脆肉爽又香，有D估唔到🤤Yelo 咖喱大雜燴$88有豬皮、魚旦、蘿蔔、魷魚，唔算辣都OK四色搞搞震（四色豬肉餃子 8隻)$58懷舊蟹膏蝦多士$98炸得好香脆，仲跟埋蟹膏一齊食，幾好味😉味滑雞火山石煲仔飯$98好熱好香多飯焦雞肉夠滑…Read More

同朋友係荃灣做完運動，想食唔洗太飽既晚餐就揀左間食米線雖然間舖格局普普通通但個餐牌都幾利害有勁多魚揀既米線，我都係第一次見本身我對魚麻麻地，好大條嗰ｄ例外但見佢個餐牌就試試佢我揀左原條黃花魚米線個湯清清地好飲條魚多骨，食落都幾好成碗清清地感覺健康！…Read More

七月天氣熱辣辣，最好梗係去沙灘玩下沙同水黃金海岸設備幾齊全，去玩完沖身都夠晒位置用係來往交通上麻煩多少今次玩完留係黃金酒店中菜廳食埋個晚餐一行5人選左個喜粵晚宴明火豐料靚湯感覺無乜味精，清甜好飲黃金琵琶燒雞（半隻）肉質彈都算係新鮮二款小菜（陳醋黑豚豬柳，椒鹽鱈魚）陳醋黑豚豬柳個汁非常好味有少少酸度但好正，豬柳肉質有咬感椒鹽鱈魚魚肉香脆，有啖啖魚香仲有甜品（腰果酥、棗皇糕、生磨杏仁茶）＄１２８８杏仁茶好香杏仁味，唔會太甜，飲完感覺好舒服！…Read More

🍑🍑🍑等左好多個月桃味季節限定又再推出好掛住你個🍑味甜度適中，見到杯中有一粒粒碎左既桃肉，真係想即時啜你一啖🤩🤩🤩一推出就會每次行過輕時光都會買杯黎飲真係無得輸👍🏻👍🏻…Read More

今日難得經過新墟要搵間坐低食下野閨家新開張時有見過勁多人等位入到去好大隻字“見字飲湯”，即係對自己出既湯好有信心落單可以用QＲｃｏｄｅ　或者搵職員幫手都可以叫左個香煎蓮藕餅豬扒飯🐽要少汁少蔥油跟老火湯（小）湯無味精都算甜，唔錯主角係蓮藕餅度，唔會太咸有咬口感都幾彈喎，又唔會煎到過左火喉街坊價，味道算高質，仲有好多食品選擇閨家 現有三間分店📍屯門龍門路45號富健花園地下40號舖📍屯門河傍街148號美基樓地下A號鋪📍深水埗欽州街37號西九龍中心3樓319號鋪…Read More